و الله يوفق كل المسلمات ان شاء الله….
الوسم: العوانس
كم عدد العوانس في الدولة ؟؟؟ . اي سن تعتبرين البنت عانس ؟؟؟ .
وفقا لدراسة رسمية نُشرت في الإمارات مؤخراً فإن عدد العوانس قد وصل إلى 68%، أي أن في كل بيت إماراتي فتاة عانسًا، هذا بالإضافة لارتفاع نسبة تأخر الذكور والإناث في الزواج، وعلى الرغم من ذلك يظل المجتمع الخليجي مكبلا بقيود العادات والتقاليد التي تفرض شروطا باهظة لقبول العريس المتقدم.
تعتبر البنت عانس في سن 25 الي 30 سنة
يالله يابنات خل اتسوي جمعية حق البنات يلي متزوجو الانه ااذا نحن ما حطينا يدنا بيد بعض ماضن انه بيكون في نسبة عوانس بهذي الدرجة
ياريت ايكون في ملف خاص حق هذي المشكلة يلي عدها اختها او اخوها او اي احد من الاهل يالله خل اتشارك معانا صدقوني فكرت الخطابة مش عيييييب بلعكس تر اول كل يلي يتزوجون عن طريق الخطابة يالله خل انساعد بعض انا اعرف بنات في كويت وقطر الله يعطيهم الف عافية شادين حيلهم في هذه الموضوع
والسموحه علي التقصير
منقول
اختي الغاليه ما يصير انقول كلمة (عــــــــــــــــــــــــــــــــــــــــانـــــــ ـــــــــس)
لان كلمه غير صحيحه ……
وموضوع تاخر الزواج في ناس نصيبهم قبل وناس اكون النصيب متاخر وكل شئ عند الخالق
بحكمه ….. والــــــلــه يرزق كل وحده ويسعدها بحياتها انشا الله …..
يعني كلللل هالمعرسات بس 32 % !!!!!!!!!!!!!!!!!! سوري بس الكلام ما يتصدق
بناااااات هالمفهوم.. لااازم احنـــــــــا نغيره ..
مو ننشره و نصدقه و نعتبره واقع !!!
اللي فالعشرين عانس !!!!
استهدو بالله ..
الأرزاق بايد الله .. فالعشرين فالثلاثين فالأربعين ما في سن معين ..
في ناس تتزوج مره… و في ناس تتزوج مرتين و ثلااث .. و في ناس ما تتزوج ..
هالشي نصيــــــب .. مثله مثل كل شي فالدنيا ..
شوفو المجتمعات الثانيه .. اللي عمرها 25 يسمونها عانس !!!!!! طبعاً لا
الغلط من عندنا ..
منا احنا اللي نصدق هالكلمه و ننشر هالمفهوم ..
انا 20 وبدخل ال 21 بعد كمن شهر و احس عمري عانس السن المناسب للزواج 18 وانا تخطيته بسنين
حبيبتي أنا فسنج .. و أعتبر نفسي صغيره عالزواج و المسؤوليه .. و بكمل دراستي اللي باقيلي فيها 5 سنين ..
يعني أنا فنظرج عااانس بجميع المقاييس ؟؟ ؟؟ههههههه
الحين الدنيا تغيرت .. البنات يدرسون و بشتغلون .. مب مثل قبل تتزوج من يصير عمرها 14 سنه ..
بعدين شو الزواج ؟؟؟؟؟؟؟
يعني تبون تقنعوني إن السعاده الكااامله فالدنيا بالزواج !!
يا ما ناس تزوجو و تغربلو .. و تمنو لو ما جربوه .. و لا يو صوبه ..
و في ناس مرتاحه أكيد ..
العانس متى ينقال يوم توصل 30 لانه منو بياخذها لانه الرياييل يدورون الي اصغر سنا ….والوحدة واذا تخطت 25 تقول على نفسها على الدنيا السلام …..
