الوسم: المفرق

السلا عليكم ورحمة الله وبركاته

بدون مقدمات انا مسويه عملية تثبيت فقرات في الفجيره وللأسف العمليه فاشله ومضطره اسوي عملية يشلون الحديد ويركبون غيره

المطلوب منكم تخبروني شو رايكم بمستشفى المفرق في ^{دكتور ميلان اربينسكي انا ما اعرفه وأخاف اسوي هالعمليه لان ظهر وخطر عليي وادعولي ج}زاكم الله خير

ربي يعطيج الصحة والعافية .
ماعندي فكرة الغالية بس ماحبيت اطلع من دون رد

مشكوره اختي

انا عمتي مسوين لها نفس العمليه بس فالخارج مش هني
لان مثل ماقلتي خطره واوريدي مسوين لها قبل عمليتين
فالظهو وفشلو بس هالكلام فالتسعينات والطب اطور احينه
نصيحتي لج تستخيرين وربي يمدج بالصحه والعافيه

مشكورين خواتي والله يعافي جميع مرضى المسلمين

الله يشافيج و يعافيج و يديم عليج الصحه يااارب

السلام عليكم شخباركم بنات….بغيت اسالكم عن الولادة في مستشفى المفرق منو منكم جربته قريب

الله يخليكم اللي لها تجربه قريبه تخبرنا اي دكتورة ولدتها وكيف كانت الولادة والتسهيل من الله

اذابتعالجين في المستشفى اطلبي الاستشارية نجلاء.. بس انصحج بالكورنيش لانهم اكثر خبرة

مشكورة اختي ابداع…انتي لج تجربه ف المفرق؟

المفررق صرااحه وااااااايد اوكيه لان انا ف ولادتي يوني القابلات حبوبات يساعدوونج والله بعد كلامهم واايد اوكييه .. الاهتمام شي اهتمام بس انا لاني ف في اي بي غرفه خاصه كانوا يهتمون فيني بس ماعرف الغرف العاديه ^^..وتوكلي ربج

الله يسهل عليج اختي

حبيبتي سيري الرحبه ولا الكورنبش

بنات حبيت اسألكم شو احسن اولد قيصري في المفرق او الكورنيش او عند الدكتورة ناديا لان مقررين اسوي عملية
والعملية شوا حسن الكبس او الخياطة
واي مستشفى يسوي كبس او خياطة،،، افيدوني بتجاربكم،،،

103 مشاهدات ولا رد واحد !!!!!!!!

حبيبتي ما عندي فكرة
ان شا الله بنات بوظبي يفيدونج

بس حبيت أرفع لج الموضوع والله يسهّل عليج

اختي اناسويت قيصرية عند نادية وكانت جيدة لكن كانت خياط
واعتقد الكبس افضل لانه مايبقى اثر في الجسم

انصحج في مستشفى الكورنيش عند الدكتورة واني… عمليتها ممتازة ,,, و ربي يسهل لج حبيبتي

ماعندي اي فكره

والله يسهل عليج ان شاء الله
والبنات مابيقصرون فيج

والسموحه

الكبس احسن

الكبس احسن والمستشفى الحكومي

خواتي منو منكن ربت في المفرق؟ وكيف كانت الولاده طبيعي أم عملية؟ وكيف عنايتهم بالبيبي؟
أنا بصراحة امربي بعمليتين قبل في مستشفى خاص. المشكلة الحين انه المشيمة نازلة وأخاف يكون الها مضاعفات ويولدوني ولادة مبكرة.. المستشفيات الخاصة ما تقبل حالات الولادة المبكرة.

أريد أعرف شو أسوي أروح الكورنيش( لو اني أكرهه) والا المفرق ؟

وجزاكن الله خير..

انا جربت الرحبة فالعملية … وكان تعاملهم حلو ويايه .. الحمدلله مافكر اغير عنه
وربي يسهل عليج

الغالية مشكورة على الرد.. بس الرحبة بعيد عليه. وفي حالة حطوا البيبي في الحضانة ما بقدر أروحله كل يوم.

للرفع

المفرق وااااايد اوكي حسب كلام امي لانها كانت تربي هناك

مره طبيعي ومره بعمليه

بس لما ربت بعمليه خذت غرفه خاصه وتقول عطوها فل ابشن اهتمام وكان اليوم بـ500 بس هالشي من زمان

قبل 6 سنوات الحين ما اعرف

حجز الجناح او الحجرة مب على الضمان يعني الثقة

اسمحلي ماعندي فكرة عن المفرق… وااااايد افكر اربي فيه عشان جي وايد اسأل عنه

انا بعد ابا اعرف منو جربت ؟؟

وبكم الغرفه الخااصه ؟؟

شخباركن حوامل ؟؟

منو جربت مستشفى المفرق لاني ناويه اربي عندهم وللعلم هاي ولادتي الثانيه
ولادتي الاولى كانت في الكورنيش..وما افكر في الخاص ابدا
بس هل المفرق احسن عن الكورنيش ؟؟

وممكن تجاربكن ؟؟
والسموحه

اب اب

انا ربيت عمليه قيصريه فيه والي ربو طبيعي فيه يمدحونه الدكتوره تكون حاظره ولادتج .. .. بس ماشالله دكاتره كبار وخبره .. بس انشالله انتي طبيعي والله يوفقج..

ونة اشعاري
مشكوره على الرفع
miss_ladouci
الحمدلله على سلامتج والله يوفقج في المرات اليايه وتربين طبيعي

يقولون خبرة ودراية
اسألي على دكتورة افتتاح أو نجلاء

اثنينهم زينين ..

بس المفرق يمدحونه بعد واايد .. وربي يسهل عليج

استخيري الغاليه ..

