الوسم: الشهري

مرحبا خواتي

بغيت اسال عن البنات اللي طافن فوق الثلاثين وابوهم متقاعد وراتبه قليل .. يعطونهم شي من الديوان او الشؤون الاجتماعية .. لاني مب عارفة بالضبط وين يسيرون ويقدمون عسب الصرف الشهري

فاللي قدمت وجربت وعندها خلفية بالشارجة بالذات ( المدينة ) تخبرنا وما تبخل علينا .. لاني سامعة في بنات حصلن بس مب من الشارجة وصرفهم شهري ومب عارفة كيف .. وفي النهاية مب متاكدة

البنات مب موظفات وغير متزوجات .. وابوهم راتبه قليل !_!

ياريت انساعد بعض عالاقل ما نكون ثقل على اهالينا اذا فعلا بيسندونه عالاقل بصرف مناسب ..والله المستعان على كل حال

لا اله الا انت سبحانك اني كنت من الظالمين

ما عندي فكره الغاليه .. ان شاءالله البنات ايفيدونج ..

سيري راجعيهم .. و ان شاء الله يعطونج ^ ^

راجعي الشؤون وان شاء الله يصرفون لج

سبحاان الله وبحمده ,,, سبحان الله العظيم

ما اخذ مصروف اي شي اباه ايبلي اياه واي وقت اريد شي يعطيني
انا ماداوم

حلو الموضوع

لي عودة كتبت وانمسح

ما اخد مصروفه منه ما مقصر معاي اللي اباه ايبلي اياه

مصروفي يطيييييييييير ماعرف كيف ههههـ
يعطيني مبلغ محترم بس ماعرف فشو اصرفهن؟؟
مع أني احياانا ما أظهر السوق
..!

انا مصروفي 1000 كل شهر طبعن يكون لي يعني الي في خاطري اشتريه وساعات اشتري حق بنتي من خاطري اما عن الاعياد فروحه يدفع يعني مصروفي يتم وانا عشان ماكلف عليه روحي اسير الصالون من بيزاتي وانا ماشتغل ^_^

لو سمحتوا بنات دخليلكم ابا غلاف لتقاريري الشهرية للدوام ويكون رسمي
الله يخليكم …
الله عندها او تقدر تصمملي وانا خاطرة باللي تباه.

آفا عليج بـس ماطلبتي شي

غاليه والطلب رخيص ^______~

.
.

هممم بس انتي كيف تبينه يعني شو الاشيا المطلوبه
اتمنى انج ترسلين ع الخاص وان شا الله بقدر اساعدج

ومشكورة مانبى منج غير الدعاء فديتج

للرفــــــــــــــــــع

السلام عليكم ورحمة الله وبركاته …

شخباركم بنات …

اليوم خطر على بالي موضوع المصروف الشهري والتوفير…
طبعا اكيد الاغلبية منا تحب الصرف واحيانا ما تقدر تتحكم في مشترياتها ..
تسير السوق وادش اغلب المحلات …
وتشتري اشياء بتهور.. واشياء يمكن ما تحتاجها… واشياء تمزر الكبت فقط .. و
وايي نصف الشهر او قبل والمصروف خلص .. وتتأزم البنت وتكره حياتها فجاة خخخخخ..
خلونا نناقش بعض الافكار اللي ممكن تساعدنا على التوفير والتحكم بالفلوس بدون هوس…

أفكاري :

فكرة الظرف : للبنات اللي يستلمن المصروف كاش ..

اتحط المبلغ في ظرف وتحطه في الخزنة وتكتب على الظرف :"مصروفي" وعلى كل طلعة او كل فترة تاخذ منه على قد حاجتها ..ممكن تقسم المبلغ على مدة الشهر .. مع وضع مبلغ بسيط للتوفير من هالمصروف قي ظرف آخر… نكتب عليه توفير فقط .. وما نسحب منه الا للحاجة .. مثلا اذا كان مصروفها 2024 درهم ..
الاسبوع الأول : 500
الاسبوع الثاني: 500
الاسبوع الثالث: 500
الاسبوع الرابع : 300
200 توفير..

طبعا المبلغ اللي في حقيبتج بيخليج تحددين أولوياتج .. وبيخليج تفكرين قبل ما تشترين ..
ممكن تغيرين التقسيم بطريقة اخرى تناسب احتياجاتج …

طبعا البنات اللي يستلمن المصروف في بطاقة ..

