السلام عليكم خواتي
اول شي بغيت اقول لكم باني ما دخلت و كتبت مشكلتي اللا لاني واثقة تمام الثقة بانكم راح تساعدوني بعد الله في حل مشكلتي
مشكلتي الله يسلمكم من يوم انخطبت ما ادري هي عين و لا شنو احس نفسي ما تهنيت في خطوبتي مثل باقي المخطوبات اول شي مرضت بعيد الشر عنكم من يوم قص المهر و من يوم ما دروا الناس اني بنخطب و بعدين لما انخطبت سمعت من اهل ريلي عن ان الصلاة جذيه و جذيه افعالها و الوضوء جذيه و جذيه طريقته فشوي شوي دخل علي الشيطان و قمت اكرر وضوئي مرات و ساعات ما اكرر في الوضوء لمدة ساعتين و الله
و الصلاة قمت اشكك جم ركعة ركعت و جم صلاة و بعدين الحين في النهاية صايرة اشكك في الركعتين الاوليتين من الصلاة اللي يكون الشك فيهم مبطل للصلاة جوفوا لحد وين وصلت
امــــــــــــــــــــــــــــــــــــــــــــــــ ــــــــــــــــ الحين ــــــــــــــــــــــــــــــــــــــــــــــــــ ــــــــا
شكـــــي وصل لي داخل الحمام لما اتبول مثل اذا انا قاعدة في الحمام العربي عزكم الله يتطشر شي من البول عزكم الله على ملابسي او ريولي فابدل و اغسل جسمي كامل ، غيرت و قمت استخدم الحمام الافرنجي او اللي يسمونه انجلينزي و لكن بعد يسري البول على فخديني و يوصل لجوانب المقعد اللي مثبتة عليهم فخديني فاضطر اني قبل لا ادخل الحمام اشيل ثيابي عشان ما شي يتطشر عليهم اثناء التبول او الاستنجاء و اسكر ريولي اثناء التبول عشان ماشي يتطشر على ويهي او جسمي و لين خلصت تبول اقوم و ارش الماي على نص جسمي السفلي كامل و اغسل المرحاض و الحمام
فهالحالة ما اقدر ادخل اي حمام لين اكون برة البيت و تكون دخلتي وايد صعبة اذا كنت مضطرة للدخول و ما اطيق اشرب ماي بس عشان ما ادخل الحمام و اذا دخلت وايد استغرق وقت كاني اتسبح الناس دقيقتين ما ياخذون و انا نص ساعة غيري تسبح و صلى و نام و انا بعدي ما صارت و انا مخطوبة يعني وقتي مو مثل اول
ابــــــــي حلول من عندكم ما ابي مواقع و اشياء و روابط ابي حل انتوا تقولونه لي او طريقة اسويها اثناء التبول عزكم الله تغنيني عن هالربكة كامل و الله اول ما كنت جذيه كنت ادخل حمام بسرعة و اطلع مو جذيه تغربلت تغربلت
ســــــــــــــــــــــــــــووا لي حل يزاكم الله خير
اللي تعطيني حل بدعيلها من كل قلبي