الوسم: الموظفه

مرحبا خواتي اختكم تبا المساعده لا تبخلوا علي من تجاربكم عندي وايد اسئله استحملوني ؟؟؟؟؟؟؟؟
كم مرة تشفطين؟
ومتي تشفطين؟
كيف تخزنين الحليب بعد الشفط .. كيف تعطينه الياهل بعد ما طلعينه من الثلجه
كم ملي الفروض ياخذها الياهل عمر شهرين….
بعد كم ساعه تغيرين الحفاظ يوتغيرين شو يكون عندج حق التنظيف يعني خطوات التنظيف
شو تشربين من اعشاب حق تنظيف الرحم من الدم
شو تشربين عشان يستوي لج حليب

اخيرا شو اخبار الكرشه؟؟؟؟؟؟؟؟؟؟

انا اعرف وايد اسالتي ما لازم اتجاوبوا على الكل ايي سؤال جاوبوا عليه

up up

ان شاءالله الخوات يفيدنج

إن شاء الله البنات يفيدونج

نصيحتي لي انظف شي البيبي يوم اتغيرين البامبرز الغسيل يعني لا تستخدمين الكلينكس
والياهل يحتاج يرضع تقريبا كل ساعتين والحليب كمية مراضيع الاصغيره اتكفيه
وشي جهاز اللي يسخن الحليب ويخلي حليب نفس درجة حرارة الحليب اللي بصدر الام
اتمنى اكون افدتج بمعلوماتي البسيطه وادعي الله يسهل علي واربي بسهاله

اول شي الحمدلله ع سلامتج يالغلا ..

وانا ولدي فالشيشه بعده وما ارضعه بعدني بس لازم اشفط له ..
وانصحج خذي آله الشفط اسهل واريح
انا خذتها من بيبي شوب ب1400 اتوقع بس فنانه ..
ولازم تشفطين اقل شي كل 3 ساعات .. عسب ما يخلص الحليب
وقبل ماتشفطين هاتي فوطه حااااره وحطيها ع صدرج وحاولي تسوين مساج للصدر عسب ايي الحليب <<< هاي نصايح دكتورتي .. وانا اسوي جيه والحمدلله اوكيه ..

والاشيا اللي اتييب الحليب ما اعرفها بس الحليب الفرش والاشيا الحاره وجيه
واللي يقولون الحلبه تراها ماتسوي شي ..
تمتن بس ><
ربيعتي تقول انا ما يخصني خخخخ

والحليب تحطينه فالفريزر .. وعادي مايخترب حتى لو تم 3 شهور واذا حطيتيه تحت فالثلاجه مايخترب 5 ايام << هاي الدكتوره تقول خخخخخ

وعاد كيف تعطينه الحليب للاسف ما اعرف ..
انا اودي الحليب وهو مثلج وهم يتصرفون فيه ..
واللي عمرهم شهرين لازم تعطينه وايد و دووم يعني 120 مل اتوقع ..

وعن الحفاظ لازم كل 3 ساعات تبدليه احسن .. وحاولي تخليه بدون حفااااظ ..
وانصحج استخدمي هاجيز .. وايد ممتاز ..
انا فبنتي جربت كل الانواع واحسن شي حسيته هاجيز ..

وحق تنظيف الرحم وايد اشيا بس اذا خلصتي من الاربعين خلاص احس ماينفع تشربين شي ..
الا لما اتييج الدوره ..
بس اذا بعدج فالاربعين مول مول لا تشربين بارد ولا تاكلين عيش <<< هذيل يطلعون الكرووووشه

وبعد لا تاكلين حوامض .. واشيا فيها لزوجه
واشربي الحبه الحمرا والينسون والاعشاب وهالسوالف ..
وسوي رياضه واربطي بطنج ..
واذا توج مربيه هاتي وحده تمسحج وايد اوكيه ..
بيرتاح جسمج ..

وعن الكروشه قلتلج .. خخخ
بس اهم شي اهتمي من البدايه .. عقب صعب تردين جسمج اذا اهملتيه ..

