الوسم: الكروشات

لو ما عجبتج معلومتى اليديده على الاقل ادعيلى بدعوه حلوه

اليوم يا حبيباتى مدربتى قالت لنا الى يعانون من الكرش

ايبون اناناس وكيوى وليمون ويعصرونهم مع بعض ويشربونه

ودعوه حلوه من قلبكم لى بالزوج الصالح والستر والهدايه والرحمة والمغفره لى ولابوى وامي ويطول عمر ابوى على الطاعات .

ان شاء الله فدتكم يا الكروشات
لا تزعلون ترانا كلنا في الهوا سو ا

يزاج الله خير

تسلمين

مشكوووورهـــ يالكرووشه هع ^^

مشكورات حبايبي وعقال الكروشه ما تروح

بالتوفيق ان شالله وشدي حيلج وعقبال كل الكروشات

يعني هالخلطه بس تنزل الكرشه باقي الجسم لا

كيفمن خواتي اريد خبرتكن جنس البيبي اللي يتحدد بالسونار كم نسبة يكون صح وياريت مين قالت لها الدكتورة شي وطلع شي ثاني تكتب او ما صدج السونار
انا فحصت اكثر من مرة ولين الحين انا بنص الشهر السادس ومرة يقولون ولد مرة بنت بس اخر مرة قالت الدكتورة اكيد بنت اريد اعرف من خبرتكن يصدق ولا لا

ما شي رد بس شكرا للكروشات الله يقومكن بالسلامة و تفرحن بالبيبي

هلا الغالية الله يقومنا كلنا بالسلامه ان شاء الله

بالنسبه لجنس البيبي انا بعده عندي مب واضح لاني في الشهر الرابع بس في ولدي مطر قالولي ولد وطلع ولد الله يحفظه

والصراحه انا اشوف ان اذا ولد او بنت ما في فرق المهم الطفل يكون سليم معافى والله يحفظ عيالنا ويقومنا بالسلامه

تسلمين حبيبتي على الرد

الله يقومكن بسلامه حبوبات

بالنسبه لي ولله الحمد الحين صار لي شهر من ربيت

وفعلا لما سسرت للدكتوره عشان اعرف قالت لي ولد والحمدلله طلع حمد فديته والحمدلله

واهم شي سلامتج وسلامت البيبي ربي يحفظكم يارب

اختج

ام شما

والله اعلم.

انا عندي بنتين وفي الحملين خبروني بجنسهم صح
والحين بعد حامل ومن الرابع مخبريني انها بنت وفي الثامن بعد أكدولي وخلاص شريت ملابس بناتيه

بس دام للحين مب عارفه وإذا خاطرج تتأكدين سوي التصوير الثلاثي أو الرباعي الأبعاد
وان شاءالله ربي يرزقج بإللي في خاطرج

مرحبا . . انا في حملتيه الاولى قالو ولد واحينه اول شي قالو بنت بعدين اكدو انه ولد . . ومثل ماقالت اختي دبي التصوير الثلاثي او الرباعي الابعاد . . بيبين انشالله صح . . ويقولون لج بعد يشبه منو . .