ممكن تطبقين نفس الفكرة وتسحبيلج كل بداية اسبوع مبلغ معين .. وبعد ما تسحبين تخلين بطاقتج في الخزنة عشان ما تردين تسجبين مرة ثانية لين الاسبوع الثاني …هالفكرة بتخليج تقيدين عمرج بملغ معين …

الفكرة الثانية : فكرة الحصالة
حصالات دايسو تأدي الغرض .. خذي اكبر قياس ..وحطيهاعلى الميز تواليت وكل فترة حطي فيها انواط وريالات … 10-20-50 درهم او حتى 100 لين ما تنترس بتكونين وفرتيلج مبلغ حلو …. فكرة حلوة الصراحة ..
والحصالة هاي ما تحلل البيزات عن تجربة ..

الفكرة الثالثة : الجمعية
طبعا اغلبكم يعرف هالفكرة ..
تشتركين في جمعية لمدة عشر شهور مثلا …

بمبلغ يناسب ظروفج .. ويوم بتستلمين الفلوس حاولي انه المبلغ يستغل لاشياء مفيدة وأنا احبذ ان المبلغ يتوفر…
وايد أوؤمن بفكرة … القرش الابيض لليوم الاسود .. لازم يكون في مبلغ للتوفير.. سبحان الله االواحد ما يعرف شو الظروف اللي بتستويله عقب …وعشان ما يحتاج انه يطلب من الناس..

الفكرة الرابعة .. جدول الشهر…

افتحي صفحة في الاكسل او الوورد ..
وضعي لستة بالاشهر .. وقسمي احتياجاتج ودوني على شو صرفتي فلوسج ..مع كتابة مبلغ التوفير الموجود عندج..

الفكرة الخامسة .. فتح حساب توفير
تحطين فيه مبلغ معين كل فترة وما ينسحب منه اي شي…

طبعا هاي الفكرة ممكن تتطبق على الاطفال بعد …
نفتح لكل طفل حساب خاص .. ونحط لهم فيه مبلغ رمزي كل شهر مع العيدية وهالاشياء

…اه تعبت … هاللي في بالي الحين …
اتريا آرائكم ..

دمتم بحب

ما شاء الله افكارج حلوووووه ^^
انا احاول اوفر كل شهر ،، وشهر عن شهر يختلف المبلغ
والحمدلله
وتسلمين ع الموضوع حبيبتي

مشكورة اختي …
خبرينا كيف طريقة توفيرج…

وعليكم السلام ورحمه الله وبركاته
الحمد الله بخير ومن صوبج ..؟؟

ماشاء الله علييييج موضووووع واااااااااااايد حلوووو … يستاهل الواحد يقرااااه ويطبقه …

عني انا مصرووفي اقل … آخذ النص و احاول ما اصرف واايد والنص الثاني توفير …لاني بحتاااي لهم فالاعراس فالاعياد وهيك

تسلمين وماقصرتي … ف ميزااان حسناااتج …

افكار حلوه

شكرا خواتي

انا بعد اوفر الحمدلله ولالالالالالالالالالالازم جزء من مصروفي يكون للصدقات و الاعمال الخيرية عشان الله يبارك فالفلوس

السلام عليكم ورحمة الله وبركاته
خواتي العزيزات اختي مسوية بحث عن المصاريف وعندي استبيان اتمنى لو كل وحده تعبيييه ولكن كل الشكر ويزاكن الله الف خير :
الاستبيان :

1) كم يبلغ مصورفج الشهري (( يعني اللي تاخذينة من ابوج وامج ))
2) هل تاخذين المصروف وتقسمينة على مدار الشهر
3) هل يكفيييكي هاذا المصروف لآخر الشهر
4) ماهي الاشياء الاساسية اللي تصرفين معاشكي عليها
5) هل ينتهي معاشك بانتهاء الشهر
6) اذا كانت لديك مناسبة او مشروع او خطط ماهي الطريقة اللي تعملينها لتوفير أموالك وكيف يكون جدول توفيرك
7) هل تذهبين باستمرار الى السوق لشراء الحاجات أم توفرين اموالك حتى تبلغ شيئا معين وبعد ذالك تذهبين للسوق لشراء الحاجات

