الوسم: اللغة

السلام عليكم

حبيت افتح موضوع جديد للمطالبه بفتح دورة لتعليم الانجليزيه في منتدى سيدات الامارات

مشرفات القسم المحترمات اتقدم اليكن بطلب باسمي وباسم كل مبتدئه باللغة الانجليزية لفتح دورة لتعليم اللغة الانجليزيه .

ما شاء الله في كتير بالقسم بتقنوا اللغة الانجليزيه فياريت لو وحده منكم تتبرع تعطينا دوره لتساعدنا على اتقان هذه اللغة

ولكم جزيل الشكر

ياريت الي عجبها موضوعي اتضيف رد

حلوة الفكرة

وانا معاك

يالا مين تتبرع وتعلمنا

وووووووووانا معاكم

ما في حد بدو يتعلم

يزاج الله خير ..

أنا معاكم ابي اتعلم ^_^

السلام عليكم
بغيت افكار لاسبوع اللغة الانجليزية وانا مخططة اخصص يوم للقراءة واسميه Reading Day
وفكرتي بوزع فيه مجلات مجانية على طلابي وابا احثهم على القراءة من خلال فترة الفسحة يعني فعالياتي من مسابقات وغيره بتتفعل اثناء الفسحة
اليوم الثاني بسوي مطبخ ام خماس My Little Kitchen بما أني اعطي منهج رابع عندهم وحدة الطعام لذلك انا متعودة كل سنة اسويي هاليوم بس السنة غيرته باسم مطبخ ام خماس وبنقدم فيه وصفات سهلة والتلميذات يطبقن ويانا
اليوم الثالث …………؟؟؟
ابا افكاركم

اختي بزنس ومن
شو رايج تطلبين من بنات الاديوكيشن في الكليه عندكم انهم اييون ويا الستوري ساكس مالتهم ويقرون للبنات
نحن الاسبوع الياي سايرين مدرسه الظبيانيه في بوظبي لانه عندهم نفس انجلش داي او شي جي
وهناك بنات يير 3 بيسوون ريدنق سشنز ويا اليهال
شو رايج؟

مرحبا الغالية
ووايد حلو اقتراحج لكن هالسنة محد عندنا متدربات انا كنت استقبل الطالبات وبما إني كنت في اجازة وضع الفصل الدراسي الاول فما تم استقبال ولا متدربة وشكلها التقنبة تطرشكم بس السمستر الاول .
لكن الفكرة ممتازة وزميلتي متخرجة من سنتين وما زالت عروقها حية مع التقنية بشور عليها تدبر لنا ونخصصه مثل ما قلتي للتقنية وابداعاتهم .
وبانتظار جديدك حبيبتي .

الحمدلله اختي بزنس ومن انه عيبج الاقتراح
عادي مب لازم يكون شي متدربات في المدرسه
نحن مثلا المدرسه الي بنسيرلها ما سارو لها متدربات هالسمستر
بس هم طرشو ايميل حق السوبرفايزر فيه شو الفعاليات وانهم يبون بنات من عندنا عشان يشاركون وجي
وعقب السوبرفايزر يت عند كل كلاس وشرحتلنا السالفه وسألت منو يبا يشارك والبنات ما قصروا
فعادي اظن اذا اتطرشين انتي او ربيعتج الخريجه الايميل وتشوفون رد السوبرفايزر عليكم
واظن انهم بيستانسوون لانهم يبونها من الله انهم يشركون البنات في فعاليات نفس هاي لانها واايد مفييده حقنا نحن المتدربات
واعبر عن اعجابي فيج مره ثانيه ماشالله عليج والله مبدعه الله يكثرر من امثاالج
واتمنى اكون مدرسه مثلج يوم اتخرج ان شالله ياااارب

فديتج والله اشكرج وفرحني مرة ثانية ردج وثناءج لي يدل ع طيب اصلج حبيبتي. وانا مستعدة افيدج بكل جديدي لو يخدمج في دراستج .
شوفي من اخر من توصلت له مجلة اسمها English 4 you تنزل في جامعة عيمان ولهم بس امكان توزيع معينة المهم شفتها عند احدى طالباتي وبداخلها رقم الموزع للاستفسار ووايد حلوة وفري . المهم دقيت للموزع من دبي طلع معلم انجليزي سابق و لبناني ومسوي هالمجلة مع اجانب . المجلة مقسمة ع مستويات وكلها بزل وتلوين ………..الخ
كلمته عشان نكون موزعين للمجلة من مدرستي وقبل وبيوفر لي 200 عدد مجانا من الاعداد الجديمة هي شهرية وما نزلوا غير 5 اعداد. بس قالي هم بصدد تغييرها بعد ما نجحت عشان تنباع .
المهم خليتها محور يوم القراءة وبالأحد بيي المدرسة وبيقابلني وبشترك معاهم ب 75درهم عشان تيني الاعداد شهريا للبيت . وبيوفر بوسترات وجي بكون طورت مشروعي وفدت المدرسة.لو بغيتي رقمه بعطيج .
وكيف في رايج بقدر استغل هالمجات وافعلهن بطريقة جذابة يعني انا احس فيني اشتغل ووايد وعقب ما اعرف كيف ابرز واوثق اعمالي عشان يشوفها الغير …….افيدني بطرق عرض How to present my project in an attractive way
اكيد عندج فكرة شقايل البنات يعرضن اعمالهن ……..؟؟؟

السلام عليكم
هلا خواتي بغيتكم تساعدوني في تنمية المحادثة اللغة الانجليزية
بس بغيت مدرسة إتي البيت
أنا من الشارقة إلي تعرف رقم المدرسة أطرشلي عل الخاص
والسموحة

حبيت أسأل بنات الشارجه وين أحسن معهد لتعليم اللغة الانجليزيه،بغيت معهد يدرس منهج اللغه الانجليزيه لثانوية العامه حق أختي بس ياريت يكون تدريسهم عدل ومايكون زحمة عشان الواحد يركز بليز اسألو لي الله يوفقكم ان شاء الله وتحصلون اللي تبونه..ابا اسم المعهد ووين مكانه اذا اتعرفون

للرفع

تسلمين أختي هند