الوسم: العصعص

السلام عليكم ورحمة الله وبركاتة من كام يوم طحت وعندى الم فظيع فى منطقة العصعص ومستحيه ااسير للطبيب من تعرف لى علاج جزها الله الف خير

سوي حجامة وان شاء الله بتطيبين
اللهيعافيج

هلا حبيباتي
انا كملت من ربيت اسبوعين وفيني الم فالعصعص
ماروم ارقد ع ظهري ماروم ايلس عدل ولا اروم حتئ انش من يلستي لو كنت يالسه احس بألم مب طبيعي في اخر فقرة من ظهري؟؟

هل المربي اتحس بهالالام؟ وكم يوم لين ترد؟
شو لازم اسوي عشان ايروح الالم؟؟

مع العلم انا رادة بيت اهل ريلي ومحتاية ارد امشي واتحرك عدل ،، ابغي اقوم بعمري
نفسيتي تعبت وقمت احس باكتئاب لاني ماروم اسوي شي لبنتي غير ارضعها

وحتى الرضاعه اتعبني لنه ماروم ارضعها وانا يالسه عصعصي الموت ماروم اتحمل الالام

بليز فيدوني خواتي شو اسوي؟؟

الف مبروك حبيبتي والحمدلله على سلامتك
الألم طبيعي بعد الولادة لأن ظهرك كان يحمل ثقل البيبي وربيتي ..الأفضل مساج إذا أنت من الشارقة اطرشلك رقم حرمة مساجها مريح.

الالم طبيعي ف الايام الاولى
لكن الافضل مراجعة الطبيب يمكن صار شي لا سمح الله و تحتاجين علاج طبيعي شوية عشان العظام ترد مكانها

اختى انصج تروحين المستشفى اذا الألم مب طبيعي ويعورج لهدرجه

روحي سوي فحوصات لاتهملي عمرج بمكن نقص ف دال

حطي مطاره فيها ماي حار مكان الالم ان شاء الله ترتاحين

السلام عليكم خواتي والله وايد تعبانه يارب اشفيني. مب رايمه اقعد ولا انام كل شوي اقوم من الويع. امس اشتريت الكريم الاسود خف شوي الألم واحط فيسودين ومضاد حيوي ساعدوني وادعولي ماتوصل لعمليه. مكانها باظبط اول الخط من الخلف

وين البنات ردو

محد رد لين الحين

حبيتي هذا اعتقد يقولون عنه قوم البواسير ..إلخ إذا ماخاب ظني

تعرفين شووتسويله عسب يخووز .. خذي قشرة بصل وطبخيها وحطيها عليييه ..

وخذي (حلبه+ ماي) بعد وحطيها عليه ( الحلبه بتظهر الوصخ لي فيييه ) ( عقولتنا بتندحق ) ^^

وبتنشدلج امايه عنها بعد

لي عوده بإذن الله

حبوبه خذي المرهم الاسود وحطي منه على المنطقه وحطي شاش عليها وخليه الشاش يوم كامل وانشالله بيندحق…

بنت جوري ولنت راك مشكورات ويارب تندحق ناقص بس تنفجر والله برتاح توني طالعه من فيستفال سيتي وكل شوي اشيك على اللصقه موجوده هههههههههه. يارب تعديها على خير

هلا اختي ما تشوفين شر بس سيري عند جراح لانه يبالها عمليه ازاله هاي مب اي خراج هاي خراج شعر يعني "pilonidal abscess/sinuses" بعض الحالات لازم تنفتح وتتنظف وبعضها تنشل بالكامل وفكلا الحالتين يبالها عمليه بس تعتبر بسيطه فلا تخافين .. لا تخلينها لانها بترد ..

