الوسم: المصروف

المصروف الشهري؟؟؟

السلام عليكم و رحمة الله و بركاته،
خواتي أنا مشكلتي إني واااايد أستحي أطلب مصروف من ريلي، أنا متزوجه من ست شهور و هو يعطيني 1000 أو 1500 شهرياً و يقولي إذا قصرتي خبريني، بس أحس واااايد صعب إني أقوله ان المصروف ما يكفيني (أستحي أقوله)، عطوني نصايحكم و يزاكم الله ألف خير…

لا تستحين حبيبتي …
انتي في بداية زواجج قوليله انه المصروف ما يكفيج لأن ……(الأسباب)<<<
لو استحيتي من البدايه بتتعودين على هالشي ..

انا مثلج كنت استحيييي بس عقب عااااااادي الامور طيبه ..

ماا عليييييج كسري ظهره خخخخخ >>>>>>> جست سواالف لا اتصدقين خليجية

لا تستحين ولا شي تراه ريلج

ممكن تلمحين اول شي لو ما استوعب عطيه كاش هههههههههههههههههه

انا كنت نفسج وكنت استحي اطلب حتىلين الحين مرات استحي اطلب اطرش الصغاريه يقولون ماماه تبغي فلوس
بس ف حالتج اذا استحيتي طرشي مسج وكتبي فيه انا كنت اسوي قبل جذه اذابغيت اي شي

الغاليه المبلغ اوكي كل شهر مب شويه 1500 كل شهر وممكن توفرين لج منها بعد

بعدين انتي يوم تطلعون اظني هو الي يصرف صح ؟؟

يا خواتي كل وحده لازم تراعي زوجها انا ما اعرف شو مصاريفج وكيف وضعج بس انصح كل زوجه لا تراقب غيرها وكل حد بحاله احسن

الله يوفقكم الغاليه وإن شاء الله اكون افدتج

عادي أختي اطلبي منه ترا ريلج هب حد غريب
إذا مستحيه منه طرشي له مسج ؟؟

ريلي والمصروف

السلام عليكم ورحمة الله وبركاته ..

كل عام ونتو بخير ومبارك عليكم الشهر ..

خواتي انا معرسة صارلي سنة تقريبا .. وعندي بنت توها صغير بعمر شهرين ..

ريلي هب مقصر ويايه ابد .. كل شي موفرنه لي من اكل وشرب ولبس واشياء اساسية .. ويوم نطلع هو يدفع من جيبه اذا عيبني شي وبغيته ..

محددلي مصروف فالشهر يكون عندي 500 درهم .. بسسس احسسه مايسدني وهو راتبه زين والحمدلله ..

بسس ساعات يكون فخاطري ميكب مثلا او عطر او حتى افصل جلابيه ولا اخذ قطع ولا اخذلي شنطه و. و , الخ

يوم اقوله يقولي مب لازم كبتج متروس من هالسوالف عندج شو تبين بعد !!

مره رحت السوق وبغيت اخذ نعال عيبني .. قالي شو تبينه عندج وايد فالبيت , زين عندي بس ها كله من زهابي خاطري بشي يديد ,

باختصار يشوف اني محتاية اشيا مالها لزمه واصرف وابذر ع الفاضي .. طبعا اذا ييت حنيت عليه اني ابا اخذ شي واصريت ياخذلي اياه بس عسب ما ازعل ,, لكن ملييت مب حاله هاي ساعات يكون اشياء فخاطري واسكت وماقول ..

حتى الحنا .. كان خاطريه اتحنى ع شهر رمضان .. قالي ع العيد مابعطيج بيزات تتحنين !! يشوف الحنا خساير وانا مب من اللي دوووم اتحنى يعني كل 4 شهور او اذا في مناسبه ..

الصالون ماسيرله وايد الا اذا شي مناسبه غيره ماسير كل شي اسويه فالبيت .. حتى المناسبات البسيطه اعدل عمري فالبيت

واذا قلتله ابا وابا يشوفة شي سخيف وماله لزوم وان طلباتي ماتخلص ..

امسات فتحتله الموضوع وقلتله اني ابا مصروف محدد .. مابا انته تدفع عني كل شي ..

