الوسم: الطبيعيه
الخلطات الطبيعيه لتكبير الصدر
فحبيت اسالكم من جربت شي من هالخلطات ونفعت وياها
او اشترت من تاجرة اتبيع خلطه ونفعت وياها ياريت اتخبرنا بالخلطه والتاجرة عشان نستفيد
خبرتج في الرضاعه الطبيعيه وحفظ الحليب بعد شفطه
حفظ الحليب المشفوط بما انه ما يستوي ايود الحليب المتبقي اللي ما شربه الياهل ولازم ينفر
اقدر احفظ الحليب في غرشة زجاجيه مسكره ومتا ما بغا الياهل اصب له قد ما بيشرب في المرضعه ؟
او يعني مثلن في الطلعات الطويله ما بقدر كل شوي اطلع صدري جدام العالم كيف اقدر احفظ الحليب فالشنطه لو بشل معايه الغرشه الزجاج وكمن مرضعه عسب اقايس للياهل يوم يبا يرضع ما بيخترب
سمعت ان في شنط خاصه لحليب الام تكون مثل الملبسه بخامه ماتخليه يحر بسرعه
انزين لو بحط فيها الحليب بيتم بارد كيف بسقيه ولديه وهو بارد وكيف ادفيه له في الطلعات ؟
لاني اشتغل وبداوم عن ولدي وما اريد اعطيه الصناعي ابدا لين يكمل على الاقل 3 او 4 شهور وعقب بدخل الصناعي مع الطبيعي
وياليت لو تعطوني من نصايحكم وتشجعوني هاي المره ارضع طبيعي لان مناعة عيالي كلهم ضعيفه وكلهم يلوموني بسبة اني ادخل لهم الصناعي من اول يوم ويقل حليبي من جذي
" أسأل ربي الذي قال وقوله الحق:
{ ادعوني أستجب لكم }
أن ينظر إليكم نظرة رضا لايعقبها سخط أبدا ويلبسكم ثياب العافية لاينزعها عنكم مددا آمين "
اشفط الصبح كنت احطه في الثلاجه
واحط ماي دافئ واحط المرضعه عشان يكون الحليب دافئ
وجدام الأهل ولا كنت رايحه بيت ناس اقولهم ممكن بغيت ارضع البيبي ويودوني اي غرفه وبعدين قبل لا ارضع أحصن نفسي والبيبي واروح ارضع
وكنت احط تحت في الثلاجه الي بتشربه خلال يومين
كنت افتح الحنفيه واسخنهم
وشلي وياج ماي حار وكوب عسب تسخنين الحليب لما تحطينه بارد فالمرضعة هذا في حال الطلعة بس افضل لما تطلعين ترضعين طبيعي من صدرج واللي تشفطينه خليه لما ماتكوني موجودة
مرهم للاكزيما من الاعشاب الطبيعيه
وهالمرهم مستخلص من نبته مزروعه عندهم بالمشاتل ومهيئين لها الجو المناسب لها
حبيت اعرف اذا حد عنده خبر عن هذا المرهم ؟؟؟
بنت الاياويييييد يوم بتتصلين ردي علينا وخبرينا شو قالولج ……..لانه اخوي الصغير حليله فى الاكزيما …
ليكون انتي الي قايله لي واايد انسى هالفتره
حرمة تعالج كل شي بالأشياء الطبيعيه ويقولون شاطره في الرياض شو رايكم فيها ؟؟؟
مثال اربيعتي سارت لها وهيه عندها خربطه في الدورة … وهيه مب معرسه
يوم اتسير المستشفى اتسوي فحص هرمونات يقولن لها كل شي اوكي
المهم ….. يوم سارت عند هاي الحرمه دهنت بطنها اشوي وسوت لها مساج خفيف عالسريع . وعقب سوت لها مثل الحجامه على بطنها بس هواء …. وشكلته بعد على طول
المهم جان اتقول لها انت فيج أكياس صغيره على المبيضين و عندج كيس دم في الرحم
المهم انصدمت البنت وحليلها …. قالت كل هذا فيني وانا ما ادري مع انها فحصت مرات وايد
قالت بتأكد من المستشفى .. جان تتأكد بالتصوير وطلع كلام الحرمه صح …..
المهم هاي الحرمه ما تعالج اي وحده اتكون تتعالج بالأدويه لازم اتكون مخليه الدواء ست اشهور على الاقل
تداوي كل شي بالأشياء الطبيعيه ….
شو رايكم ؟؟؟ أسير لها ولا لا …..
