الوسم: الاربعين

باجر ان شاء الله بظهر من الاربعين .اقتراحتكم يا حلوات

مثل ما قريتوا العنوان خواتى…….ابغى اقتراحاتكم لانى فترة الحمل مول ماكان لى مزاج
للاهتمام بنفسى…فحابه ادلـع عمرى شوى…
بانتظار افكاركم عزيزاتى..

سيري سوي سكراب حق جسمج والافضل انج تسوين حمام مغربي …غيري قصة شعرج وصبغيه …سوي فيشل وتنظيف للبشره …. سيري اشتريلج كم قميص نوم حلوات …. اشتريلج بدل و اطقم عبي وشيل وجواتي ومن هالاشياء … واشتري ميك اب وحاول اتغيرين طريقه وضع الميك اب عشاب تكونين نيو لوك خليجية

وبس انا هذا الي انشالله بسويه

هلا الغاليه

نفس كلام اختى كرررووزة

خليجية

تسلمييييييييين اختى كرررووزة ع الاقتراحات الحلوه و على سرعة الرد.

وتسلمييييييين اختى بلاك كات ع المرور

اولا مبروك اختى

طبعاً بعد الاربعين عندج وااايد امور اتسوينها مثل …. غيري من قصة شعرج ولونه … الحناء … حمام مغربي وشل شعر الجسم كل …. بديكير ومانيكر وسوي تنظيف البشرة …. واهم شي قميص نوم حلووو

الله يبارك فيج اختى زهرة السوسن
وتسلمييييييييين ع الاقتراحات

خليجية المشاركة الأصلية كتبت بواسطة كرررووزة خليجية
سيري سوي سكراب حق جسمج والافضل انج تسوين حمام مغربي …غيري قصة شعرج وصبغيه …سوي فيشل وتنظيف للبشره …. سيري اشتريلج كم قميص نوم حلوات …. اشتريلج بدل و اطقم عبي وشيل وجواتي ومن هالاشياء … واشتري ميك اب وحاول اتغيرين طريقه وضع الميك اب عشاب تكونين نيو لوك خليجية

وبس انا هذا الي انشالله بسويه

نفس الكلام كنت بقوه

الموظفه إلي تشفط لطفلها تدخل بليز – ولي توها مخلصه الاربعين بعد تدخل

خليجية
مرحبا خواتي اختكم تبا المساعده لا تبخلوا علي من تجاربكم عندي وايد اسئله استحملوني ؟؟؟؟؟؟؟؟
كم مرة تشفطين؟
ومتي تشفطين؟
كيف تخزنين الحليب بعد الشفط .. كيف تعطينه الياهل بعد ما طلعينه من الثلجه
كم ملي الفروض ياخذها الياهل عمر شهرين….
بعد كم ساعه تغيرين الحفاظ يوتغيرين شو يكون عندج حق التنظيف يعني خطوات التنظيف
شو تشربين من اعشاب حق تنظيف الرحم من الدم
شو تشربين عشان يستوي لج حليب

اخيرا شو اخبار الكرشه؟؟؟؟؟؟؟؟؟؟

انا اعرف وايد اسالتي ما لازم اتجاوبوا على الكل ايي سؤال جاوبوا عليه

up up

ان شاءالله الخوات يفيدنج

إن شاء الله البنات يفيدونج

نصيحتي لي انظف شي البيبي يوم اتغيرين البامبرز الغسيل يعني لا تستخدمين الكلينكس
والياهل يحتاج يرضع تقريبا كل ساعتين والحليب كمية مراضيع الاصغيره اتكفيه
وشي جهاز اللي يسخن الحليب ويخلي حليب نفس درجة حرارة الحليب اللي بصدر الام
اتمنى اكون افدتج بمعلوماتي البسيطه وادعي الله يسهل علي واربي بسهاله

اول شي الحمدلله ع سلامتج يالغلا ..

وانا ولدي فالشيشه بعده وما ارضعه بعدني بس لازم اشفط له ..
وانصحج خذي آله الشفط اسهل واريح
انا خذتها من بيبي شوب ب1400 اتوقع بس فنانه ..
ولازم تشفطين اقل شي كل 3 ساعات .. عسب ما يخلص الحليب
وقبل ماتشفطين هاتي فوطه حااااره وحطيها ع صدرج وحاولي تسوين مساج للصدر عسب ايي الحليب <<< هاي نصايح دكتورتي .. وانا اسوي جيه والحمدلله اوكيه ..

