الوسم: الماي

السلام عليكم

لو سمحتو ابا اتخبر وين القى حد يسويلي غراش الماي اللي تكون عليها الاستكر يخص ثيم معين يعني لعرس او عيد ميلاد ويكون عليه اسم
مثل هالصوره

وو بعد ابا تكون طباعه على الكلينكس مثل حركات المطاعم

ويا ريت يكون في العين

اعتقد تتواصلين ويا اي شركة مياه وان شاء الله تلقين مطلبج

ما اعتقد بيسولي باسم غير البراند مالتهم

up
up

شفت تاجرات يسوون هالحركة بس ما اعرف شلون !

ربي يوفقك

سبحان الله وبحمده

ممكن تخبريني من التاجره اللي تسوي؟؟

اب اب

هلا خواتي عندي سوال يزاكن الله خير مكتوب عالنشرة انه لازم نغلي الماي الصحه ونخليه يبرد وعقب نسوي حليب للبيبي ابا اعرف ليش كل هذا وعندي سوال ثاني اختي مربيه ووبنتها فيها بصفار. صح شفت الناس في السوق يخلطون ماي صحه بارد وماي حار علمرني كيف اسوي المرضعه في السووووق ماعرف وشو الادوات الي احتاجها اي حليب صناعي يناسبها بها الحاله يعني مايزيد نسبه البصفار بالكبد قريت من رد وحده انه دكتور في لندن مانقحها بسيميلاك لان يزيد نسبه البصفار. ونبي نعرف احسن نوع حليب مايسبب الامساك والمغص. جربت لبنتي سميلاك مسكينه كملت نص يوم ماتبرز حليلها عذبتني من الصياح وتترجاني كانها من وقفته عطيتها الطبيعي ردت احسن وتبرزت انا انجبرت اعطيها صناعي عشان كان عندي احتقان بالحلمات

عشان يتعقم لو فيه اي شي علي حسب علمي"

مثل ما قالت اختي الزهراء

السلام عليكم ورحمة الله و بركاته..

فديتج بخصوص سوالج الأول عن الماي فلازم انغليها لأن اتكون فيها مكروبات أو فيروسات ضاره لمعدة الطفل أنا مره شربت بنتي عمرها اسبوع ماي وما خليته يوصل لمدة الغليان فسوالها اميبا وعقب الدكتور قالي لازم انغلي الماي علشان نقتل المكروبات والفيروسات.

وأول ما بتشترين المراضع من الجمعية أو الصيدليه بعد لازم اتعقمينه يا اما تاخذين المعقم من بي بي شوب أو اتغلين الماي في البيت واتحطين المرضعه لمدة 5 دقائق وبعدين اتطلعينها وتستخدمينها بعد ما تبرد المرضعه.
وبخصوص الخلط الماي العادي مع الماي المغلي فيستوي بس اختاري نوعية الماي الأوكي مثل المسافي أو العين. أنا عن نفسي أغلي الماي واحطه في الدله الا ما اتبرد الماي الا فيها بسرعه وكنت اخلط الماي الحار والماي الغرشه في المرضعه فكان اسهلي ما كنت اخلي بنتي تتريا وايد ولا اني اسوي الحليب من فتره واخليه يبرد وأشربها. في ناس اتسوي الحليب واتحطه في الثلاجه وبعدين يحرونه في المايكرويف (حذاااااري اكبر غلطه يسوونها) يسبب امراض خطيره في المعدة وكيس دهني.
وبخصوص الحليب فديتج فاستشيري الدكتور أحسن لان كل طفل جسمه يختلف عن الثاني لأن بناتي ما ناسبهم الا سيميلاك ادفانس.وأذكر بنتي الأولى ما خليت اي حليب وما جربته وحتى الأطبه وصفولي كذا نوع ومانفع وياها لين ما ارتاحت لسميلاك.