قالي كم تبين .. قلتله 2024 درهم .. انا باخذلي لبس .. اكسسواار .. ميكب ..صالون .. جلاليب .. الخ انته لا تدفع من مخباك

بس الجمعيه واغراض البيت والبنت عليك ..

قالي يبالي افكر فالموضوع ..

امس رديت فتحتله الموضوع .. قالي 2024 واايد !!

بعطيج 1500 ومصروف بنتج وياج .. يعني يوم اطلع ويا هلي ولا اخواني اذا فخاطر بنتي شي اخذلها .. لا تترين تطلعين وياي وتتشرينه عقب ! انا اعترضت ع هالشي لانه مصروفي وحقي ليش اصرف بعد ع البنت .. هو موجود هو يخصص لها مصروف .. اوكي اذا ع الاكل يعني اكيد باخذلها ولا حلاوه ولا أي شي بسيط ولا اذا كان لبس انا عايبني خاطري اخذلها باخذلها ما بقصر بس مب دووم يوم انا ابا .. حرج من ردي وقالي عنبوه تحسسيني انج مب امها ومالج خص فيها وووو كلام واايد ( حسسني اني وحده حقيره وانانيه )

قلتله مب مشكله اذا عطيتني 2024 بصرف ع بنتي .. قالي مب انتي اللي تحددين مصروفج كم,,, انا اللي احدد وانا اللي بعطيج .. وقالي انصدمت منج اذا ها تفكيرج اانا لو منج والله معاشي فدوه لعيالي .. قلتله انته المسؤول عنهم وانته اللي تصرف انا مب ملزومه اصرف عليهم انا لي حاياتي والمصروف من حقي انا اذا ايمعه ولا اصرفه …

المهم تم الموضوع معلق .. وهو يشوفني اني انانية واحب نفسي وماحب بنتي وماقدر ظروفه ومصاريفه وفوق ها شال بخاطره علي .. ولا يكلمني .. وانا ماعتذرت له لاني اشوف انه معاي حق وماغلطت عليه ..

2024 درهم احين يالله يالله تسد ,, كل شي مستوي غالي

خواتي بس شورن علي انا ماغلطت فشي صح ؟ يعني ماله حق يزعل ويعصب اذا اني مابغيت اصرف ع بنتي من مصروفي ؟

بس ابا مصروف لي .. مرات فخاطري اخذ هدايا لاخواني او عماتي او امي وابوي ..

انحرج يوم اطلب منه هالشي واللي عطيني اياها مايمديني ايمعهن واذا طلعت مثلا فالشهر ويا هلي بال500
اخذلي اكل ولا اخذلي مثلا تيشيرت عيبني ولا روج اطير ال500 واتم بدون بيزات
واذا قلتله يسالني وين راحن ويوم اقوله اني صرفت ع الشي الفلاني احسه يضايق لاني اصرف ع شي تافه فمن جيه من تخلص بيزاتي مااقوله اتريا لين الشهر اللياي او يوم اطلع وياه هو يدفع عني خليجية ..
حتى احين عيد زواجي عقب شهر وانا افكر احيز وارتب واخذله هدية بس كييييف وانا ماعندي سيووله :"( ..

والله قهههههرر خليجيةخليجيةخليجية

حبيبتي الغالية
انتي كنتي من البداية اتعلمينه انه يصرف عليج اسمحي لي 500درهم شو اتسوي الحين و بعدين هو حق يشتغل لج و لبنته اصلا كمصروف من طويل العمر و من حكومة الامارت لبنتج 600و لج 500علاوة زوجية يستلمها يعني هو مايتعب فيها هاي اتي له زيادة عاراتب و مستخسر فيج 2024اكيد اذا في خاطرج شي بتشترينه و البنت هو امكلف بمصاريفها.
اما اذا كان زوجج بخيل فالله اعينج صعب يقتنع و لو عطاج 2024بخلي كل شي عليج

معليه اختي تعالي له بأسلوب دلعيه حبتين وبيرضى

طالما وافق مبدائيا على 1500 معناته في مجال يقبل يمكن طبعه كده وتدرين مب بسهوله يغيرون طباعهم

لكن خديه بالهداوه وبيني له انه خيركم خيركم لاهله واحنا منو معنا غيرك ووو بيحطاها وهو مغمضخليجية

لاتبيني له انه غصب لازم يدفع لا حسسه انه انتو بحاجته وماعندكم غيرة

الله يعييينج والله انا سوالف البيزاات ماعرف اتصرف او انصحج فيها بس اكيد احسن لما طالبتي انه يزيدج. المهم نحن ف رمضان لا تضيعين اياامك بالزعل. والله يهديه

اختي الغالية حققققج
شو 500 !!
يا الله شو تسوي 500 الحين؟!
يالله يالله يسدون عيالي يوم احطهم الالعاب!

