الوسم: الفجيره

السلام عليكم ورحمه الله…أشحالكم

بليز بنات بغيت مساعدتكم و أجوبه ع أسئلتي…….

السؤال الاول: أفضل الصالونات للمكياج والتسريحات في جلباء أو الفجيره؟

السؤال الثاني: شو رايكم في صالون أصايل في جلباء؟

السؤال الثالث: شو رايكم في مكياج ناديه الرمسي وفي أي صالون اتمكيج؟

و السموحه ع الازعاج

ان شاء الله البنات يفيدونج انا مرة حضرت عرس بجلباء العروس واخواتها وبعض اقاربها طالعيين ايينن بس هم يايبين ماكييرات موب سايرين صالونات

أحسن صالون هو (حديقة الورود)

وصالون اصايل ماجد جربته ولا شفت حد مسوي عندهم…!!!

ومكياج نادية الرمسي وااايد حلو وااايد…. بس ما يستاهل 350 على السبشل…لأنه مش مضبوط 100%

أنا جربتها وسويت عندها وربيعاتي سمـــر وايد وسوو عندها…

منو يقول ميكب صالونات الفجيرة مب شيء بالعكس والله وايد اتطور

داار العروووس ..

دياااار .. عند بشرى.
لمساات مجابل ديااار…
وعندج لهاام عند وحده كويتية والله روووعه اشوية عالميكب ….

اما جلبااااا

ابهااا وايد حلووو..

وعن اصااايل بصرااااااااحه قمه فالرووعه عند فووزية انا سويت عندها فملجتي وربيعتي سوت عندها فالعرس وطلعتنا غير …

وفي وحده اسمها ام مزووون كويتية بعد روووعه ميكبهااا …

اما اللي سألتي عنها ما اعرف السموووحه

مشكورات ع المرور و الردود الطيبه

I agree
في واااااااااايد صوالين أوكي مب بس أوكي بصراحه قمه ف الروعه

مالج الا صالون أبها

عند فاطمة بصراحه انا شخصيا جربت وماندمت

واحلى صالون في المنطقة الشرقية واذا بغيتي لازم تحجزين قبلها بفترة لان

ماشاء الله وايد مزحومه وبصراحه شغلها حلوو ومعاملتها حلوة ويا زباينها

واذا حبيتي تتواصلين معاها راسليني ع الخاص وبصراحه مابتندمين

فالفجيره ماعيبني ولا حد عندهم وفي جلباء اصايل وحديقة الورود مب شي

ديار في عراقية اسلوبها مب شي والمعامله الكل يشتكي منها يعني ماطول بالها ع الزباين كله تفاتن

ممكن أسئلج … شنو هذي راك …….ز وين هي من خريطة الإمارات ..

هههههههههههههههه
انا من العين وراك يعني راس الخيمه

فجيره ,, جآل ,, واظن شي بعد

دبي ,, المنزل ,, وطبعا شي بعد وآآآآيد

رآك ,, كوف روتانا ,, واظن في بعد

وعيمان وشارجه مااعرف ,,,, السموحه ,,, [ معني من عيمان ] هع ^^

راس الخيمة الكوف روتانا

فجيرة

فندق ميرامار وايد حلو احلى عن جال الفجيرة،،، واكلهم روعة ( بوفيه)

وراس الخيمة

فندق كوف روتانا روعة

بليز اكتبو لي اسامي المحلات لاتنسون

مبروك فديتج وان شالله البنات يفيدونج

وينكم يابنات

كوش = المميز

للرفع

السلام عليكم

شخباركم خواتي

لوسمحتوا بغيت منكم رقم الدكتوره فتحيه في الفجيره لانها طلعت من المجمع الطبي اللي كانت تشتغل فيه وفتحت عياده ثانيه فاللي تعرف رقمها اتطرشه ليه للضروره ويزاكم الله الف خير

هيه تشتغل ف المجمع الفجيره عداله صيدليه الحكمه اللي ف الفصيل

خذي من البداله رقم المجمع
أنا ولا مره اتعالجت عندها

الغاليه هي طلعت من المجمع وفتحتلها عياده بروحها وانا ما عرف اسم العياده فياليت اللي تعرفه تعطيني اياه للضروره القصوى

ما اعرف انها فتحت عياده برووحها ان شاء الله البنات يفيدونج

ما فتحت عيادة ولاشى البارحةأنا متعالجه عندها موجودة فى المركز

وانا من كم يوم عندها لافتحت عياده ولا شي لان الصبح والعصر موجوده

صح كلام البنات هي بعدها موجودة في المركز الي ف الفصيل

السلام عليك ورحمه الله وبركاته

مرحبااا حريم وبنات
شحالكم؟؟ ربكم بخير

بنات بغيت اسالكم عن حنايه يكون حناها اوكيك وتي كلبااء
عشان ربيعت اختي عروس وتبا حنايه
وعاد اختي قالت اسالي سيدات الامارات ما يقصرون مول^^

عندج صالون جنى بمربح وعندج صالون اليازيه بعد بمربح

شوفي ريحانه الي في عيمان تي اي مكان تحني

وهوما بعد

للرفع

صالون اليازية مب شي حناتهم صارت تعبانه وبطرانين
وجنى اول مره اسمع فيه
انا شفت حناى وحده كانت تحنى في صالون فلورنسا ع ايد اختي طررررر صراحه وايد عيبني
بتحنى عندها بالعيد ان شاء الله ولو عيبني بتحنى عندها بعرسي ان شاء الله ..