انا عن نفسي سبق ورحت لوحدة بالرياض تدهن وتسوي حجامه على قولتك بس هواء والحمد لله بعدها اوكي
مشكله في الرضاعه الطبيعيه ؟
شحالكن خواتي ؟
بنتي كملت شهر و 15 يوم ..
ترضع من صدري واعطيها صناعي ..
أعطيها من صدري وماتشبع ماشاءالله فأزيدهاا صناعي ..
واسوي لهاا دوا للغازات فالمرضعه ..
فتعودت أكثر شيء ع المرضعه ..
أحين من يومين ماتبى تمص من صدري ..
تمسكه وتصيح ماتبى ..
دقيقه ماتكمل ع صدري وتصيييح !!
أبى حل أبى أكمل فالرضاعه طبيعيه ..
إلي عندهاا حل تخبرني ..
بنتي سنه الحين و بعدني ارضعها طبيعي وتوني من شهر دخلت الصناعي ..
واصلا سبحان الله الطبيعي غير .. يوم ارضعها احس بالحنااان احسها قريبه مني ومتعلقه فيييه
إذا هي ما ترضع عده أسباب
اقطعي الصناعي أو رضعيها بالليل من اليوع بترضع
إذا ما رضت وتبكي يمكن غازات أو طريقة رضاعتج غلط أو يمكن الحليب يخيس ملابسج وترضعيها الحليب يسوي ريحه والياهل يعافه اسمحيلي مب قصدي لكن أحيانا يكون سبب خاصه إذا الأم من النوع اللي تأكل بصل اوسمك ريحه الحليب غير
والشي الأهم رقي بنتج العين حق
الله يحفظها
اخصائية تجميل بالاعشاب الطبيعيه
طبعا الروتين اليومى هو :
الغسول
التونك
كريم العين
كريم النهار
كريم الليل
ملاحظه:
جميع المنتجات يتم حفظها فى الثلاجه.
يلا نبتدى
اولا : منظف الوجه:
(البشره العاديه والجافه):
2معلقة شوفان مطحون.
2معلقه لوز مطحون.
2معلقه لبن بودره.
2معلقة ورد مطحون.
البشره الدهنيه: كل المكونات ما عدا اللبن .
ثانيا:التونك: قابض المسام
(البشره العاديه والجافه ):
90جرام ماء ورد
30جرام زيت لوز
1نقطة زيت (ورد-ياسمين-فانيليا) اختبار نوع واحد
البشره الدهنيه: كله بالاضافه الى نصف ليمونه
ثالثا: كريم النهار:
(العاديه والجافه):
4معالق فزلين .
2معلقه زيت زيتون.
عصير 1 خياره
البشره الدهنيه : كله بالاضافه الى نصف ليمونه
رابعا : كريم الليل :
(العاديه والجافه)
نصف كوب شمع عسل
2معلقه زيت جنين القمح
2معلقه زيت الجوجوبا
البشره الدهنيه :
4معالق فزلين
2معلقه زيت لوز
2معلقه عسل
خامسا كريم العين:
(جميع انواع البشره)
2معلقع فزلين
2معلقه زيت جنين القمح
2معلقه زيت لوز
كمية كل كريم تكفى لاسبوع واحد بالثلاجه .
خلطات طبيعية ومكوناتها مفيده .^_^.
ماقصرتي
استفسار عن مركز الصفا للاعشاب الطبيعيه- العين
أنصحج تروحين لدكتورة متخصصة ….
محد يدري شقايل يسون هـ الأشياء … والخلطات .. وهل ع درجات تعقيم صحيحة و الخ …
أنا الصراحة في هـ الأشياء ما أجازف … والمبلغ وايد مبالغ فيه …
وربي يشافيج ويعافيج يا رب ..
سيري عند دكتورة متخصصة ولا تهملين الالتهابات.. ويمكن الالتهابات ماخفت بسبب الزوج
لانج لازم تعالجين انتي وريلج
وسمعت عن خلطات ممكن تفيدج تشربين لبان عربي لمدة 3 ايام
وتاكلين ثوم مخلوط بالروب لمدة 3 ايام
جربي وكلها أشياء طبيعية وربي يشفيج
ولدي والرضاعه الطبيعيه
ولدي كمل سنتين في اول رمضان ولين الحين مب عارفه كيف افطمه والله تعبت وخاصة وانا صايمه المشكله انه ولدي طول ما انا يالسه على طول يبى يرضع يعني ما يروم يشوفني يالسه من دون شغله .
