الوسم: الولاده؟؟؟

مرحبا خواتي شحالكم؟؟
بغيت اقولكم اختي اول بنوته يابتها كانت قيصريه والولد الثاني طبيعي والحمدلله بس الحين هي فالاربعين وبطنها شوي تحس لونه متغير مسمر او مسود وفيه خطوط!!!
وممكن حد يقولي شو تقدر تسوي او شو تحطله؟؟

up up up up

مممممممم الخطوط صعب تروح لان انا اعاني من نفس المشكله بس اذا تبي تبيض الخطوط تروح صيدلية بوتس فيه زيت اسمه باي اويل
بس الاسمرار خلها تحط تخلط مايلي
كريم جليسوليد ملعقه صغيره فكس وملعقه كبيره فازلين وزيت جليسرين وعصير نصف ليمونه ونصف علبة حليب طازج وبس وانشاء الله تستمر عليه تحطط بالليل وبالنهار تغسل بطنها بسنفره ولو تحط ها الخلطه على جسمها كله وتستمر بتشوف البياض والنعومه من تجربتي

للرفع

الخطوط ما بتخوز،، بس اللون بيخف..

الخطوط ماتروح وللأسف ><

بس الاسمرار بروحه يخف وخليها تحط سكارب قبل لا تسبح

الخطوط ما بتخوز،، بس اللون بيخف بالكريمات

السلام عليكم
الله يسهل على كل حامل يارب
سؤالي عن طقم النفاس قصدي امفرش وتوابعه وجلابيات الولاده
هل عندكم افكار غير هالدانتيل

لا إله إلا الله

انا اختي يابته لي من الشارجه وبنزل الصور عن قريب

حرمت اخويه سوته عند وحده ووووووووووووووايد حلو كل ورد و ما فيه دنتيل راسليني اذا تبين رقمها عسب اييبه لج

نفس الحاله مليت من شي اسمه دانتيل

وخلاص ماخذت طقم …..

خذت مدس من ديور
وكفر من زارا هوم
وشنطة البيبي من بربري ايام التنزيلات

وفصلت جلابيات عاد لازم فيها دانتيل من المزدهيه حلو شغله واسعاره اوكي

ممكن تخبرونا وين هالحريم وارقامهن

من دار المياس
عندها بدنتيل وبدون دانتيل
بمخمل و بحرير هندي
ما شالله شغلها ايبيض الويه

هلا خواتي بغيت اسال اذا طاف موعد الولاده اسبوع والحامل مااتحس باي اعراض او علامات الولاده شو اتسوي ..؟؟ بدون ماتلجا للمستشفى *__*

الله يسهل عليش
حتى ني في حملي لازم خطف اسبوع او عشرة أيام من موعديه
بس احسن لو تروحين المستشفى يعني بيساعدونش على الولادة
الله يسهل عليه حتى ني في التاسع وملاااااااانه

انا بعد طوفت الموعد ….
شو نسوي….

تروحين المستشفى لانج لازم تعدين حركات البيبي كم حركة في اليوم وبس تترين بتربين اذا طاف اسبوع مب زين انا في البجر عديت موعدي بيومين وعقبها ياني الويع وربيت بس الكورنيش في موعدي الاخيرعطوني ورقة اعد حركات البيبي اذا اقل عن 10 في اليوم اسيرلهم طواري لكني ماعديت وتريت يومين ربيت

كيف تحسبين حركة الطفل

ما شاء الله يتحرك واااايد اتمين تحسبين؟

الله يسهل علييييج

أخاف …(((((((((((((((((((((((((((((

ماابغي المستشفى ((((((((((((((((((((((((((((((((((((((((((

أبغي الأعراض تظهر
اول

لانه بالمستشفى اول شي بيسوونه الفحص الداخلي ..((((((((((((((((((((((((((((((((((

السلام عليكن بنات المنتدى الغالي

ولدت ولله الحمد وباجي علي اسبوع وبطلع من الأربعين… أخيرا

وحابه أكون فعلا عروس هالمره وخاطري أسوي حركات حق أول يوم يجمعني بريلي

يعني اللي عندها أفكار وحركات حلوه ممكن تراسلني عالخاص

وتسلمون يا مبدعات المنتدى

ممممممممممممم انا بجر وبعدني ماربيت جريب ان شاء الله ادعيلي الله يسهل علي

عموما لوتبين افكار عندي وااااااااااااااايد افكار وناويه اسويها بعد مااربي ان شاء الله واطلع من الاربيعين

البسي وتعدلي وتمكيجي وخلي عطرج يفوووووووووووووووووووووووووووووووووح…

واختاري لون الليله وسوي كل شي نفس اللون

انا بخبرج عني و اذا عيبج سوي شراتي
بعد ما خذيت الاذن من ريلي قصيت شعري مدرج و صبغته مع خصلات هاي لايت طلع جنان
و طبعا تنضيف البشرة و حف الشعر و الباديكير و المانيكير
اشتريت ملابس نوم يديدة، زينت البيت ( خذت الافكار من المنتدى)
و الصراحة سوينا شهر عسل يديد ، ما خلينا مكان ما سرناه ، و بتنا في العين في استراحة عين الفايضة. وايد استانست و كنت ما البس الا البدلات لاني ما كنت قبل اقدر البسهن.

