الوسم: الصوووور

يااعيني تسلم ايدج ..صدق يوعتيني ..تسلمين الغاليه

ماشاء الله الصراحه فن وترتييييييييييييييييب يعطيج العافيه

ماشاء الله عليج
والله يحفظلج بنتج

حياكم في مطبخ قلب الامارات ..

يالله اقربوا ..

المقادير …

علبتين تونه
ملعقتين مايونيز
ملعقتين حبن كرافت
3ملاعق قشطه
كيس سليس
جبن موزاريلا

الطريقه ..

تحمرين البصل مع الثوم اضيفين له ملعقتين صلصه ، رشة بهار وكركم
وفلفل احمر وملح ،ثم البقدونس .. ونتركه ع جنب ..
نخلط المايونيز والجبن والقشطه ..

ندهن الصينيه بشوي من خلطة القشطه ، ثم نصف السليس بالصينيه
ندهن اشوي من الخلطه ، ونوزع عليها خلطة التونه ..

نرشه بشوية جبن موزاريلا ، بعدين نغطيه بطبقة سليس ثانيه
ونضع باقي خلطة القشطه

ونرشها بالجبن ، وندخلها الفرن اشوي من تحت واشوي من فوق حتى تحمر ..

يمي يمي .. لذيذه .. وبالعااااااااااااااااافيه …

تسلم ايدج على هالاكله الحلوه

وان شاء الله بتفيج وبسويها ^ _^

تسلم ايدج
شكلها يشهيييي

تسلم الايادي

تسلمييييييييييين

السلام عليكم ………….

اقدم لكم اليوم كيكة الشاطىء … وللامانة الفكرة منقوله من صاحبتها وردة عشق من منتدى اخر

لكني غيرت في محتوى الكيكة ……. انا استخدمت كيكة العلالي وممكن انج تستخدمين اي طريقة اتحبينها للكيك … المهم المنظر الخارجي بروحه يكفي …… انا سويتها لريلي و عيالي وخليتهم يطالعونها ليوم واحد وثاني يوم كلوها خخخخخخخخ تعذيب ….

وطريقة الوجه كالتالي :
6 حبات كيري وعلبة نستله المكثف يخلط بالخلاط … واخذ كمية من الخليط واحط عليه نقط من الصبغة الزرقاء يمثل البحر واصبه في جهة ….. وباقي الخليط احطه في الجهة الثانية ويمثل اليابس وافتت شوية بسكوت عليه ……. والخليط بيكون ثقيل يعني ما يختلطون ببعض ………. وانا حاطة اشكال سمك القرش لاني ما لقيت شي بحري غير هذا ….واي استفسار انا حاضرة

حطيت صورة مهرج يبيع بالونات ………

ابغي رايكم …………….

رووووووووووووووووووعة بصراحة…

انتي الاروع الغالية غيوض ……..

يا خطيييييييييييييييييييييرة ابداع..

تسلمين حبيبتي ……….

:1 (32): روووووووووووووووووووووعة

ممكن تعمليلي وحدة:22 (7): :1 (68): :1 (55):

روووعه مشاء الله تبارك الله

الله يعطيك العافيه و يحفظك من العين

ان شاء الله أسويها بأقرب وقت

بحطلكم صور سفرتي للندن وان شالله تعيبكم طبعا انا وايد صورت بس والله يابنات ما تتخيلون التحميل كيف صعب بالنسبه لعدد كبير من الصور

المهم مختصر سفرتي

كانت بتاريخ 1 / 8 ل 10 / 8

السفر كان على طيران الامارات من مطار دبي
من دبي لمطار جاتويك لان انا كنت في البدايه بزور برايتون والمطار وايد قريب من هالمنطقه ….
التذكره كانت ب 4000 كانت اغلى بس اخوي عنده خصم بوظبي للتوزيع وخذت التذكره من مكتب في بوظبي

كانت زياره لمنطقتين برايتون ولندن

يعني راده من كم يوم بس ولعيونكم قلت بنزلكم التقرير ما بتأخر وان شالله كل ما احمل عدد من الصور بنزلهم ان شالله