هالجدول يحطنا في الصوووره وما نضيع بين الاسابيع والشهور لووول

يزاج الله خير

مشكوووووووووووووره

مشكوووووووره حبيبتي

تسلمين الغاااااااااااااااااالية

العفو كروووشااات

ومنورااااات الموضوع

وان شاءالله الكل يستفيد

السلام عليكم ورحمة الله وبركاته
شحالكن يا بطات وشحال كرووووشاتكن ؟؟ الله يتمم عليكم حملكم ويسعدكم بشوفتهم..
حبيباتي طبعا كلنا نعرف ان فترة النفاس اهم فتره عشان الوحده تستعيد صحتها وسلامتها
الحين نشوف اغلب الحريم يعانن من الافرازات والهوا والصوت والتوسع وكل وحده تشكي من صوب
هذا كله بسبب الاهمال فترة النفاس.. انا سويتلي جدول وحبية اعرضه عليكن عشان تستفيدن منه واللي حابه تضيف شي وتفيدنا جزاها الله خير..
بسم الله نبدا
العشرين يوم الاولى من النفاس:
1)ملعقه صغيره كمون+نص ملعقه صغيره رشاد مطحون+7 حبات حبة سوده مطحونه+ 7حبات حلبه غير مطحونه+مره صغيره مطحونه+ملعقه كبيره عسل..
تعجن المقادير السابقه وتؤكل على الريق مع ماء دافي الساعه 6 الصبح قبل الريوق بفتره..
2)كاس شاي حلبه+نص كاس حبه سمرا+فنجان كمون+ملعقه قرنفل
تنخلط المقادير وتنحط في علبه ويؤخذ مقدار 2 ملعقه على الريق مع حليب دافئ وملعقه قبل النوم
ملاحظه: تستخدمين وحده من الطريقتين اختاري اللي يناسبج.
3)بعد ما تآخذين الخلطه على الريق كلي تمر واستمري طول فترة الاربعين تآكلين منه والتمر يتكون من
مقدار كوبين تمر بدون نوى مع معلقتين زبده او سمن وشوي ماي علشان تلين العجينه وبعد ما تخلصين حطي عليه ملعقتين رشاد غير مطحون وكلي منه طول اليوم..

*الصبح: الريوق بيض عيون مع فلفل اسود وحليب فيه عسل وخبر او أي شي تحبينه..
*الظهر: الغداء يكون لحم وطبخيه بالطريقه اللي تحبينها يعني وجبه دسمه وبعد الغداء شربي
(كوب ماء حار+ملعقه صغيره عنزروت+مره+حلبه)
*العصر: شاي الاعشاب ويتكون من (3 اكواب ماء+قرفه+كمون+مريميه+حزاه+قيصوم+يانسون+قشر قهوه ) او (كمون+دارسين) او (فوه+دارسين +حبه حلوه+كمون+قيصوم+حزاه)
سويه في دله وشربي منه طول اليوم واختاري الطريقه اللي تعيبج.

العشرين يوم الاخيره من النفاس:
البخور: (خواجوا+كمون+مره+حلتيته+حلبه+قشر قهوه+قشر بصل+هدب اثل+فلفل هوا+عود هوا+ورق حنا) او (مره+كمون+قشر البصل+فلفل هوا+خواجوا) او (قشر البصل+كمون +فلفل هوا+حلبه+مره+حبه سودا) او (كمون+ قشر البصل +مره)
ملاحظه: اول شي اختاري وحده من الطرق وخلطيهم وحطيهم في علبه وقبل النوم حطي فحم على النار
وبعدين جيبي علبه او طاسه حديد وغلفيها بورق قصدير وحطي الفحم وحطي الخلطه وبخري المنطقه اللي خابرينها واذا عندج مبخره يديه حطيه عشان ما تكون في بقايا بخور والبسي فوطه وهاف يديد على طول انتبهي الهواء او البرد يدخل..
التحاميل: تستخدم يوم ورا يوم تقدرين تستخدمين تحاميل طبيه مثل البوثيل او الطبيعيه مثل
(ملعقه كبيره مره+ ملعقه كبيره حلبه+ فنجان ملح فارسي) تعجن بعسل اصلي وتشكل على شكل تحاميل صغيره وتعرض للهواء حتى تنشف وبعدين حطيهم في علبه في الفريزر استخدميهن عقب البخور على طول ونامي ولا تتحركين..
الغسول: ممكن استخدام غسول طبي مثل البيتادين او الطبيعي مثل (مره+ملح) خلطيه وحطيه على ماء دافئ وغسلي في المنطقه اللي خابرينها او (مره+ملح+قشور الرمان+ارطا) ينطبخ وينحط في علبه ويصب في ماء دافئ وغسلي فيه.. اختاري اللي يناسبج