السلام عليكم ورحمة الله وبركاته

خواتي الغاليات انا قبل ما اربي كانت ريلي اليسرا تعورني وبعد ماربيت زاد الالم وسويت مساج والحمدلله خف وااييد بس الحين احس بالام في العصعص كل ما اجلس يعورني واحس انه يتحرك يوم انش من مكاني احس فيه اكثر يعورني
بنات منو صار معها اللم في العصعص بعد الولاده وشفت منه تفيدني تخبرني

ربي يعافيك حبوبتي

هذا الالم اييج بسبت اليلسه الزااايده اختي

لازم تاخذين لج فتره تكونين فيها ناايمه ومرتاااااحه ولانه عظامج بعدها ماردت مكانها من بعد الولاده فتحسين ابهالالم

اهم شي لاتخلين حد يهمزج بقووو

واذا ماراح الويع روحي لدكتور العظام اكيد بيوصف لج مرهم دهان

يوم اتم يالسه فتره واقوم احس بالالمم فالعصعص
تم فتتره لين ماربيت وكملتت كم شهر عقبب اختتفى الحمدلله

يصير طبيعي بعد الولاده
ماتشوفين شر حبيبتي ..

تسلمون خواتي على الردود طمنتوني شوي جزاكم الله خير

هالشي عادي لكن اهم شي لا تهملي حبوب الفيتامينات لمده ست شهور بعد الولاده وخاصه لو كنتي ترضعي
اذا اهملتي الالم يزيد والاسنان بسرعه تسوس راجعي اي دكتوره نسائيه وخبريها انج مربيه وهي بتوصف لج اللي يناسبج

السلام عليكم
مرحبا خواتي
انا مربيه من عشرين يوم والم العصعص (اخر فقره في العمود الفقري قريب من فتحة الشرج)وايد ذابحني ما اقدر اقعد شرات الناس لازم على كرسي طري
وطبعا الرضاعه يبالها قعدة فيزيد اكثر عقب ما اخلص رضاعه من كثر القعده
سويت اشعه مقطعيه قالولي الحمدالله مافي كسر ولا ميلان في العصص
بس ليش هالالم مليت من المسكنات والمراهم
حد مر بهالتجربه يقدر يفيدني لاني من جد تعبت

هلا اختي

هذا معناته ان عندج نقص في الكالسيوم حاولي تكثرين من الحليب ومشتقاته وشوفي الدكتورة جان بتوصفلج حبوب كالسيوم تساعدج شوي

واذا تقدرين تشربين حلبة بعد زين لانها ترم العظم وإذا ماتحبينها اخلطيها ويا الحليب او حبة الحمرا

واذا انتي من رآك بقولج سيري عند الدكتورة أمينة بتعطيج ابره بتفكج من هالالام

وماتشوفين شر حبيبتي

اختي كانت جذيه وعقب حد نصحها و قال لها تخش صبعها فالعصعص ما ادري من تحت او من فوق وتقول الحمدلله خف عنها الالم واااااااااايد

للرفع

انا كنت نفس الشي كنت ادلك بزيت الزيتون و احط مطاره حاره

نصيحتي لج سيري سوي حجامه بترتاحين والا حرمة تمسحج
وانتبهي من المطارة الحارة لانها اتذوب المادة اللي بين الفقرات وبتزيدج
ماتشوفين شر انشالله

لللللللللللللللللللللللرفع

خواتي عساكم بخير
ابستشيركم في شي..
انا عندي الم في العصعص..
و الم في اسفل الظهر يعني عظمه الحوض من ورا ..ما عرف شو السالفة حد مر بنفس الوضع؟؟انا مب حامل .. و موعد دورتي من يومين بس ما يتني ..و بالعادة ما يعورني ظهري مع الدورة ..
ارجوا المساعده و لكم جزيل الشكر

فيه شي العصعص يعني ورمه ولا شي لا قدر الله ولا الالم بس في العظم

الغالية ماشي ورمه او شي بس وانا واقفه ماشي بس من ايلس العصعص يبا يعورني مع اني ايلس ع مخدات و شي اسفنج فيه ..و ظهري اذا نزلت ما اقدر ارتفع من الويع جنه شي منكسر

ان شاء الله خير حبيبتي … انا عورني في بدااااااااااية حملي كنت فالشهر الاول وبعدين الألم بروحه راح …
يمكن هذا يصير فالحمل!!!!!!!!! سوي فحص الحمل يمكن حامل …

يزاج الله خير بودي عيالي اليوم العياده عشان الكحه طول الليل و بحلل دم ان شاء الله

الله ييسرلج حبيبتي

سلامتج الغلاااا مره استوا لي حتى ما كنت اروم ارقد على ظهري كنت امووت من الويع ….

