ان شالله يعيبكم
…
..
كنا مقررين انروح هالويكاند الشرقيه نغير جوو ونونس العيال صار لهم زمان ماطلعوا ومالعبوا في البحر
بيني وبينكم ماكنت متحمسه مرره والطلعات مع زوجي ماحبها وكنت احاول اتهرب وااجل وهو يسالني ها كلمتي الفندق ..حجزتي ولا..طيب شكلك ماتبغي اتروحي .. ولما شفته حس قلت لا لا خلاص بكلمهم هاليومين
حجزنا الخميس…وجا يوم الخميس وخذت اذن من المدرسه اني ما اداوم وقعدت عيالي من مدارسهم قلت خليهم يرتاحون لانه ورانا طريق طووويل مرره وراح يتعبوا حبايبي …
الاولاد ازعجوني من الصبح يلا ياماما متي بنروح وانا ولله ماعرف متي بنطلع بالضبط وكل شوي ادق لبوخالد ومايرد علي طيب قولي متي راح نطلع وارسلت له مسج قالي جهزوا اغراضكم ولما اجي راح نمشي ؟؟؟؟ طيب متي راح تجي .؟؟
طبعا انا ماقدر اقوله متي راح تجي عشان ماياكلني ويقلب الدنيا نكد فوق راسي فرتبت الشنط وخليتها جاهزه وقعدت اتفرج علي التلفزيون …ولسان حالي يقول ..يااااليل مطولك ولله اني ماابغاه سيران الكلاب هذا بس مجبرا اخاك لا بطل….
وجا الفارس الملثم … تغدا وانبطح… وطبعا انا ماقدر انطق واقوله متي بنطلع ياحبيبي لانه اعرف راح يحوس الدنيا فوق راسي خليته منبطح ورحت انبطحت انا بعد من القهر اللي فيني ولله ….وغمضت عيوني وقلت متي مابغا يروح بيقومني ..والاولاد مساكين كل شوي متي بنروح ..وطبعا السوال والمغثه والنرفزه لي انا حتي اولاده ما يتاجرون يسالونه لانه جني …وبيلعن ابو اللي جابهم لو سالوه…
كل شوي هو داخل طالع داخل طالع ….يبغاني اقوله حبيبي متي بنطلع ….
طبعا انا سويت نفسي ما اشوفه …جاني وقال ماتبغون اتروحون ..طالعته بنظرات وكان ودي ازنطه ياناس في ذيك اللحظه واعلقه من مروحة الغرفه بس للاسف بلعت مشاعري وانطميت وقلت ..كل شي جاهز ياعيوني ننتظر اشارة الانطلاق منك ….
لعنبوووه انطلاق ولله لو رايحين باريس ..ماغير الشرقيه وطلعت عيني وعين هالبزران المساكين ..ولله لو ماهم ماانطلقت معاك بس وش انقول غير ..قادمون ياشرقية…
سويت دلة القهوه وكنت خابزه شوي بسكوت وحلا للطريق اسد به ثمه… واشغله شوي عن النكد …طبعا الاولاد انبسطووا وركبوا السياره …وركبنا ..ومشينا وفي الطريق كما العاده البراطم مبوزه تراااه برستيج ياحريم لاتفكرون انه نكد ولا زعل لاهو كذا برستيج ..وكل مازاد البرستيج عند بعض شبابنا زاد تدلي البراطم للامام… .
وكلعاده طول الطريق وانا اكلم حالي ولا اكلم الاولاد … لانه اللي جنبي ارتبش ببراطمه من زود ماهي متدليه فصار الكلام عليه صعب.. حرام فانا عذرته مسكين….
وصلنا الشرقيه..الحين نبغا نوصل الفندق ..بس كيف وزوج الغفله ..مايدل مكانه …." طيب حبيبي اشرايك توقف لنا اجره وهو يوصلنا للفندق"
طبعا اختكم تمنت انها ماتكلمت ..لانه الفارس الملثم لا يسال ولا يستجدي المعرفه من احد تراه انخلق من بطن امه يعرف كل شي ..
وصلنا الفندق بعد ما سيقانا شوي وتشتكي علينا من كثر اللف والدوران ..في الشوارع والاولاد انهدوا مساكين وتسدحوا في السياره .
