الوسم: المواطنة

السلام عليكم ورحمة الله وبركاته

شحالكم خواتي؟

عساكم ب الف خير يارب

حبيباتي عندي استفسار

المواطنة المتزوجة من خليجي (من اهلها) .. في قرار او قانون يعطيها الحق ف امتلاك بيت من الحكومه ؟

هل هالقانون موجود فالشارجه ؟

عندكم فكره عن الشروط او وين الواحد ممكن يسأل ويراجع ؟؟

عندكم خلفيه الموضوع شكثر ياخذ وقت لين ما الزوجه تستلم البيت ؟

انا سمعت ع قولتهم طراطيش كلام يقولون انه هيه يعطونها بيت .. بس ماعرفت الشروط ولا من وين ولااااااا اي تفاصيل

ان شاءالله القى تفاصيل اكثر عندكم

ومشكوراااااااااااااات مقدما ً

الغالية في مواطنين لين يومج هاذا ماحصلوا فما بالج بالمواطنات المتزوجين خليجي

اتصلي بالاسكان واسالي وربي يوفقج

انتي سيري وقدمي شو خسرانه؟ وبعدين كل يوم يطلع قانون يديد وأوامر يديدة من الحاكم… اتوكلي على الله وسيري قدمي وكلها أرزاق …. وأحينه كل مرة تنزل قوانين تخدم المواطنات المتزوجات من الاجانب …. نحن بخير ونعمة الحمدلله….والله يوفقج يارب…

السلام عليكم اليوم كنت سمعت في الديوان يقولون المواطنه المتزوجة من وافد او خليجي لاتستحق بيت شعبي بس ارض سكنيه
ومثل ماقالو الخوات قدمي والله بيوفقج
 

اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه6

حــــــــــلووو لو يعطــــــــــــونهم بــــــــيوت ^_____^

الله يسهل امورج حبيبتي

السلام عليكم،، إذا أي وحدة تعرف رقمها ولا اسمها ولا كيف أتواصل وياها تخبرني ويزاكم الله خير،، محتايينها ضروري،، كنت قارية عنها فالجريدة إنها أول مواطنة تحصل ترخيص من وزارة الصحة بممارسة الحيامة،، الله ييسر أموكم ويفرج همومكم

حصلت رقمها بس للأسف ماتقدر تسير بوظبي ،، حد يعرف حرمة تسوي حيامة في بوظبي وعادي تي البيت ويزاكم الله خير بس أباها ضروووووري وفي أسرع وقت ولاتنسون من مشى في حاجة أخيه مشى الله في حاجته..

حبيبتى اعرف حرمة من الشارجة وتسير ابو ظبى وهى وايد ممتازة وشاطرة وايديها خفيفة ومحصلة شهادات ومتخصصة لو حابة اطرشلك رقمها واللة يوفقق

هل هي معروفة؟ لأني أبغي وحدة معروفة بخبرتها

هى خبرة ومحصلة شهادات من جامعة القاهرة ومتخصصةوكل عيلتى بتسوى لهم وبيكونواكتر من عشر حريم وهى وايد فنانة وتعقم ومابتقصر واختى حملت على يديها وهى تقرا قران وهى تحيم واستخارى ربك قبل ما تتصلى فيها

مشكورة أختي بس أنا أبغي وحدة معروفة مثل الوالدة موزة،، يزاج الله خير،، وأتريا باقي البنات

للرفع رفع الله قدركم

اللهم صلي على محمد

بنات أنا مطلقه. استلم من الشوون الاجتماعيه معاش الحمد الله ساتر حالي
والحين بزوج خليجي راتبه اقل عن 7000
ما يسوي شي ،،، فابا اعرف بيعطوني شوون اجتماعيه

وسمعت لازم الوحدة اتييب ولدين عقب بيعطونها هل هاشي صحيح

يعني نفتقر زياده عقب بيعطوناا

الله المستعان

اللي تعرف لا تبخل يزاكم الله خير

حسب علمي ان منحة الشؤن الاجتماعية سوف تقطع في حالة تغيير اي معلومات اخرى مثال ( الزواج او العمل او انك تحصلين راتب تقاعدي من اي جهه اخرى ) وسوف يتم معرفة ذلك من شهادة اثبات حالة التي تطلب من المحكمه .

لو تزوجتي خلاص بيقطعونها عنج بغض النظر شو جنسيه ريلج حتى ولو مواطن لانه عندج معيل ..

