الوسم: المعتمده

كلكم عارفين ان البتر كريم او كريمة الزبده مهمه جدا في تزيين الكيك سواء ك حشوة او زينه لسطح الكيك

انتشرت بالفتره الاخيره عند العرب عجينة الفوندانت مع انها جدا قديمه عند الغرب وهي عباره عن عجينه مكونه من الكورن سيرب والسكر البودره وكل واحد يزيد اضافات من ماء ورد ونشاء وزلال البيض
العجينه احلى مافيها الشكل تعطي شكل حلو للكيكه فقطططططط !! لكن الطعم الله يكرم النعمه ويعزها
اغلبكم مايعرف ان المطاعم الكبيره شو تسوي عشان تشكل الزينه هذي

اول مرحله يخلون الكيكه تبرد عقب يسوون العجينه السطحيه ويغلفونها يدخلونها الفريزر عقب يطلعونها بحيث تذوب عسبت يبدون يشتغلون فيها

هني يابنات بتكون الكيكه يلي تعبنا نسويها بنتيجه حلوة ومذاق أحلـــــــ ى اختربت طبعا من كل مرحله

ف ليش نخرب كيكتنا ونغير بنكهتها الطازجه عشان زينه ممكن نستعيض بنكهات عديده وتخلي الكيكه قممممممممممه غنيه بالنكهه والشكل الجذاب

لجيه انا عن نفسي ألغيت من لستتي الفوندانت وكانت نصيحه من شيف ان نبتعد من هالعجينه ونتجه لمذاق ألذ واغنى وهي البتر كريم ..

الحين بتكلم عن اساسيات البتركريم

اول شي السكر قد نحتاج يكون ناعم او بودره او سائل مثل الجلوكوز والكورن سيرب على حسب النوعيه

ثانيا الدهن طبعا الدهن اساسي جدا ومن اسمه كريمة الزبده مستحيل تصير نكهتها حلوة الا بالدهون
الدهون بالبتر كريم انواع الزبده والزبده يابنات قد تكون صفراء اللون يعتمد على علف البقر لجيه اختاري نووعيه ممتازه وانصحكم بالنادك وشي نوعيه اسمها بافت لايت لونها فاتح الزبده بالنسبه لي افضل الاستخدام طبيعي الزبده اول ماتدخل الفم تذوب ع طووووول لجيه احبها وماستغني عنها

وممكن تستخدمون الدهون المتحوله مثل الشورتنج او الكريسكو او المارجرين هي دهون مشبعه ومتحوله امممممم مانصحكم لانها دهون صناعيه وتعطي مذاق شمعي صح هي صفتها حلوه تخلي البتركريم ناااااااااااااااااااااصع البياض وتخلي عمره طوووووووووووووووووويل ممكن يستمر معاج اشهر طووويله ( واكثر المطاعم او المخابز الرخيصه) تستخدمه لانه ارخص ويدوم وقت اطول ومايخترب شكله بحرارة الجو ومايحتاج يدخل الثلاجه خصه بلادنا حررر وبقولكم شغله بنات الشورتنج او المارجين اختيار سيء جدا لانها عباره عن دهون متحوله ومن خلال الاختبارات طلعت انها مضررررره بالصحه جدا

ثالث مكون متنوع قد يكون ميرانغ او منكهات او سوائل

البتر كريم متفرعه لعدة انواع

الامريكي وهو الاساسي وهي عباره عن زبده نخفقها وسكربودره تخلط وتزينوا الكيكه وخلاص
اممممم هني بتكون نكهة الزبده جدا واضحه وفي ناس تحبها ع فكره ويفضلوها مع بعض السويتات مش الكل

وفي السويسري واللي رح اشرحلكم طريقتها بالتفصيل

وفي الالماني والفرنسي والايطالي وكل نوع له طريقة خاااااااصه ومحتاجه دقه متنااااااهيه وادوات خاصه

لجيه بحط لكم الاسهل والمقدور عليه يعني اي وحده تقدر تسويه وماتتصعب عليها الامور

بنات انا والله مالحقت اصور الطريقه بالتفصيل ماااااااااااااااقدرت كنت مستعيله وايد

