الوسم: الشهور

تجمع لحوامل الشهور الأولى حياكن

خليجية

مرحبا بالحريم اشحالكن

اولا مبروك انتي حامل خليجية

اخبار الحمال وياكن

اللي اعرف انه ما شاء الله في وااااااااااايد بنات في شهورهن الاولى واذكر منهن:
اتعبني غروري، سحر الجمال، الغلا ومنو بعد

أنا واعوذ بالله من كلمة انا

ومنو بعد خلونا نتيمع

المهم اخبار الوحام خليجية

انا الحمدلله بس احس استويت اكره الاكل الدايم احب اكل شي يديد خليجية

ومع اني عندي بنتين بس احس بعد غياب 3 سنوات عن جو الحمل والتعب

نسيت كل شي

وشني اول مرة احمل خليجية

المهم اتريا سوالفكن خليجية

هلا فينول اول شي مبروووك
ثاني شي ها أول حمل لي وأبا منج نصايح وشكراااااااا

مبروووك الحمل حبيبتي
أنا الحين في نهايه الثالث والوحام أحسه صعب هالمره
هذا ثاني حمل لي…. وحامي كان أول شهرين تعب بس شوي الحين خف ممكن عالرابع يختفي ان شاء الله

هلا فيكن

ومبروك ع الحمل

اشحالج مريوم والله يسهل عليج الوحام واول نصيحة بقولج ايها استمتعي بكل لحظة بالحمل واقري واااااااااااايد بموضوع الحمل وبتحسين بعظمة الله

بالنسبة للوحام الحمدلله انا من النوع اللي ما ايني وحام فافتكيت منه

واشحالج دنياي يحظج الحين ترومين تعرفين جنس الجنين والله انا خاطري اعرف

انا عندي بنتين والحينة خاطري بولد

وسبحان الله ان شاء الله يطلع الياهل معافى وسليم اهم شي

بس خبريني في وحة منكن تشتغل

انا اشتغل وهلكانة من الشغل في رمضان …الله يعين

الله يتمم علينا ع خير خليجية

هلا بنات انا سحر الجمال وحامل في الشهر الثاني ويعني باقي اسبوع انشاء الله وبكون في السبوع الثالث واول ياهل والله تعبانة من الوحام وخاطري بتوم وادعولي بالخير والله يسهل علينا جميعا قولوا آمين………..

خليجية شحالكم يا جماعة ..
أنا بعد يومين بادخل الرابع .. الوحام خف شوي .. لكن هذي المرة كان شديد .. واستويت أعاف أي أكل بعد كم مرة آكله .. اول مرة يستويلي جذي .. الله يعين الجميع .. وينول كل حد اللي في بالهخليجية

هلا بسحر الجمال وهلا بجدايل

بتخبركم كروشات حد منكن راح يراجع العيادة او المستشفى

او سوت صورة؟؟؟

انا بعدني ما سرت

ان شاء الله خلال هالاسبوع او الاسبوع الياي

لكل من اجهضت في الشهور الاولى ولا فجأه مات الجنين في اي شهر كان دخلي بسرعه

السلام عليكم والرحمه

خواتي ربي يعووض عليكم بس الحمدلله بفضل الله لقيت لكم الحل في الحمل الياي ان شاء الله

بلغوا دكاترتكم يكتبوونه لكم ضروووري ..

استعمال اسبرين الاطفال بجرعة 75 ملجم وجد انه يزيد من الدم الواصل للجنين
ويمنع تكون الجلطات فى الاوردة وهو يستعمل فى حالات تكرار الاجهاض غير معروفه السبب
وفى حالات وفاة الجنين الفجائية ويمنع حدوث تسمم الحمل
ويستخدم من بدايه الحمل وحتى بداية التاسع

هذا كلام احدى الدكااترة انا نقلته لكم ،،

عزيزاتي فعلا اخت ريلي اجهضت وكان السبب غير معرووف

ودكتورتها كتبت لها البي بي سبرين ترى هو له عدة اسامي بس كل دكاترة النساء يعرفنه

وفعلا دكتوره ماريان يوم خبرتها قالت في الحمل الي جهضت قبل

وحملت مره ثانيه لاااازم

تعطيها هذا الدواء مع حبوب مثبت مع ابرتين تثبيت .. يعني اسبوع ابره والاسبوع الي بعده ابره

لكن البيبي سبرين . تاخذينه مره في اليووم لييين توصلين الثامن فقط

الدكتوره تحدد لج متى توقفينه ابحثي في قوقل المواقع الاجنبيه وتجارب البنات كاتبين عنه

للي تعرضضوا للاجهاضات قبل انه واايد فادهم بالحمل الثاني واستمر الحمل من دون اجهاض

يعني انصح كل وحده اجهضت تسوي حجامه

عقب تبذل السبب باخذ هالادوويه .. ووتوكل على الله وتعلق قلبها بالله بالمعوذات والاذكار

والاستغفار والددعااء ..