حاولي ادورين لج وظيفه والله ايسر امورنا

ع حسب الراتب وراتب رياح قليل فمااعتقد انهم يقطعونها

والله غناتي يا غناتي اتوقع ع حسب ظروفج يعني ما تشتغلين وعندج عيال وراتب هاليديد ما يكفي ما توقع تنقص لانه هذا حق لج من الدوله وكل ما اثبتي سوء حالتج وحايتج عندهم كل ما ققلتي فرص انه يتسببون بقطعها لانه شي منهن يتلاعنن فخلج شوي ذكيه لاتسكتين اسالي وتابعي وتعني الشوونه عوار راس ومذله في بعض الاماكن

انا اللي اعرفه اي وحدة تتزوج ما يعطونها سواء راتبه درهم ولا مليون ..

السلام عليكم

مبروك عليكم الشهر

بدخل ع الموضوع ع طول ..

بنات انا توني متخرجه من الثانويه وابي ادرس ابي اكمل دراستي انا بعدني صغيره ع الشغل رباعتي كلهم يكملون دراستهم وانا مب قادره لاني من ابناء المنواطنات عندي جواز دبي بدون جنسية بس عندي المرسوم قبل خواتي يوم كانو يصيحون لانهم ما بيدرسون كنت اقول ليش كل هذا بنشتغل وخلاص
ام ا الحين اصيح دم وانا اشوف رباعتي كلهم ف الكلية والله قلبي يتقطع ليش انا مب وياهم ..

بنات ابا اكمل دراستي يمكن انا ما كنت احب الدراسه بس الحين اعشق الدراسه

بنات احس اني محمومه وميته من الصياح احس اني بموت

ليش ما اقدر اكمل دراستي

انا مواطنة واهلي كلهم عندهم الجواز والجنسية بحكم القانون بس ابوي عنده جواز ومن حملة المرسوم
ليش ما يحق لي اكمل دراستي
ليش اضيع مستقبلي وع فكره ضروفي ما تسمح اني اكمل دراستي ف جامعات خاصة يعني لازم اتريه الجنسية

بنات انا منهاره بنات دخيلكم ادعولي ف هالشهر ان تنزل الجناسي عسب يقبلوني السمستر الثاني والله

مب قادره اتحمل اكثر ولا قادره اخبر حد اللي فخاطري لاني قضيتي محد يقدر يحلها غير الدوله
وبعدين ليش الدوله جي انا بنت البلاد كيف ما يحق لي ادرس ف الكليات الحكومية ,,
وع فكره قالولي جامعه الامارات تقبل ويوم قدمت قالو المواطنات اولى منكم يعني ماشي نصيب
ومو محصله شغل اضيع وقتي فيه بنات مسحيل حد يحس بأحساسي الا اذا كانشراتي ..

وااالله اني اموت ف اليوم 100000 مره دخيلكم اللي تقدر اتساعدني اتخبرني

واللي ماتقدر تدعيلي ..

والله يفرج هم المهمومين ..

والسموحه ع الاطاله ..

والله مالي غير الله وغيركم ..

الله يخلينا لبعض ..

الله يفرجها عليج يا رب وتحصلين لانج تستاهلين

فو فو

قدمي ع جامعة الامارات بيقبلون ج ع الفصل الثاني

موفقة

جامعة الامارات يقبلون الغاليه ع الفصل الثاني
ربيعتي قبلوها بس لازم تحشرينهم شوي

الله يفرجها عليج يا رب وتحصلين لانج تستاهلين

الله يفرجها عليج ان شاءالله وموفقه اختي ..

الله يفرجها وتحصلين على الجنيسه

السلام عليكم خواتي

ادري انكن ما بتقصرن في مشكلة اختي وصديقة عزيزة علي

هي مواطنة ومتزوجه وافد وعايشه مع اهلها ويا عيالها الاربعة

وما تعرف وين تسير او تتصل عسب

تقدم على بيت او ممكن انها تاخذ من الشؤون لان الحياة صارت صعبة جدا

خواتي اذا عندكم اي معلومة بسيطة خبروني عنها عسب اخبرها لانها تكسر الخاطر

واذا في امكانية تشتغل هي تبا لكن للاسف ما عندها غير شهادة اول ثانوي

ما اعرف شو اقول اكثر بس انتظر مساعدتكم لها

الله يعينها صراحة

ما أعرف جهات خاصة لكن أعتقد وزارة العمل والشئون الإجتماعية تهتم بهالسوالف

الله يفرجها عليها يارب ويوفقها

الله يحل مشكلتها إن شاء الله

صدق هذا موضوع يستحق البحث عن حل له

وايد مواطنات يعانن من هالمشكلة

الله يعينها
بس أختي حاولي تتصلون مكتب الشيخة فاطمة لرعاية شؤون المواطنات
وإن شاء الله تتوفق