قوليله حقي تعطيني
ولا تريدني اسير عند ابوي واخذ منه مصروف؟!
ولا تباني اشتغل واريحك من همي وهم بنتك؟!!
هذا وانتوا الحين عندكم بنيه وحده !
عيل شو بتسوون يوم بتكبر عيلتكم؟!
هذا بخل يا اختي
لازم تحذين وياه كل شي من الحين!!

ويوم تشوفينه اشترى لعمره اي شي قوليله هذا المفروض ما كان له داعي!

انتي ما غلطتي هذا من حقج لانه ٥٠٠ ما تسد
الا اذا طلعاتج ويا ريلج وهو يدفع لج كل شي هني راح تسد
اما اذا ٥٠٠ انتي تدفعين فيها حق عمرج صعبه يعني يباله تخطيط وحرمان

البنت هو ابوها مسئول عنها ويعطيها معاش منفصل عنج
وانتي حرمته بعد من حقج معاش منفصل
هذه حقوق ولازم يصرف عليج انتي وبنتج

بس اذا ريلج ظروفه صعبه ومديون ماعليه خلي معاشج منه عالاقل ١٠٠٠ وحق بنتج ٥٠٠
وطبعا لو ماسد بنتج ٥٠٠ اطلبي منه عادي

او ٢٠٠٠ لج ولبنتج لو قدر

اهم شي شوفي ظروفه والديون اللي عليه

واذا في مجال تشتغلين اشتغلي لانه بالاخير مب كل ريال يقدر يوفر لحرمته الحياة اللي تتمناها بمعاشه نحن بالاخير لازم نقدر ظروفهم
يعني لو ريلي معاشه قوي ماله حق مايعطيني اما لو معاشه ضعيف بعذره وبحاول اشتغل لو اني حابه ادلع عمري واشتري

اختي ما على استهدي بالله
لو انتي ما تشتغلين و تقولين راتبه

انتي عايشة وياه و تعرفين اموره المادية و تقدرين تجوفين لو عليه دين سيارة او دين بيت او ايمع ل بيت العمر او يفسفس فلوسه يمين و يسار

يعني لو يعطيج 500 درهم و كل شي عليه ترى زين يعني لبس و اغراض و كل شي بس يمكن انتي مب مرتاحة انج تبغين تشترين اشياء معينة يوم هو مب وياج

تفاهمي وياه ولا تسوينها سالفة كبيرة لو ما رضى خليج ع ال 500 و يشتري لج كل شي
و دوم لو طلعتي ويا اهلج حطي ف بالج شو تبغين و اكتبي ف ورقة و من تسيرين وياه اشتري ع طول و ذكريه انه هو قال بيدفع لج كل شي

بس لا ترضين مصرف بنتج ويا مصرفج عوديه يوم تطلعين يدفع مال بنتج ف حدود المعقول يعني لا تكونين مسرفة و دوم تبغين تشترين خلج وسط

لو معاشه زين مثلا 20 الف و ينزل له صافي ما عليه دين ما اجوف فيها شي لو عطاج 2024 حقج
بس حتى لو معاشه 15000 شو يعني 2024 تراها ولا شي لو راتبه ينزل له صافي كامل مكمل

يمكن ريلج يحب يعطيج 500 و يطلعج و يشتري لج ما يبغي يعطيج 1500 و عقب انتي تسوين لج كل شي يعني يحب يكون وياج و انتي تشترين
و لا تجوفين الموضوع من جانب واحد ادرسي كل الجوانب

سوي لستة لو تبغين تخرعينه شوي باغراض العيد و اكتبي جلابية ب 1000 عبايه ب 800 شوز ب 500 شنطة ب 1000 حنا ب 300 صالون ب 300
قولي له شو الاحسن تعطيني 2024 ولا كل شي عليك هههههههههههههه