دعوووووووووووواتكم بنااات خليجية

مشكوره ويزاج الله خير

يزاج الله خير ..
الله يرزقني ويرزقكم الذريه الصالحة يا رب…

مشكوورة ويزاج الله خير عالمعلومة

up up خليجية

مشكوورة اختي ويزاج الله خير عالمعلومة

باااارك الله فيييكم ع مروركم الطيب

حامل ف الشهور الولى وفيها التهابات

بنات شخباركم
عندى وحدة حامل في بداية شهورها وفيها التهابات من تحت
ووايد يعورها
الدكتورة عطتها كبسولات لونة احملر وابيض هي كاتعرف شو ها الكبسولات لانها ماسشالت بس انا اضن انة مضاد حيوي
هي تاخذ ها الكبسولات بس لين اللحين الالم ما خف؟؟
وبعدين ما في ضرر من استخدام ها الكبسولات ع البيبي خصوصا في بداية الحمل

بنات بالنسبة للالتهابات هل تقدر تسويلها دش *** بالبابونج او المرلامية او السيباميد ( اظن جي اسمة ) يعني ما في ضرر ع البيبي

ضرووووووووري

حبيبي الدكتوره ادرا بحالتها يعني مستحيل تعطيها شي يضر البيبي تراها هي الي بتتحمل المسؤليه بعدين ولا تخاف وخليها تستمر عليه لانه هذا الدوا شكله مال حوامل عادي

الغالية خلى الدكتورة توصف وعلى فكرة الدوش مول مب تحملى

الغاليه من حامل في الشهر الثاني وحسيت من فتره باحتكاك المنطقه الحساسه واحمرارها وخروج سائل ابيض غليظ نوعا ما ………رحت للدكتوره ووصفت لي تحاميل ليليه لمده اسبوع ومرهم ثلاث مرات يوميا وما امارس الجنس لمده عشره ايام وقالت لي باني لازم اتبع التعليمات حرفيا والا بترجع لي الالتهابات طوال الاشهر التسعه بس ما عطتني مضاد حيوي ولا دش مهبلي بس هي حذرتني من الصابون للمنطقه الخاصه ما استخدمه نهائيا ولا اي نوع من المحارم الورقيه بعد دخولي الحمام وانتي بكرامه بس استخدم فوط صغيره للتنشيف وما استخدم فوص صحيه ابدا واغسل المطقه دايما بالماء الدافئ فقط ………….
واسمحيلي

الله يعينج

خلها تمشى على تعليمات الدكتورة أحسن ..
واذا ما فادتها هالتحاميل خلها تراجع الدكتورة مره ثانيه

الصلاة فآخر الشهور

… السلام عليكم بنات …

^^

انا الحين الحمدلله فالثامن

بس شوي عندي صعوبة فالصلاة … فقمت اصلي وانا يالسه

بس احاتي هل عادي ولا لا

منو منكم كانت تصلي وهي يالسه … لان اذكر ربيعتي كانت فالسابع وتصلي وهي يالسه

والسموحه منكم ^^

هلا اختي

انا يوم كنت في الرابع اتحنيت لملجه اخوي

وبعد يوم كنت في السابع تحنيت للعرس

وعادي الحمدلله ماصادني شي

وان شاء الله ناويه اتحنى للعيد

ماعليج شر ان شاء الله

أنا بصراحة من الثامن أصلي وأنا يالسة.. والإسلام دين اليسر الحمدلله، وربي غفور رحيم بعباده!!