موفقه الغالية…

اها تخلطين الماي من وقت في غرشة ابنرضاغه وتخلينها في الحافظه مالت الحرارة وعقب من تنش تحطين الحليب البودر يعني ابا اسال احين ماي الصحه مش معقم يزاج الله الف خير عالرد

السلام عليكم خواتي،،،
ماي الصحة مايحتاج غليان بس تدفينه احسن شي مسافي
لكن لو ماي الولف لازم تغلينه

اذا كنت في السوق تاخذين دلة صغيرة فيها ماي حار وتشلين معاج غرشة مسافي
عشان تصبين من الاثنين في المرضعة وتعادلين الحرارة
لكن لو طولتي برع وسار ماي الدلة دافي مايحتاج تخلطينه
وماي الدلة اذا برد جبيه ولاتستخدمينه مرة ثانية

احسن شي الرضاعة الطبيعية على الاقل لين عمر 9 شهور
اذا مضطرة تفطمين عمر 4-6 شهور

اللي يخوز البوصفار الرضاعة الطبيعية وتعريض البيبي للشمس المباشرة في الايام اللي مافيها غيوم ولا غبار بدون ملابس بس الحفاظة عليه لمدة خمس دقايق بعد طلعة الشمس في اول الصبح وقبل ماتغيب الشمس بساعة

اذا الحلمة مؤلمة حطي فوطة صغيرة مبللة بماي دافي ومسحي وبعدين حطي مرهم بيبانثين
واستخدمي واقي الحلمة البلاستيك اثناء الرضاعة،، يرضع البيبي من صدرج بدون ما يسبب الم
واذا قصدج الثدي محتقن والبيبي مايمسك الحلمة تسبحي بماي دافي او حطي فوطة مبللة بماي دافي واتركيها على صدرج وحاولي تعصرين شوية حليب عشان يخف الاحتقان ورضعي عادي

بنات ليش الماي ممنوع فالاربعين الا بقدر معين؟؟؟؟…

طبعا مب عند االكل ….

يعني نحن مثلا امي تقول لي لا تشربين ماي وايد فاالاربعين .. وحتى هل ريلي عندهم هالعاده ….

يشربون الماي في فنيان قهوة ….

وعلى قولة البعض ان الماي وايد مفيد فترة الاربعين لانه يسوي حليب.. وانا احترت الصراحه … اشرب ولا؟؟

فديتج حريم اول يقولون لا نشرب ماي وايد عشان لانه يسوي كرش ونفخ البطن واكثر وانتي موناقصة
لكن الاطباء يقولون لازم تشربين ماي وايد لانه يساعد على ادرار الحليبب
اختي مرة قالها الدكتور عندج جفاف وماتشربين ماي وايد وهذا اللي سبب ان صدرج يجف ومايسوي حليب

اعتقد يستحسن تاخذي راي الاطباء هو اهم لصغيرج

الدكاتره ينصحون بكاس ماي قبل الرضاعة

ما عليج من هذا الكلام ..اشربي لا تحرمين نفسج
بس عليج بالرياضه عقب

اول مره اسمع هالكلاااام

الحريم يقولون لاتشربين وفي المستشفى يقولون تشربين عشان ماييج إمساك أنا أسمع كلام الدكاتره

ما اعرف .. بس اهم شي استشيري الدكاتره ..

انا اول مره اسمع

؟؟؟؟؟؟؟؟؟
؟؟؟؟؟؟؟
؟؟؟؟
؟؟
؟

للرفع

مراحب أختي عادي تشربين ماي كل ما تحسين بالتعب بس شربي شوي لأنه مدرسة الرياضة إلي تلعبنا تقول شربوا ماي لانه يزيد التعرق وأحسن تبتدين تلعبين مثلاً أول شي 10 دقايق وكل مرة تزيدين شوي شوي والله يعطيج الصحة والعافية

مشكوره الغاليه عالرد بس انا عادي متعوده عالمشي عالاله
بس شؤال متا ابدا اركظ علاااااله يعني عقب اول 10 دقايق او متا بالظبط

انا اسوي ريجيم و اسوي رياضة المشي برا … وخبرنا الدكتور اذا 5 دقايق مشي لازم جري 5 دقايق وبعدين مشي و عقب جري

اتمنى اني افدتج

اذا ما تقدرين على الجري ماله داعي يكفي بس المشي على الاله لا تجهدين قلبك وكل انسان حسب قدرته ..وبعدين لي اعرفه انه لا يفضل شرب الماء اذا كان الشخص مجهد من الرياضه اول شي استريحي وبعدين شربي مقدار قليل من الماء

للرفع

السلام عليكم ورحمة الله وبركاته ..

بنات ممكن اعرف لو الواحد بيسوي ثلاجة الماي عند باب البيت

ولاا عند المسيد .. كيف الاجراءات ؟

تعتبر من البلديه ولا دار البر ولا الماي والكهرباء ولا شو الترتيب ؟؟

كم اتكلف ؟؟

كيف طريقتها ؟؟ يعني اجراءاتها . ؟؟

من وين ؟؟ ويبالها ترخيص ولا عادي ؟

يوافقون بسرعه ؟ ولا يطوولوون ؟؟

يبالهاا شغل وعمال ولا يركبونها بسرعه ؟؟

افيدوووني بلييييييييييييييز ..