اتمنى من الكل يجاوب حتى لو كنتر معرسة خبرينا كيف كان مصروفج يوم كنتي في بيت اهلج وتسلمون

1) كم يبلغ مصورفج الشهري (( يعني اللي تاخذينة من ابوج وامج ))
مصروف (شهري) ما يعطونا
يادوب بس المصروف اللي ناخذه عشان الجامعة
10 درهم بس والحمد الله .. لي الحين 4 سنين وانا في الجامعة وعلى هالمصروف لازاد ولا نقص

2) هل تاخذين المصروف وتقسمينة على مدار الشهر
هممممممممـ
الصراحة ماعندي هالشي
مب حاطه خطة معينه عشان اصرف المصروف
10 درهم كيف بتقسمينها على 30 يوم؟!! ما يستوي
بس اذا احتجنا شي نطلبه من ابوي

3) هل يكفيييكي هاذا المصروف لآخر الشهر
الحمد الله

4) ماهي الاشياء الاساسية اللي تصرفين معاشكي عليها
قصدج العشرة درهم؟
اصرفها عالأكل في الجامعة .. ياطير يا تبقى وياي .. يعني مرات ما آكل شي

5) هل ينتهي معاشك بانتهاء الشهر
على نهاية الشهر .. لازم يبقى فبوكي عشرين ولا ثلاثين (من غير اللي يمعته في أيام العيد)

6) اذا كانت لديك مناسبة او مشروع او خطط ماهي الطريقة اللي تعملينها لتوفير أموالك وكيف يكون جدول توفيرك
هممممممممـ
ايلسج أيمع .. مصروف الجامعة واللي احصله في الأعياد
يعني يبالي وقت اذا كنت ابى اشتري شي فخاطري

7) هل تذهبين باستمرار الى السوق لشراء الحاجات أم توفرين اموالك حتى تبلغ شيئا معين وبعد ذالك تذهبين للسوق لشراء الحاجات
لاء .. ماروح وايد .. تقدرين تقولين في السنه حسنه
اذا شي ابى اشتريه .. أيلس ايمع في الفلوس واروح السوق .. نفس ما ذككرت قبل
أو اطلبه من امي ولا ابوي ويشترولي إياه .. بعض الأحيان مب دوم .. يعني اذا اللي أباه شي ضروري من وجهة نظرهم اشترولي إياه .. واذا لا .. اضطر اني أيمع

بشكل عام
ماعندنا مصروف شهري ثابت .. بس مصروف الجامعة
واذا كنا نبى شي نطلبه من أهلي .. يا إنهم إييبولي يه أو لاء
واذا لاء.. احاول أوفر وأيمع

بس هالشي فاعتقادي يعتمد عالحالة المادية للأهل .. اذا يقدرون يوفرون مصورف شهر لعيالهم ولا لاء

) كم يبلغ مصورفج الشهري (( يعني اللي تاخذينة من ابوج وامج ))
100 درهم
2) هل تاخذين المصروف وتقسمينة على مدار الشهر
هييه تقريبا كل يووم 10 دراهم
3) هل يكفيييكي هاذا المصروف لآخر الشهر
لا هع ^^
4) ماهي الاشياء الاساسية اللي تصرفين معاشكي عليها
الاكل في الفرصة..
5) هل ينتهي معاشك بانتهاء الشهر
لا قبل انتهاء الشهر ينتهي معاشي >،<
6) اذا كانت لديك مناسبة او مشروع او خطط ماهي الطريقة اللي تعملينها لتوفير أموالك وكيف يكون جدول توفيرك
………………………….

7) هل تذهبين باستمرار الى السوق لشراء الحاجات أم توفرين اموالك حتى تبلغ شيئا معين وبعد ذالك تذهبين للسوق لشراء الحاجات
لا عاادي اذا اباا شيء امايه ما اتقصر ^_*

ملاحظة::انا طالبة في الثانوية ^^
فمان الله

1- مصروفي الشهري بطاقة فيزا 10000 درهم ونقدا 5000 من الوالده و3000 من الوالد
2- بقدر المستطاع أحاول تقسيم المصروف على مدار الشهر
3-في أغلب الشهور يكفي ماعدا الأعياد والمناسبات
4-الأشياء الأساسيه هي الملابس والعطور والمكياج والأحذية والشنط
5-في أغلب الأحيان نعم ينتهي معاشي مع آخر الشهر
6-خطة توفير الأموال (وضع مظروف في الخزنة وأكتب عليه المناسبة -ممنوع اللمس)
7-أذهب باستمرار للمراكز والمولات واشتري اللي يناسبني