والسموحه فديتج واي استفسار انا موجوده ..
ودعواتج لولدي يطلع بالسلامه واجوفه فحظني ^^

ان شاء الله البنات يفيدونج

السلام عليكم
انا مربيه من شهر و يتني خدامة علما ان باقي عن اجازتي شهر ابي اعرف كيف اخلي ولدي عند الخدامة بصراحة ما امن عليها مع انها فلبينيه ومسلمة كل وحدة تخبرني عن خبرتها

بعد ابي اعرف كيف يرضع البيبي حليب صناعي و شو احسن حليب ابيها تتعلم ترضعه وانا في الدوام

مهما كان اختي في النهاية هاي غريبة وقلبها ما بيحرقها على عيال الناس
مسلمة مب مسلمة ما يفرق كلهم نفس الشي
بس الواحد لو مب مضطر ما بيستعين بهم

لازم تخلينها جدام عينج تشوف الياهل وتشله وتتعود عليه لين ما انتي وياها تشوفينها كيف تبدله وكيف ترضعه وكيف ترقده وتشله
ولازم تحطين في بالج ان الوقت اللي انتي مب موجوده فيه و ولدج واعي شغل ييتج احتمال ما يخلص
المفروض جيه تسوين
تقولين حق خدامتج طول ما البيبي واعي انتي ماتسوين ولا شي بس تجابلينه
ولا الخدم عادي عندهم بيهملون الياهل على حساب شغلهم يخلص ويفتكون وما يتراكم عليهم

واحسن شي الفترة الاولى يوم بتداومين ماتخلينها بروحها في البيت ويا الصغيروني
نزليها بيت امج اختج عمتج المهم ما تكون بروحها لين فترة بس لأنها توها يديده وأنا لو مكانج ما بأمنها بصراحه

بالنسبة للحليب أنا أستعمل حليب اسمه SMA بس موجود في سبنيس وأحسه من أخف أنواع الحليب اللي استعملتهم حق كل عيالي وارتاحوا عليه ومب ثجيل شرات السيميلاك

شوفي باقي الخوات بعد شو بيشورون عليج واستخيري

ربي يحفظج ويوفقج

1- الحين قومي اشتري كاميرات مراقبة و حطي ف كل البيت
2- دامج موظفة ما عندج غير حلييين يا تخلينه ف الحضانة او عند الخدامة
( لو ميزانيتج تساعد ليش ما تودين البيبي الحضانات ،، في حضانات حكومية تابعة لوزارة التربية و التعليم و اللي يشتغلون فيهم مواطنات و خلي البشكارة لشغل البيت .. انا وحدة ما أمن ع الخدامة و احب الحضانة اكثر لان مكان حكومي و مواطنات يعني بنات بلادي و فيه رقابة )
3- لو ما عندج حل غير الخدامة خلي كيمرات و حاولي تعودين الخدامة تساعدج من الحين شوي شوي عليها ،، ولا تقسين عليها لانج لازم تذكرين ان عيالج عندها

اختي لا تحطينها عند الشغالة ابدا ابدا ، اللي عندنا من ١٠ سنوات ما نأمن عليهم كيف هاي ياتج من شهر و ما تعرفين خيرها من شرها ، وش دراج شو بتسوي في البيبي في غيابج بتهمله ولا بتخليه يصيح عقب تفتكر فيه و لا اشياء ثانيه انتي تعرفينها اكيد ، بتقولين شو اسوي عيل ، بقلج الحل انج تخلين البيبي عند حد مقرب امج او عمتج و اذا تعذر ، وديها حضااااااااانة موثوقة ، لااا للخادمة لا للخادمة لا للخادمة ، الشغاله للتنظيف و المطبخ فقط

اذا تقدرين ودي الخدامه والبيبي عند امج او ام ريلج ابرك

كيف بترومين اتداومين وانتي تحاتين البيبي طول الوقت

اختي انا مثلج و عندي اثنين ما شالله واحد في الحضانه 3 سنين عمره و واحد عند البشكاره العمر 6 شهور و لكن … اهم شي عند امي لانه رضيع و ما يتكلم فالبشكاره مع الشغير عند الوالده الله يطول بعمرها
بالنشبة اذا اهلج بعيد ركبي كاميرات و خبري البشكاره انج مركبه كاميرات عساس تخاف و تحس بالمراقبه هاي نصيحه من الاعماق
و لكن اذا ما خبرتيها و خليتي الكاميرات بالدز شو الفايده بتعورين قلبج لو لا سمح لله الشغاله سوت شي فالاحسن تعرف انه في كاميرات

ربيعتي كانت مسوية كاميرات و ما خبرت بشكارتها و البشكاره ضربت ابنها انزين انتي لو مخبره البشكاره على الكانيرات ما كانت بتتجرا صح ولا لا؟

فالحل الحضانه او الوالده او الكاميرات انتبهي ثم انتبهي تخلينه بروحه مع البشكاره بدون رقابه

اذا عندكم حضانة في الدوام وديه وياج ..

أو خليه عند امج أو عمتج و الخدامة تكون موجودة .. بس انج تخلينه بروحه ويا الخدامة ما أايد أبدا .. و ولدج اهم من الدوام اذا ما حصلتي حد ييلس عنده استقيلي ..