مساء الخير كروشات
الشكوى لله لكن حبيت اسألكم هذا السؤال؟؟
انا الحين حامل في الشهر الرابع وعندي الم فضيع بالعصعص وينزل الالم على
رجلي اليمنى واشعر كاني مشلوله…صار عندي هذا الالم في حملي الاول وولدت قيصري
المهم(سمعت ان الي تعاني من هذا الشي يكون عندها الحوض ضيق ولازم الولاده بقيصري
)والله خرعوني وانا متأمله اولد طبيعي..بنات صحيح هذا الكلام لو خرابيط
ومن عانت من هذا الالم وولدت طبيعي؟؟؟؟؟؟
ومشكورين طولتها عليكم..طمنوني الله يطمن بالكم

لا يا حبيبتي انا حالتي نفس الشي مثل حالتج الم بالعصعص من الشهر الرابع ونازل على ريلي اليمنى والله اني ساعات اسحبها من الالم وماروم احركها وتام ويايه لين الحين بس حبيت اخبرج انه مايخصه في الحوض انا والده مرتين طبيعي بنفس المشكله بس كان ايني في حملي الاول والثاني من الثامن والتاسع
اما الحين ياني من الرابع وتام لين اليوم فلاتخافين هاي الحاله طبيعية
ادعيلي الله يسهل عليه اربي هالايام ولو اليوم احسن ههههههه

السلام عليكم ورحمةالله وبركاته
عزيزتي هذا الألم ناتج عن كون الرحم عندك متراجعا نحو الخلف
posterior
اي انه مقترب من الظهر بدل البطن وهذا شيء طبيعي جدا جدا
ولذلك يكون ثقل الجنين بأكمله على الظهر فتحسين بالآلام في ظهرك
بعض النساء يكون الرحم مقتربا من البطن ولذلك تحس بالثقل والام اسفل البطن
عندما يكون الرحم متراجعا نلاحظ أن المرأة الحامل لا يكبر بطنها لدرجة كبيرة جدا (بالعامية لا يبدو عليها الحمل كثيرا)
اما عندما يكون متقدما نلاحظ ان البطن يكبر كثيرا ويبدو الحمل عليها منذ الاشهر الاولى
وهذا هو التفسير العلمي عزيزتي لماذا يبدو البطن كبيرا لدى البعض و صغيرا لدى البعض الاخر, وتفسير آلام الظهر او اسفل البطن …
وليس لذلك علاقة ابدا ابدا بجنس الجنين او طريقة الولادة. ..
الله يسهل عليك وعلى جميع حوامل المسلمات يا رب
والسلام ختام

يا سلام عليك يا ام سعيد ريحتيني من التفكير
الله يهديهم الي خرعوني..
الله يسهل عليك وتولدين اليوم يااااااارب..وبشرينا بالاخبار الحلوه

هذا الشرح في قمة الروعه
مشكوره عزيزتي على هذا التوضيح الرائع..الله يجعله في ميزان حسناتك

غناتي عادي لا تحاتين ان شاء الله بتربين طبيعي لان انا بموت من العصعص في حملي هذا وريلي مب بس تعن اتم جنها مشلوله ما اقدر احركها والامور طيبه الدكاتره يطمنون فلاتخافين غناتي الله يتمم لج على خير وييسر امورج

انا بععد قااااااااالتلي الدكتووووووووووره الحمل ضااااغط ع ظهري …….. ومرات اتم اعري ( اعرج ) من ريلي قاااااالت اليااااااااااهل يضغط على اعصااااااااب الرحم من تحت صوب الريل … قالتي اغير حركتي اذا واقفه انسدح واذا يالسه اوقف جيه يعني ……

ولازم تاخذين حبوب الكالسيوم …….. وو المالتي فايتمين لنه فيهن مغنيسيوم