الوسم: الشهري

السلام عليكم
اشحااااااالكم
بنات بسالكم كل وحدة كم تاخ مصروف عن ريلها وكيف ترتب امورها وشو اللي تكون مسؤولة عنه؟؟

انا ما اخذ من زوجى مصروف للبيت وهو يشترى كل شى …انا بس اقول البيت شو ناقص وطبعا هذا اريح من وجع الراس والاتهامات بالتبذير وشراء ما ليس له لازمه وغيرها من الافلام الهنديه للازواج….انا كل صديقاتى يشتكين لانهم هم ياخذون من ازواجهم المال ويتحملون المسؤليه لوحدهم بعد كدا….

انا جربت طريقه وواااايد مرتاحه منها الصراحه

المصروف اللي بيعطيج اياه.. وزعيه في اظرف .. وكتبي عليهن واحد للجمعيه وواحد للعيال وواحد للمعاشات اذا كنت مسؤوله عنهن وواحد لمصروفج ووووو…. حسب المسؤوليه اللي انتي موكله عليها .. وانتي قدري وحسبي كل ظرف كم يحتاج تحطين فيه
وكل ماتحتاجين شي يخص العيال.. خذيه من ظرف العيال.. واذا شي من الجمعيه خذيه من ظرف الجمعيه.. وجي والله صدقيني بترتاحين.. لانج اذا كان المصروف كله جدامج بتمين تاخين منه بدون ماتحاسبين..

صراحه انا ما اخذ منه مصروف البيت نسير ونشتري اغراض البيت مع بعض ومعاش الميد ترا معروف …ومصروفي بس خاص فيني انا

وانا بعد مصروفي لي انا بروحي 2024

وبخصوص المصاريف البطاقه عندي ومتى ما خذت للبيت تراني اشخط بها

انا ريلي بعده ما توضف اول ما يتوضف إن شاء الله بيكون لي مصروف. محدد:1 (20): …………………….وحبيت اقو للأخوات المصروف إلي تحددينه من ريلج كل شهر هو لج إنتي بس يعني خاص فيج وفي أغراضج مو للعيال والمطبخ وعودي ريلج والباقي مصروف البيت والعيال هو ملزوم فيه ياخذه مو يعتمد عليج………………والله يوفجكم جميع…:22 (22):

وانتي دهن العود ما خبرتينا جم مصروفج؟؟؟؟:1 (7):

هلا حبيباتي

بالنسبة للزوجات العاملات …
كيف تتعاملين ويتعامل زوجك بالراتب…
هل ياخذ من راتبك شي؟؟
وهل يعطيك شي من راتبه …؟؟
وهل أنتي أليي تتكفين بمصاريفك ؟؟
منو مسؤول عن مصاريف البيت والعيال…أنتي ولا هوه؟؟

أرجوكم ساعدوني محتاجة خادمة بالإيجار الشهري من مكتب بدون نقل كفالتها يعني عادي تبيت عندي بس كفالتها علي المكتب ، أرجوكم علموني بأرقام أي مكاتب في دبي تقدم هذه الخدمة ، و شكرًا مقدما .

ما أحد رد ! أرجوكم الي عندها معلومه تساعدني و ربنا يجزاكم خير .

إنتي من أي إمارة؟ ع العموم رديت عليج ع الخاص.

حبيبتي ماما سلطان شكرًا ليك أنا في دبي ، حبيبتي رقم مكتب الشارجة غير صحيح جربت كذا مرة .

موفقه
انا كمان بدور ع خدامه

يليت اللي يعرف يفيدنا

مرحباً ها مكتب عنده خادمات بالشهر 0559982962

السلام عليكم ورحمة الله وبركاته،،
كان من زمان في موضوع مشابهه بس ما ادله وين،،
الموهيم،,،
اختكم عروس يديدة وتبا تعرف،،
ابغي اعرف كم مصروفج الشهري،،
وفي شو تصرفينه،،
وخبروني هل كنتوا تستحون في بداية زواجكم تاخذون بيزات من رياييلكم،،
وانا بصراحة استحي اقول حق ريلي عطني بيزات،،
ما احب اطلب حتى لو هالشي حقي،،
مثلا:لو ابغي اشتري شي والله استحي اقوله ابا بيزات،،
واتردد مليون مرة لين ما اقوله وحتى اطرشله مسج،،
مب متعودة اطلب بيزات من حد،،

شو الحل..؟؟ انصحوني..؟؟

حبيبتي انا عروس يديده مثلللللج…….ونفس الشي استحي..على قولة اختي هذي فبدايات العرس وعقب انتي بتطلبينه وبتذكرينه بالمصروف لووووووووووووول…….

انا مووووول ما اقوله عطني هو اييبلي بروحه..ودايما يسألني اذا محتايه شي او مثلا شو تبين حق العيد وانا صم بكم لووول…الحمدلله عندي شي باقي فحسابي من ايام الدوام ومستغلتنه لين ما اتعود….

لا تعودين الريال على أنج ماتطلبين من ألحين أطلبي وقولي اللي فخاطرج لأنج بتندمين إذا ما سويتي هالشي

صح كلام أم يسوف

يعطيج العافية

اختي اصلا الريال من بدايه الملجه المفروض يعطيج من خاطره انا الحمدالله ريلي يعطيني من غير ما اقوله وكنت استحي اطلب اي شي بس الحين خلاص الوحده عقب ما تيب العيال تتغير يعني مب تطلبينه اربع وعشرين ساعه يوم يكون عنده تري بيعطيج ما بيقصر بس لازم يكون لج مصروف شهري انا قبل الزيادات كان يعطيني الف وعقب الزيادات 3000 الفين حقي والف حق ثياب الصغاريه بس حاجات الصغاريه هو يشتريها والريال انتي تعودينه وتري اصبعوعج مب كلهم نفس الشي

عادي غناتي تراه ريلج لا تستحين

السلام عليكم ورحمة الله وبركاته…

مرحبا زميلاتي العزيزات
أنا موظفة من 5 سنوات وعندي إلتزامات مادية ومب عارفة كيف اوفر من راتبي
الراتب : 19500
البنك يخصم 7000 درهم من راتبي للديون
ويبقالي 12017 درهم وما اعرف كيف اوفر
واعطي امي وابوي 3000 درهم والباجي من راتبي ما يتم منه شي
ممكت اتساعدوني وتقولولي كيف اوفر من الراتب
وجزاكم الله خير

السلام عليكم يالغاليه ممكن تدخلي جمعية مع ربيعاتج وتكوني الاخيرة هذخ طريقه من طرق التوفير وممكن اللي يطلع لج من الجمعيه تكوني مخططه له بشي ينفعج ولاتنسي الصدقه من راتبج حتى يبارك الله لج في المال

اختي..
يبقى من راتبج 9500
لازم تحطين جدول لمصاريفج ..
وتعرفين اللي تحتاجينه عن اللي ما له داعي

حطي مبلغ توفير شهري بحسابج .. بحدود 4 آلاف
والـ 5000 الباقيه اصرفي منها / بتقولي شو بتييب لج
صدقيني فيها الخير والبركه

المهم الجدول واهمية الغرض اللي انت بحاجته ^^

اول شهرين ثلاثه بتحسين انه صعب وبتتعبين
لكن عقب بتحمدين الله وبتفرحين يوم تشوفين عمرج بديتي توفرين ^^
وكل شي يبتدي من الصفر .. لكن يبالج خطوة اولى

والله يسعدج .. ويقويج

فوووووووق

سبق و كتبت طريقة تقسم الراتب لاحد الاخوات بالمنتدى

و اهي طريقة سهله و راح تريحج من المصاريف الي مالها داعي ..

بما ان يبقى من راتبج 9500 اخصمي منه حدود 2500 الى 3000 و افتحي لج حساب توفير و راح ينخصم منج هالمبلغ كل شهر

بجي بيبقى لج 6500 هاتي لج مجموعة اظرف و اكتبي عليهم التزاماتج او الاشياء الي تسوينها كل شهر..

مثلا الظرف الاول بتكتبين عليه اغراض الجمعيه داخل هالظرف بتحطين المبلغ التقريبي الي تصرفينه بالجمعيه

في الشهر خل نقول مثلا 1000 درهم..

الظرف الثاني حق البترول حطي مبلغ مثلا 300 درهم في الشهر

و الظرف الثالث مثلا راح يكون للكهربا و الماء حطي فيه 600 درهم
و الظرف الرابع للشوبنق مع صديقاتج حطي فيه 1000 درهم..

المهم في النهاية بتكون عندج مجموعة اظرف على حسب احتياجاتج و التزاماتج للشهر

يوم بتين تطلعين خل نقول بتروحين الجمعيه لا تاخذين وياج الا الاظرف الي بتحتاجينها يعني ظرف الجمعيه + ظرف البترول لو كنتي محتاجتنه ..

هالطريقه تخليج ملتزمه و تصرفين قد حاجتج..

ان شاء تكونين فهمتي علي

و بالتوفيق لج اختي

خصصي جزء منه للصدقة وصدقيني بتشوفين كيف بتزيد بيزاتج عن تجربة

أختي فتحيلج حساب توفير وحطي في الشهر ٣٠٠٠ درهم وفي السنه بكون عندج ان شاء الله حدود ٣٦ الف .. الحمدلله حلوووووووين ..
وعدوي نفسج دااااااااااايما يوم تمسكين الراتب تقولين (اللهم اجعل في مالي بركه) .. ولا تنسين الصدقه مثل ما قالن الخوات ..

اخواتي ابى اعرف في حدود كم يكون مصروفكم من الريل اقصد اللي مايشتغلن؟؟؟………(كحد ادنى!)والسموحة….لاني احس المصروف مابكفي هالايام لان الدنيا تغيرت وكل شي غلي….والسموحة

قولي الحمدلله حدغيرج مب ملاقي خبز ياكله

انا ما اخذ شهريا اخذ متى ما اريد والحمد لله بين فترات يحولى مبلغ فى رصيدى

عزيزتي كل وحدة ع حسب معاش ريلها…

وفي من الحريم مايخذن مصروف ويوم يبن شي ترى يقولن حق ريايلهن…

يعتمد على الاثنين شو الي متفقين عليه….