لانه الكيمرات ما منها فايدة انتي ما بتحطين في كل زاوية و في كل مكان .. تقدر تطلع في الحوي أو تنخش في الحمام .. كل شي ممكن يسوونه ..

والله يحفظ ولدج ان شالله ..

السلام عليكم
هالسؤال وايد يحيرني اذا انتي توج والده و ترضعين كيف ترضعين الياهل فترة الدوام يعني انا ما ابا ارضع الياهل حليب صناعي و مستحيل الياهل يصبر من الصبح الى 3 الظهر
وايد احاتي هالسالفة و اخاف لو عطيته صناعي فترة الصبح يتعود عالصناعي و يرفض الطبيعي

many people go to work then leave for an hour around 12 ( to feed the baby) then leave early again, but im not sure.

ابا حل عملي ما يأثر عالدوام ولا على البيبي

وانا بعد احاتي هالموضوع لأ،ه وراي كلية

ما ادري اذا ينفع نشفط حليب من الصدر في مرضعه و بعدين نحطه فالثلاجه و وقت الرضعه يسخنونه او يحطون المرضعه في ماي حار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وكت البريك روحي رضعيه…
او شفطي حليب وخليه اذا يبي حليب يعطونه…

امكن البنات بعد ايفدونج…

السلام عليكم ،،

شحالكم خواتي ؟؟؟

اكيد شي وايدات مثلي … بس مادري ليش المعاش عندي ما يعيش !! مع اني بنيه في بيت هلي و ريلي يعطيني مصروف لأني مالجه

راتبي كله لعمري و بعد ما يتملي شي !! و لا احس اني يمعتلي شي يسوى حتى الحين !

واكتشف انه نص الاشيا الي صرفت فيها فاضيه و مالها معني ! كلها كماليات !

أبا كل وحده تخبرني كيف تنظم مصارفيها بليييز ضروووري، عطوني نصايحكم فديتكم

سوي لج حساب توفير و كل شهر حولي مبلغ و بدون ما تحسين بتشوفين انج يمعتي مبلغ زين

يعني ربع الراتب اعطيه الاهل والباجي حقي انا مثلج وبحاجه لنصيحه دوم ربيعاتي يقولون انتي مبذره ووايد تصرفين والله العالم كم حاولت ايمع بيزات ولكن ع اخر الشهر الي يمعته كله يطيير ّّّّّّّّّّّّ!!!! شو الحل وكيف نقدر انيمع بيزات لوقت الحايه !!!!

ماعندي راتب لين الحين بس ان شاء الله قريب وبقولج اش بسوي فيه او كيف بصرفه^^

اول شي قبل ما تقسمين راتبج لازززم تواجعين نفسج

هل انتي مبذرة صرافة تحبين الشوووبينق !!!!

انا شراتج عقب غيرت نفسي قمت ما اسير المولات و الاسواق الا يعني مرة ف الشهر اتسوق وقت الحاجة +++ انا من النوع اللي 24 ساعه احب الافلام و السينما يعني وايد اصرف ع التذاكر و الاكل و حتى ع اللي وياي ادفع لهم هههههه

بالنسبة لراتبي

2024 لمصروف البيت احطه ف ظروف و اعطيه للوالدة او للوالد يعني هدية لهم
3000 مصروف الشهري ( يكون رصيد و بترول و حتى الشوبينق من ها المبلغ )
1000-2017 درهم ( اصرفه ع جمالي يعني ادلع عمري مساج / فيشل / بدكير / ليزر / اسنان / مراجعة عيادة )

طبعا لا تنسين باجي راتبي ينصرف ف عدة حالات:

1- يوم يكون عندي عرس اصرف ع اللبس و الكشخه
2- لسوالف تأمين السيارة و المخالفات <<< راتبي طار عليهم خخخخخخخ
3- ف الاعياد يعني عيد الفطر و الاضحى

انتبهي لعدة نقاط:

1- خفي ظهراتج و رووحاتج للشوبينق الا كل جمعة يكون اوبن ديى اظهري ، ولا تدخلين المحلات انتبهي تروحين مثلا لو حالة بتسيرين السينما ولا عندج غرض معين
يعني نحن ندخل المول لشي و نشتري مليون الف شي انتبهي لهاي النقطة .

2- انتبهي من سوالف المخالفات يعني ف السنة انا دافعة 5000 لو مخلتنهم لشي ينفعني احسن

3- لا تشترين شي و انتي مب محتاجته

4- اصلا ما بترومين تسوي لج جدول قبل ما تنظمين حياتج ~ من ناحية اللبس و حتى الاكل و كل شي

5- بالتوفيق