اشكركن خواتي على رودودكن

والله لا يحرمني منكن

اختي alyazih ممكن تعطيني رقم المكتب

ويزاكم الله خير

واي وحده عنها اي اضافة ممكن تساعدنا فيه لا تبخل علينا ارجوكم

أختي ماعرفه
كان قبل يحطونه على بطاقة الكمبيوتر كرت
لي تشترينها من الدكان
أتصلي الإستعلامات ويمكن يفيدونج

وبعدين الشيخ محمد الله يطول عمره فاتح القصر يوم الأحد أو الأثين من كل أسبوع للمواطنين لي عنده شي يروح له

حبيبتي بعطيج رقم مكتب سمو الاميرة هيا مرت الشيخ محمد بن راشد وهي مابتقصر والله يسهل الامور … شوفي الخاص فديتج …

بليز ابغي وحده اترد علي وتفهمني ليش المواطن يوم يتزوج المواطنة ايكون تعامله وياها غير ويوم يتزوج الوافده ايكون مثل التيس معاكم معاكم عليكم عليكم ليش ها الكلام انا ما يبته من عقلي هذا من الواقع اللي اشوفه من ربيعاتي ومن خواتي ومن الجيران ومن اللي حوالي الصراح اا اتعقدت وما عندي ثقة بأي ريااال ما ابغي وحده تتفلسف واتقول لا الرياييل ما شاء الله عليهم قمة من الوفاء والاخلاص ممكن وحده اتفهمني السبب الغلط فينا احنا المواطنات عسب طيبات وينقص علينا او طبيعة البيئة اللي اتربينا فيها او شو موب عااارفة الدنيا صاكة فيني من الاشياء اللي اشوفها واسمعها عيل توها حميتي اتخبرني ان ريلها اللي متزوجنها من 15 سنة قالها انتي الطالعة من البيت والثانية هي الكل بالكل هل يعقل هذا الكلام الله ينتقم من كل ريال ما يخاف ربه فحرمته الرجاء اللي عندها رد ايغث لا ترد

انسي الموضوع ما بتستفيدين شي
انا تميت جيه اكل عمري واسمع الي حولي واقرا قصص الحريم الين ما مرضت نفسيا والحين اتعالج بالادويه والله
صدقيني كل انسان الله كاتبله حظه في الدنيا واهم شي الوحده تكون شخصيتها قويه
انا اهلي كلهم ولا واحد عرس على حرمته لا من خوالي ولا اعمامي ولا ابوي فديته بس كنت اقولهم كل الرياييل خونه وكلهم مامنهم امان
وريلي كنت اراقبه فكل شي وكل يوم ضرابه مع انه انسان بيتوتي ومن الشغل للبيت بس من الي كنت اقراه والوسواس كان يذبحني وما استفدت شي
ع العموم الريال الي تهون عليه العشره هاذا ما يستاهل الاحترام ولا له بالرجوله اي علاقه
والله يعينا احنا الحريم دوم مظلومات

عندهم اسلوب تتمسكن لحد ما تتمكن …….بس نحن ما انعرف انجامل ولانجاري ……..على طبيعتنا…دفشات نوعا ما

لانهم دفشات وملسونات هههههه

لاتزعلون السموحه

بصراحه ماعرف شو اقول بالضبط لان اللاسباب واايد انا بقول اللي اشوفه

الوافده مع احترامي للمواطنه عندها سلاح الدلع والدلال
المواطنه وايد تاخذ اللامور بجديه

الوافده واثقه من نفسها حتا لو كانت خسفه والريال يحب اللي تكون واثقه من عمرها

الوافده دوم اطنش وماعندها غيره ابدا حتا لو ريلها رمس غيرها اتم يالستله فالبيت وماتطلع لين يموت الريال
المواطنه علا كل شي اتعصب واتشك وتربع بيت اهلها وكل مشاكلها يعرفونها
المواطنه من اتيب اول ياهل تهمل عمرها واتم لاهيه باليهال وتهمل الزوج
وبعد طيبه واايد ويعرف يقردنها الزوج مو شرات الوافده اتم زعلانه لين ايبلها رضوتها
والوافدين عندهم اسلوب التقردين تعرف اتسايس امووورها
ممكن اتسمونه خبث ولا مكر لين توصل للي تبيه ودومها تتبزا
ودوم تكشخ وتتعدل ومحافضه علا جسمها