انا بعد كنت اصلي و انا جالسه

انا كنت اصلي وانا يالسة وانا بالثامن .. لاني كنت احس بالم في بطني لما كنت اسجد

حبوبة اذا ماترومين عادي انا مرات اصلي وانا يالسه ومرات واقفة

مشكورين عالرد ^^

علامات الحمل في الشهور الاولى ادخلن بسرعه

مرحبا عزيزاتي ادعولي اكون حامل اتاخرت دورتي 10 ايام .. واحس بالم نفس الم الدورة وظهري بينقطع من الويع..قولو لي شو الاعراض اللي ممكن احسها لوكنت حامل…ادعولي اكون حاااااااااااامل:22 (12): :22 (12):

يارب تكونين حامل ياااااااااااااااااااااااااارب
و لا تعورين قلبج و تنطرين وايد روحي الصيدليه علطول و اشتري اختبار حمل نوعية Clear Blue
هذا احسن شي و يعطيج النتيجه من اول يوم الدوره متأخره عليج.
طمنيني عاد و بشري بالخير يارب

مشكورة الغالية عالمشاركة وادعيلي الشهر الياي لان الدورة شرفت

الله يعوضج خير الشهر الياي

الله يرزقج انشالله واذا تبين تحملين احسن طريقه انج ماتفكرين في الموضوع نهائيا لان كثر التفكير يسد الانابيب في الرحم ومايصير حمل انا الدكتوره قالت لي هالكلام لان اعصاب المخ متصله مع الرحم

والله يفرحج انشالله بالبيبي الي يملا حياتج

فديتج ما واحالي أرد عليج إلا شرفت000000لكن ماعليج كل تأخيره فيها خيره 0000الله يرزقج الشهر الياي ولا تيلسين اتحاتين000000000والسموحة

الحمدلله على كل حال و ان شاءالله يارب يعوضج و يرزقج بالذريه الصالحه اللي تترس عليكم البيت و تخليج بينهم ملكه يارب

الشهور الأولى والسفر>>>>

السلام عليكن….

خبراتكن اللله يخليكم،،، شو بخصوص السفر وبالذات في الشهور الأولى من الحمل يعني من الأول للثالث،، عادي ولا في أي خطورة؟؟؟

خليجية

غناتي انا سافرت في الشهر الرابع الدكتورة سمحت لي بالسفر بين الرابع والسادس بالطائرة طبعا سافرت لمدة 8 ساعات على فرنسا في شهور الاولى قالت لي مايصير الحمل مب تابث

مـآ أنصحج بـ السفر فـ الأشهـر الأولى ،،
لأن الحمـل مب ثـآبت فديــتج واحتمـآل يصير اجهـآض ..

واذآ ســألتي الكتـورهـ بتقولــج نفس الكـلآم ..

اممممممممممممممم جان خفت واحتمال سفري يكون يوم الخميس ولمدة ساعتين ونص تقريبا

تسلمون خواتي>>>

انا سافرت بعد ف الثالث تقريبا رحت لبنان

والله يتمم لج على خيرويثبت حملج يارب

اجلب وووووووووووووووايد وانا حامل عادي فالشهور الاولى او لا ؟؟

بلييييييييييييييييييييز بنات

من طلعت حاااااااااااااااااامل اجلب وووووووووووووووووووووايد

يعني فالليلة 7 او 8 مرات اجلب يمين او يسار او عبطني

ماقدر اقااااوم..

ومتى يكون الحبل السري طويل عالبيبي ويضره ؟؟؟؟؟؟؟؟؟؟؟؟؟؟؟؟؟؟؟؟؟؟ماعرف

اعتقد اختى دامج الحين بعدج فى الحمل عادى لا تحاتين بس موايد وايد تنجلبين تحملى بعد

انا الحين انش وعقب ارد على الصوب الثانى تعودت

لا تحاتين حبوبه^^

عااادى حبوبه

ربي بيحفظه لج

صح انا مثلج وايد احاتي

أول مره اعرف ان إّا تتجلب يمين ويسار ممكن يضر البيبي
من ناحيه الحبل السري
أعتقد عادي بنات انا هذا حملي الرابع وعادي اجلب يمين ويسار
ولين الحين بعدني انام ع بطني,, والحمدلله والشكر الامور طيبة

والله يسهل ع الجميع

حبيبتي

لازم تتعودين انه يوم تبين تجلبين لازم تنشين وعقب تجلبين
ومن الحين عوودي عمرج انج ما ترقدين ع ظهرج ولا بطنج
يعني لو حابه تريحين بس ارقدي 5 دقايق ع ظهرج وعقب اجلبي

انا من الشهر الثالث عوودت عمري صح لقيت صعوبه اول شي
بس مع الاستمراار خلاص تعودت الحمدلله كله عشاان البيبي خليجية

وربي يسهل عليج يالغاليه

صح انا مثلج

السفر خلال الشهور الثلاثه الاولى .