انتي والمصروف الشهري لربات البيوت

السلام عليكم
اشحااااااالكم
بنات بسالكم كل وحدة كم تاخ مصروف عن ريلها وكيف ترتب امورها وشو اللي تكون مسؤولة عنه؟؟

انا ما اخذ من زوجى مصروف للبيت وهو يشترى كل شى …انا بس اقول البيت شو ناقص وطبعا هذا اريح من وجع الراس والاتهامات بالتبذير وشراء ما ليس له لازمه وغيرها من الافلام الهنديه للازواج….انا كل صديقاتى يشتكين لانهم هم ياخذون من ازواجهم المال ويتحملون المسؤليه لوحدهم بعد كدا….

انا جربت طريقه وواااايد مرتاحه منها الصراحه

المصروف اللي بيعطيج اياه.. وزعيه في اظرف .. وكتبي عليهن واحد للجمعيه وواحد للعيال وواحد للمعاشات اذا كنت مسؤوله عنهن وواحد لمصروفج ووووو…. حسب المسؤوليه اللي انتي موكله عليها .. وانتي قدري وحسبي كل ظرف كم يحتاج تحطين فيه
وكل ماتحتاجين شي يخص العيال.. خذيه من ظرف العيال.. واذا شي من الجمعيه خذيه من ظرف الجمعيه.. وجي والله صدقيني بترتاحين.. لانج اذا كان المصروف كله جدامج بتمين تاخين منه بدون ماتحاسبين..

صراحه انا ما اخذ منه مصروف البيت نسير ونشتري اغراض البيت مع بعض ومعاش الميد ترا معروف …ومصروفي بس خاص فيني انا

وانا بعد مصروفي لي انا بروحي 2024

وبخصوص المصاريف البطاقه عندي ومتى ما خذت للبيت تراني اشخط بها

انا ريلي بعده ما توضف اول ما يتوضف إن شاء الله بيكون لي مصروف. محدد:1 (20): …………………….وحبيت اقو للأخوات المصروف إلي تحددينه من ريلج كل شهر هو لج إنتي بس يعني خاص فيج وفي أغراضج مو للعيال والمطبخ وعودي ريلج والباقي مصروف البيت والعيال هو ملزوم فيه ياخذه مو يعتمد عليج………………والله يوفجكم جميع…:22 (22):

وانتي دهن العود ما خبرتينا جم مصروفج؟؟؟؟:1 (7):

هلا حبيباتي

بالنسبة للزوجات العاملات …
كيف تتعاملين ويتعامل زوجك بالراتب…
هل ياخذ من راتبك شي؟؟
وهل يعطيك شي من راتبه …؟؟
وهل أنتي أليي تتكفين بمصاريفك ؟؟
منو مسؤول عن مصاريف البيت والعيال…أنتي ولا هوه؟؟

ترتيب المصروف

مرحبا الغاليات تعرفون من أول مانستلم الراتب يطيرأنا ابغي جدول اللي كل وحدة تتبعه من يوم تستلم الراتب يمكن استفاد منكم وهل توفرون شي من الراتب اتعرفون الغلا هالأيام كيف صاير ابغي نصيحتكم والسموحة خليجية

هلا الغاليه ..

اهم شي تحطين الاشيا الضروريه الي تبين تشترينها ومب كله مره وحده يعني على حسب الضرورة

شي هالشهر وشي الشهر الياي مب كله مره وحده .. واحسن طريقه انج تكتبين الي تبينه عشان ماتشترين اي شي الي تينه والي ماتبينه وحطي اولوياتج

خخخخخخخخخخخخخخخخ أنا محتايه اتعلم كيف اصرف خصوصا اني استقلت من شغلي .. صدق اني مب صاحيه و الحين ادور شغل .. و البيزااااااااات كلها طايره في الهوا و اقساط سيايير و سلفيات و لين نص الشهر نشحت .. الله المستعان بس

ههههههههه الحال من بعضه ..
لكن الحل انج اتسوين جدول نفسي…

أنا ينزل معاشي تاريخ 26 و تاريخ 30 أو قبله أحيانا أنا مفلسة خخخخخخ .. الله راحمني بريلي مسكين ما يقصر ويايه

