شحالكوو عساككوو بخير وسهالة وصحة وسلامـة …
اتعرفون أنا وزني من النوع المتنّح يعني يطلع روحي لين ينزل
وغير أنـه صعب النزول
بس فالزيادة ما أحسسسسده بفففف ألاقي عمري من أي وجبة أزيد
أوكيـه أحرم عمري حرمان مب طبيعي وأكل قليل مرة
والسعرات أقل عن 800 سعرة وأنزل بس فالاسبوع نص كيلو وله الحمد والشكر له ان كملت الكيلو …
ياربي … أوكيـه سرت عند دكتورة تغذية في مستشفى خليفـة
قالتلي عسب انسسوي العملية لازم تكون مؤشر السمنة فوق الـ 40
وانا باقيلي 10 كج وألمؤشر يصك الأمبير الـ 40 يعني
طولي ماشاء الله حلو وطويلة يعني …
بسسس شو رايكمـ فاللي أسويـه … أنا مخي ضارب على العملية وأباها يعني أباها ..
وما بتنازل عنها الصراحة لو شو يستوي …
غير جيـه شو رايكم قص ولا ربط …
أنا قلبي يقول 70% قص … >> السبب النتايج المذهلة وثبات الوزن على المثالي أهم من كل شيء بس للأسف مالها نقطة رجوع يعني لو تعبت مابرجع معدتي شرات ما كانت …
والـ30% الباقية أبا ربط مع أني أعرف أنها فاشلة >>> والسبب ممكن تتحرك الحلقة وغير ابر التضويق وغير الترجيع والفواق المستمر على ما أعتقد وجسم غريب غير أنها مؤلمة وما أقدر أرقد ع بطني وايجابيتها نقطة الرجوع بحيث لو تعبت أقدر أفجها وأرتاح
ياليت اتخبروني شو المناسب … واللي سوت عملية شو رايها …
و الله يخليكم اللي سوت منكم عملية في مستشفى خليفة اللي في شارع الكرامة بوظبي اتخبرني … وكم ممكن يعطوني فترة للعملية يعني لو رحت لهم وكتبوا للثقة أني أبا عملية … هل بيسوونها بعد أسبوع أو أسبوعين ولا 3 ولا 4
وربي يحفظكم .. تراني محتاجة ردودكم ربي يخليكم,,,
الله يكتب لج الخير
ما في داعي للعملية اصبري ولو نص كيلو بالاسبوع أحسن من العملية والترهلات
وبالتوفيق
بس لو عزمتي واصريتي ع العملية فانصحج بالقص اضمن وانسب وافضل والله يوفقج
