الوسم: الشتني

طريقة عمل الشتني….

ضـــروري اللي تعرف تكتبي الطريقه………….

هلا اختي انا بقولج طريقتي
المقادير 2 طماطم
وفلفل الصراحه انا احط كميع لاني احبه حار
وكم ورقه كزبره
بصله
ثوم خمس حبات
ومكعب دجاج
نفرم الكونات فرما خشنا ونحط الزيت على النار ونضع الخليط ثم نضع مكب الدجاج والملح ونخليه على النار لين ما ينشف على النار وبعدين حطيه في صحن بلاستيك محكم الاغلاق وبصحه وعافيه اتمنى طريقتي تعجبج

اختي العزيزه حطي في الخلاط طماطم الكميه الي تبقي مثلا حبتان كبار فلفل حار ثوم ملح كزبره نطحنهممع بعض وبالهناء والشفاء كل المقادير حسب الرغبه

طريقتي في الخلاط احط حبتين طماط وحبتين فلفل اشوية كزبره واشوية نعناع وملح ولو تحبين عصرة ليمون يم يم لذيذ شهيتي بجر بسوي علي الغداء

الي

نعنآع كآمل بدرهم
شلي الغصن ماله وخلي الورقه ماله
2- همبة اخضر يابس
3- نآريل الي فيه مآي ,, قصي الابيض الي داخله ويآه
4- فلفل اخضر على حسب الي تبينه حار او بآرد
واحطي شويه ملح ومآي واخلطيه في الخلآطة
وواستوى الجتني

طريقتي انا …

جزر مبشور + ناريل + فلفل أخضر حار + خل وملح

اتحطينهم كلهم في الخلاط بس مش خلاط العصير لأ الثاني مال التقطيع وتفرمينهم ويا بعض وبالعااافية

كزبر(2 ) كآمل بدرهم
2- همبة اخضر يابس
3- حبه ثوم
4- فلفل اخضر على حسب الي تبينه حار او بآرد
واحطي شويه ملح ومآي واخلطيه في الخلآطة
وواستوى الجتني

السلام عليكم ورحمة الله وبركاته

مره اتغديا بمطعم يمني كلينا مندي وكان وياه شتني الصراحه رهيب

وايد عيبني وخاطري اعرف طريقته ؟؟؟

اترياكم

هلا حبوبه

انا جارتي يمنيه وايدا تسوي الشتني حلوووووووو مالها

طريقته سهله جداً 6 حبات فلفل حار 2 حبه طماط ملح شوية ثوم وخلطيه في الخلاط وقدميه مع العيش

وصحه وعافيه وكل عام وانتي بخير

طريقتي مثل أخواتي إلي ردو عليج

أأنا أسوي خلطه رهيبه صلصه
الطريقة
3فلفل أخضر حسب الرغبة +1راس بصل +4فصوص ثوم +2فنجان زيت الزيتون +عصير ليمون كوب +ربطة بقدونس +ربطة كزبره +ملح شوي وكله تحطينه في الخلاط
وقدميها مع الرز والسمك أوالحم
وإن شاء الله تعجبكم

مشكورين خواتي

ما قصرتوو والله …

بياض الويه …

انردها لكم بالافراح

انا الصلصة عندي تختلف اشوي الطماطم تهرسينة وبعدين تحطينه في الخلاط مع الكزبرة والثوم وشوي ملح وليمون

خواتييييييييييييييي انا بعد ابا اعرف كيف انسوي الجتنييييييييييييي

بسسسسس الابيض مب اللي فيه طمااااااااااااااااااااااط كيف ؟؟؟

يكون لونه ابيض وفيه شي صغار لونه اخضر ياكزبره او بقدونس ماعرف

السلا م عليكم ورحمه الله وبركاته

الى تعرف طريقه (الشتنى ) تقول لي

لان ريلي طالبنها ونا ماعرف اسويها :22 (13):
لو سمحتو تساعدوني….

انا مو متاكده من الاسم….:1 (7):

الغاليه حصلتلج هذي الوصفه

وإن شاء الله تكون هي المطلوبه ..