اختي الرزق بايد رب العالمين .. أنا أعرف بنات تزوجو قرب الأربعين .. و الحمد الله عايشين متهنين .. و غيرهم تزوجو فالــ17 و 18 و مو مرتاحين و اللي ترملت و اللي تطلقت .. ترا كلامج مو مقياس !!
يمكن فرصهم مختلفه .. بس مب معدوووومه مثل ما انتو تقولون !!!!
كل انسان رزقه مكتوب له قبل لا ينولد ..
هذا رايي ..
العوانس كيف بيعرسن ؟!؟!!؟
انا عمري الحينه 35 سنة ، ولين الحينه ما عرست وتقريبا بالضبط بالضبط صار لي 12سنة محد تقدم لي بشكل رسمي ، وتقريبا بالضبط بالضبط كان في كلام مع 4 رياييل خلال هالسنين على اساس انهم بيتقدمون لي( 2 عن طريق خطابة و1 عن طريق وحدة من اهلنا والاخير من الدوام وبدون بعد )
وعلاقاتي الاجتماعية صفر يمين وصفر شمال
ربيعاتي اللي كنت اقول باخذهن ذخر يوم بكبر عرسن وقطعن علاقتهن معايه
ومن عقبها كل ما ارابع وحدة تفشل صداقتي معاها لاسباب كثيرة يا منها يا مني
وخواتي هب كل وقت معايه او متبيرضات حقي لانه عندهن امورهن وصديقاتهن
وفي الدوام مالي خص في حد من الشباب ولا في مجال في اني ارتبط بواحد لانه هناك متطلبات خاصة عندي واكيد هم نفس الشي
عن طريق الخطابات خلاص مابا لانهن مالهن ذمة ولا ضمير
ربيعات هالوقت يدورن الغريبة على القريبة
اهلنا كبارية وغنايا ما يبون ناس افيريج يعني مستواهم معتدل يبون يزيدون بيزاتهم يعني يبون زواج مصالح
وصارلي لي فترة كل يوم احلم انه بيستوي عرس في بيتنا او حد متقدم حق حد من خواتي … الخ ( اضغاث احلا م) وهالشي وايد يتعبني ….
والحمدلله انا مؤمنة بالقدر والقضاء ، واصلي وادعي واقوم الليل واقرا وردي وقراني
والرسول صلى الله عليه وسلم يوم تعب ونفسيته انهارت رب العالمين اسرا وعرج به
يعني احنا بشر ونفسيتنا تتعب ويبالنا شي يريحها ويخفف عليها
وفي نفس الوقت نخاف الحرام او نقرب به لانا حراير وبنات ناس
والسموحة منكن خواتي انا نفسيتي وايد تعبانه ومالي خاطر في شي واحس اني فقدت طعم حياتي
لاني احسها خالية عسب جيه كتبت هالكلام والله اعلم شو يالسة اكتب وخاطري حد يواسيني ويريحني بكلمه او دعاء
والله كريــــــــم
ان شاء الله ما يمر عليج شهر الا وانتي مخطوووبه خطوبه رسميه ^__^
اللهــم آإآميـــــــــــــن …~
وكثري من الاستغفآر و . .,{ الله كريم"~
مآ بردج خآئبة أقل شي بترتـآآح نفسيتج . .