ان شا الله بنات الجامعة ما يقصرن

1) كم يبلغ مصورفج الشهري (( يعني اللي تاخذينة من ابوج وامج ))

ما عندنا هالسوالف خخ
2) هل تاخذين المصروف وتقسمينة على مدار الشهر
ما يعطوني عشان اقسمه وانا ماحب اخذ اي شي بغيته الوالدة ما تقصر طبعا اخذ حق الجامعة تقريبا 50
3) هل يكفيييكي هاذا المصروف لآخر الشهر
الحمدلله يكفي ويزيد ومرات نتشارك ويالربع في الجامعة وناكل ويا بعض
4) ماهي الاشياء الاساسية اللي تصرفين معاشكي عليها
ماخذ شي الا في المناسبات ما احتاي كل شي متوفر
5) هل ينتهي معاشك بانتهاء الشهر
……….
6) اذا كانت لديك مناسبة او مشروع او خطط ماهي الطريقة اللي تعملينها لتوفير أموالك وكيف يكون جدول توفيرك

امي ما بتقصر فديتها
7) هل تذهبين باستمرار الى السوق لشراء الحاجات أم توفرين اموالك حتى تبلغ شيئا معين وبعد ذالك تذهبين للسوق لشراء الحاجات

لا ماحب الخساير خخخ

كم يبلغ مصورفج الشهري (( يعني اللي تاخذينة من ابوج وامج ))
1000 درهم

2) هل تاخذين المصروف وتقسمينة على مدار الشهر
اقسمه 500 للمصارف و500 اوفرها

3) هل يكفيييكي هاذا المصروف لآخر الشهر
نعم، وأحيانا يزيد منه

4) ماهي الاشياء الاساسية اللي تصرفين معاشكي عليها
الجامعة: في اليوم اصرف 30 درهم وأحيانا 5 دراهم يعني على حسب الاكل الي باكلة واحيانا ما أكل شي .. الاني قليلة الاكل خخخخ
التلفون: احط رصيد للتلفون 25 درهم احيانا الاني ما اتكلم في التلفون طول الوقت مقتصدة خخخخخ

5) هل ينتهي معاشك بانتهاء الشهر
احيانا ينتهي واحيانا يزيد بس يكفي الاني مثل ما قلت اوفر منه 500 و500 الباقيه هيه مخلتنها للمصروف الشهر…

6) اذا كانت لديك مناسبة او مشروع او خطط ماهي الطريقة اللي تعملينها لتوفير أموالك وكيف يكون جدول توفيرك
اذا في مناسبه أو شي ثاني، يكون على الوالدة مب من مصروفي الشخصي.

7) هل تذهبين باستمرار الى السوق لشراء الحاجات أم توفرين اموالك حتى تبلغ شيئا معين وبعد ذالك تذهبين للسوق لشراء الحاجات
ما احب اسير السوق دايما يعني وقت الضرورة، وأحيانا اخذ من مصروفي اذا كنت محتاجة شي ضروري، واحيانا الوالدة و الوالد ما يقصرون يوم بسير السوق عطوني مبلغ عشان اصرفه.

وسلامتكم

السلام عليكم
بنات تعرفون مكتب خدم بالايجار الشهري في بوظبي؟

ضروري الله يخليكم متوهقه :/

للرفع

للرفع..بليييز واانا ابااا فالشارجه ضروووريييي

حبيت ارفع الموضوع
الله يسخرلكم وايانا الخادمات الطيبات بخيرهم ويكفيكم شرهم

بنات ما شي بالشهري عاملات

فيه شركه بالعين عاملات ينظفن وكل شي وبالساعات وعليهن ضمان وتبع شركه

بس معرف اذا فيه مكان ثاني ولا لا ولا يروحون اماره ثانيه

لا تغلطن يبت وحده من بوظبي بالشهري وطلعت شارده وشردت عني

وعلمت 2 من بشاكير الاهل ع الشرده

اونه يشتغلون بالشهري تروح وتسرق اللي تباه وتشرد
والله ندمت حيل

اختي شوفي في الوسيط مالت الاعلانات بتحصلين واايد

في الوسيط حصلت لك شركة اكسترا وشركة صقر الامارات في عندهم بالساعة واسبوعيا بس شهري ما سالتهم
اتصلي بالاستعلامات وخذي ارقامهم واساليهم
ان شاء الله موفقة واكون افدتك

السلام عليكم ورحمة الله وبركاته….

