اسعدربي اوقاتكن بكل خير ………….بديت اتزهب لعرسي …….
واتمنى تساعدني الي عرست قريب واللي احين تتزهب ………..
وادري مابتقصرن فديتكن ………
1- اريد افصل بس اريد اعرف شواحلى مكان احصل فيه قطع غاويه في العين ودبي ؟؟؟؟؟؟؟؟؟؟ياليت تعطني اسامي محلات معينه اشتري منهن قطعي لاني بصراحه اريد قطع حلوه وجذابه
2- اريد اعرف اماكن تفصيل عندهم شغلات وموديلات مميزه وحلوه في العين ؟؟؟؟؟؟(اللي تعرف تساعدني )
3- بالنسبه للعباي والشيل نويت بأذن الله تفصيل ست عبايا …..ثلاث مسكره للطلعات وثلاث مبطله للاعراس والمناسبات …….
فبغيت اعرف شوافضل مكان ممكن احصل فيه قطع عبايا وموديلات حلوه يعني لعبايا فخمه وعبايا بحريبنه …
4- بالنسبه للغشوه والنقاب اريد تعطني اسامي محلات نقاباتهم حلوه وشغلهم فنان ……..
5- اريد اشتري بدلات كشخه وبعد بناطلين جنز وقمصان حلوه وتشكيلات روعه …….وبيجامات جنان فياليت اللي تعرف اسامي محلات معينه في العين ودبي تخبرني عنهن ……..
6- قمصان النوم ……بصراحه ماريد اخذ كل ملابسي من نعومي بس ماعرف وين اضرب براسي ……اذاتعرفن مكان يبيع قمصان نوم حلوه ياليت تساعدني في العين ودبي
7-اريد اشتري عطور لغرفتي وللفرش فبشوتنصحوني اريد شي مميز وله ريحه مميزه ومن وين اخذه ؟؟؟؟؟؟
8-المكياج والهاند باج من وين اقدر اخذهن ابا شي مميز ؟؟؟؟؟؟؟؟
9-ى العطور اريد اسامي عطور حلوه اقدر اشتريهن واحطهن في الزهبه ……………..ياليت تقترحون علي الغاليات
واللي تقدر تساعدني عالخاص مرحبابها ………..
ورساله خاصه للتاجرات اللي يملكن بضاعه حلوه تقدر ترسلس عالخاص واو ترد على فالعام بس اريد صور ………
10…بغيت اسوي ليزر لجسمي فبأي مكان فالعين تنصحوني وبجم الجلسه ؟؟؟؟؟؟؟؟؟؟؟
11-بالنسبه للمكياج والتسريحه والحنا فالعين بمنو تنصحوني اريد حد مميز واطلع روعه …………
12 – عطورات الجسم شواحلي الانواع اللي ممكن استخدمها ؟؟؟؟؟؟؟؟
خواتي لاني متأكده انكن بتساعدني فما بغيت اتزهب الا واخذ رايكن لاني ادري انكن ماشاء الله قمه في الذوق فشورن على الغاليات ؟؟؟؟؟؟؟؟؟؟؟
اترياكن
العبي عندج خنجي ونوران وفرست شويس
ملابس النوم والبيجامات انا ابد ماخذيت من نعومي لانه شغلاته مب شي
عندج ايتام في المارينا مول ولاسنزا وبي اتش اس اللي في الخالديه مول شغلاته وايد حلوه
والعطور والميك اب خليهم اخر شي
واذا بغيتي اي شي نحن حاضرين
الخياييط ,,
للمخورات عندج الوفاء و خياييط المويجعي
اما الجلابيات عندج شاكر في زاخر ,, و القصيمه في المسعودي ,, السيده الانيقه (هاتيله انتي الموديل والباقي خليه عليه )
عبي ابشرج ما بتلقين شي مميز في العين غير الدفش 
العطورات ,, عندج المركز الفرنسي و اريج واجمل و العربيه للعود وعبد الصمد القرشي
المكياج عندج في لايف ستايل ماركات حلوه ,, عندج ماك في المول ,, عندج اريج في كارفور
إن شاء الله افدتج ^^
والسموووووحه
1- قطع :: محلااات المناااصير
2- اريد اعرف اماكن تفصيل عندهم شغلات وموديلات:: خياييط المناصير
3- بالنسبه للعباي والشيل ::: (ارمادا فالعين مول + الشرقية + اذا عندج موديل وتبين تسوين شراته روحي محل الافراح فالسوق المركزي رخيص واايد )
4- بالنسبه للغشوه والنقاب (مااعرف ان شالله البنات يفيدنج))……..