مجرب ومضمون
الله يرزقج الزوج الصالح عاجلاً غير آجل
ادعي واكثري من الاستغفار .. بنية الزواج
واقري سورة البقرة يومياً
وإن شاء الله ما يمر هالشهر إلا وأنتِ متزوجة
اسئله تسبب الارق للعوانس ياليلي ليلاه من هالعوانس.~
فأحييكم بتحية الاسلام واقول ( السلام عليكم ورحمة الله وبركاته )
اليوم عاد يتكم اكمل ياليلي ليلاه يا العوانس…~
في وايد اسئلة تتوارد في هالقسم الي اخاف اتولاه انا عقب من كثر ما اطب فيه واشوف اخبار الرعية وخواطرهم…~
السؤال الاول :
هل انا عانس.؟ ومتى اكون عانس؟ او يطلق علي عانس؟
يا بعد تسبدي اليوم بحط لكم مرجع كامل اسمه تساؤلات مضيعه…لبى خشومكم
اذا طلعتي برى الامارات وسافرتي برى البلاد للمناطق الثلجه بين قوسين….(نعم انتي عانس) لانها ذبلت تسبدي وانا اقولكم هذي كلمه غربيه…مو عربيه …
السؤال الثاني :
ليش انا للحين ما انخطبت …رغم اني حلوة …؟
انتي جاوبتي يا عنوني الحولا انتي حلوة….يعني مو اي حد بيتقدم لج…لازم واحد يكون في مستوى الجمال يعني يشبهني :$ اويه استحي فديتني…هي كلكم حلوات بس بالدور خلونا نبدأ بطيتوا جبدي…
السؤال الثالث :
انا عمري 30 وكل ما اروح عرس او اسير عزيمة يتمن الحريم يناغزني…عانس وعانس ومحد خطبها …واتضاايج وما قمت اطلع من البيت..؟
ليش يا بعد خشمي انتي…ما يباله تفسير…يطالعونج لانج تذكريهم بطفولتهم…ايام الشعر الحرير….ايام اللبس المخصر …ايام البرائه والرموش المتلألأه …ولا تنسي انك اصبحت ارق لجميع من يحاولن نغزك ….يخافون على رياييلهم بس لا تروحين تقولين جداهم وتسوين لي ممشااكل…هههههههههههههههههه…خلج واثقه من نفسج لا طرااق ع ويهج قالت يناغزوني قالت…يامال الجرب اي والله ..
السؤال الرابع :
ماذا افعل لكي اتزوج…؟
عاد هاي لو هي عندي كان لقت ذاك الطراق الي يفرمت راسها….قالت ماذا افعل قالت…ولا ما احبطني احباطاً مبرحاً الي تجاوبها وتقول افعلي هكذا وصلي هكذا واخشعي وساعدي امك…اقولها احلفي انتي بس…قولي قسم…يعني لو ابي شي استوي طيبه..ولو تزوجت اصلي اي كلام وما اخشع وما اساعد امي…لااااا والله …اقول لا اهفكن بطراقات…ترى تزوجتن ما تزوجتن..انبطيتن…ترى غصبن عن خشومكن بتصلن وبتساعدن امهاتكن لا اشوتكن احين…وترى ارد واقول وازيد في كلامي…الله كاتب لج يوم وتاريخ معين بتعرسين وتفكينا من حشرتج…لا تحاتين …
السؤال الخامس :
هل كلمة عوانس حقيقية ..؟ ولماذا نقولها للواتي لم يتزوجن.؟
ارد هنا واقول…لكل من يستخدم كلمة عوانس…بالله من انتم…؟؟؟ سوف تندمون يوم لا ينفع الندم…والذي بيته من قزاز لا يرمي الناس بالحجارة هع …ههههههههههه يخرب بيت ام الاجابه …اي وحده تسمع هالكلمه يبوها عندي بس وانا اعلمها ان الله حق.