للرفع

شحالكن الغاليات ، وين بحصل عندكم معاهد تطرح دورة icdl
و لغه انجليزيه ، يزااكن الله خير ساعدوني

الغلا عندج تقنية الفجيره
يعطوون دورات

عندج معهد خورفكان الثقافي

ممكن تساعدوني في فكره التخييم في منطقه فقيت في دبا الفجيره ؟
من وين احصل على عده التخييم و خصوصا الخيم و لوازمها ؟ ممكن تعطوني ارقام محلات تاجر الخيم ولا البلديه توفرها للزوار بلايجار ؟ مين جربت التخييم و شو الترتيبات اللازمه ؟

مرحبا اختي
نحن متعودين نخيم في البر ونطلع رحلات
بالنسبه للخيام ممكن اتحصلين في كارفور .. فيه خيام صغار وفيه كبار
مثلا في وحده اتكفي ل 8 اشخاص سعرها تقريبا 800
وبتحصلون معدات الشوي وكل ما يخص التخيم

للرفع

موفقة ان شاء الله

السلام عليم

اخواتي الحبوووبااات بنات الفجيره

عندي ربيعتي اخواها راح يخطب من الفجيره
اتفقووو على كل شيء ولكن قالو قبل الملجه بأسبوع لازم تعطونا 50 ألف
عشااان الاكل لمده اسبوووع

اريد اعرف كيف العادات هاااي وهل هي ضروريه

يعني غير فلوس الزهبه 70 ألف ولمهر 20 ألف وذهب الي هو بيشتريه
شوو فلووس50 ألف الاكل لمده اسبووع لاهل العروس بعد

والله تقولي ربيعتي اخوها قبض راسه من عرف

يوم سأل معااارفه قاالو له احنا من الفجيره وعطينها حريمنا
20 ألف المهر و 40 ألف الزهبه من دون الذهب

جيه اول مره نسمع

علما انهم من ……………..ممنوع ذكر اسامي القبائل على العام عزيزتي

شو هذا 50 الف شو لزمتها ؟؟؟؟؟؟؟

اصلن لازم بس 70 الف الزهبه والمهر 20 والمكياج والفستان 20 وبس

الاكل اول مرة نسمعبه

يمكن هذي علامة رفض بس بطريقه غير مباشره

ولا شو اكل ب 50 الف لسبوع عنبو بيطعمون ضباع ولا مربين اسوود هم

حبوبه ما عندنا هالشي في الفجيرة

بس عدنا شي اسمه (المير) و المير ما يتجااوز ال 10 آلاف <– و في العاادة تكون ضمن فلوس الزهبة

يعني اللي زهبتهااا 60 ألف تعزل منهاا 10 آلاف لـ أمهاا و عشر آلاف لـ المير

يبقى من ال 60 اربعين<– هذيل الاربعين هن زهااب العروس

و الذهب على المعرس

و بعدين على المعرس مكيااج العروس و فستاانهاا و القااعة و زينة بيت العروس

و تكاليف الزوااج في الفجيرة أرخص عن غيرهاا من الاماراات

لا حبووبه هم موافقين واهم شيء البنت تبي الولد لانهم يعرفون بعض

بس مادري شو سالفه الاكل هاااي عنبوه 50 ألف

الله يعين على الطمع ولجشع

جبيلة ز…………………اللي سااكنين وااادي العبادله <–طلبااتهم اممممممرة عاادية

بالعكس اصلا ما يطلبون شي

فـ هزرتي انج تقصدين ………………..زاللي سااكنين الفجيرة نفسهاا <– و هذيل يمكن شوي غير

منو جربت التلقيح بالفجيره دلوني عدكتوره شاطره ربيعتا تبا ضروري

اذا تقصدين اطفال انابيب ترى ماشي مراكز في الفجيرة عندج مستشفى توام حكومي وعندهم قسم لاطفال الانابيب تقدري اترمسيهم وفي ابوظبي مستشفى الامارات ومستشفى النور وفي دبي مركز دبي للاخصاب والشارجه مركز انجاب هذا كل الي اعرفه

إن شاء الله الخوات ايساعدونج للرفع

يسلمو عالرد

اعتقد الدكتوره اميره تسوي تلقيح

يسلمو

حبيبتي

الدكتورنزيهه الزبيدي تسوي تلقيح صناعي

ومركز جي ام شي يسوي

والدكتوره اميره تسوي

والدكتوره نزيهه اللي كانت بمستشفى الفجيره تسووي

بنات ساعدوني عندي عرس وابى اعرف شو احسن صالون للتعديل فجلبا والا الفجيره ضروري

بالفجيره يمدحون صالون ديار .. اما جلبا ومناطق ثانيه ماعرف وان شاءالله البنات يفيدونج

مبروكين ..

عندج الله يسلمج صالون الملكه فالفجيره ..

صالون الديار ورشنا بعد

بقولج للحناا..

صالون اليازيه في الفجيره وصالون المراسم في الفجيره بعد واذا تبي ارقاامهن خبريني وبطرش لج ع الخااص …

الشعر اعرف صالون يضبط الفيير"الرولاات" اسمه صالون الجمال …

وعندج نواره في خورفكان ..

والسموحه ع القصور

صالون الديااار روووووعه في المكيااج .. بالنسبة للتسريحاات حلوة بس مش مبتكرة " يعني تضبط التسريحة بس ما تييب شي يديد"

و سمعت عن صالون وديمة يقولون حلو

هيه بعد صالون لمساات وااااااااااااايد حلو

صالون ريفيرا فنان و انا دوووووم اتعامل معاهم ..
بس لازم تحجزين قبل لان عندهم زحمه