بسم الله الرحمن الرحيم
كيف الحال يارب بخير
بنات حبيت افيدكم بنقطه مهمة بالشوفه الشرعية و شوفو قصة اخوي او موقفه
بالبداية امي راحت بروحها تشوف البنت قالت اقل من عادية يعني ما فيها جمال
و هذا خطا لازم اكثر من واحده تروح عشان يلاحظونها عدل ملامحها اذا فيها عيوب خلقية
المهم انا كنت مريضه فما رحت بالعاده اروح مع امي الله يخليها لنا و تشوفنا عرايس عاجلا غير اجل
المهم يوم صارت الشوفه الشرعية ادخلت و هي منزله راسها
وما شافها اخوي عدل
وطوال ماهي قاعده منزله راسها لا وبعد معطيته جنبها و شعرها مغطي وجهها
اخوي يقول ما شفت شي الا زول حرمه
هو اول مره يشوف شوفه شرعية يقول نطرتها تعدل جلستها عشان اشوفها عدل
مافيه فايده بعدين اطلعت و جا لنا و قال ما ارتحت لها او مافيها جمال
لانها معطيته جنبها و منزله راسها يمكن لو هي شايفته عدل مثل الناس و هو شاف ملامحها يمكن يصير فيه قبول
فنصيحه يا بنات اقعدو بكرسي مقابل للخاطب يعني خلو اخوكم يقوله اقعد هنا عشان تشوفها زين
واقعدي قدامه لا تعطينه جنبك اعطيه كل ملامحك
و شوفيه لانه من حقك
و بس هذي تجربه اخوي مع البنت و ليه رفضها و حبيت تستفيدون
و الله يوفق الكل ادعو لاخواني نلقى لهم ان شاء الله بس قال كلمه حلوه قال بالمرات الجاية بقول لولي امرها بشوفها زين خل ترفع وجهها
خواتي انا نقلت لكم هلموضوع بعد ما استفدت منه صدق الوحده يوم الشوفه الشرعيه تستحي بس لا تنسين ان من حقه يشوف ملامحج وانتي تشوفين ملامحه عسب عالاقل يتم القبول
هي البنت ظهرت شعرها طبعا نحن عندنا منقووود خخخخ بالشيله والعباه اللهم الويه مبين
يعني حرااااام لا تحرموه من شوفة الويه عالاقل ^^
بالتوفيج لنا جميع الملقووووفات حبيباتي
الله يعينااا
وهاي اشيا ضروري تتنبه عليها البنت
ولازم تعرف شو اللي لها و عليها
في بنات يتلبسن و يكشخن و غيره و هو الريال بعده ما يحرم عليها يعني ما ايووز
والله يرزقكم الازواج الصالحين
نحن عندنا بالحجاب الكامل والعباه اللهم الويه يبين واكيد الاكثريه جي
المهم القعده تكونين قاعده سيده مواجهته مب على جمب شرات هالبنت هههههه تخلينه مايجوف شي
من حقه يجوفج واتشوفيه ولا هي ليش نظره شرعيه ^^
والحمدالله الله كتب والحين مالجين الله يحفظنه حق بعض..
المشاركة الأصلية كتبت بواسطة زم_قمر_ان 
