Starnberger See
Tegernsee
Chiemsee
Königssee
بس اذا بتسيرين قريب بيكون الوقت شتا وبررررد والبحيرات اظني بتكون متجمدة من الثلج
تقدرين تزورين القصووور رووعه ..
وعندج النمسا ساعتين بس .. تسيرين وتردين ..
وفي حديقة اوروبا بارك حديقه كبيره وايد وفيها العاب كبيره وايد وتشبه ديزني لاند هي بالسياره 4 ساعات ..
وفي منطقه ذكرتها الاخت الغر الحشيم بس ناسيه الاسم والله وهي منطقه تبعد ساعه ونص عن ميونخ كلها طبيعه ..
وبعد منطقة قارمش تبعد ساعتين عن ميونخ ..
يعني ها كله تقدرون تنشون الساعه 6 الفير وتروحون وتقضون يومكم وتردون ع الليل ..
وبعد في حديقه انا ذكرتها في تقريري اسم المكان (( جانج هوفر استريت )) تكتبين في القارمن حرف ال G وهو يكمل لج الجمله Gang hofer estrais اعتقد جي بس السبيلنج شوي غير المهم تنزلون في ها المكان وفي ورا البنايات حديقه انا حاطه صور الحديقه ..,, امممممممممممم شوفي ها الصفحه انا كاتبه اماكن زرتها في ميونخ ..
واحبــــــــــــــــM ــــــــــــــــــــــــــــــــك مشكووووووووووووره والله ما قصرتي صدق صور ترد الرووووح مشكوووووره
يعتمد على تاريخ رحلتكم ، لان في الشتا معظم البحيرات تكون متجمده و الزحلاقية الصيفية ما يشغلونها ( اللي ذكرتها في تقريري )
عموماً انا أفضل التمشية في المدن فالشتا و الشوبينغ و يلسات الكافيهات و الملاهي و القصور لان الطبيعة تكون كلها بياض من الثلج و بررد مووت يعني ما تشوفين شي
بس على كل حال انا بعطيج اسماء المناطق اللي اعرفها و ان شاء الله تستانسين ^_^
1- جولة في بحيرة تيجرنسي مع قريتها ( حلاتها في الصيف لانها في الشتا متجمده )
2- بحيرة شلرسي ( شي قريب منها منتجع يجنن و فيه تلفريك و مطعم فوق اليبل و ألعاب حق اليهال و زحلاقية صيفية و مطل على مناظر طبيعية ترد الروح ) .. يسمونها بيس اوف برادايس يعني قطعة من الجنة ^_*
3- بحيرة كيمسي ( على الدرب و انتي سايره سالزبورغ .. وايد كبيرة و فيها قوارب شراعية )
4- قرية قارمش + التلفريك و القمة الثلجية (ما تنفع في الشتا) + بحيرة آيبسي > كلهم في منطقة وحده
5- مدينة سالزبورغ النمساوية ( تبعد ساعة و نص عن ميونخ بالسيارة ) .. واايد حلوة حق التمشية و الشوبينغ و فيها حدايق متنوعة و قلعة فوق اليبل و جولة بالحنطور ، يعني ستايلها كلاسيكي و رومنسية على ذوقي
6- حديقة اوروبا بارك ( أكبر حديقة ملاهي في اوروبا ) .. تبعد عن ميونخ من 3 ساعات و نص إلى 4 ساعات بالسيارة .. الحديقة روووووعه خباااال تجنن و عيبتني أكثر عن ديزني لاند ، يعني نصيحه لا تفوتينها و تستاهل المشوار
7- حديقة ليغو لاند Lego Lang .. حلوة حق الصغار بس مافيها وايد وايد العاب حق الكبار ، الحلو فيها ان كلها مجسمات بالليغو عن كل مدن العالم و تصميمها مميز و ممتعة حق الصغار ، نحن بعد استانسا فيها لكن أسعارها غالية حبيتن
8- شوفي البروشورات السياحية ( عندهم كتيبات بالعربي )،بتحصلين فيها وايد قصور و أماكن حلوة مع عناوينها.. اختاري اللي يعيبج و زوريها و استكشفي
السموحة على القصور حبوبة .. هذا اللي يحضرني حالياً و اذا اتذكرت شي بخبرج ان شاء الله =)
والغر الحشيم وينج اتولهنا عليج
المشاركة الأصلية كتبت بواسطة بلوة حلوة 
والغر الحشيم وينج اتولهنا عليج
تسلمين يا قلبي كلج ذوق ؛ وانا بعد تولهت عليكم
ادري اني مقصره هالفتره بس ناويه ارجع بقوه ان شاء الله و انتظروني مع تقارير رحلتنا الأوروبية الأخيرة ( ودي انزل التقارير من زمان بس اخويه طفرني لان الصور في لابتوبه و جهازه خربان من فتره و ما يصلحه ! )
يعني اعذروني على التأخير و سامحوني على القصور ، و ان شاء الله القادم أحلى =)
الســــــــــــــــــــــــلام عليكم..
.gif "12 (43)")
.gif "12 (73)")