اعرف ان وااايدين بيزعلون من كلامي بس والله انا اقول البعض مو الكل ومن تجربه اللي حولي قيمت هالشي

فالسموووحه منكم لاتزعلوون بس خلنا واقعيين اكثر اذا تبون حل

أستغفر الله العلي العظيم

على حسب شخصية الزوج حبيبتي

مب كل واحد تزوج وافده عااش معاها متهني و مخلتنه خاتم في صبعها

و لا كل واحد تزوج مواطنه عااايش معاها في نكد

فديتج على حسب الريال في رياييل حتى ما يملي عينهم التراب

و في رياييل ما شاء الله عليهم قنوعين و راضين باللي عندهم

و يمكن اللي يشد الريال للوافده انها خجوله وقت اللزوم و جريئه وقت اللزوم و معظمهم (قنوعات) و (وأغلبهم) كلامهم عسل

بس ( معظم ) المواطنات يستحن من رياييلهم حتى لو بينهم عشرة سنييييييييين و (مب قنوعات ابدا الا من رحم ربي)
(و كلامهم سم)

و انا ما اقصد الكل والله وكل واحد فيه الزين و فيه الشين

السلام عليكم خواتي

سمعت من فترة ان المواطنة الي تأخذ غير مواطن ينسحب جوازها هل هالكلام صحيح؟؟

مع العلم ان كثار من أهلنا خذن خليجيين و لا انسحب جوازهن ولا شي؟؟

مع العلم ان وحدة من أهلنا تزوجت غير إماراتي من شهر و عادي

بس كثير اسمع هالرمسه من البنات؟؟

لا حبيبتي ما ينسحب جوازها

لا ما ينسحب

لا ماظني

ما اعتقد و ان شاء الله البنات اللي عندهم معلومات يفيدونج

ترا هذا الي نعرفه بس مادري الناس من وين تييب الرمسه

ماينسحب جوازها بس تنسحب كل حقوقها من الدولة في بيت وغيره وفي المحكمة يقولون لها هالشي

السلام عليكم ورحمة الله وبركاته

شحالكن خواتي؟ ان شاءالله بخير

عندي موضوع أبغي أناقشه وياكم واللي ابغي أناقشه وياكم شو رايكم من زواج المواطنة من عربي مسلم يعني مب أجنبي وطبعاً وضعنا وايد تغير عن قبل في الامارات وهالأيام كثر زواج الموطنات من الجنسية العربية سواء خليجي أو عربي وهل تشجعون هذا الزواج خاصة أن حال العربي أفضل من حال المواطن من ناحية المادية ، وكثرة ديون المواطن وأهتمامه بأشياء خارج إطار الزواج سواء سيارات وتزويدات وسفر ولعب وغيره

حبيبتي انا اللي اشوفه مافيها شي عادي >> من ترضون دينه وخلقه زوجوووه

يعني اهم شي الاخلااااق والدين

شوفي أنا عن نفسي امممم ما أؤيد واايد الخليجي .. بس مب مشكلة يعني
طبعاً أهم شي أخلاقه و دينه و من هالأمور
لكن العربي للأسف ما أؤيد بالمره .. تدرين العيال بعدين هم إلي راح يتورطون أكثر شي

الدنيا اتغيرت احينه حبيبتي

اهم شي يكون ريال و النعم فيه و ما يكون طمعان فيها

عيل اتم عانس و تحصل عمرها بين اربع طوف لا حد يسال عنها و لا تحس بضمه طفل

الوحده ما تاخذ الا نصيبها مواطن و لا غير مواطن

::

هو عادي لانه اهم شي الاخلاق والدين
بس مع القوانين اللي عايشين عليها احينه
الخليجي افضل من العربي ، ،
مع انه حتى الخليجي عليه سين وجيم
لانه من ضمن القوانين سحب الجنسيه الاماراتيه من المتزوجه بعربي او خليجي ان كان لايمد لها بصلة قرابه ( ويحلفونهم ع المصحف ف المحكمه بعد )
ينسب الابناء لأبائهم واذا صار خلاف بين الزوجين ضاعوا الابناء بين الام والاب والطامه انه بين الجنسيه بعد !
يعني الابناء مثلاً بيعيشون مع الام ف الامارات بيعاملونهم معاملة الوافد ( لاتقولون لا معاملة ابناء المواطنات ) هذا قبل هب احينه !!!