مع العلم اني في بناتين الثنتين كنت ارضعهم رضاعه طبيعيه الاولى فطمت عمرها من عمرها لاني كنت حامل وارضعها واول ما دخلت شهري الثامن شكله طعم الحليب اتغير فوقفت الرضاعه . اما بنتي الثانيه كنت ارضعها ومع الوقت بالتدريج قامت رضاعتها اتقل لين ما صارت ما ترضع الا في الليل وهي راقده والضروف ساعدتني على فطامها لاني دشيت المستشفى ويا ابوها لمدة اسبوعين .
اما ولدي الاخير الدلوع مب قادره افطمه مب عارفه كيف مع العلم انه هو وايد عنيد وفي اطباع انه يوم يزعل يتم يصيح لين ما يرجع كل اللي في بطنه او انه يتم يدق دق راسه على الارض وانا تعبت والله .
والمشكله انه مب طايع يتقبل المرضعه من يومه وانا اشربه الحليب في كوب يعني يبى نفس خواتها مع انه الفرق بينهم 3 سنوات
ما ادري شو اسوي يوم اكون عند اهلي واطلع واخليه مول ما يسال عني يعني ما يتم يصيح يدورني يبى يرضع بس من يشوفني خلاص يبى يرضع المشكله شو انه لو رضاعته اتقل عن اول بقول ما عليه بالتدريج بس مول رضاعته ما قلت يعني جنه توه ولد صغير مب جنه عمره سنتين كل شوي يصيح عشان ارضعه
بليز بنات اللي عندها طرق اتخبرني
وجزاكم الله خير
عقب ذوبي شوية مرة في ماي وحطيها ع صدرج كل ما جا يرضع، او خذي دوا من الصيدلية حق نفس الغرض
واصبري عاد ع الصياح والعصبية بس كلها ايام ما تعدي الا وهو منفطم باذن الله
الزيوت الطبيعيه لبشره صحية
زيت جنين القمح غني بفيتامين E
وتأثير فيتامين E على الشعر هو اعادة الحيويه له واعطاءه لمعه واضحه وتقويته
واما تأثيره على البشره فهو تجديد الخلايا بتحفيزه لانتاج الايلاستين والكولاجين = شد
ومع قدرته على تجديد الخلايا ينقيها ويصفيها و يفتحها لانه يساعد في التخلص من الجلد المتضرر
بمعنى ان تأثيره مختلف حسب المنطقه وطبيعتها وتأثرها بمكوناته الغنيه به
مفيد جدا للبشرة..
ينشط خلايا الدم فيها يخليها مورده اكثر يشدها اكثر يعطيها نظاره حلوه ويصفي وجهك يشيل كل البقع والهالات السوداء ..ويفتح كذالك ..
الطريقه خذي بأطراف اصابعك وادلكي وجهك بشويش بالليل ونامي الصبح اشطفيه عادي
:::::::::::::::::::::::::::::::::::::::::::::::::: ::::::
زيت البابونج :.
يريح البشرة الحساسة ويخفف من احمرار الوجه ويخفف من حدة ظهور الشرايين الدقيقة
:::::::::::::::::::::::::::::::::::::::::::::::::: ::::::
زيت أكليل الجبل :.
يمنح التوازن للبشرة الدهنية والحيوية للبشرة الباهتة
:::::::::::::::::::::::::::::::::::::::::::::::::: ::::
زيت الياسمين :.
يمنح البشرة التألق والإشراق
:::::::::::::::::::::::::::::::::::::::::::::::::: ::::::
زيت الورد :.
يرطب البشرة – ويعتبر ممتاز للأشخاص فوق سن الأربعين
:::::::::::::::::::::::::::::::::::::::::::::::::: ::::::
زيت الخزامى :.
يساعد فى التئام الندوب الناتجة عن حب الشباب
:::::::::::::::::::::::::::::::::::::::::::::::::: ::::::
زيت القرفة :.
يستخدم كعلاج للحروق الناتجة عن أشعة الشمش
:::::::::::::::::::::::::::::::::::::::::::::::::: ::::::
زيت القرنفل :.
منعش ومطهر للبشرة ويساعد فى علاج حبوب الوجه
:::::::::::::::::::::::::::::::::::::::::::::::::: ::::::
زيت اللافندر :.
له تأثير معطر وملين ومجمل للوجة
:::::::::::::::::::::::::::::::::::::::::::::::::: ::::::
زيت النعناع :.
يرطب البشرة ويفيد الجلد ويساعد على علاج الحبوب
مشكورة الغلا
تسلمين حبوبه ،،