*يا بطات يا كروشات هالطرق وااااااااااااااايد بنات استخدموهن واستنفعوا منهن كلها مجربه ومضمونه وانتي بروحج بتلاحظين بس لاتنسين تنتبهين لعمرج فترة النفاس من الاشياء الممنوعه ولاتستهينين فيهن مثل شرب الماء البارد والمشي حافيه والارض بارده ولاتآكلين خضروات لزجه……..الخ وبالنسبه للاعشاب انا ما اعرف مسمياتهن الثانيه بس اذا رحتي تشترينهن خبري اللي يبيع وبيعرفهن على طول.. واللي عندنا استفسار او سؤال انا حاضره..
ودمتم سالمين ولاتنسوني بدعوه طيبه…

موجود الموضوع غناتي
ومشكوره

انا يديده على المنتدى واول ما حطيت الموضوع رديت ادوره ما لقيته قلت يمكن ما انعرض وقمت عرضته مره ثانيه
السموووحه

حيااااااااااج غناتي

مشكورة الغالية

صباح الورد..

حياكم في بيتكم اليديد..

والبيت بيتكم

واللي عندها اي سؤال او اي نصيحه او استفسار …. مايردها غير لسانها

مرحبا أختي
انا حامل و آخر دورة يتني بتاريخ 04/08/2017 يعني انا كم لي حامل يعني بأي شهر ومتى بربي ان شاء الله
وجزاكي الله خيرررر

مبروووووووووووووووووووووووك البيت اليديد

ام ميثاني.. 1/4

كرررووزة 3/4

نونوتي_2017 6/4

أم عمرو10/4/2017

tiger girl 12/4

Momento 13/4

حرمه يديده 19/4

ام_الفلاني 24_4

شيما333 24/4

دلوعة راشد 26-4-

سكون الروح ..26 –4

المحبة لله 27/4

مهرووووووه 29/4

ام غريبه 29 /4

أم مريوومة 6/5

موازنه 9/5

ضايق الصدر 15/5

dew drop 15/5

21/5 um-khalifa

Nawari85 23/5

دمعه منسيه 28/5

Reminiscence 29l5

:أميرة الورد: 7/6

روزي حمرا18-6

امبارك التجمع اليديد …

بس ليش ماسحات اسميه من اللسته؟؟؟

أنا بعد اسمي مش موجود!!!

هلا والله كوكو .. شخبارج؟؟؟ وكيف الحمل وياج؟؟؟

السلام عليكم ورحمة الله وبركاته

كيف الحال كروشات وأمهات عساكن بخير
الحمد لله انا دخلت الشهر السابع و ببدا اجهز
هذا اول بيبي لي الله يزرقني بالذريه السليمه و الصالحة يارب
بس احس نفسي كلششششش ما عندي خلفية عن البيبيو التجهيزات

فقلت مالي غير الكروشات ابسط في القسم واسأل اللي ابي
وان شاء الله ماتقصرون معاي حبيباتي

اول شي تجهيزات جنطة البيبي للمستشفى
كم بدله أخذ معاي ؟
وكم مره راح يغيرون له ؟
هل أخذ معاي كريمات له وصابون وعطر ولا !!
كم قماط أحط ؟
أخذ معاي كفر للبيبي ولا ؟
وشو أحسن ملابس داخليه أخذ له اللي أتي كامله ولا نص كم ولا كيف ؟

ثانيا تجهيزات البيبي
كم بدله أخذ نيوبورن يعني تقريبا لكم شهر او اسبوع بتلبسه ؟
ونفس السؤال من 0-3 ؟
وهل أخذ من 3-6 ؟ واذا أخذ كم أخذ ؟
كم مره في اليوم تتبدل ملابس البيبي ؟
كم قماط يبالي أخذ ؟
والملابس الداخلية شو أحسن نوعية ؟
شو أحسن ماركة للشامبو و الصابون و الكريمات ؟

هذا اللي طاري على بالي الحين اتمنى الاقي أجابات من الكروشات
واللي عندها سؤال تطرحه عشان نلاقي إجابة والكل يستفيد