يمكن يعطيني كثر معاشي وزيادة وبعد أصرفهن صرف الخبايل … لازم أتعلم أنا بعد كيف أنظم عمري وع الأقل أخليلي

كمن بيزة تنفعني حق المستقبل …

؟؟؟؟؟؟؟؟؟؟؟؟؟؟؟؟؟؟

الموضوع واااااااااااااااااايد حلووووووووو…انتريا مشاركات ولى رجعه

فضفضة ، زوجي والمصروف

مساء الانوار حبيباتي

بدش فالموضوع ع طول بدون لف ودوران
كالعاده ماعندي شغل الا ريلي وطاريه
انا بس ابي افضفض ابي اطلع اللي بخاطري

المهم ، زوجي يعطيني 1000 كمصروف
وهو راتبه 18 الف وانا مايكفيني ، يقول انتي تشتري اشياء
مالها لزمه ، مو راضي يفهم انه الزمن غلاء
بالله عليكم 1000 شو تسوي؟؟
وفوق هالشي حالف مايبيني اشتغل حسبي ونعم الوكيل
ﻻراحمني وﻻمخلي رحمة الله تنزل علي
وكل مالمحت له قال انا مو مقصر معج وانتي طماعه
شو طماعه؟!
هو ملزوم بواجباته ، في فرق بين الواجب وفي فرق بين كماليات اللي احتاجها
انا ماعندي عيال ، هو عليه دين 4000
يسدد للبنك سلفيه
لكن يفر فلوسه لامه 4000
وامه حرمة كبيره ماتعرف شو تسوي بهن وتيلس توزع على الخدم والجيران ومدري شو وكل عيالها وبناتها يشتغلون ويعطونها
انا موب متحسره ع هالشي بالعكس
بس هو ملزوم بي فالشرع اكثر من امه

شالحل معه؟ كيف اخليه يزيدني؟
هو كان يعطيني اقل عقب تميت اقوله مايكفي وزادني
شو زادني1000؟؟
يالله من فضلك

جد خواتي شو اسوي؟
انا لما كنت بيت اهلي كنت كله كشخه
ومن تزوجت مالت علي
احس كشختي مو نفس قبل نقصها علي
وبخاطري اشياء بس شو اسوي

كم يعطونكم ازواجكم بالشهر؟

وووووي ياحظي ، شكلها راحتي بالقبر بس
صدجت امي ل قالت ، يا ريل يشيل الحرمة فوق يا يخليها وﻻ شي

مدري بعض الحريم يتمسلقون على رياييلهم ويسحبون منهم
واللي تمسك راتب ريلها
وانا مالت علي
حتى الف زياده مو قادره عليه
لي الله ان شاءالله

ﻻأحد يقول مادية وﻻأشو
انا ماشتغل وﻷيبيني اشتغل واشوف البنات يشترون ومدري شو
وانا اروح السوق عشان شي ضروري ينقصني ماروح اشتري واشوف شللي نزل يديد

الله بفرة عقل لهالريل يارب

الله يهديه لج

اختي ما أعرف شو أقولج …. بس راتب الخدامة الله يعزج أحينه وصل 1000 والفلبينية 1500…. وانتي الزوجة المصونة العزيزة الكريمة تستلمين مصروف من ريلج؟ المفروض كل ما تحتاجين شي يشتريلج واللالف هاي بس اتكون عندج في المحفظة اتمشين امورج اليومية مثل رصيد أو تبين تشترين هدية بسيطة مب راتب شهري 1000؟ شو ها الرياييل؟ ليش يذلون بنات الناس وهن كانن عزيزيات بيت أبوهن؟

ع العموم قوليله ان الخدم رواتبهن من 1000 لين 1500 وانتي اقل شي لازم يعطيج 3000 … حرام والله … الله يهديه ويسخر قلبه لج يارب…

لازم يزيد لج من حقه .. لانه زوجج

الحل يوم تشترين خليه وياج
يشوف شو تشترين وكم تدفعين .. عسب يعرف الفلوس وين تروح

لج الحق اطالبين بزيادة المصروف

راتبه 18000 يعني الحمد الله عنده

بس ما ادري كيف طبيعية ريلج يمكن حبووبة يوم تطلعين وياه يدفع لج كل ش يعني لبسج و اكلج و شربج و اغراضج للعيد
يمكن ال 1000 هاي للرصيد و تشترين اشياء في حالة هو مب موجود