انشااالله بستخير واذا ولدت عندهم بحط لكم تجربتي

اي مستشفى يسوي عملية قيصرية احسن المفرق ولا الكورنيش،،، بليز بنات ردوا علي.؟؟؟؟

أكيد الكورنيش المفرق حبيبتي أبدا ماانصحج فيها بالذاتب ف القيصري

موفقة

انا كمان اريد اعرف عن القيصرية وفي دكتوره بالكسموسيرج قالتلي الكورنيش زينين بالقيصرية

السلام عليكم ورحمة الله وبركاته

بغيت اسالكم عن مستشفى السلامه لجراحة اليوم الواحد المفرق-بني ياس .
منو احسن دكتورو نسا وتوليد عن تجربه واذا وحدة جربت الولاده عندهم

انا اراجع عند الدكتوره هدى مواعيد الحمل بس ماجربت الولاده عندهم

مرحبا بنات شحالكم

بغيت رقم دريول او دريوليه فالمفرق او بني ياس
توصلني دوامي في بوظبي وتردني
الدوام من الساعة 8 لين 4 العصر
ضرووووووووووووووووووووووووووووووووووري بليز

شو رايكن وين الأحسن مستشفى المفرق أو مستشفى الكورنيش
أنا بصراحة مجربة مستشفى الكورنيش وكان ممتاز لكن الحين أسمع عليه واييييييييييييييد شكاوي وبصراحة وايد خايفه منه أخاف الإهمال
مستشفى المفرق ما جربته بس أفكر أربي هناك بس مادري كيف عيادة الحوامل هناك
محتاره

الكورنيش طبعآآ

المفرق

المفرق أكيد

انزين كيف عيادة الحوامل اللي في المفرق كيف تعاملهم لأني ما أعرف حد جربه
ووين تروحي يوم تبي تربي لا يكون في قسم الطواري جدام الخلق

حبوبة عيادة النساء دووم زحمة مثل باقي العيادات ولازم تاخذين موعد قبل والا مابتشوفج الدكتورة..

والحين مسوين نظام مايستقبلونج في المستشفى الا بتحويل من برا….يعني لاتفكرين تيين تفتحين ملف في مستشفى المفرق قبل لاتاخذين تحويل مري اي عيادة قريبة من بيتكم وخليهم يسوون لج تحويل على المستشفى

بالنسبه لي ما جربت الكرنيش بس ها المره ان شاء الله بولد بالمفرق .. اممم العياده عندهم من الساعه 8 الى 5 زحمههههههههه والناس داشه طالعه بس الرعايه عندهم حلوه والنيرسات عسل وخاصه قسم الولاده كل وحده احسن عن الثانيه بصراحه ارتحت وايد عندهم .وعندهم ها الايام مشروع رعايه الاطفال حديثي الولاده ووايد اوكيه .. . بخصوص التحويل تقدرين تاخذينه من الطوارئ عندهم يعني سيري لهم بالليل ع الطوارئ وقوليلهم اي شي عشان ع الباجر يحولونج العياده الصباحيه ومن هناك بيفتحون لج ملف .. بس

صبحكم الله بالخير والنور بنات وحريمات شحالكن ان شاء الله بخير وعافيه يارب

بتخبركم عن مستشفى المفرق سمعت ان شركه تايلنديه ماسكتنه وان الدكاتره الاولين غيروهم صدق ولا بس رمسه …..

فحبيت اعرف اذا صدق الخبر ولا لا

والسموحه

والخيبه بتموتين مره وحده!!!!!!!!!!!!!!!!!!!!!!!!!!!!!!!!!!
مياانين هذيلا؟ حتى لو صدق حالتها صعبه (بعيد الشر عنها) مايصير بقولون لها جي

اممم بصراحة .. ماعرف عنهم

الله يوفقكم

صحيح هم غيرو الستاف الي هناك في اغلب الاقسام من اداره و عنابر واقسام مراجعه … الصراحه انا عكسج اشوفه كان زين يمكن انتي طحتي في دكتور مب زين ..

الحين يعني احس الاوضاع صارت مب اوكي خص في الاهتمام .. يوم ربيت كرهت ستاف الممرضات

كلهن هنديات وفلبينات .. نادر ماتشوفين عربيات هناك .. واحس الستاف الاولي كان افضل بوااااااااااااايد

ووووعععععععععع اخيس مستشفى ودكاتره ماعرف من وين يايبينهم استغفرالله بس.

والله طلع لي ورم في صدري وكان ولله الحمد حميد حولتني مستشفى الرحبه لمستشفى المفرق بس عسب اسوي صوره وعاد هناك الدكتور مب طايه يبي يشيك بروحه واهو بيسوي العمليه وانا ما رضيت وعقبها سولي الاشعه اللي كان طالبها الدكتور تخيلوا النذاله لما راجعت مستشفى الرحبه والتقرير وصلهم قالي الدكتور كيف يسوونج هاي الاشعه هي الاشعه خاصه للي عمرهم 35 سنه وفوق قلتله ما ادري

اختي من مستشفى لمستشفى ومدحولها دكتور معروف فالمفرق قال حقها الغده بتوقف عندج ويعني بتموتين تخيلووواا حالتها وعقبها حصلنا دكتور استشاري غدد في مستشفى خاص ولليوم الحمدلله الغده واايد مستويه زينه بفضل الله ثم الدواء
حتى ان المستشفيات الحكوميه عطوها دوا بالغلط تخيلوا من تاكل الدوا اطيح علينا

والله المفرق مول مب شي احس الدكاتره هناك ما عندهم ضمير ولاشي

بنات اللي يعرفون لان في ناس من اهليه يبون يروحون تايلند يتعالجون وهم سمعوا ان الكادر تغير عسب جذي اللي عندها معلومه لاتبخل علينا

ومشكورات خواتي ع مروركم