السلام عليكم خواتي
جمعة طيبه و مباركه عليكم جميعا
و الله يبلغكم ساعه استجابة الدعاء اليوم،،،،لا تنسون تكثرون الدعاء في اوقات الاستجابه و خصوصا اليوم قبل المغرب بساعه،،،و ادعول لنفسكم و خواتكم المحرومات
زييييييييييييين؟؟؟؟ (^_^)
نيي لموضوعنا الطويل و الشيق الحينه (يمكن اتقولون هاي شو تخرف عالصبح و شو خصه في الحمل؟؟؟)
اقول يخصه و نووووووص ههههه
مادري ليش يه عبالي بس حبيت افتح موضوع نقاااااش و اتمنى تتجاوبون معايه يمكن نفيد بعض و نستفيد. (^_^)
بدخل على طول خخخخخ
خواتي شو تاكلون في الحياه اليوميه؟؟؟؟ شو نوع السناك اللي تاخذونه خلال اليوم؟؟؟
كيف كان نظام اكلكم في الماضي؟؟؟ يعني طول فتره مراهقتج و قبل الزواج؟؟
و ماريد اجوبه مثاليه ابا الصراحه…
انا بخبركم عن نفسي:::احم استحملو الموضوع طويل
انا في مراهقتي كنت متينه وايد و اكلي كله شيبس و كاكاو و غازات.
بس مب طول فتره المراهقه و الطفوله،،،،يعني احيانا كان فيه كنترول (^^)
في حياتي الجامعيه كنت كله رجيم في رجيم و استويت رشيقه و لله الحمد لمده 6 سنين بدون مشاكل مع السمنه و كان اكلي شرات الاجانب بحكم احتكاكي بهم،،،يعني الغداء سلطات او صدر دياي مشواي و خضروات و بروكلي او شويه ماش بوتيتو و كولا دايت او ماي و ريوقي شابوره و شاي حليب او كورن فليكس الياف و حليب قليل الدسم و العشا خفيييف (يعني الزبده بديت اهتم بعمري)
طبعا انا مب من محبي الفاست فوود (سواء الجنك (الامريكي) او الشاورما و غيره) و لله الحمد
بعد العرس و في شهر العسل،،، كنت انا وريلي نتسلل فليل و ناكل فاست فوود بس الحمدلله ما ادمنته.
وبعدين طبعا لاني حملت و سقطت و اتخربطت هرموناتي متنت ،،،و التكيس زاد الطين بله.
(متن X متن)
الحينه اكلي خفيف و السناك اليومي تفاحه و احاول اشرب ماي وايد و ما اتعشى.
و الحمدلله عمري ما ادمنت جنك فووود و اكل كافتريا و غيره…يعني افضل اكل البيت او المطاعم الراقيه اللي اكلهم زين (مب تشيلي و فرايديز<<<<هذيلا جنك فوود بس ليفل اعلى شويه هههه)
المهم (ادري السالفه طولت و مليتوا ههههههههههههههههههه بس الهدف من الموضوع ابا
كل وحد تسأل نفسها؟؟
هل عطيتي بدنج حقه؟؟
هل انتي طول فتره مراهقتج والحينه اكلج متوازن؟؟
ولا الاكل المفيد و الصحي آخر اهتمامتج؟؟
ولا انتو من مدمني الجنك فوود؟؟؟؟
واكيد وايد تشربون اورنامين سي؟؟؟؟ و غازات صح؟؟؟
قولوا الصراحه و ما نبا اجابات مثاليه الا اذا كنتي صدق مهتمه
لان وايد من المتاخرات عن الحمل السبب الكبير و اللي كلنا متجاهلينه هو
طبيعة أكلج؟؟؟؟
احنا بنات،،،،و الاكل يأثر تأثير كبير على الهرمونات و الخصوبه
يعني قبل لا تتعالجون و تاخذون خرابيط (حبوب و ابر )
هل فكرتوا تهتمون صح بأكلكم؟؟؟؟
ولا منيه ابر و خرابيط
و هناكي 24 ساعه كافتريا و جنك فوود؟؟؟؟ و مافي اهتمام (لا فيتامينات ولا حليب ولا ماي)
ما تظنون ان للبدن عليج حقاً؟؟؟ و احنا سنيييين اهملنا صحتنا؟؟؟ و يه الوقت اللي لازم نهتم؟؟؟
ما تفكرين بعد سنين من الحينه كيف بيكون شكلج؟؟؟
هل بتكونين ذااااويه و تعبانه و تصيبج هشاشة عظام بسبة عدم الاهتمام؟؟ (بسم الله عليكم)
ولا بتبدين تنظرين للمستقبل بنظره ثانيه؟؟
يعني لين متى بتاكلون هالشيبس و الكاكاو و الجنك فوود و الغازات؟؟؟
ما قول امنعوا 100%
بس قللوا و شوفو كيف اجسامك (داخليا و خارجيا) بتصير و غير النفسيه و الصحه
انا الحمدلله في شهرين كلت جنك فوود بس مره وحده و حطيت على الكالندر عشان ا عرف اني كلت و اعطي نفسي دافع اني ما اكل لا بعد فتره.
موضوع يحتاج تجاوبكم و إصراركم
احصائيات دولة الامارات
الامارات الثانيه عالميا في معدلات السكري
الامارات تحتل المكانه ال 10 في البدانه في العالم
الامارات
نسبة النساء المعرضات لهشاشة العظام في الامارات في تزايد!!