موفقة

للرفع

للرفع

موفقه

حتى أنا أريد أعرف

رفع

اذا في البيت تشترينها وتييبين كهربائي ويركب لج اتوماتيك وبيبات ويركبها …………..بس اعتقد جيه وماادري اذا يبالهن ترخيص ….المهم الكهربائي الشاطر يركب اتزماتيك علشان اذا فيها التماس تفصل الكهرباء

شوفي اختي انا اشتري يوم اشوس شاورما لليهال ولا اسوي بانيه …اول مااشتريه مااحطه فالفريزر اخليه برا واجيب كيس صغار واحط كميات احتاجها في كل كيسه عسب مااطر كل اشوي اطلع الكل واذوبه وارده ..

اخذ حاتي من كيسه واذا كان عندي ازيد كيسه ثانيه وفي كل كيس صغير احط 3 قطع..وسوي جي وان شاء الله ماتتعبين فالتفكيك فالصدور وهو مثلج..

لا الغاليه لا ترجعينه بالفريزر حطي الباقي في الثلاجه لمده يومين بس ومرة ثانيه قسمي الدجاج في اكياس وحطي العدد اللي تبينه بالكيس الواحد

مايصير يوم تطلعين الدجاج من الفريزر ترجعينه بعدين ……….لانه بيتكون لج بكتيريا

ذوبيه كامل و خذي الي تبينه و الباقي اسلقين شوي في الماي الحار وشيليه و خليه يبرد بعدين تقسمينه في اكياس و دخليه الفريزر

الحينه انا اشتريت كيت صدور ومثلج شو اسوي اخليه برع لين مايثوب الثلج وكل الياي في الكيس يعني نفس ماقلتو لي كل كيس فيه قطعتين
اسوي جي الحين

هيه اختي اول ماتشترينه حطيه في اكياس..وانا طرشت لج رساله بس يطلع لي ان صندوق الرسايل وايد عندج عسب جي ماوصلتج الرساله

هي الغاليه ..

مراحب حريم

احس كل يوم ناطه لكم بسؤال

شسوي اول مولود عندي ومب عارفه كيف اتصرف وياه!!

الله كريم

بغيت اعرف عن الماي غريب كيف اعطيه له؟؟ انا احط ماي في المرضعه لي رقم واحد واترس الغطا مال الماي غريب لي الربع واحطه في المرضعه مع الماي !!

صح هالطريقه والا كيف اسوي !!!!!!!!!

الي اعرفه اتحطين 2ونص مل ماي غريب
بس نصيحه لا تستخدمينه لانه يدوخ الياهل انا ولدي كان ما ينام عدل لما كنت اعطيه واحسه مو طبيعي يعني نومه كان متقطع ويتم متنرفز ما ادري ليش

بالعكس يهدي اليهال اذا كان في بطنة غازات و المنتج الامريكي افضل بس للاسف مو متوفر فالبلاد احنا تخيلوا من وين يبنا من باكستان!!!!

بتخبر كم يحطون و بردلج الغلا

امممممممم

في اللي يقول زين وفي اللي يقول مب زين!!

بس انا جربته واحسه يطلع الغازات من بطنه !!

لكن ماعرف اشكثر اعطيه وهل اخففه بالماي والا كيف!!

اختي الرحيق مشكوره الغاليه ع اهتمامج

اختي بنكي جيرل انا ف انتظار ردج .. تسلمين

صح انا قرات انه مب زين

انا استخدم انفاكول اجوفه وايد زين ويطلع الغازات

انا استخدم الماي غريب والانفاكول

وايد اوكيل

على فكره الينسون والنعناع يفيدون وايد في طرد الغازات

خواتي انا رحت عياده خاصه لاني بغيت اخذ تقرير عن الياهل وصوره عشان افتح ملف بمستشفى صقر

لاني كنت فاتحه بالكورنيش بابوظبي

المهم رحت وسويت السونار واشوف الدكتوره اتحوس يمين يسار اخر شي سالتها شو بيبي زين

جان تقول هو يتحرك زين قلت هيه الحمدلله

قالت هو مايبين الماي وايد ناقص

خوفتني قلت في مشكله قالت انتي في التاسع وولادتج الاسبوع الياي

وقالت اشربي ماي وايد

قلت شو خصه شرب الماي بماي البيبي

الله يستر ويسهل علينا

اللي صار لها نفس الشي تقولي وهل في مشكله بالولاده

حبوبــة انتي براك ..