ترى مو شرط اللي يعطي حرمته 3000 احسن من اللي يعطيها 1000
بس الطريقة تختلف بين كل ريال و الثاني

لو هو يعطيج 1000 درهم ويا ملابسج و اغراضج اسمحي لي مول ما يكفي
حتى لو تبغي تشترين هدية لحد ما بترومين

قوليله زيدني ل 2500 درهم
او خلني اشتغل

احمدي ربج انج تستلمين انا ما شوف ولادرهم مصروووووووووووووووف

المصروف الشهري والتوفير . ملف اكسل

مرحبا حبايبي ..
هذا ملف اكسل سويته للي كانوا يسألون كيف ممكن يوفرون ..
اتمنى يساعدكم…

ظ…ظٹط²ط§ظ†ظٹطھظٹ.xlsx

يعطيج العافية

يزاج الله خير اختي
حملته بس مافتح وياي لان الاوفيس عندي قديمخليجية بنقله عالجهاز الثاني وبطلع عليه

^^

شوفي الرابط الثاني اختي .. اذا بيفتح لأني حفظته على الاكسل الجديم

يزاج الله خير

مشكورة الغلا

كيف اطلب المصروف من ريلها

السلام عليكم
شحالكن يالغاليات
الغاليات اذا الوحده محتاجه مصروف اكثر شوي. مع انه مب عارفه كيف تطلب من ريلها مصروف يكون اكثر شؤي يعني كل شهر 1500 مع انه الحين 1500 مايسون شي. عطوني حل

قولي محتاجة يا اخي

انا استغرب انه البنات يوم يبون شي من ريلهن يستحن انزين ليش

سواء في المصروف او العلاقة الخاصة مثلا ريلي ما يونسني انزين قولي له شو تبين

و كوني واضحة في الطلب و صريحة و جادة و حددي اللي تبينه بالفلوس

لمه تحددين المصروف يسال حق شو تبين هالكثر

اذا هو من النوع اللي يسأل ليش قولي المبلغ ما يكفيني
اشتري جي واصرف المبلغ الفلاني على جي وعلى اخر الشهر ما يكون عندي شي ..
او مثلا هالمبلغ احيانا ما يكفيني
وانته كريم وانا استاهل
وانتي ابدي الحوار بأسلوب ذكي يعني طلبتك واتمنى ما تردني
وحاولي تفتحين الموضوع وهو رايق وانتي وشطارتج

خليجية

مافيها مستحى !

شو ها؟ أنا أستغرب من الرياييل الأنانيين … اصلا كيف يرضى يعطي حرمته أم عياله راتب مثل الخدامة وانتو بكرامة؟ انا ها الشي يقهرني ويستفزني… المفروض من بغت شي يعطيها ويتناقش معاها إذا غالي أو يشوف إنه ماله داعي وجي… مب يعق عليها مبلغ كل أول شهر وعقب يشل إيدينه؟ والله روحي أرخص محل وشوفي كم بتدفعين؟ والله ال500 ما اتسوي شي أحينه كل شي غالي …. والزوجة ترا لها قلب ولازم تتهنى وتستانس وتعيش إذا الريال مقتدر والله منعم عليه…. المفروض الراتب حق الرصيد والبترول ومصروفات الجيب مب لبس وعباه وشنطة وجوتي ومكياج وعطور وإذا شي مناسبات مثل عرس والا عيد… شو بتكفي ال1500؟

الله يهدي ها الرياييل… ياخذون البنات من بيت أبوهن معززات ويذلونهن….

ريلج يقدر يعطيج هالمبلغ الكبير يعني راتبه قوي وبعدين كل ريال وظروفه يمكن علية التزامات وديون والبنك يقص عنه وايد واذا راتبه ضعيف قدري ظروفه ولا تضغطين عليه وايد أنا ريلي يعطيني 500 وبالعكس مقدره ظروفه وشايفه حاله ومرات اقوله لا تعطيني عندي مبلع محترم بس ما يرضى لازم يعطيني عشان ما يحس بالذنب ما أدري يمكن أنا من النوع الي ما أتشرى وايد يعني بين فتره وفتره أسير السوق فأحس مبلغ 500 يكفيني لأني أكون مجمعه مبلغ