وشكرا

بقولج انا شو سويت
انا بجر بس كنت اسال وجي

وان شاء الله اذا ناقص او يباله شي تخبروني

اول شي تجهيزات جنطة البيبي للمستشفى
كم بدله أخذ معاي ؟ا
انا خذت 4 بيلسونج يومين او 3
وكم مره راح يغيرون له ؟
في اليوم مره لان صغير وما يشرب حليب وايد سبحان الله تكون معدتهم شرات حبة الكرز
هل أخذ معاي كريمات له وصابون وعطر ولا !!
لا تاخذين هم ترا بيسبحونه وانتي عطري ملابسه من قبل بس مو اي عطر عطر سبا ميد مال اطفال
كم قماط أحط ؟
انا حطيت 4
أخذ معاي كفر للبيبي ولا ؟
انا خذت واحد عشان يوم اطلع
وشو أحسن ملابس داخليه أخذ له اللي أتي كامله ولا نص كم ولا كيف ؟
بما انج بتربين في الصيف خذيله الكت احسا

ثانيا تجهيزات البيبي
كم بدله أخذ نيوبورن يعني تقريبا لكم شهر او اسبوع بتلبسه ؟
خذيله 6 بس انا خذت 8
ونفس السؤال من 0-3 ؟انا خذت 6
وهل أخذ من 3-6 ؟ واذا أخذ كم أخذ ؟
لا تاخذين احين لان اغلب الهدايه بيكون هالقياس وبيكون عندج وقت عقب تاخذين
كم مره في اليوم تتبدل ملابس البيبي ؟
مره بس لو وصخ عمره او شي بدليله
كم قماط يبالي أخذ ؟
حسب 8 جي
والملابس الداخلية شو أحسن نوعية ؟
جوفي انتي نوع القماش لو جفتيه يابس لا تاخذيله خذيله الطري عشان يلده ما يحمر
شو أحسن ماركة للشامبو و الصابون و الكريمات ؟
سبا ميد بس انا خذت شامبو مذركير لان يقولولي سبا ميد ييبس الشعر شوي

ريم ما قصرت كفت ووفت
وانا بعد اذا اتذكرت شي بسال

تسسسسلمين حبيبتي ماقصرتي
انا مثلج بس انتي ماشاء الله معلوماتج أوسع
شكلي بسوي شراتج

واتمنى من الأمهات يشاركون معانا ^^

أعصري ذاكرتج ونترياج حبيبتي

داخله اخذ خبره هههههه

ربي يتمم لج على خير

حبيباتي الياهل ما يتبدل مرة في اليوم حتى لو معدته صغيرة يتبدل عالأقل 4 مرات لو مب أكثر
شلوا بامبرز للمستشفى لأن بامبرزهم بلاستك يضايق الياهل مادري كيف نوعيته مب شي
الياهل احتمال كرمتوا يزوع احتمال يسرب احتمال يوصخ حطوا هالأشياء في عين الاعتبار وسووا احتياطاتكم حتى لنفسكم
ممكن تكونين شاله الصغيرون توج مرضعتنه و يزوع عليج أو يسرب
سووا احتياطاتكم يا أمهات يا حلوات

بالنسبة لبدلات النيوبورن ما أنصح تاخذون منها وايد لأنها بسرعة تصغر
وداااائما ما أفضل تاخذون اوفرول بو دلاغ مسكر حق تحت القماط
لازم ريل الياهل تتنفس
خذو الاوفرول اللي اييج مفتوح مافيه دلاغ احسن
خذي بدل نيوبورن 3 او 4 بالكثير لأنها بسرعة بتصغر
الملابس الداخلية او الفانيلات شي في بيبي شوب نوعية قطعتها مخرمة وخفيفة واتيج كت مافي منها نص كم
هري نوعيتها زينة وما تخترب في الغسيل
حتى ماري كلير عندهم فوانيل زينة
ما انصحكم باوفرولات بيبي شوب بس بجايمهم حلوة
احسن اوفرولات مال مذركير وشي انواع انتوا افتحوا القرطاس وشوفوا
النوع اللي يابس تحسينه مثل البلاستيك مب شي يخترب بسرعه
خذوا النوع الناعم
أحسن اوفرولات نيوبورن وقياسها بالضبط قد النيوبورن اوفرولات نكست اللي اتيج 3 باك

