اتصل الزوج..جهزي غداء انا جاي في الطريق…
صاحبة الاسلوب السحري
ياحياتي والله راحت علي نومه سهرانه اطالع جمالك وانت نايم وموسيقى شخيرك
الزوج طيب وش تبين اجيب
صاحبة الاسلوب الشرس
يوووووه مافيه راحه…توني صاحيه ماعندي الا سندويتش جبن والبيض مخلص بعد
الزوجلا بارك الله فيك وفي النت
الزوج وهو طالع من البيت
انا طالع تبون شي
صاحبة الاسلوب السحري
سلامة عمرك راح اشتاق لك وش تبي اسوي لك عشاء
الزوج امممم اجيب على طريقي جاهز
صاحبة الاسلوب الانفجاري
كل يوم طلعات وانا جالسه في البيت بين اربعة جدران
الزوج ترى مابي عشاء بتعشي مع ربعي>>>سدت نفسه
البيت بيظلم بفراقك قلبي معك ياحبي
صاحبة الاسلوب الشرس
انتداب والا متزوج مسياااار وانا ياغافلين لكم الله
الزوجايه مسيار عاجبك والا بيت اهلك تدلينه
الزوج
انتي ماخذه من جيبي الف ريال
صاحبة الاسلوب السحري
ايه ياحياتي ومن لي غيرك يعطيني ويدلعني جيبك جيبي وجيبي جيبك>>>وهي اساسا ماعندها جيب
الزوج..اهااا يكفيك الف او تبين زياده>>>اشك انه يقولها
صاحبة الاسلوب الشرس
ايه اناااا ..اذا ما أخذت منك بالله من آخذ منه !!أطر!!
الزوج قلة ادب وليش ألف يامبذره
الزوج
وش عندكم اليوم محد ناداكم
صاحبة الاسلوب السحري
ابد محد نادانا ..جلستنا معك احلى واحلى
الزوج وهو مبتسم…تبون اوديكم للبر تغيرون جو واشوي لكم
صاحبة الاسلوب الشرس
محد نادانا والمفروض انك تقول بمشيكم واعشيكم مهب ماهمك الا نفسك وربعك
الزوج مشاك بطنك بلى فيك وفي شكلك
واللي ودها تضيف ..تضيف..خلوا الموضوع يكون اكثر جمالا بمشاركاتكم
احبببببكم
نسيت اقول ..ترى الزوج يستاهل تسوين له حلى وقهوة الشعير عشان يريح اعصابه وما يعصب ابد لان الشعير مهدي>>>باين انها دعايه!!
الله يهدي الجميع لما يحب ويرضا مشكورة وجزاك الله كل خير علي هذا الموضوع
الوحدة تتكلـم بالخير وتنوي الأجر والثواب
وبإذن الله ما بتخيب 
وربي كنت ف الويك اند ف محل عبي .. الحرمه يات صارخت وتمت تفاتن ع الريال عسب مخربلها عباتها،، انا واختي استنكرنا هالاسلوب اصلا من اول نضره حسينا ان هاا مش مستوى انسانه راقيه وتحترم الاوادم،، سارت من المحل وهو كل علامات الاستفهام ف ويهه ومنحرج من هالحركه لان فيه كستمر ف المحل،،،
بخبركم انا قبل عن تدش هالحرمه المحل خبرته( ان العبايه السترتج اللي موديلها جيه وجيه ما عيبتني ومقاساتها مش مضبوطه ابا اردها لك وافصل بدالها عبايه ثانيه وموديل ثاني خلاص هونت مابي هاك الموديل،، طبعا اسلوبي كان راقي والله قالي هاتي العبايه برجعها المصنع وانتي اختاري الموديل اللي تبينه!!!
بالاسلوب الراقي الانسان يفرض ع احترامه ع الناس وممكن يخلص كل معاملاته بسهوله ويحصل اللي يبيه بالمعامله الحسنى،،
اليوم كنت ف احد الدوائر الحكوميه عندي معامله ابي اخلصها سرتلهم سع ٢ الا ربع قالي الموظف دوامنا مخلص ،، قلتله اخوي بعده باقي وقت وممكن المعامله تتخلص،، حسيت من كلامه انه معصب وان مايبي يسووي المعامله احينه،،ويبيني اراجعه باجر وتم يشرحلي اني لازم ادفع مبلغ واحتمال الموضوع يتحول مكان ثاني و يحجزون المعامله و و حسيت انه يبي يتحسد لاني عاندته،، قلتله تمام خويه بمر باجر والسموحه ع بالي ان المعامله ممكن تتخلص بسرعه وكانت وايد هاديه واستسمحت منه ( رغم ان الدوام مب مخلص يعني بامكاني افاتن وياه لاني طالعه من دوامي ومتعنيه) ،، قالي انتي تعالي باجر وبحاول اخلص لج الموضوع بدون مايسير المكان الفلاني،،،
وايد عندي امثله من شهر تقريبا ربيعتي ف الدوام ياها عرض تسير كورس ف الدوحه ف نهاية مارس ( الاسبوع الياي) وكان لازم ترد بالموافقه عليهم عشان يتسجل اسمها وريلها ما رضى وعاند انها تسير وعاند انه يرافقها وقالها ماشي سيره ،، كانت زعلانه من هالسالفه قلتلها انزين خذيه باللين ولاتفتحين وياه الموضوع من احينه لين وقت الكورس تقدرين تخلينه يوافق،، هي قالتلي صعب وهو مستحيل يوافق و و و ،، وربيعتي من النوع العنيد اللي اذا مب مقتنعه تفرض رايها،، قلتلها طرشيله مسجات دلعيه وحسسيه بالحب ولاتبينين له انج تبين تسيرين واعتبري ان الموضوع منتهي جدامه وحتى ف البيت موول لاتناقشينه ،،والله اليوم الثاني الظهر اتصل فيها قالها خلاص انا موافق انج تسيرين وبرافقج وبناخذ ولدنا ويانا ،،
باللين والكلام الطيب حصلت اللي تبيه بكل سهوله
تذكرن ان ديننا الاسلامي حثنا ع الاخلاق واحترام الكبير والصغير والحسنى ف التعامل