السؤال السادس :
انا احب واحد وابوي ما وافق عليه…شسوي؟
والله يا بوج انا نفس الحاله…بس الشكوى لله…افكر اسوي لابوي في كل اكله خل الين تتخلل كلمة مو موافق …ويوافق ويفكنا اعوذ بالله ….بطوا جبدي حريم اخواني من كثير ما يتدلعن وانا مسويه عمري بنت وزير بريطانيا ما اتزوج الا توم كروز ….ترى كله خرطي من يوافق ابوي بدق اصبع هع ههههههههههههههههههههههه
السؤال السابع :
هل كل فتاة تصل لعمر 20 ولم تتزوج تسمى عانس..؟
لا يابعد حيي…ما دمت انا على قيد الحياة فلن ولم اسمح باطلاق هذه الكلمة بتاتا…واي وحده تنطقها لوحده من خواتها سوف اقطعها ارباً ارباً…
السؤال الثامن :
ماذا افعل اذا وحده سألتني او قالت لي اويه انتي للحين ما عرستي….؟
الجواب عندي..ابتسمي ثم ابتسمي ثم ابتسمي….وقولي بكل بساطه مالقيت حد ملى عيني ….عسب تنبط جبدها وتدز اخوها يخطبج وتقول اتحداها ما يملى عينها ساعتها انتي الربحانه وافقي على طول ههههههههههههههههههههههههههههههههههه توني اكتشف اني ذكيه ….يالبى اخوي ستيف جوبس الله يرحمه خلاني وراح الله يسامحه…
والان اخواتي حبيباتي متزوجات مطلقات عزباوات مخطوبات طفرانات اهم شي الاخلاق وحب الوطن ….والله يوفقكم لما يحب ويرضى …ابتسموا للحياه تبتسم لكم ولو ما عندها ضروس…
اراكم في موضوع اخر من مشاكل الجميلات اللواتي لم يتزوجن,,,تحياتي …بنات عمي اللوعه زاروني…بسير اجابلهن هههههههههههههههههههههه
قسم ذكرتيني بعرب لهم شوقن كبير
يالبى روحتس الحلوة
لا خلا ولا عدم
..
تصدقين ساعات احسدكم ياللي مب متزوجات
واقول حلوه حياتنا نحن البنوتات
اشتقت لها حيل
ترى انا متزوجه وعمري22
والحين كملت سنتين
وعندي بنوته ربي يحفظها ويصلحها
بس اقول للي ماتزوجن
لاتفكرن وايد ترى وضعكن احسن عند الف وحده متزوجه
تعاني من زوجها ومسبب لها ارق
يعني احتسبوا كل شي عند الله خير
والحمدلله ع كل حال
وفالاخير
اقول اللهم اني استودعتك نفسي وزوجي وابنتي في ودائعك فاحفظناااا يارب من كل شر
تحياتي لج يا عسل
يكفي هالروح الحلوه عزيزتي
اهم لا نفقدينها بعد الزواج ^^
يوصلج الرد :$
ياليلي ليلاه من هالعوانس .~
بداية احييكم والوح بيدي الكريمه لكل من طبت الموضوع ….واقول لها الله بالخير
خواتي … حبيباتي…
في خاطري شين يقرقع … وودي نقعد قعده حلوة سوى….
موضوعنا اليوم عن العنوسه …المسمى الغبي …~
احين ابي وحده تنطق وتنط وتقول ان هالاسم وجد في القرآن او السنه ….
موب نحن مسلمات مؤمنات؟؟؟ عيل يالله خلونا نتقيد بكلمات وردت في القرآن والسنه والتفلسيف تراني ما احبه …
العانس او العنوسه او غيرها من هذه الكلمات الغبيه …كلمات اطلقها الغرب يعني قوم برى للي ما تعرف معنى الغرب…يعني برع البلاد
مو موجوده في اللغه العربي ولا في القرآن ولا السنه…عيل ليش تقلدونها؟؟ تقلدون ناس ما يعرفون ربهم؟؟؟ امحق اي والله ..
على فكره انا اول مره انتبه للقسم هذا وتقدرون تقولون قريت معظم مواضيعه ووالله ما اخفيكم انبطت جبدي بطاً مبرحا…
وحده تقول لي الي عمرها 20 وفوق تعتبر عانس…<<< اقولها قولي قسم بالله …روحي بشري امج
تراني عمري 23 وللحين ما عرست يعني انا عانس هههههههههههههههههههههه يابطني بطناه …
وبعدين تعالوا يا الحريم …<<<—- لا انتي وخري موب حرمه عانس تعالي في صفي لا تنضربين احين
في احد مرتاحه؟؟؟ خل عنكم الي تتشكى عيالي…والي تتشكى ريلي….والي ما تروم ترقد من الكوابيس الي تشوفها…
حلمت ريلي عرس علي ,حلمت ريلي طلقني..,حلمت ريلي طلقني ومن هالكوابيس الي ما تخلص…وترى
لوعتوا جبدنا عوانس عوانس بهلكمه ليكون بس تصرفين على العوانس يالي تسولفين بهاي الالفاظ..
