الوسم: المستشفيات

ارجوكم دلونى على المستشفيات الخاصه بالعين واسعارها

فشو تبين بالضبط ..؟؟

اسنان .. نسائيه .. أطفال .. عظام …؟؟؟؟ شو؟؟

اختي عندج واااايد عيادات خاصة ومستشفيات

بس انتي ماحددتي شو التخصص اللي تبينه

بعطيج بعض الاسماء بس انا ما اعرف الاسعار

عندج مستشفى الواحة

مستشفي الاماراات

المركز الطبي الجديد

مستشفي العناية التخصصية

غزل ماهري (نسائية)

عيادة السلامة(فوفو) نسائية

خالد الجمل( اطفال)

هذا الي يحضرني حاليا

والده يااخواتى يعنى نسا

عيادة غزل
شارع صاروج

الواحه
مستشفى الامارات (د. باتيا ممتازة )
عيادة د.رخاء الكيلاني
في عيادة بعد في مستشفى النور
عيادة د. نبيله في البريمي
عيادة د. امل

تسلمى ام سلوم للمرور وجزاك الله خيرا على المعلومات
لكنى ابغى اعرف اسعار الولاده فى المستشفيات الخاصه وشكرا

مشكوورة الغالية عالنصيحه

يزاج الله خير

يزاج الله خير..

وياا رحمن ياارحيم برحمتك استغيث يالله ترزق كل محروومهـ بالذريه الصاالحه المعافاه كامل الخلق والخلقه بدوون زيااده او نقصاان عاجل غير آجل ياارب العالميين برحمتك استغيث..

يزاج الله خير..

مشكوورة أختي ع النصيحه

يزاج الله خير

مشكوووره الغاليه على النصيحه

مراااحب خوااااتي الغاليات

شحالكن … عساكن طيبات …. تعالن ندردش رباعه وكل يبدي رايه فهالموضوع المهم

اريد اخذ رايكن في المستشفيات الخاصه اللي تعالجن فيها قبل بطاقة ثقه " الضمان " وبعدها

* يعني.. شو مستوى الخدمات اللي يقدمونها قبل & بعد؟؟

* هل تغيرت الاسعار بعد ظهور البطاقه .. او ظلت ثابته نفس ماهيه لحد يومج هذا ؟؟

* اذكري اي فرق لاحظتيه تغير بعد ظهور البطاقه…

يالا ببدا وياكم مع مستشفى كنت اتعامل معاه من زماااااان … "مستشفى الواحه".. العين

تقريبا من 5 او 6 سنين بديت اعالج عندهم … والحمدلله كل ولاداتي كانت فيه… وطبعا اللي

زارت هالمستشفى اكيد بتعرف مستوى الخدمات اللي كااااااااانت تتقدم فيه .. الصراحه ما

كنت ارتاح لا لعلاج ولا ولاده الا فيه لانهم صدق كانوا اهتمامهم بالحامل والمربي ع

مستوى… ولكن مع الايام قام يتغير مستوى الاهتمام عندهم للاسف للاسوأ .. وصار

المستشفى ولا ازفت حتى اني كرهت اسير عندهم فوق التاخير اللي تتاخرينه عندهم صار

المكان لايطااااق يعني ماشاء الله ع الوافدين مستعرين المستشفى ( باكستانيين. هنود.

بنغاليه.. الخ ) وكلنا نيلس رباعه فغرفه الانتظار… يعني ماشاء الله عليهن كل وحده تي

تيب كل عيالها وياها وتعالي عاد اطمشي.. وشوفي الضرايب بين العيال ولابتتكرم كل ام

بتمسك ولدها عندها لا… غرفه الانتظار مستويه حلبه مصارعه…. "" ماعلينا ""

وتعالي اسمعي عن علوم قسم الولاده "" حدث ولا حرج "" الاول يوم بتتويع الحرمه

بيلقولها البال ويتبرضون عليها يعطونها مهدي .. يسرون ويردون عليها تبا شي والا ؟؟

يوقفون ع راسها يعني قد مافي ايدها من حيله بتساعد.. لكن الحين تعالي وشوفي ..

بتي الموصل واللي ع ويه ربى مسكينه وبيحطونها في غرفه الولاده هذا انتي وحظج اذا ما

كان في زحمه والابحطونج في الجمعيه اللي ماتفصل بين حرمه والثانيه غير ستااااره!!!