اخواتي لو سمحتوا حابه اسأل اللي تشتغل سكرتارية ( امينة سر ) في مدرسة
كم يكون معااااشها؟ تقريباً؟

خصوصا اللي عندها شهادة دبلوم متوسط أعمال ادارية؟

وينننننننننننننننننننننننننننننننننننننننننننننننك م؟

أعتقد بعد الزيادة 10 أو 12 … لأنه أقل راتب هي راتب السكرتيرة
مع أنها تشتغل مثلها مثل غيرها

الله يوفقج اختي

مشكوووووووووووووورين ,,,,
الحمدلله على الرزق
خير ونعمه…..

للرفع

للاسف ماعرف

السلام عليكم ورحمه الله وركاته
اشحالكم بنات عندي مشكله وهي الصراحه مشكلت
ربيعتي وانا الصراحه ماعرفت اشلون انصحها
وقلت ادخل واخبركن المشكله وانتوا احكموا
هي معرسه من فتره طويله اول فتره عرسهم كان يصرف عليها ريلها
ومب مقصربشي وياها شوي شوي قام يقصر بتدريج
وكل ماتساله يقول سامحيني ظروف
وشوي شوي ماقام يعطيها ابد المصروف
وكل ماتساله يقول غلا المعيشه وانا ماعندي
المشكله انه مب مقصر على عمره من كل شي وهي مقصر
وياها وايد لدرجه انه كل ماتحتاي شي دقت حق اخوها
وصرف عليها اشوي اشوي قاموا اهلها
ويصرفون عليها على كل شهر او وقت الضروره

وهي من بين كل فتره تخبره تقوله لين متى ها الحال
وهو يدري انه اخوها يصرف عليها وعادي عنده
تبى تتفاهم وياه هو من النوع مايتفاهم
حتى لو اهلها بيرمسونه ماشي فايده
تزيد المشاكل حتى لو اهله بعد اهله يعرفون وكلموه كذا مره
وماشي فايده المشكله الحينه انها قالت انا بسد عمري
مب مشكله بسير وبشتغل وماباه يصرف علي لان
مايستوي كل شهر اهلي يصرفون علي
طلع الحبيب مب مقتنع بسالفه الشغل
وكله ماتقوله يقوللها لا والله ماريد حد يشوفج
وماباج تشتغلين
تقوله اوكي اصرف علي يقول اوكي مب مشكله ونفس الحاله
مايصرف عليها شو تنصحونها وشو تسوي
الله يصبرها الصراحه بس صدق قهر جي
الله يخليكم شوفوا الموضوع وردوا علي لانها محتاره وانا
ماعرفت انصحها ويزاكم الله الف خيييييييييير

الريال مجبور يصرف ع حرمته واذا مب عايبنه رمسي ابوه او امه والا ازعلي وردي بيت اهلج يمكن يحس شوية

تسلمين حياتي هي رمستهم بس ماشي فايده وهي الحينه تفكر في ها الحل
وتبى تعرف انه هاشي صح ولا غلط

لا مب غلط لان الريال مجبور يصرف عليج
شيكي ع الخاص

اكيد من حقهــا…

دامه مايصرف عليها ومقصر عليهــا خلاص يعطيها مصروفهـا وهي تتصرف…

هالمصروف من حقها رضى والا مارضى

احيانا الزوجه تقول دااام ريلي يصرف علي ومب مقصر وياي مب لازم اخذ مصروفي المهم حاجاتي منقضيه

وغيرهن ياخذن مصروفهن + يلزمن رياييلهن في الصرف عليهن

وريل اربيعتج لا هذا ولا ذاااك…

اقتراح…

تلزم ريلها 1 من 2

اما يصرف عليها حالها حال غيرها

او

يعطيها مصروفها وهي تتصرف

والله يهديه

الريال مجبور يصرف ع حرمته

هي الخلطانه لازم ما تعوده من بالدايه تقوله إذا ما صرفت لي بسري المحكمه وبشتكي لك