التصوير كان من كيمرا كانون ديجتل ixus 70

وصورتها لكم من موبايلي وهذي صورتها

خذتها قبل السفر بكم يوم بس ….
والحين ان شالله بقولكم شوي عن السفره كانت الرحله الساعه 8 الصبح تطير الطياره انا كنت في المطار الساعه 6 الصبح والحمدالله يايه من وقت لان المطار كان زحمه وايد بخصوص الرحلات الي كانت على طيران الامارات
المهم يوم سرت هناك وزنت الشنطه
قالي الريال الي يالس على الكونتر اتري شوي ويلس على الكمبيوتر انا اقول شفيه الريال بس وايد أخرني المهم وانا اتريه عقب قالي بعد ربع ساعه تقريبا والله مافي كرسي على الرحله فاضي انا سويت جيه قلتله كيف قالي والله الطياره ماعليها ولا كرسي فاضي قلتله كيف انا حاجزه من فتره قالي يعني انتي لازم تسافرين اليوم قلتله أكيد قالي اتري ويلس (( يبحث على الكمبيوتر )) وانا اترياااااااااااا

المهم قالي والله مافي مجال تأجلين السفره ونعطيج تذكره فري قلتله لا طبعا
المهم ويلس

وانا على اعصابي عقب سار وناده على حرمه شكلها هي المسؤؤله عن الرحلات المهم قالتلي لازم تسافرين اليوم قلتلها هي اكيييييييييييييييييييييد

قالتلي لحظه

وشوي قالتلي سوري انا ما لقيتلج مقعد على الطائره بس لقيتلج على البزنس وبنغير لج كرسيج على البزنس
عاد انا مت من الونااسه

وهذي صوره شنطتي

وهني وانا طالعه الصبح وسايره المطار

وهني شو رايكم في ورقه البزنس

وهني وانا سايره للطياره

شوفوا الكراسي كيف مريحه

وهذي ضيافتهم اول ما نقعد على الكراسي

وهني والطياره طير

اووووووه صح قبل لا انسى مره ثانيه لاني نسيت امس اكتب هالنقطه … حبيت أشكر بنت زايد بصراحه يزاها الله خير منها عرفت كيف اصغر الصور وكيف احملهم بطريقه سهله …..

صوره الريوووووق بس بعد الاكل وكله اختياري يعني ايييبون سله وفيها كروسنات وخبز وانتي تحطين لج الي تبينه انا عاد خذت مربى وزبدهو كروسانه وحده وجيه مسويه في الصحن لو ما ماخذه اكثر شو بسوي

صور للطياره بس بصراحه البزنس روووعه الخدمه والكراسي وكل شي اوكي بس غالي واايد انا كنت سائله قبل كان تقريبا بحدود ال 20240 الف او اكثر توو ماتش

تلفزيون الطياره وشوفوا المساحه الي تقدرين تمدين فيها ريولج والله وايد ارتحت والكرسي تنزلينه لين تحت يعني حتا في النوم مريح

المقبلات قبل الغدا

والغدا روبيان وقطع بعد ام الروبيان وبطاطا لذييييييييييييييييييذ
السويت بعد الاكل فوااكه انا الي اخترتها كان في وايد خيارات للسويت شفت كيك شكله كان حلو بس انا كنت ابا فواكه

وهني وصلنا مطار جاتويك

وهذي صوره

وبعد صوره

وانا نازله من الطياره وماشيه شفت هالبنيه فديتها عيبتني و صورتها

وهني صوره للمطار

اعتقد 17 صوره يكفوا اليوم صح ؟؟؟ ان شالله باجر بكمل لكم لين ما وصلت الفندق وين سرت اول يوم

اوكي انتظرووني

نااااااااااااايس كملي التقرير

انشالله انج استانستي لندن البلد الثاني بالنسبه لي لازم كل سنه واقترح عليج فالمره اليايه زوري كنت ومانشستر بتستانسين

عيـل يـارب ما نحصل كراسي فاضيه اليوم فـ الطياره و يحطونا فـ البزنس << الله يستر لا تتكنسل السفره كل ابوها

.
.