وتعالي اطلبي منهن يعطنج شي يساعدج ع الولاده او يسرع من العمليه " الله المسهل "

بس بعد اذا تقدرين تساعدين فشي ليش متردده؟؟؟ بيخلون الوحده لين ماخلاص تربي

اروحها .. " حاولي تساعدين نفسج " الاول يداورن عليج من يدؤن انج بتربين

الحين بيطلع البيبي ودوريهن محد عندج لازم حد يصرخ عليهن ويزقرهن؟؟؟؟؟

ادري وايد طولت عليكن بس بقولكن ع السريع عن

الاسعااااااار اللي صاااااارت نااااااااااااار يعني اذا عندج ثقه سيري تعالجي عندهم

واذا ماعندج اتريي لين تطلع لج… والا سيري تعالجي مكان ثاني

لان اسعارهم صارت دبل… ان كان من استشاره .. فحوصات .. اشعه

وابسط مثال لما تسوين صوره للبيبي " سونار " كااااانت 150 _ 180 _ 250 .. ووصلت

مع ثقه 300 درهم ..؟؟

الولاده الطبيعيه كانت قبل 5 سنين تقريبا تكلف مع الغرفه 3500_ 3800 درهم

وقامت تزيد حبه حبه ووصلت مع الضمان ل 10000 درهم " شوفوا الاستغلال بعينه "

حتى اذا طلبتي من غرف VIP هذا اذا حصلتي غرفه ترى الضمان مايغطيها كلها تدفعين

شي والضمان يقص شي…

والله حسااااااااااافه متحسره ع هالمستشفى ماادري لين ووووين بيوصل في السنين

القادمه؟؟؟ والا اقولكن خلنا ننتظر ونشووف مع الايام ونطمش ..!!!

يالا اللي مرت بتجربه تدخل تحكي لنا قصتها ولا تبخل عشان الكل عيونه تتفتح ع اللي صاير

نحن قبل دوم نتعالج في مستشفيات خاصه الامارات و النور و التخصصي لكن من بعد الناس ما خذت بطاقه ثقه ما رمنا نروح من كثر الزحمه الغير طبيعيه صرنا نروح العيادات الخارجيه اسرع و احسن من اني اتريا 5 ساعات علشان ايي دوري او دور عيالي و ريلي ……..

ما الومج … صرنا نعاني من الشي نفسه

والله يعينا صرااااحه

كلامكج ما عليه أغبار
بعد " ثقه "
أزدحام – زيادة أسعار – خدمه فالنازل ؟
أريد أفهم وهذا الكلام للمسؤولين
ليش لما ينزل شي يخدم المواطن يتردى وماينفعه بشي الا يزيد من عثرته
الله المستعان
مكشوره عزيزتي على هالموضوع

الله يعناا كل ما نفرح بشي نلقي بلااوي وسلبياات اكثر من ايجاابيااته

انا كرهت المستشفيات والله

السلام عليكم ورحمه الله وبركاته

بنات وحشتوني من فتره مادشيت المنتدى ..ابى اسأل منو تعرف مستشفى يسوي اطفال انابيب في بوظبي بليززززز اللي تعرف لاتبخل تخبرني ضروري وابى منكن دعوه من قلب اني احمل اللي ماتعرف تكتفي بدعاء والسموحه منكن…

الله يرزفج بالذريه الصاله انشالله وتفرحين فيهم وانشالله البنات بيساعدونج .. سمحيلي ماعندي معلومات بس عندي الدعاااء ….

نسيت صح بطاقه ثقه تشمل تشمل اطفال الانابيب ومراض العقم ل3 مرات فقط واعتقد برع ابوظبي 10%تدفعين بس سؤالي صح عليها تجديد اخر السنه 5000صح ولا بعد تأليف من تأليفات الناس لانهم هالايام مسوين مسلسلات بس محد مخرجين خخخخخخخخخ ..

الله يرزقج بالذريه الصالحه

وحبيت ارفع لج الموضوع

فديتج يالهاموره والله يسمع منج يارب.

الله يرزقج بالذرية الصالحة
وبخصوص تأليف الناس الصراحة سمعنا وااايد بس ما شي اكيد

الله يرزقج بالذريه الصالحه إن شاء الله ……

السلام عليكم
ممكن إتدلوني على أحسن عيادة جلدية خاصة في أبوظبي

للرفع

للرفع

لللرفع

عند الدكتوره دينا في مركز ناديه الطبي

السلام عليكم

خواتي انا من سكان دبي بالبرشاء

ادور على دكتورة اربي عندها … والصراحة انا وضعي صعب

عندي سكري وفقر دم والاهم اني وحيدة يعنى ما حيكون معى احد وقت الولادة غير زوجي

خبرت ربيعتى أنى ادور على دكتورة تكون معى طول فترة الولادة

وقالتلي انه كل الدكتورات اللى بالمستشفيات الخاصة بيكونوا موجودين من اول ما تبدي الطلق