اتفضلي

عمل الشتني

ببسباس مع الجبن الثوم والملح والليمون

الطريقـــــة : –

يقطع البصل ارباع ثم يقلى في الزيت ويوضع عليها الشيبة مع
التحريك ليصبح بني غامق اللون ويدق ويترك جانبا ثم بعد ذلك يقطع
السمك الى قطع متساوية ويغسل جيداً

اخلطي جميع البهارات الناعمة مع الثوم والملح لتبهير السمك جيداً
ثم بعد ذلك ضعي في القدر نصف ماء ثم بعد ذلك ضعي القدر على النار
وضعي بداخله البهارات الكبيرة ثم البصل المدقوق ثم السمك المبهر
يترك السمك على النار يسلق لمدة نصف ساعة

ثم يخرج السمك من المرق يصفى بالمصفاة ثم يغسل القدر جيداً
ثم يعاد المرق على النار فيه ووضع الارز الى ان ينضج .
و بالهنا والعافية

وهذي وصفه ثانيه .. لأني ماعرف أي وحده تقصدين فيهن (( انتي اختاري الوصفه المطلوبه ))

اتفضلي

طريقه عمل الشتني وهي عباره عن صلصه حاره يكون لونها أخضر بس رووووووووووعه مع الرز

المقادير وهي اربع حبات طماطم حسب الاشخاص والكميه خمس حبات فلفل اخضر حار وفصين ثوم وبقدونس وشود توضع جميع المقادير في الخلاط و ويكون لونها اخضر بس والله عن جد روعه يا اتصخنونه او ينأكل بارد

والسمووحه منج،،،

اختج
شيخة الحريم

مشكوره اختي شيخه الحريم وما قصرتي

انشاء الله بجرب الطريقتين

أختي اذا كان قصدج الفلفل قوليلي تراني عندي شتن فلفل عجيب

اميرية مشكوره اختي صراحه مو متاكده من قصد ريلي بس قولي لي طريقتج يمكن تكون هي المقصوده :22 (13):

يمي يمي…
تسلمين ^^

تسلم ايدج
اظني نوع من انواع الصلصلة اليمنية و يسمونها بسباس لو ما خاب ظني

روووووووعة ماشاءالله..كنت بسالج كيف يسوونه تسلمين
في مطعم يمني يسوي مندي وشتني وياه بس بعد في شي صلصة بيضة من مكوناتها الرئيسية حلبة ..ماعرف شو اسمها
اذا تعرفين كيف يسوونها خبرينا تكون مع السمك اظني

يسلموا الغاليه انا اموت عليها بس ما احبها حاره وااايد بس ياليت تحطيلنا المقادير بالضبط يعنى جم حبة طماط وجى الخ حتى لا تكون غليظه وااايد ولا خفيفه تكون اوكيه نفس مال المطاعم

تسلم ايدج

السلام عليكم

شحالكم خواتي ممكن طلب صغيروووني

ممكن طريقه حق الدقوس

من فتره لقيت وحده كانت تستفسر عن الدقوس والكل حط الوصف اللي يعرفه ويومرديت ادور الموضوع مالقيته فممكن اللي تعرف اتحطلي الطريقه

والسموحه

طــــريقــــــــة الــــدقـــــــــوس

المقادير:-

4 حبات طماطم تضرب في الخلاط مع نصف كوب ماء— 5 فصوص ثوم مفروم ناعم —

نصف علبة معجون — ملح — كمون — فلفل أحمر حار ناعم — كزبرة ناشفة ناعم —

و2 ملعقة أكل خل أبيض — و2 ملعقة أكل زيت ..

الطريقة :-

نضع الزيت في القدر ثم ضيفي علية الثوم بس يصبح اللون ذهبي ضيفي علية جميع البهارات

طبعا حسب الرغبة بس يستحسن من كل شئ نصف ملعقة صغيرة والفلفل احمر الحار حسب الرغبة

بعد ذلك ضيفي عليه المعجون مع الطماطم اذا احتاج الى ماء ضيفي عليه أو حسب ما تحبين يكون

ثقيل أو خفيف انتي تحكمى فيه .

وآسفه على الشرح الطويل .

واي الي فوق الوصف وايد معقد !!

آني ويي غلايه

جان تطرين الي ايي مع المندي فـ علب صغنونه

هاي طريقته كل يوم نسوه = )

2 طماط حمر وسط .. يفضل يكونون طريات رطبات ^.^
3 ثوم
3 فلفل أحمر .. اذا ماعندج حطي واحد فلفل اخضر عادي ^.^
ملح ..

واذا تبين تزيدين عليه من باب التغيير
تقدرين تحطين كبزره = )

ووووووخلطي

وبالعافيه مقدما

شو نحطهم بالخلاط يعني يا نسيم الليل

متابعة

مشكورات على الوصفات

مشكورات على الوصفات