الحمـدلله عالسلامه ^^

متابعيـن حبيبتي

تسلمين ع الصور الحلوة

ويلا نتريا الباجي ^_^

والحمد لله ع السلامه الغاليه

هااااااااي

انا وايد ترددت اكتب الموضوع بصراحه
وايد منا يقط فلوسه بالهبل على منتجات البشره وكل بسبيل البياض والصفاء والتورد واللمعه وماكو بنت ماتبي بشرتها تصير بيبي وودها تطلع بدون فاونديشن حق الدوام والطلعات وودها بثقه
امانتاً هالشي مو بيوم وليله يصير
وحطوا ببالكم زين ترا تغذيه البشره موشي هين يعني لحد يقص عليج يقولج كريم يبيض ويقلبج ثلجه..ألخ
انا مابي احبطكم اول الموضوع لا انا ابي اوريكم شلون تقدرين تصيرين يوم بعد يوم افتح ويتورد الويه ويلمع وترا البيضه بيزيد بياضها والحنطيه بتصير اقرب للبياض من هالاهتمام اللي تسويه
وحطوا ببالكم شي وخلوه حلقه بودنكم على قولتهم ترا البشره يبيلها تغذيه من الداخل والخارج الداخل الاكل والخارج الكريمات
الله يعلم والله على ماقوله شهيد اختي حنطيه وكان بويهها حب شباب فتره البلوغ بس خف شوي شوي
ويا الاهتمام والله والله صار ويها ابيييييييييييييييييييض وبياض ملحوظ بالنسبه للونها الحنطي اول وصارت مشاءالله تينن وكل هذا بالاهتمام والاكل والعنايه
انا بيضه واهملت بشرتي فتره وصرت انا الحنطيه الى سمار واختي بشرتها صارت فاتحه انا لاحظت بس كله اقول طاف الا لمه امي علقت وجنه احد طاقني كف قالت لي شفيج قلبتي سمره واختج صارت ابيض منج؟؟ انا اهني قلت يعني مو بس انا ملاحظه

مابي اكثر عليكم حجي وايد وبحط لكم التفاصيل
طبعا اختي شكانت تسوي
قبل الشور تدهن ويهها بفازلين وزيت اللوز وتحطه بويهها يمكن ساعتين الى 3 ساعات
يوميا تحط هالفازلين وزيت اللوز وتغسل ويهها بصابونة اللوز من جونسون
وعندها بخاخ فيه ماي ورد بكل حزه ترش
وشرت كريمات من أولاي بصراحه ويا الاستمرار شي مو طبيعي عندها كريمين كريم ليل ونهار ومكتوب عليهم كومبليت واحد الليل محطوط عليه رسمه قمر والنهار رسمة شمس بحطلكم صورته
وهم تستخدم كريم التفتيح بخلاصه التوت شي جذي
واختي تاخذ حبوب زيت السمك اللي صناعتهم بريطانيه والحبوب لونها اصفر اعتقد الكل يعرفهم
قامت تاكل فاكهه
وتشرب ماي
وانا بيني وبينكم قمت اسوي مثلها صارلي جم يوم بس والله هالجم يوم لاحظت ويهي تغير وفرق علي واااااايد ترطب وصار منور ونسيت اقولكم ترا الراحه النفسيه تلعب دوووووووووور يعني ريلاكس والككاو والمقالي حاولوا تخففون حيل منهم

نبدي بالصور وهذا الجدوووووول اليومي وبيصير وايد سهل اهوا صوره وايد بس والله سهل لو بتتعودين
كل يوم تسون هالخلطه فازلين+زيت اللوز+ ليمون(من عندي الليمون)وتحطونه باي حزه وتغسلونه بالصابونه اللي تريحكم

زيت لوز اي نوع

فازلين نفس فازليني بالظبط بفيتامين E

ليمون

طبعا ماي ورد تحطونه ببخاخ وترشونه بكل وقت انا ورا كل وضوء ابخ واخليه ينشف بروحه

كريمات أولاي اللي قلت لكم عنهم كومبليت الليل والنهار الليل بقمر والنهار شمس هههههه وطبعا نفس الصوره بالظبط بالجمعيه تلاقونه وفيه للبسره الجافه والحساسه..ألخ انتوا اختاروا نوع البشره طبعا الاختلاف لون غطا العلبه مو اسود يكون اصفر
هذا الليل

النهار

كريم الحمايه عن الشمس مهم جداااااااااااااااااااااااااا جداااااااااااااااااااااااااااااااااااا
انا احط كريم اولاي كومبليت النهار وانطر البشره تتشربه وبعدين احط كريم الحمايه
وهذا كريم الحمايه ومرتاحه عليه