ماما و المصروف الشهري فرض عين علي حتى لو ماعندي شو اسوي

نقلت الموضوع بروحي … عفانا الله يحبكم للططمش .. 93 مشاهده و لا حد تكفل وكتب شي .. ثانكس بروح حق السنعات مال الحياه الزوحيه .. بيعطوني الحل .. وانتو خلكم حق التطمش

لا حول ولا قوة الا بالله اختي اسفين اذا مافي رد بس يمكن ماحد دخل القسم اليوم او مافي نشاط!!!! ولكن السناعه اختي مالها خص!!!! يعني مب بضروري الردود تكون فوريه يمكن الموضوع ياخذ يومين لييين مايرد عليه

لان اختي العضوات مب جالسات 24 ساعه لرد!! اذا الموضوع يناسبه الحياه الزوجيه خلاص كنت كتبنيه هناك من الاول!

يغلق الموضوع

ومب كل المشاهدات تكون اتصور من العضوات! في مب مسجلين ولكن يمرون وفي عضوات مايردن كثير على كل المواضيع

المصروف الشهري للزوجات

السلام عليكم ورحمة الله وبركاته
كيفكم بنات متزوجات وآنسات إن شاء الله تكونون بخير وبصحة جيدة اللهم آمين
أريد أن أعرف منكم وخصوصا المتزوجات منكن اللي ما يشتغلن يا ترى كم يعطيكن أوزاجكن كل شهر من مصروف .
بالنسبة لي أنا مصروفي غير محدد عسب الحالة المادية 500 أقل أو أكثر على كل حال الحمد الله رب العالمين .
الله يطول بعمر الشيخ خليفة بن زايد على هذه الزيادة اللي ساعدتنا كثيرا بالرغم من الغلاء الفاحش اللي متضررين منه ولكن ما باليد حيلة والله المستعان في كل الأمور .
أرجوكم يا أخوات لا تبخلوا علي بالرد ولكم مني جزيل الشكر والعرفان .

الحمدلله انا اشتغل بس هذا مايمنع ان ريلي يعطيني مصروف البيت واليهال يعني في حدود ال2017

ع حسب يعنى اذا ريلج دووم موجود ويااج فرق عن اذا ايداوم بالاسبوع
عنى فحدود ال 2024 تقريبااا الا اذا عندي التزامات ثانيه …وطبعا الجمعيه وراتب الشغاله عليه وسيرات السوق هو يدفع بس هذيلااا حقي انا عرفتى ..

مصروفي ما تغير من قبل لا اشتغل وبعد ما اشتغلت

يعني 1500 وفوق واي شي ثاني ابيه ما يقصر معاي دومه يقول انا مسؤول عنج وما ابي هالشي يتغير

ربي يحفظه ويخليه

مصروفي ما تغير 10000 الف حقي بس مع الزياده ما زاد شكلي بشتغل احسن لي

خخخخخخخخخخخخخخخ

وحده تحلم

غير محدد اللي اباه يعطيني على طول الحمدالله ومصروف البيت عليه

كل معاااااااااااااااااش ريلي حقيي هع هع محوشه على كل حاااااجه

مممم والحين قمت اوفر منهم 2024 كل شهرر عسب وراناا بنا بيت ان شاء الله قولوالله يسهل امورنااااا

المصروف :(

السلام عليكم و رحمه الله و بركاته

شحالكم ..؟

ريلي و لله الحمد طيب و حنون و متدين و خلوق

بس مشكلتي فالمصرووف

بنات يوم ابا شي و لا ااخذ شي يعطيني فلووس بس ع القياس

يعني ع قد الشي اللي باخذه

و انا مب مرتاحه جي ابا يكون لي مصرووف و ادخر منه حق وقت الحايه

و استحي اقوله هالشي ماحب ع كل شي ابا ااخذه اقوله باخذ جي عشان يعطيني

يمكن انا عودته أول فتره اني ما اطلب شي

احين احسبه مب حاس بالمسؤوليه

الزبده

كيف اقوله اني ابا مصروف شهري لي …؟؟

هلا فديتج

اقترحي على ريلج انج تفتحين حساب في البنك وكل شهر يحط لج مبلغ معين

اذا رافض هالشي او انتي ما تبين

قوليله انه المصروف ما يكفيني أحياناً وخل يزيدج شوي

بس يبيله باسلوب حلو … وكلما خلصت البيزات طلبيه

واذا تستحين تطلبيين طرشيله مسج ^_*

واذا سألج وين راحت الفلوس اللي قبل اشرحيله وين صرفتيها وانا الحين اللي يعطيج ما تييب اغراض واايد

وفي عندي اقتراح ثاني .. انج تطلعين معاه تاخذون اغراض البيت ..