هل هذا الكلام صحيح؟؟؟؟؟

اول شي الله يسهل عليج وتربين بالسلامه

اللي اعرفه انه يعتمد من دكتوره لثانيه
يعني انا دكتورتي مااتكون موجوده ويايي على طول
يعني اتروح وترجع( مع انه مستشفى خاص)
وفي نفس المستشفى في دكتوره ثانيه اتكون مع مريضاتها طول الولاده

الله يسهل عليج اختي ويقومج بالسلامه

مب كلهم

الدكتوره اتي في وقت معين
ترا البجر عادي تطول يوم كامل .. الدكتوره مابتيلس هالكثر

دكتورتي كانت تمر بين فتره وفتره وحزه الولاده هي اللي ولدتني

مشكورة حبيبتي

الله يبارك فيك على الدعوة

مشكورة حبيبتى

والله خايفة… ممكن اخبر دكتورتي انها تكون موجودة والا لا؟

مشكورة حبوبة

اي آراء اخرى؟؟

ربي يعطيج ألف ألف عافيه … كفيتي ووفيتي ..
الصراحه أتمنى من الجميع المشاركه …
وماقصرتي الغاليه

الله يعافيكي حبيبتي
نورتيني بمرورك

انا حبيت بعد اشاركم بتجربتي في مستشفى الزهراء في ولادة بناتي الاتنين الله يحفظهم لي

اسم المستشفى وموقعها: مستشفى الزهراء بالشارقة
اسم الطبيبة وتقييمك لها : دكتورة نفيسة الصيرفي مصرية ماشاء الله عليه صبورة وتنحط على الجرح يطيب كبيرة في السن وخبرة ممتازة ووايد حنونة والله جنها امج الي تولدج
معاملة الممرضات في غرفة الولادة : صراحة معاملة ممتازة
نوع غرفة الولادة خاصة ام لا وهل يسمحو بدخول الزوج او الام: غرفة خاصة من بداية الطلق والولادة بنفس الغرفة على نفس السرير ويسمحون للزوج الام بالدخول
معاملة الممرضات في الغرفة بعد الولادة : جيدة جدا
نوع الغرفة بعد الولادة : غرفة خاصة ووايد حلوة ووسيعة وفي امكانية وجود مرافق يحطون لج شبرية زيادة الاسعار ماعندي فكرة عالتامين وفي حمام خاص كبير وفيه بانيو وفي غرف في اي بي واجنحة وايد احلى بعد والممرضات وايد خدومات حتى كانو يودوني الحمام ويتمون وياي بعد عن اطيح ولا اتعب ويساعدوني اغير وكل شي

الطعام : منيو اختار الوجبات لمدة يومين
مكان وجود البيبي : في غرفة البيبي وما يجيبوه غير لما اطلب ويرضعوه منهم
ويحمموه لما اطلب والبامبرز منهم طول مهو عندهم
ابرة الظهر وسعرها ومستوى الطبيب : ماعندي فكرة ما احب استخدمها
تكلفة الولادة: ما عندي فكرة لانها عالتامين بس دفعنا عالبيبي مطعوم وكشفية 1000 درهم
هل يوجد حاضنة اذا تأزم وضع البيبي : نعم فيه حاضنات خاصة للاوضاع المتازمة
عندك صور للمستشفى ؟: اسفة ماعندي

ماشاء الله موضوعك مميز بصراحه

الله يحفظلك اياهم وتشوفيهم احلى عرايس
الف شكر للمشاركة تسلمي

شكرا للمرور الجميل

اسم المستشفى وموقعها: الكورنيش في أبوظبي
اسم الطبيبة وتقييمك لها : للأسف كل مرة يدخلونج علا طبيبه
معاملة الممرضات في غرفة الولادة :معامله مش سيئه لا باس فيها
نوع غرفة الولادة خاصة ام لا وهل يسمحو بدخول الزوج او الام : غرفه خاصه لكن مافيها حمام للأسف تظطرين تتطلعين برع قدام الناس وانتي بوسط الألم والطلق ويسمحون للزوج والوالدة او اي حد
معاملة الممرضات في الغرفة بعد الولادة : زينه بس القابله كانت سيئه لدرجه أنا اللي اشرح لها شو تسوي للأسف ماكانت تساعدني وتوبه أولد مره ثانيه عندهم
نوع الغرفة بعد الولادة: خذت غرفه VIP
الطعام : منيو تختارين
مكان وجود البيبي : البيبي عطول عندج ياخذونه بس للسبوح او يسبحونه عندج
ابرة الظهر وسعرها ومستوى الطبيب : الابره علا التامين ثقه ماتدفعين شي بس أنا ماحب أخذها
تكلفة الولادة: علا ثقه ماندفع شي
هل يوجد حاضنة اذا تأزم وضع البيبي : في حضانات
عندك صور للمستشفى ؟: للأسف لا

خواتي حبيت نتعاون في هذا لموضوع الا وهو ان تكتب كل من تعرف اسماء العيادات والمستشفيات الخاصة والحكومية واذا كانت شاملة الضمان الصحي .اوغير شاملة …كما تقول هذي العيادة في اي امارة موجودة واسم الدكتورة لافضل في اي قسم ..كما اتمني من المشرفة لهذا القسم ان ثتبت هذا لموضوع كدليل للعيادات

في ابوظبي..