وهذا اللي بالتوت البري الصبح اذا بطلع الدوام احط كريم اولاي كومبليت تالي كريم الحمايه وبعدين احطه ويعطي لون حلوووو انصحكم فيه ويا الاستمرار تبيضين

ترا بس هالاشياء شفتوا شلون سهلين؟؟؟
يعني كريم ليل ونهار
كريم حمايه للشمس
كريم يولاي بالتوت البري يكون ككريم اساس حق الويه
والخلطه مالتنا الفازلين واللوز والليمون
ومايبيلها شي برمجي روحج تسوينهم

والله ويا الاستمرار شي رهيب بيصير

بجذي خلصنا التغذيه من برع نشوف من داخل وواحد يكمل الثاني موتخلون شي وتسون شي
وماننسااااااااااااااا
التغذيه من الداخل
اختي تاخذ حبوب زيت وهذي صورتها بالضبط بالضبط لانه اكو انواع وايد وهذي افضلها يكون فيها علم بريطانيا ونفس العلبه كوبي بست بالضببببببببط مو تاخذون غيرهم هذيله الافضل
طبعا حبه وحده يوميا ورا الغدا او العشااااااا

شكل الحبوب

هالاشياء تسونها بالاضافه الى حبوب زيت كبد السمك مادري الحوت لول

ولاتنسون الماي مهم مهم مهم مهم واهم شي

البرتقال اكلاً وشرباً

مفيده جدااااااا للبشره

اصلا الكولاجين يطلعونه من التفاح اهميته لاتقل عن الفراوله

الموز جميع العناصر فيه ووجبه كامله ولحد يقول لكم يمتن كلام فاضي

الروب شي خيال للبشره يصفي حيل

حرصي على الماي يوميا ماي ويوميا تاكلين من 2 الى 4 حبات فاكهه وبتلاحظون التغير الجذري للبشره والصحه
ودمتم بسلاااام

يسلمووو ع الموضووع ^_^

فميزان حسناتج -_-

يعطيج الف عافيه اختي ع الموضوع و الرائع =)

مشكورين حبيباتي

مشكوره الغلا ع الموضوع الطيب

يسلمووووووووووووووا

السلام عليكم ورحمة الله وبركاته
حبيباتي انا اليوم انشاء الله ببدأ رجيم الدكتور فادي …

انا كان وزني 65 وطولي 160وكنت احس عمري مليياااانة
والحمدلله حملت وولدت وصار وزني 89 كيلو
طبعا شكلي اختلف 180 درجة وصرت ما اعرف البس شي ..
ونفسيتي تأزمت ..

ووقررت بما ان ابني صار عمره 6 اشهر وصار ياكل اني ابدى رجيم الدكتور نيوترشن

اتمنى تشجعوني .. لأوصل للوزن المثالي

وان شاء الله بحط لكم كل يوم شو أكلت بالصور ..

انتظر تشجيعكم حبيباتي …

عليكم السلام ورحمة الله وبركاته

موفقه أختيه ^^ وان شاءالله بتوصلين للوزن المثالي اذا استمريتي على الرجيم

موفقه الغلا

كان اليوم افطاري كوبين ماء

ثم شربت شاي السنامكي بس مرة ف الاسبوع عشان ينظف المعدة

وبعدين بديت الافطار اللي كان عبارة عن بيضتين وخيارة وشاء اخضر بالليمون

•°o.O ( للرفع) O.o°•

•°o.O ( اللهمـ إنـ كانـ رزقنا فيـ السماء فأنزله) O.o°•
•°o.O ( وإنـ كـــــانـ فيـ الأرضـ فــأخـرجـــــــــه) O.o°•
•°o.O ( وإنــ كـــانــ بعــــيــداً فــــقـــربــــــــــه ) O.o°•
•°o.O ( وإنـــ كـــانــ قـــــريـــبـــاً فــيــســــــره ) O.o°•
•°o.O ( وإنـــ كـــــانــ قــلـــيــــلا فـــكــــثــــــره) O.o°•
•°o.O ( وإنـــ كــــانـ كثــيــرا فبـــاركــ لنـا فيـه) O.o°•

مشكووورة ع تشجيعكـ (:

جزاك الله خير ع التشجيع…(: