صبحكــــــــم الله بالخير
امس دشيت صفحة اختي مرحباني وخذت طريقة عجينة الفطاير اللي سوتها … بس سامحوني ماصورت السندويشات بعد ماخلصت لانه ريلي كان ميــــــــــــــــت جوع واول ماخلصت حطيته لاني كنت اشوف برنامج جويـــل….
المقادير
2 قلاص طحين ابيض
3 ملاعق كبيرة حليب بودرة نيدو
فنجان سكر
فنجان الشاي زيت دوار الشمس
ملعقة كبيرة بيكنج بودر
نص ملعقة خميرة
وشوية ملح
وقلاص ماي دافي واذا احتاج العجين بعد ماي حطي شوي
الطريقة
انا حطيت جميع المقادير مع بعض.. وبالمضرب الكهربائي … عندي مولينكس الكيك بس مضرب العجين خليته يخلط مع بعض لمدة يمكن عشر دقايق….
وبعد ماخلصت عجنت ثواني بيدي لاني اريدها تتماسك مع بعضها البعض…
وغطيتها بغطا بلاستك….
طبعا بعد ماخمرت العجين ….. اخذت قطع مدوره وفرشت شوي يعني لا هي سميكة ولا هي رقيقة العجينة وبعد ما فرشتها … اخذت كوب مدور للتقطيع…
يعني الصمون يكون يشبه صمون البرجر بس بحجم اصغر….
رصيته بالصينية ودهنتها بحليب بودرة وشوي ماي ودخلتها الفرن.. خليت العجين من تحت اول شئ يستوي.. عقب مايستوي شغلت نار اللي فوق…
وبعد مااستوت,,,,
خليتها تبرد
وبعد ماتبرد اقطعها من النص بس مب كامل … للحشو
الحشو
مرتدلا… مايونيز .. كاتشب… خس… طماط… بطاط شرائح مقلي…
نخلط مايونيز مع كتشب .. ادهنه شوي بالخبز.. حطيت بطاط.. مرتدلا.. طماط.. خس…
الفلافل…
طحينية .. …خس….طماط…. بطاط شرائح مقلي..
اول شئ الطحينية خلطتها شوي مع ماي وحركتها بعدين حطيت ملعقتين كبار روب.. وخلطته وحطيت عليه ليمون…
عقب دهنت الخبز علية وحطيت الفلافل الجاهز… بطاط.. خس …. طماط…
وهني وعافــــية ان شاء الله
المشاركة الأصلية كتبت بواسطة basko0ota 
المشاركة الأصلية كتبت بواسطة آنسات