من غير يعطيج مبلغ لج كل شهر خاص بج ^_^

لا حول ولا قوة إلا بالله

غاليتي خليجية

الحمدلله ان ريلج طيب وحنون معاج

معناه ان فيه الخير وما ينخاف منه بإذن الله ^_^

وأختي اذا ما قدرتي تخبرينه مباشرة ,, في طرق بسيطـة لكن فعــالة خليجية

اكتبي له رسالــة واعطيها حقه ^^

أو مسج أو إيميل

واكتبي فيها الكلام الي بخاطرج ,, وهو بيقراها وبتوصله المعلومـة بإذن الله ^_*

بدون ما تنحرجين أو تستحين ^^

واعذريه أختي اذا حريص ,, مافي حد يضمن الغنى ..

وربي يسخركم لبعض خليجية

خليجية

لا اله الا الله 00حبيبتي تفااهمي معااه ونااقشيه

وخليه يسأل المطااوعه عن هالشي اذا كاان مب مقتنع ^^

عزيزتي الزوج لااازم يعرف ان الدنياا غلت والزوجه محتااجه اذا ماا كاانت تشتغل

وحتى لو كاانت موظفه فالزوج عليه النفقه الي تكفي وتسد البيت والزوجه

بالتفااهم فديتج والكلمه الطيبه 00ولا تنسين الاستغفاار عنووني

الله يسخركم لبعض ويسعدكم ياارب

شوفي انتي و متى ريلج يكون بمزاج رايق

قوليله حبيبي اباك تمشيلي معاش ^^

عاادي حبيبتي..
أنا من البداايه مع ريلي اتفقنا على المصروف كاامل شااركته بتقسيم البيزات بحيث انه مبلغ لي ومبلغ له ومبلغ نخليه وقت حايتنا ومباالغ مصااريف الثانيه العرس والبيت والسيارات وغييييييره ..
وبعدين داايما يوم بتظهرين مكان خليه يعطيج بيزاات ولا تقوليله شو بتاخذين ولو سألج قولي بشووف شو بااخذ لا تعوديه من الحين يقصر عليج بشي وبعد رااعي ظروووفه لا تضغطين عليه بس وقت ظهرتج خليه يعطيج مبلغ وانتي حددي 500 أو 1000 أو 2024 حسب رااتب ريلج ومصااريفكم وانتي ادراابهاا أكيد بيسألج جم تبين؟؟ فالبدايه خليه رووحه يعطيج شوفيه جم بيعطيج وعقب إذا ما كفااج زيدي من عندج وقوليله ابا جي جي جي فالطلعات اليايه..
مبين عليج عااقله وتقدرين الظرووف بس بعد لا تتنازلين عن حقوووقج من حقج إنه ريلج يعطيج مصرووف..
وعندي لج فككره.. قوليله حبيبي ممكن اطلب منك طلب .. عطني مصرووف كل شهر واللي بيزيد انا بدخر منه للاياام بنستفيد منهم وهني حددي المصروف اللي تبينه 4000 او 2024 حسب ميزانية ريلج انتي شووفي وفعلا اللي بيزيد خليه للاياام باجر بتحتايونها هالبيزات …
والله يوفقج حبيبتي
ويسعدكم إن شااء الله

صاارحييه خلييه يخصصلج مبلغ معين وطبعا ممكن اتني اتحدديه بس بلي يقدر عليه مب تعجزيينه وتقووليلة ان هشي يريحج عشاان مااتميين تطلبيينه كل مرة واذا مااواافق ممكن كل مرة تطلبيه تطلبين اشوي زياادة وتخشيين البااقي وبجيه يكوون عندج مبلغ كل ماتحتاايين وتحسيين انج تبين اتييبين شي.
موفقه