خواتي … انا اليوم فرحتي لا توصف ومب عارفه شو اسوي..
تعالو بخبركم القصه…
ريلي عنده ضعف في عدد الحيوانات المنويه وحتى اذا ارتفع العدد يكون اغلبهم مشووه…المهم احنا لازم قبل ما انفكر في سالفة الحمل يروح ريلي للدكتور ويبتدي رحلة علاج من 3 الى 6 شهور…وفي هالفتره لازم يلتزم بآدويه وبفحص شهري،،،ساعات طوووول الشهر نقعد على اعصابنا واخر شي يقوله الدكتور العدد ما زاد الا بنسبه بسيطه وعاد هنيه صدق قمه في الاحباط…
وما انسى في مره من المرات قاله الدكتور ممكن يصير حمل بس النسبه بسيطه قلتله ماعليه هات النتيجه وخذتها ورحت لدكتوره ردت عليه برد حطمننننننننني….قالت هذا مسكين يباله فتره يتعالج وانا ما اقدر اسويلج شي يوم بيتعالج ريلج وبيصير طبيعي تعاليني…
هالمره قرر ريلي انه يروح عند الدكتور قلتله اصبر شوي خذ فيتامين اي على الاقل شهر وعقب رووحله عشان ما اتكون النتيجه وااايد ضعيفه….اتصل بالدكتور قاله لاااا تعال وخلاص…المهم اقنعته وصرت يوميا اعطيه الفيتامين بس بعدها بآسبوعين ياني وقالي انا عندي موعد اليوم…اتخيلو صدمتيه قلتله لييييييييش ما صبرت لين ما اتكمل شهر قالي مافي فايده خلاص باخذ العلاج من عنده…وانا من بديت اعطيه الفيتامين بديت حمله (بخبركم عنها عقب شوي)
المهم ثاني يوم من الموعد يعني بعد ما طلعت نتيجة تحليل الحيوانات المنويه ياني ريلي ويهه متغير قلت اكيد انصدم ان النتيجه يبالها اكثر من 6 شهور علاج…اكلمه ما يرد عليه…خليته لين ما هدا وقالي لو اقولج النتيجه ما بتصدقين…بغيت انهار قلتله قوووول خلاص شو صاير…والله يا خواتي ان قلت طلعله مرض ثاني…اقوله شو فيك…قالي الدكتور يقول (وعاد هنيه ابتسم) وانا شوي وبينغمى عليه…الدكتور يقول ان:
النتيجه هي:
شو تتوقعون؟؟؟؟
هيه بعد اثاره خخخخخ
انت طبيعي 99٪ وما فيك ولااااااااااااااااااااااااااا شي
هو مصدوم وانا اصيح…يقولي انا مب مصدق هاي مثل المعجزه والدكتور يقولي قووول شو مسوي والا شو ماخذ عشان اصرفه للمرضى وريلي يقوله بس الفيتامين اي قااااال انا دكتور واقولك مستحيييييييل فيتامين اي بس يسوي جيه…
خواتي انا اليوم خبرت ريلي انا شو سويت وليش صحت والحين بخبركم انتو:
انا بديت حملة من شهر تقريبا وهي:
استغفر في اليوم 1000 مره واكثر
اصلي على الرسول عليه الصلاة والسلام 100 مره
اقرا سورة مريم يومييييييييييييييييا
الصدقه ومااااااااااااااااااااا ادراك ما الصدقه*
قيام الليل بس بصراحه ما كنت كل يوم…متى ما قدرت
اتعرفون ليش صحت؟؟؟؟؟ يمكن فرحه ان الله رحمنا من فترة الانتظار ورحم ريلي من العلاج والحاله النفسيه الي يمر فيها من يبدا العلاج…بس لحظتها لااااااا ما كان هالسبب
عرفت كيف الله كريم وكيف اول مره احس ان مافي حجاب بيني وبين ربي في كل مره كنت استغفر او اقرا قرآن او اتصدق…بعد هالخبر نشيت صليت ركعتين شكر وصححححححححت من خاطري…
بنات الله كريم ولحد ييآس من رحمة الله…ادعو استغفرو سوو كل الي تقدرون عليه واذا ما صار الي تبونه سبحان الله يعطيج الرضا وما تزعلين اذا ما صار الشي الي كنتي تبينه….
سامحوني طولت عليكم بس صدق اليوم ما عرفت شو اسوي من الفرحه غير اني افيد غيري…
بنات ادعولي بالحمل القريب وان شاء الله ارجع وابشركم قريب…
المشاركة الأصلية كتبت بواسطة مجنونة ريلها 