وبعدين لا تنسوا البنت يتم لها عالمها الخاص البريئ :$ يالبى العوانس فديتهم وفديت برائتهم قوم سبيستون وليدي ليدي…
ونهاية اخيتي الكريمه …اتقي الله….واعرفي ان الدنيا دوراه…كثر ما اسمع وحده تقول ((منو فلانه بنت فلان…هيه عمرها 30 او 33 عاانس وحليلها…)) خير ان شاء الله…ترى تدور عليج الدنيا ويقولون
ارمله ولا مطلقه…وكل وحده لها احترامها وقدرها …واهم شي الاخلاق واحترام الوطن <<– مايخصه
المهم ابي اهمس لكل فتاه دخلت هالمكان وقلبها ضايق…ابي اقولها افتخري بعملج وكيانج قبل ما تقولين محد خطبني او ما عرست …
والله اختار لج هالطريق…افتخري ان الله اختار لج هالطريق وارضي…وقولي الحمد لله …بكره يمكن اموت طاهره واصير حوريه لواحد من شهداء الدوله …شدراكم <<<— ساعتها بخق على المعرسات الي يقولون عوانس وعوانس…بطيتوا جبدنا…طبعا موب كلهن الي يعرفون عمارهن بس
اويلي ويلاه لو تطلع راعية القسم معرسه وتطيرني ههههههههههههههههههههههه هي المعرسات ترى احبكم هاااه بس حبيت اوضح شي
للمعرسات الي يلفظون بكلمة عانس ….موب الكل طبعا لاااا…بس الي ع رااسهم بطووحه صغننه
والله يوفق سعيد بسعيده….وتتزوجون كلكم ياااااااارب وتكبرون وتعقلون …وتخلو عنكم هالوسوااس
يالله خلصت المحاضره قدامي طاابور <<<—- والي اسمعها تقول هالكلمه ياويلها ويلاه ..
احبكم كلكم معرسات ومو معرسات….كلكم بنات البلاد…
يوعانه اشوفكم على خير بسير افطر…
هههههههههههههههههههههههههههههههه
ههههههههههههههههههههههههههههههههههههه
يالبي على هالسوالف
انا أيد كلاامج
أذكر وحده من هلنا قالتلي عااااااانس
وهي كانت مطلقه
قتلهاااااااااا الحمد الله العاانس اهون عن المطلقه
جان يقفط ويهااا
هايج الايااااام كان عمري 21
هههههههههههههههههههههههههههههههههههههههههههههههههه ههههههههههههههه
الصراحة موضوعج حلو …. وما شا الله عليج صدق محاضرة ومشوقة بعد
وتسلمين يالعانس ههههههههههههه لا تعصبين وتزعلين تراني اسولف
الله يهني كل المعرسات ويرزق المطلقات والارامل والعزابيات مب (العوانس) خخخخخخ
ام الانجليزي غيري نكج لا اشوتج <<<————هههههههههه قمراي مدري قماري…اذيتينا بالتفكير
وبنت غافان…<<< هلاا والله … هههههههههههه لا مابي زعلت بخبر اهلي تقولين عني عانس اهئ اهئ
يابوج الدنيا لله …ونورتوا المحاضره ….واهم شي الاخلاق وحب الوطن ….ههههههههههههههههه
ويالله صفوا طابور وطلعن برى الدنيا زحمة…خلوا المجال لغيركم هع
لاتزعلين اسوووولف
ونتريا مواضيعج الحلوة
الله يوفقكم ان شاء الله ويرزقكم الزوووج الصالح