بالنسبة للشامبو وهالخرابيط
الياهل في اول ايامه يستعملونله الشاور باث
هو مب شامبو ولا صابون
شرات مثلا بيجون عندهم شي اسمه wash 2 in 1 for hair & body
ومن فترة جربت ماركة غرشتها بيضه وغطاها أخضر اسمها
Corine de farme
واااايد أشياءهم زينة
منتجاتهم مال أطفال وخالية من البارابين
خذت الشمبو والصابون والزيت اللي هو بيبي اويل

هذي خبرتي عن بعض الاشياء لكم كوني ام عيال من زمان واذا عندكم اسألة عن أي شي أنا في الخدمة وحياكم يا أمهات يا حلوات

ربي يسهل عليكم ويرزقكم الذرية الصالحة السوية السالمة تامة الخلقة ويجعل ولاداتكم سهلة وسريعة وميسرة … آااااامين يا رب

مرحبا كروشات شخبار الحمال وياكم انا الحين بداية السابع وهلكانه من الويع خصه ويع ظهري وفيني الديسك بعد ف عذااااااب

ابا ادردش ويا حد حياكم

مرحبا كروشات انا بربي انشاءالله في اول 4
الله يتمم علينا ع خير يارب

امين يارب ^^

السلام عليكم و رحمة الله و بركاته
شحالكن الغاليات إن شاء الله بخير
خواتي الكروشات الحلوات الغاويات أبى مساعدتكن شوي
في بنات وايد ما يربن الحمل من قبل و ما يعرفن شو أعراض الحمل
أحيانا أعراض الدورة تكون نفس أعراض الحمل
فيا ريت كل وحدة تكتب لنا أي شي تعرفه عن الحمل:
1)متى عرفتي إنج حامل؟
2) شو كانت أعراض حملج في 3 الشهور الأولى؟ (بالتفصيل الممل)ههههههههههه أمزح
3) إذا حد من أهلج خبرتج عن أعراض الحمل يا ريت تخبرينا

انا وحدة من البنات إذا تأخرت الدورة ما أهتم أشل أغراض ثجيلة و أنط و افقز في كل مكان على أساس إني مب حامل
فيا ريت تساعدونا
جزاكم الله خير

انا صح اني مش حامل بس ما حبيت اظهر من غير ما ارد عليج
يسلموووووووووو والله يرزقنا ان شاء الله

السلام عليكم ورحمة الله وبركاته

شحالج اختي ربي يرزقج ويرزق كل محرومه بالذريه الصالحه الي تقر عينكم بشوفتها يارب

بخبرج عن تجربتي طبعا كنت اتريا الدوره تشرف وكانت كل الاعراض نفس الدوره بالضبط الا شي واحد وهو صدري كان يعورني ما اتحمل اي دقه بسيطه فيه بس وبعد ما تأخرت فحصت والحمد لله طلعت حامل دعواتكم يا بنات ربي يسهل علي ولادتي

اما تجارب غيري في بعضهن يبدا الوحام يعني دوخه وترجيع وكثرة النوم ولوعه ويعرفون انهم حوامل وبس

ربي يرزقج ويرزق كل محرومه بالذريه الصالحه الي تقر عينكم بشوفتها يارب

انا الله يسلمج يتني الدورة عادي بس لاحظت ان الدم كان يميل للبني وشوي ينزل
وماكنت محطيه ف بالي حمل بس عقب الاربعين يوم بدت اعراض الوحام
انا دوم يوم احمل لااازم طول ال3 شهور زواع وحاله ماروم اكل شي الى وزوعته
ف يوم بدى عندي الوحام قلت بسوي تحليل اتأكد وسبحاان الله طلعت حااامل
والله يرزقج الذرية الصالحهـ يااااااااااارب

بالحب اجتمعنااا بهالتجمع لكل وجده حامل بالشهر الاول او الثاني ولتفاؤ ل هالشهر تعالوا نتعرف ع بعض ونكون صداقة وكل وحده تستفيد من الثانية من النصايح والخبرات

وحيااااااااااااااكم
اختكم رنين