بس بشرحلكم بالتفصيل ان شالله

بنات انا نزلت من فتره طريقة السوفليه وفيه كثير معلومات بتنفعج بس بحطها هني لان نبي نسوي ميرانغ والميرانغ عباره عن زلال البيض او البياض وبخبركن معلومه جيده البيض كل ماكان قديم يعني معاج بالثلاجه من اسبوعين يكون ممتاز للميرانغ ثانيا تفصلين الصفار مع البيض واحذرررررري تنزل ولو ذرة صفار بيض( الصفار دهون) لان البياض مارح ينفش معانا وبجيه بيخترب وهو اساس البتر كريم

استخدمي وعاء خفق ستيل ونظيييييييييييييف مانبي زجاج لانه مارح يسمح للميرانغ تتسلق الوعاء والبلاستك ممكن يكون فيه اثار دهن ومثل ماذكرنا مانبي اي قطره دهنينه تتاكدون من نظافة الخفاق من اي اثار دهنيه

تخلونه برع من ساعه الى ساعتين حتى ياخذ حرارة الغرفه

هذي معلومات مهمممممممممممممممه بنات لا تطنشوها بليز ولا مارح ينجح معاكم الميرانغ

الحين ندخل بالمقادير والطريقه

4 م سكر بودره لكل بيضه

او

4 بيضات + كوب سكر بودره

454 غ زبده دافيه ومقطعه مكعبات ( يعني طلعيها من وقت ) ومثل ماذكرت اختاري زبده ممتازه ماتكون صفراء دوري زبده نادك

اول شي نضيف السكر على البياض في وعاء ستيل

الحين ناخذ وعاء اخر ونحط مقدار واحد سانتي من الماي ونضوي عليه ونحط الاستيل اللي فيه الخليط فوقه ونبدا نخفق بالخفاقه الكهربائيه طبعا هني رح يستوي البياض وينطبخ الحراره ماتكون عاليه بنات خلوها وسط وبيبدا يذوب السكر ولو جربتي لمستي الخليط وفركتيها بايدج بتلاحظين انه ذايب وبيصير ابيضضضضضض وناعم جدا بيكون الخليط دافي مش حار

نشله من البخار ونبدا نزيد السسسسسسسسسرعه ورح يبدا يجمد معاج كل فتره من الخفق رفعي الخفاقه وبتلاحظين تكون مثل المنقار يعني منقار الطير هالمرحله يعني ستوووووووووووب وقفي خفق لانه الخليط جاهز

صوره من النت

بنات هالخليط تقدرين تسوين فيه البفالوفا تحطينها بمعصار وبورق زبده تسوينها مثل الدائره وترفعين الجوانب بحيث تقدرين تحشينها ودخلونها الفرن بأقل حراره ممكن والرف الاولي بنات تحتاج من 3 الى اربع سااعااات لازم تصير بيضاء وممكن تضيفون ملعقه خل وحده بس لان الخل يأخر التحمير الحراره مثل ماذكرت يكون للتجفيف للي معاهم افران كهربائيه

صوره من النت بس عسبت تعرفون شو اقصد

الحين الميرانغ جاهز معانا والحمدلله

الحين بنكون جهزنا الميرانغ السويسري اللي عندها كينود تغير الخفاق وتخليه الكف واللي ماعندها مب مشكله تستخدم خفاقة الكيك العاديه تشغله بسرعه متوسطه بنات اهم شي الزبده ماتكون ذايبه الله يرضى عليكم لو بارده مش مشكله تزيدين السرعه شوي وبتسيح بس لو ذايبه مشكله
اللي استخدمت الزبده وتكتل عليها الخليط لا تخافون زيدو من السرعه وبتتعدل الحين ضيفوا لو عندكم منكهات فانيليا ملعقه بس تكفي (اساسي) عقب ضيفي لو تبين منكهات ملعقه صغيره تكفي اخفقيها وحطيها في وعاء محكم وحطيها بالثلاجه ولو بغيتي تستخدميها وكانت بارده اخفقيها بالخفاقه ورح تكون جاهزه لعمل وردات البتر كريم او الحشوات او التغطيات

احتفظي فيها من 4 الى 5 اشهر بلفريزر و 3-4 اسابيع بالثلاجه ومحكمة الغطاء