لازم اتسوين حلاوة وتنظيف بشرة وحمام مغربي وحنا اكيد طويل حنا عروس يعني وقصي وصبغي شعرج واشتري فستان ناعم يفضل يكون حرير او شيفون سادة مع شوية كرستال واشتري مفرش يديد للسرير واشتري اكسسري يديدة للحجرة ويبي كيك وعشا خفيف
هالافكار اللي عندي الحين

يزاكم الله خير خواتي

بس بعدني ابغي شي يديد

ان شاء الله مابنقصر وياج

مساء الخير كروشات
الشكوى لله لكن حبيت اسألكم هذا السؤال؟؟
انا الحين حامل في الشهر الرابع وعندي الم فضيع بالعصعص وينزل الالم على
رجلي اليمنى واشعر كاني مشلوله…صار عندي هذا الالم في حملي الاول وولدت قيصري
المهم(سمعت ان الي تعاني من هذا الشي يكون عندها الحوض ضيق ولازم الولاده بقيصري
)والله خرعوني وانا متأمله اولد طبيعي..بنات صحيح هذا الكلام لو خرابيط
ومن عانت من هذا الالم وولدت طبيعي؟؟؟؟؟؟
ومشكورين طولتها عليكم..طمنوني الله يطمن بالكم

لا يا حبيبتي انا حالتي نفس الشي مثل حالتج الم بالعصعص من الشهر الرابع ونازل على ريلي اليمنى والله اني ساعات اسحبها من الالم وماروم احركها وتام ويايه لين الحين بس حبيت اخبرج انه مايخصه في الحوض انا والده مرتين طبيعي بنفس المشكله بس كان ايني في حملي الاول والثاني من الثامن والتاسع
اما الحين ياني من الرابع وتام لين اليوم فلاتخافين هاي الحاله طبيعية
ادعيلي الله يسهل عليه اربي هالايام ولو اليوم احسن ههههههه

السلام عليكم ورحمةالله وبركاته
عزيزتي هذا الألم ناتج عن كون الرحم عندك متراجعا نحو الخلف
posterior
اي انه مقترب من الظهر بدل البطن وهذا شيء طبيعي جدا جدا
ولذلك يكون ثقل الجنين بأكمله على الظهر فتحسين بالآلام في ظهرك
بعض النساء يكون الرحم مقتربا من البطن ولذلك تحس بالثقل والام اسفل البطن
عندما يكون الرحم متراجعا نلاحظ أن المرأة الحامل لا يكبر بطنها لدرجة كبيرة جدا (بالعامية لا يبدو عليها الحمل كثيرا)
اما عندما يكون متقدما نلاحظ ان البطن يكبر كثيرا ويبدو الحمل عليها منذ الاشهر الاولى
وهذا هو التفسير العلمي عزيزتي لماذا يبدو البطن كبيرا لدى البعض و صغيرا لدى البعض الاخر, وتفسير آلام الظهر او اسفل البطن …
وليس لذلك علاقة ابدا ابدا بجنس الجنين او طريقة الولادة. ..
الله يسهل عليك وعلى جميع حوامل المسلمات يا رب
والسلام ختام

يا سلام عليك يا ام سعيد ريحتيني من التفكير
الله يهديهم الي خرعوني..
الله يسهل عليك وتولدين اليوم يااااااارب..وبشرينا بالاخبار الحلوه

هذا الشرح في قمة الروعه
مشكوره عزيزتي على هذا التوضيح الرائع..الله يجعله في ميزان حسناتك

غناتي عادي لا تحاتين ان شاء الله بتربين طبيعي لان انا بموت من العصعص في حملي هذا وريلي مب بس تعن اتم جنها مشلوله ما اقدر احركها والامور طيبه الدكاتره يطمنون فلاتخافين غناتي الله يتمم لج على خير وييسر امورج

انا بععد قااااااااالتلي الدكتووووووووووره الحمل ضااااغط ع ظهري …….. ومرات اتم اعري ( اعرج ) من ريلي قاااااالت اليااااااااااهل يضغط على اعصااااااااب الرحم من تحت صوب الريل … قالتي اغير حركتي اذا واقفه انسدح واذا يالسه اوقف جيه يعني ……

ولازم تاخذين حبوب الكالسيوم …….. وو المالتي فايتمين لنه فيهن مغنيسيوم