عيادة الامير الطبي في شارع الدفاع

امراض نساء…الدكتورة كاميليا العزاوي …واعتقد شامل الضمان

مستشفى النور ..امراض نساء عند الدكتورة فوزية

بنات شو بصير للي ماتراجع عند الدكتورة بشهورها الاخيرة؟؟ و ما تسوي التحاليل المطلوبة؟؟ يضرها ولا يضر الجنين؟؟ أنا احس عاادي،، لأني حاليا بالثامن و عندي موعد هالاسبوع و تحاليل ما سويتها و مب حاااابة أبدا اراجع لأني خلاص طفرت من المستشفيات والتحاليل،، قلت يوم بييني طلق بسير لهم،،، منو اتايدني؟؟

خخخخخخخخخخخخخخخ في اول ياهل كنت اتاااااااابع وملتزمه اما في عيالي الباقين كنت بس اسير يوم ادخل السابع عشان افتح ملف واسوي التحاليل مره وحده وبعدييييييييييين اطنش الين الولاده

يعني عادي ولا لا
لان أنا بعد مو بخاطري اراجع مووول

ههههههههههه انا شراتج افكر اخذ الشهر الياي ابره مال اختلاف الدم واطنش لين الولاده

حشى تيلسين كم سسسسساعه عقب تقول كل شي اوك ومافي شي عيل حك ش يايه وتعبانه

بس الاهل يقولون يمكن لا سامح الله يكون في شي يتابعون كل شهر معاج ويتطمنون عليه

بس عنننننننننني مول ماداني المواعيد

لا فديتج دامج تحبين ضناج ويهمج لازم تراجعين شي ف داخلج ماتعرفين شو يستويله ف اي لحظه احسن راجعي اول باول ما يفيد اللوم بعدين وبعدين على فكره الشهور الاخيره اهم من الاولى ماتشوفين يزيدولج المواعيد فيها لانه ف اي لحظه لا قدر الله يلتف الحبل السري والا يختنق البيبي والا ينقص الماي ماتدرين عن نفسي اهتم بمواعيدي ومب ندمانه بالعكس اهم شي أسير شهريا وف الثامن مرتين ف الشهر والتاسع كل اسبوع المهم انا واللي ف بطني بخير مب خسرانه شي

ازيدج من الشعر بيت انا عندي 3 الله يحفظهم ان شاءالله وما اسير المستشفى الا اذا ضربني ويع اخر الليل

انا مع الاخت

اللي ربت بعملية أو حتى طبيعي في هالمستشفيات ترد علي…
مستشفى الكورنيش_ أبوظبي
مستشفى بلهول التخصصي_دبي
مستشفى nmcالتخصصي _دبي

معقولة محد عنده فكرة!!!!!!!!!!!!!!!

أنا ربيت بعملية في NMC

[QUOTE=sakura86;6299385]أنا ربيت بعملية في NMC[/QUOT

أخيرا حد رد علي!!!
حبيت أعرف شو رايش بالمستشفى والدكاترة والخدمة…وكيف كانت العملية ؟تعبتش وايد؟؟أرجوش عطيني فكرة؟؟؟
وكم تكلف عندهم العملية؟؟؟

الصراحة عالخدمة و الدكاترة….وايد إرتحتلهم و حتى الحين حامل و ناوية أربي عندهم….و البيبي إيخلونه عندهم و خصوصا في العملية…أحس كل ما أطلب منهم شئ …على طول كم وحدة يايين…أما بالنسبة للمبلغ ما أعرف الغالية لأن عندي تأمين صحي من دوامي فدفعت بس 200 درهم…و هم عندهم كتيب تقدرين تاخذينه و كاتبين كا الأسعار.

و ربي يسهل عليج

كيف كانت العملية كبس ولا خياطة..وكم يوم جلست في المستشفى؟؟؟ومنو سوا حقش العملية؟؟؟

انا ربيت في الكورنيش ما شاء الله كويسين والجرح كويس وهو كان كبس وبيهتمو فيكي وبالبيبي بعد الولادة…..
عن التكلفة اظن 1500 قيصري غير الغرفة لان الغرفة حسب مع كم وحدة بتكوني…. إذا لوحدك اعتقد 500 وبتجلسي في المستشفى تقريبا 5 ايام……………..