لانه اذا كل وحدة قالتلج كم تاخذ ماراح تستفدين شي….

عزيزتي المصروف امر مبتكر في عالمنا الحالي يعني شرعا في القرأن والسنة مافي شي اسمع مصروف يعني لو الريل مأكلج وقايم بواجباته وملبسج وما يخلي عليج قاصر ما ينسمح لج تطالبين بالمصروف الا لو من نفسه يعني يعتبر كرم له…

يعني لو هذا الريل ما عطاج مصروف يعتبر مقصر…لأ….ترا هو لو يقدر ما بيقصر لكن لو ما يقدر خفوا عليهم شوي ترا الغلا حرق الأخضر واليابس والله المستعان من الجاي…

حافظوا على قلوب ازواجكم اخواتي الفاضلات وليس مخابيهم…

وهذي بس نصيحة حبيت انشرها لكل الأخوات لأن مثل هالموضع اغلب البنات اللي باتقولج 2024 واللي باتقولج 3000 واللي باتقولج 5000 وماحد بيعطيج الرقم الصحيح اللي ممكن يبث الفتنة في قلب اي اخت قلبها ضعيف…والله البيزات حاليا ما تسوى ظفر ريل يخاف الله فيني وفي نفسه…وبعد عن نفسه وبيته الحرام…ويحترم الحرمة واهلها ويؤيدها في كل امر لها فيه خير…

ويزاج الله خير

الحمدالله مع انه مايشتغل وانا مااشتغل بس عمري ماحبيت اسأل حد هالسؤال ^_^

انا ما اخذ شهريا اخذ متى ما اريد والحمد لله بين فترات يحولى مبلغ فى رصيدى

بس شكلي باخذ عنه هالكم شهر لان عندي تدريب واحتاج اغراض للمدرسة

عزيزاتي انا ادووور علي فله صغيرة للايجار الشهري في دبي لي تعرف ارجو انها اساعدني
واريدها داخل دبي …

للرفع

للررررفع

ما اظن تحصلين ايجار شهري

thankxxxxx for allll

للرفع

مرحبا حبايبي ..
هذا ملف اكسل سويته للي كانوا يسألون كيف ممكن يوفرون ..
اتمنى يساعدكم…

ظ…ظٹط²ط§ظ†ظٹطھظٹ.xlsx

هذا رابط آخر

ظ…ظٹط²ط§ظ†ظٹطھظٹ.xlsx

يعطيج العافية

يزاج الله خير اختي
حملته بس مافتح وياي لان الاوفيس عندي قديم بنقله عالجهاز الثاني وبطلع عليه

^^

شوفي الرابط الثاني اختي .. اذا بيفتح لأني حفظته على الاكسل الجديم

يزاج الله خير

مشكورة الغلا

السلام عليكم ورحمة الله وبركاته

وين أقدر احصل مكتب ثقة بخصوص الخدم بالعقد الشهري

في ابوظبي

ضروووري

هلا اختي في مكتب اسمه رويال موجود بين الجسرين خلف مبني جمعية التعاونيه المدخل رقم 2 الطابق الثالث. تراه بس عندهم بس كينيات

للرفع

خواتي العزيزات بغيت خدامة تشتغل بنظام الشهري
انا من الشارجه

شقا نظام شهري
اظني تقصدين نظام الساعات
هاذيل وايد غاليين

لا اختى اقصد نظام شهري في منهم يشتغلون بشهر بس موايد اكثرهم بساعات هاذيل وايد غاليين

انا ابغي بعد رقم المكتب لان شغالتي بسافر وابغي شهرين أجار لين الله يفرجها ..

وانا بعد ابغى شغاله شهر واحد لانى هولد ياريت حد يدلنا انا من راس الخيمه

للرفع

الله يوفقكن خواتي وتلاقن بكل سهولة ياااا رب

للرفع رفع الله قدرنا جميعاً في الدارين

نقلت الموضوع بروحي … عفانا الله يحبكم للططمش .. 93 مشاهده و لا حد تكفل وكتب شي .. ثانكس بروح حق السنعات مال الحياه الزوحيه .. بيعطوني الحل .. وانتو خلكم حق التطمش

لا حول ولا قوة الا بالله اختي اسفين اذا مافي رد بس يمكن ماحد دخل القسم اليوم او مافي نشاط!!!! ولكن السناعه اختي مالها خص!!!! يعني مب بضروري الردود تكون فوريه يمكن الموضوع ياخذ يومين لييين مايرد عليه

لان اختي العضوات مب جالسات 24 ساعه لرد!! اذا الموضوع يناسبه الحياه الزوجيه خلاص كنت كتبنيه هناك من الاول!

يغلق الموضوع

ومب كل المشاهدات تكون اتصور من العضوات! في مب مسجلين ولكن يمرون وفي عضوات مايردن كثير على كل المواضيع