هلا بيكم اخواتى
بنعمل اليوم محشى الكرنب او الملفوف كما تسمونه
هو سهل جدا والاعتماد الاصلى فى الطبخه هى تقطيع ورق الكرنب وسلقة
بنجيب كرنبه حسب الحجم اللى تبيه
وبعلمك شيئ لما تيجى تشترى دوم تضغطى على الكرنبه فى الوسط لو لقتيها طريه وبتنضغط معاكى اشتريها لانو ستجدى الورق سهل جدا فى فى فكه من بعضة و تقطيعه ولو لقتيها جامده ماتشتريها لانك ستجدى ورقها من الداخل متشابك ومتعب جدا عند السلق والتقطيع
المقادير
2 بصله مقشره + 3 حبات طماطم مقطعه نصفين + ملعقه كبيره سمن + قليل من الزيت + ملح وفلفل
3بقدونس و2شبت وحزمه كسبره خضراء + 2 معلقه صلصة
ارز منقى ومغسول وهذا بيعتمد كميته على حجم الكرنبه
الطريقه
اول شيئ خدى الكرنبه وضعيها فى حوض المطبخ وافتحى عليها مويه ساخنه من الحنفيه لمده دقائق
لانها حاتسهل عليكى نزع ورق الكرنبه من بعضه
وتاخذى ورقه ورقه وتقطعى العرق الصلب اللى فى المنتصف وبالعرض تقطعيها شراح طوليه
وترصيها فوق بعض
احضر حله بها مويه وضعى عليها قليل من الكمون والملح واتركيها تغلى على النار
ضعى جزء جزء من ورق الكرنب للسلق دقائق وتنشليه بعد ماتصفيه من المويه وماتطولى المده حتى ماينهرى الورق ويتقطع منك عند اللف
حضرى الخلطه
قطعى البقدونس والشبت والكسبره الى قطع صغيره
ابشرى الطماطم والبصل
وضعى كل المقادير على الرز المنقى مع الزيت والسمن والملح والفلفل وصلصه الطماطم واخلطيهم ببعض
احضرى حله وافرشيها بورقتين من ورق الكرنب المسلوق المهم تبطنى قاعده الحله
خذى شريحه من ورق الكرنب وقطعيها قطع صغيره تقدرى تلفيها
وتضعى قليل من الخلطه وتبتدى تلفى الورقه
اما على طبق
او
بين الاصبعين اللى بعد الابهام السبابه والوسطى
وابتدى ترصى الكرنب الملفوف صفوف لغايه ماتخلصى الكميه
احضرى كوب من مرقه الدجاج وضعيها فوق الكرنب واكمرى الحله بطبق وغطيها بالغطاء بتاعها وسويه على نار هادئه الى ان ينضج
واقلبيه فى طبق التقديم وقدمى معه اما فراخ محمره او لحمه بوفتيك او اى شيئ ترغبى فيه من الطيور
وبالهنا والشفاء