نزلنا من السياره وجا الهندي وشل اغراضنا للغرفه ..وعند باب الغرفه ابغا اقول ياهاااااااااادي ..يمسك زوجي الهندي المسكين ويقول "ايوااا تعال شوف انا خايف من الناس اللي في الغرفه ذي..شكلهم مزعجين مره "… بدينا ياحظي ..خلني اقول بسم الله ..بالاول..
طبعا شي ماتعرفونه عن فارسي الحبيب مايصيير يروح مكان مايتمشكل فيه مع احد ..
قال الهندي انا ماقدر اعمل حاجه كلم الريسبشن ويادوبك الهندي المسكين الفقير يبغا يعطيه رقم الريسبشن سكر الباب في وجهه …
ياعيني علي ذوقك..ياحبيبي…
قلنا بننزل نتعشا ..وانشوف الفعاليات اللي عاملينها بمناسبة مهرجان الشرقية …
نزلنا وقعد ينافخ ومتافف وقفي هنا …وقفي هنااااك…تعالي منا..تعالي مناك ….ويقولون ليه ماتحبين تطلعين معاه … وصرت ياحبايبي مثل الزنبرك رايح جااااااااااي…وعباتي تطير وراي كني .. ام حديجان..
من المواقف الحلوه ..دخلنا مطعم ودخل زوجي بكل قوه وسال الهندي الجرسون ولا الويتر اللي اتسمونه انتوا
وقاله " هذا مطعم"..؟؟
طبعا انا صار وجهي مابين الطماطه والباذنجانه في اللون ..وسويت نفسي ما اسمع …
وش اللي هذا مطعم ؟؟؟ لااا مكانيكي سيارات …وش انت شايف ياحظي…
قاله الهندي يس .. المهم دخلنا وطفحنا اقصد تعشينا وطلعنا وكنا نبغا نلعب الاولاد بالالعاب ..وراح يبغا يجب لنا تكت ..تمشكل مع هندي شباك التذاكر وجاني ..وقال ماهو لازم ..يلا علي فوق.. صارت عيوني فيها تعجب وفي نفس الوقت اناظرفازه حاطينها كزينه في الزاويه عند الباب ….اه ياويلي عليها ..كذا وهي طراااخ علي راسك …. وقلت له " طيب ياحبيبي يلا اصلا احنا مره تعبانين "
في اليوم الثاني من رحلتي المميزه … قمنا الصباح وفطرنا …قلنا بننززل نتمشي في الشاطي اللي ورا الفندق وطبعا دخوله بس للنزلاء الفندق.. جينا نبغغا نطلع جا السكيورتي المسكين وقال يبغا يشوف بطاقة الغرفه عشان يتاكد …وعينكم ماتشوف الا النووووووور
وقعد زوجي يعطيه محاظره في الادب والاخلاق العاليه والعنصريه والتاريخ وهو في منتصف المحاظره اللي كانت بأسم " ليه تسالنا" طلعت اختكم من شنطتها بطاقة الغرفه لانه كبدي منفقعه واعرف بعلي ماراح يخلص علي ذا المسكين ..ولما شاف البطاقه السكيورتي فتح لنا الباب…….. اما الفارس الملثم يلطمني بذيك النظره الخارقه لاحشاااائي " عاد انا مررررره زعلت من نظرته" وقال اتشوفيني اكلمه وتجين تنقزين بالبطاقه …سكت وقعدت اناظره بعيون بريئه وغمض وافتح عيونه عشان تبين رموشي وتتطاير منها البراءه …..
كملنا الي شاطيء الرومانسيه قعدوا الاولاد يلعبون في المويه شوي وهو قاعد في اول الشاطي وانا في اخره من زود رومانسيتنا ربي يخليه لي حبيبي ..وطبعا لاتنسون موضوع البراطيم تراها لين الحين متدليه وصعب انه يتكلم مع احد …وانا بعد عمري عاذرته حبيبي ..
كان ويك اند ولا في الاحلام …..
بليز بليز بليز قولوا ماشالله ترا العين حق ..
منقوووووووووووووووووووووووول
هههههههههههههههههههههههههههههههههههههههه
هههههههههههههههههههههههههههههههههه
توووووحححفـــــــــــــــــه
دمهاااا عســــــــــــــل
يسلمو ياعسوله
حبيتها لووول الله يعيينهااا
.gif "44 (34)")
شكله شي حلو يبالي اجرب
المشاركة الأصلية كتبت بواسطة ظبية النت 
.gif "12 (55)")