واايد فوارق الصراحه ، يعني اللي تخير بين اماراتي وخليجي او عربي ، افضل لها المواطن مع عيوبه ولا انها تتشتت مع عيالها اذا الله ماكتب الوفاق بينهم ف المستقبل

مثل ماقالت اختي ليوووول وأزيد على الكلام أن الله ماذكر فالقرآن عن الزواج من نفس الجنسية أهم شي الدين والأخلاق شو الفايدة وحدة تعيش مع واحد مايعرف ربه ولا عنده أخلاق ولا يهتم بأسرته اللي بتستفيد منه الأوراق يعني هي مزوجة أوراقه ! لكن اذا تزوجت واحد خلوق ويخاف ربه معناته تزوجته لشخصيته واخلاق ودينه والعيال بيعشون مع الام والابو يعني اسرة متماسكة لكن اجراءات الاوراق بدت تنحل شوي شوي لابناء المواطنات من ناحية التأمين والمدارس الحكومية والشغل وبعض ابناء المواطنات تجنسو
وبعدين الدنيا فانية والآخرة باقية واذا الله كتب لهم الجنه راح يكونون مع بعض فالجنة ان شاءالله

رقـم الفتوى : 20759
عنوان الفتوى : إذا جاءكم من ترضون دينه وخلقه فزوجوه
تاريخ الفتوى : 15 جمادي الثانية 1445 / 24-08-2017
السؤال
فتاة تريد الزواج وأمها توافق على ذلك إلا أن الوالد يرفض الزواج ويصر على أن تواصل الدراسة مع أن الذي خطبها مسلم وصاحب دين.

الفتوى

الحمد لله والصلاة والسلام على رسول الله وعلى آله وصحبه أما بعد:

فإنه لا يجوز لهذا الأب أن يرفض زواج ابنته ممن يُرضى دينه وخلقه بحجة إكمال الدراسة، ويعتبر هذا من العضل، وقد قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
والذي ننصح به الأخت السائلة أن تتلطف في إقناع والدها، وأن توسط له من يقنعه ممن له كلمة عنده، فإن أبى فيمكنها رفع أمرها إلى المحاكم الشرعية أو المراكز الإسلامية في حالة العيش في بلاد الكفر، وهم بدورهم إما أن يلزموا الأب بالقبول أو يحولوا الولاية إلى غيره.
والله أعلم.

المفتـــي: مركز الفتوى

وبختصار الراحة النفسية مع الزوج الخلوق والدين والأسرة المتماسكة أفضل من العيش في اسرة مفككة

سواء كان مواطن او عربي

السلام عليكم
ما عرفت وين احط موضوعي غير هني
ممكن اعرف كم راتب الممرضة المواطنة في اي مستشفى تابع لهيئة ابوظبي
ضرووري بليييز
وشكرا

للرفع |~

فووووووووووووووووووق

اللهم إني أسألك في صلاتي ودعائي . بركة تطهر بها قلبي، وتكشف بها كربي ، وتغفر بها ذنبي ، وتصلح بها أمري ، وتغني بها فقري ، وتذهب بها شري ، وتكشف بها همي وغمي، وتشفي بها سقمي ،
وتقضي بها ديني، وتجلو بها حزني ، وتجمع بها شملي ، وتبيض بها وجهي .

سبحان الله وبحمده …
سبحان الله العظيم …

هلا خوااااتي

اليوم اتصلت بالديوان على اساس أسال عن المستندات المطلوبة لزواج المواطنة من الوفد ( من الأهل)… قالولي اتصلي بالمحكمة لانه احن ما نعرف.. و بعدها على طول اتصلت المحكمة قالوا لي المستندات المطلوبة و سألت اذا احتاج كتاب من الديوان قالي لا ما يحتاي كتاب منهم..

يعني شو الحين … شو اسوي..ما اقدم على كتاب في الديوان حق الموافقة.. اللي اعرفه اللي ما تقدم على كتاب يسحبون عنها الجنسية لانها ما تقيدت بالقوانين …
خواتي بليييز … بليز اللي عندها حد في الديوان و لا يقدر يساعدني بها الموضوع لا يتردد..

يزاكم الله خير

يعني انتي الحين متزوجه من وافد ؟؟

الصراحه ما فهمت شو تبين بالضبط .. ان شاء البنات يفيدونج ..

أختي فديتج وضحي شويه شو تبين والله يوفقج …

انا مو متزوجة بعدني بس ابي اقدم على كتاب في الديوان
بس ما ادري كيف و شو مضمون الكتاب…
ابي حد يساعدني و يفهمني

ما فهمنا

للرفع