5- اريد اشتري بدلات كشخه ((كان كان فالعين مول )وبعد بناطلين جنز وقمصان حلوه وتشكيلات روعه(فالعين مول تلقين واايد ) …….وبيجامات (لاسنزا )
6- قمصان النوم ……لاسنزا + روز ميري + وردة + جبور
7-اريد اشتري عطور فراش:: عبد الصمد القرشي + أجمل
8-المكياج والهاند باج ::المكياج >>بودرة +كريم اساس=ماك ,,شدو من مكيااجي الوانه ثابته ,, وقلوسااات من اي مكااان نيفيا ماك باريس غاليري ,,,
والهاند باك :: باريس غاليري اللى عدال فندق روتانا عنده شنط ماركات وحلوه ,,
9-ى العطور اريد اسامي عطور حلوه :::ايلين ,,ايلي ,,فرساتشي,,كوكو شانيل,,اسكادا(لا تاخذينهن من باريس غاليري بضربون عليج ضربه فالسعر روحي محل عدال السلامي راعيه اظن اسمه هارون مااذكر عنده كل عطوراات باريس غاليري بس السعر ارخص )
وعندج بعد (عبد الصمد القرشي )عنده عطوووووور روووووووووعه
واجمل عنده عطر لونه عيناااااوي يجننن مثل ريحة ايليين وبعد عندهم عطر فراش اسمه ليلة خميس حلو ..
10…بغيت اسوي ليزر لجسمي::: استثيك والجلسات تختلف من بنت لين بنت
11-بالنسبه للمكياج والتسريحه والحنا فالعين ::: انا شفت عرايس معدلتنهن حنان شقير وطالعات حلوات بس الاذواااق تختلف حبووبه …………
12 – عطورات الجسم::::بدي شوب ,, والعطور اللى ايين ويا كريمااتهن تلقينه فاي مكااان (باريس غاليري,,اريج,,
بخصوص الميك اب والتسريحه
عندج صالون كريستال عند مدام ابتسام العراقيه .. بتافيا ..مدام سونيا ..صالون كلاس كليوبترا عند فاطمة او عند الظاهريه ..ْ~
الحنا .. صالون مزايا .. صالون ميثاء ..صالون العروس ..ْ~
بخصوص المخاوير .. عند المويجعي والمنآصير عند خياط عبدالخالق .. والشاطئ .. الوفاء .. لطيفة ..ْ~
بخصوص القطع .. عندج اقمشة الظاهري .. روعه .. وفي محل في المناصير روعه قطعه وكله من الزين واسعارهم بعد حلوه ..ْ~
العبايا .. سويت ليدي .. هاي ليدي .. الغشوه .. خنجي .. حناين ..ْ~
قمصان النوم .. خذيتهن من عند ورده ..زينه .. ام جبور .. وفي محل في المويجعي صوب بيبي شوب
المول + كارفور في عندهم كذى محل يبيعون قمصان نوم حلوه ..ْ~
العطور انا خذيتهن من عند اجمل .. سيد جنيبي .. العربية للعود .. وفي محلآت عدال دكان السلآمي عندهم عطور حلوه واسعارهم بعد وايد حلوه وتقدرين تكاسرينهم ..ْ~
بخصوص الليزر انا سويت 3 جلسات عند كوزمسيرج وباقيلي جلسه قبل العرس والصراحه النتيجه مرضيه الحمد الله^^..ْ~
عطورات الجسم .. نكتـار ..وبدي شوب .. بث^^..ْ~
وان شاء الله آستفدتي ^^ْ~
المشاركة الأصلية كتبت بواسطة @ ام ملاك @ 
العبي عندج خنجي ونوران وفرست شويس
ملابس النوم والبيجامات انا ابد ماخذيت من نعومي لانه شغلاته مب شي
عندج ايتام في المارينا مول ولاسنزا وبي اتش اس اللي في الخالديه مول شغلاته وايد حلوه
والعطور والميك اب خليهم اخر شي
واذا بغيتي اي شي نحن حاضرين
هلا اختيه تسلمين وماقصرتي ……..
واذا تذكرتي اي شي طرشيلي عالخاص
زمشكوره الغاليه
المشاركة الأصلية كتبت بواسطة farfela الخياييط ,,
للمخورات عندج الوفاء و خياييط المويجعي
اما الجلابيات عندج شاكر في زاخر ,, و القصيمه في المسعودي ,, السيده الانيقه (هاتيله انتي الموديل والباقي خليه عليه )
عبي ابشرج ما بتلقين شي مميز في العين غير الدفش
العطورات ,, عندج المركز الفرنسي و اريج واجمل و العربيه للعود وعبد الصمد القرشي
المكياج عندج في لايف ستايل ماركات حلوه ,, عندج ماك في المول ,, عندج اريج في كارفور
إن شاء الله افدتج ^^
والسموووووحه
حبيبتي تسلمين عالرد
وبصراحه فدتيني خصوصا في الخيايط لاني محتاره وماعارفه وين اروح
واحين خلاص ان شاء الله بروح لهم وبفصل عندهم
وماقصرتي فديتج