خواااتي ممكن اتفيدوني انا ان شاء الله ناويه اسافر وانا الحين حامل في الشهر
الثاني عادي اسافر والا لا

امممم والله ما اقدر افيدج .. بس انا اعرف وحده كانت حامل وسافرت ماليزيا عادي (( ظني كانت فالشهر 5))

انا لما سافرة في الصيف كنت حامل بالثالث وكنت وايد احاتي اني اتعب من الطيارة او يصيبني لوعان بس والله نسيت الحمل واني حامل لا تحاتين بس شلي معاج الحبوب الي يوصفوهن لج بالمستشفى وتوكلي على الله انا ما صابني اي تعب ولا لوعان سبحان الله وكنت امشي 7 ساعات باليوم بس بشكل خفيف وانا الحين باخر السادس والبيبي حمدلله بخير انتي وين رايحه

حبووبة يختلف من وحدة ليين وحدة يعني انا الدكتوورة قاالت لي ماا يستوي اتساافريين وانتي بأول الحمل

شرجااوية

اسألي الدكتوره أحسن

تروحين وتردين بالسلامه ان شاءالله

هلا خواتي ألم الظهر الشهور الاولى للحمل

السلام عليكم

حبيت استفسر الم الظهر اول شهر للحمل شو معناته ربيعتي تسأل ياريت تفيدوني ،، للعلم هيه مسقطة قبل وكان قبل ينزلها افرازات ولكن احين ماشي افرازات ولكن الالم لكامل ظهرها .. في أحد مر بها التجربه في بداية الحمل وعدى الحمل عخير ؟؟ افيدوونا بليز يزاكم الله خير وادعووولها خليجية هيه مامقصره تاخذ كل انواع التثبيت والسيوله

ربي يثبت حملها

بس عليها بالراحة ولا تجهد نفسها

ومب معناته انها ماخذه مثبت تعتمد عليه ولا تريح نفسها لا

الراحة اهم شي خاصة في 3 شهور الاولى

ربي يثبت حملها يا ر ب

هيه مريحة عمرها بس تداوم وتقعد عالكرسي ماتمشي وايد وتمشي شوي عشان اكلرسي مايعورها بس ماتبذل جهد في الدوام

ألاااام الظهر شي طبيعي في من البنات مايعورهم ظهرهم بس أنا في كل حمل ظهري يعورني لا بعد يذبح
بس لازم آخذ حبوب التثبيت وحبوب فوليك آسيد وأريح كل هالفترة على السرير وطبعا لاننسى الطعام المفيد للحامل..

الله يثبت لها الحمل

لازم 3 شهؤر لين مايتثبت الحمل تكؤن ف راحه ؤماتمشي ؤايد ؤالم الظهر عادي كلنا مرينا فيه

بنت خالتي الحين الشهر الاؤل ؤؤايد يعؤرها ظهرها قالؤلها عادي لازم

الم الظهر عادي وبعدها بيزيد اكثر لان البيبي يكبر وكله وزن يضغط عل الظهر

الاكل فالشهور الاولي

فالشهور الاولي عادي الحامل تاكل موز وشيبس وشو الاشياء المفيده والضاره لها فالشهور الاولي

ان شاء الله الأخوات يفيدونا ^_^

هلا اختي ينصحون بالابتعاد عن القهوة الكوفي بشكل عام والمشروبات الغازيه والأناناس والاكل السبايسي واكلات الوجبات السريعه هالي يحضرني

كلي الاكلات الصحيه مثل الفواكه والخضره وكثري من شرب الماي واكل البيت
عن نفسي ما امتنعت عن شي غير المشروبات الغازيه ولاناناس والقهوة من حملت كرهتها
والحافظ الله

خليجية المشاركة الأصلية كتبت بواسطة مييثاني خليجية
هلا اختي ينصحون بالابتعاد عن القهوة الكوفي بشكل عام والمشروبات الغازيه والأناناس والاكل السبايسي واكلات الوجبات السريعه هالي يحضرني

كلي الاكلات الصحيه مثل الفواكه والخضره وكثري من شرب الماي واكل البيت
عن نفسي ما امتنعت عن شي غير المشروبات الغازيه ولاناناس والقهوة من حملت كرهتها
والحافظ الله

مشكوره الغاليه

الله يسهل عليج اختى وانا أؤيد كلامي اختنا مييثاني

خليجية المشاركة الأصلية كتبت بواسطة ام السنافي خليجية
الله يسهل عليج اختى وانا أؤيد كلامي اختنا مييثاني

اللهم امين

خليجية المشاركة الأصلية كتبت بواسطة خطيره حدي خليجية
مشكوره الغاليه

العفو حبيبتي