عند اي دكتورة رحتي … ولاتاخذين على راي دكتورة وحدة ,,

هلا اختي

انا رحت عند جيسري

يالله مالقيتي الا جيسري ..

انزين الغالية روحي للدكتورة كرامة ولا سهاد .. لان تلفزيوناتهم احسن واظمــن ..

هلا
صدج كلامها شربي ماي وايد فاليوم تقريبا ليترين ونص وأكثر والله يقومج بالسلامه
لأني أنا مريت بنفس الشي وشربت سوائل كثيره وتعدل الوضع

يزاكم الله خير

ان شاء الله بشوف الدكتوره سهاد

وبعد بشرب ماي وايد لاني اصلا تعبانه عندي الكلى شوي

وجسمي وارم

انا نفس الشي الماي ناقص عندي بس انا فالسابع ع الاقل انتي اهون يوم فالتاسع راجعي عند نورميلا ولا كرامه
وين هاي سهاد انا اول مره اسمع عنها
انا اراجع فمستشفى راك قالتلي الدكتوره نفس الشي اشربي واايد ماي والله يسهل عليج ولادتج ان شاء الله و اتقومين بالسلامه انتي و البيبي

سلام عليكم حبايب . بنتي اللهم صلي ع النبي كملت ال 3 اشهر .. بترضع صناعي نوفا لك دايجستف لان صدري حليبة قليييل مرررررررررررررة
استعمل ماي نستله بيور لعمل الرضعات لبنتي . . قريت انو لا يجوز استعمال المياه المعدنية لعمل الرضعات الضناعية للبيبي
هل نستله بيور مياه معدنية ؟ وشو تستعملون من ماي لعمل رضعات صناعية للاولاد . . انتظر ردكم على احر من الجمررررررررررررررررررر

وعليكم السلام اختي،،

انصحج بماء مسافي نظيف ومايحتاج غليان
بس تدفينه وتضيفين عليه الحليب

ضرر المياه المعدنية اذا غليتيه كثير يتبخر الماء وتترسب المعادن فتكون بعضها مركزة
وممكن تستخدمين ماء الحنفية لأنه صالح للشرب شرط انج تغلينه وممكن تحطينه في دلة كبيرة من داخل زجاج وتستخدمينه طول اليوم

واذا طلعتي برع البيت تسخنينه اكثر ماي مسافي وتحطينه في دلة صغيرة بس تكون من داخل زجاج
وتجنبي الستيل لأنه عن تجربة يترك طعم في الماء وجربت اكثر من نوع وانواع غالية لكن كلهم نفس الشي

اما ماي نستلة و أروى فشو مصدره؟؟؟؟؟ مش مكتوب عليه لا طبيعي ولا ينابيع ولا معدني!!!!! من وين جابوووووه؟؟؟؟؟ ماي بحر محلى؟؟؟؟؟ اللهم اعلم

والله على ايامنا كنا نشتري كراتين وماركز على اي نوع ونغليه وعقب نعطي اليهال

والحمدلله والشكر لله ماصار فيهم شي

اتمنى الاخوات يفيدونج اكثررررررررررر

استخدم العين,,,

حبوبة يمكن يقصدون ماي البيب pipe water
استعملي اما مسافي، العين، أروى عادي

انا استخدم ماي مسافي وايد زين

الغاليه مياه معدينه هي المياه اللي نشربها

و انتي شوفي شو الماي اللي نسبة الصوديوم فيه قليله

عندج اروى اقل نسبه 3 و شوي

ماي العين و مسافي فيهم نسبة معادن كثيره

انا استخدم ماي العين و مرات اروى حسب المتوفر و الدكتوره قالت لي عادي بس يفضل اللي الصوديوم فيه قليل لانه كلية الاطفال ما تتحمل الصوديوم

السلام عليكم

لو سمحتو خواتي أنا مره شفت في موضوع وحده من الأخوات التاجرات

جهاز يقرأ القرآن على دبب الماي

اللي تعرف وين ينباع هذا الجهاز

ممكن تساعدني فيه لأني محتاجتنه وايد

وشكرا

انا شفته في مهرجان عجمان اللي خلف سيتي سنتر ..

للرفع

موفجه اختي…

ان شاء الله يدلوونج موفقة غاليتي

يا ريت لو حد يقدر يحطلنا صورته