والاشيا اللي اتييب الحليب ما اعرفها بس الحليب الفرش والاشيا الحاره وجيه
واللي يقولون الحلبه تراها ماتسوي شي ..
تمتن بس ><
ربيعتي تقول انا ما يخصني خخخخ

والحليب تحطينه فالفريزر .. وعادي مايخترب حتى لو تم 3 شهور واذا حطيتيه تحت فالثلاجه مايخترب 5 ايام << هاي الدكتوره تقول خخخخخ

وعاد كيف تعطينه الحليب للاسف ما اعرف ..
انا اودي الحليب وهو مثلج وهم يتصرفون فيه ..
واللي عمرهم شهرين لازم تعطينه وايد و دووم يعني 120 مل اتوقع ..

وعن الحفاظ لازم كل 3 ساعات تبدليه احسن .. وحاولي تخليه بدون حفااااظ ..
وانصحج استخدمي هاجيز .. وايد ممتاز ..
انا فبنتي جربت كل الانواع واحسن شي حسيته هاجيز ..

وحق تنظيف الرحم وايد اشيا بس اذا خلصتي من الاربعين خلاص احس ماينفع تشربين شي ..
الا لما اتييج الدوره ..
بس اذا بعدج فالاربعين مول مول لا تشربين بارد ولا تاكلين عيش <<< هذيل يطلعون الكرووووشه

وبعد لا تاكلين حوامض .. واشيا فيها لزوجه
واشربي الحبه الحمرا والينسون والاعشاب وهالسوالف ..
وسوي رياضه واربطي بطنج ..
واذا توج مربيه هاتي وحده تمسحج وايد اوكيه ..
بيرتاح جسمج ..

وعن الكروشه قلتلج .. خخخ
بس اهم شي اهتمي من البدايه .. عقب صعب تردين جسمج اذا اهملتيه ..

والسموحه فديتج واي استفسار انا موجوده ..
ودعواتج لولدي يطلع بالسلامه واجوفه فحظني ^^

ان شاء الله البنات يفيدونج

هذا اول بيبي لي وريلي مب راضي يخليني ايلس في بيت اهلي فالاربعين

مرحبا بنات .
شو اخباركم..
طبعا الموضوع باين من عنوانه..
انا حامل حاليا وبربي باذن الله خلال شهر ونص…
وريلي مب راضي ايلس عند اهلي في فترة الاربعين بسبب مشاكل جديمه بينه وبين اهلي وحاليا علاقتهم شبه مقطوعه..
وانا طبعا بكون وايد محتاجتنهم في فترة الاربعين.. خصوصا اني موول ما اعرف للصغارية .. حتى ما اعرف اشلهم.. حاولت وياه واايد بس هو معاااند ومب طايع ابدا..
ويقول لو تنطبق السما على الارض ما بتسيرين بيت اهلج في فترة الاربعين..

والمصيبه العودة ان امي ما تعرف اني مب يالسة عندها.. ولو درت بتزعل وااايد وااايد وانا ما يهون عليي زعلها…

انا فعلا في ورطة,, مب عارفها كيف اطلع منها…
دعواتكم لي الله يسخر لي ويهديه ويقتنع… عشان افتك من العذاب..

10 ايام يكفيج

ربي يهدييه ويسخرة لج..

ربي يقومج بالسلاامة..

حبيبتي هذا ريلج وملزوومة اطيعيينه بكل شي..

حاولي اتكلمييه بهدووء ففترة يكوون راايق فييها ..

وقوولييلة هشي لمصلحة البيبي…

وربي بيهدييه..

لا اله الا الله محمد رسول الله
لا حول و لا قوة الا بالله

امممم احس عادي امج بتتفهم الامر لاتقوليله ريلج مايباااج تيلسين قوليلهاا ان انتي ماتبين تثجلين عليهم واريحلهم تيلسين في بيت اهلج .. وتراها بتكون وياج في المستشفى وبتساعدج

السلام عليكم ..

لا إله إلا الله ..

غـــــــاليتي أكثـــــــــري من الإستغفار وقيام الليـــــــــل ..

وبإذنهـ تعالى بيلين قلبهـ وبيخليج بيت أهلج فترة الاربعيـــن ^_*

الله يهديه ان شاء الله

الدورة عقب الاربعين

عادي ما تيي الدورة عقب الاربيعين ولا ؟؟

اليوم مكمله 53 يوم وما يت عادي؟؟

هي حبيبيتي عادي اذا ترضعين طبيعي^^

انزين اذا استوا الجماع في هالايام عادي يستوي حمل ولا ؟

عادي انا يتني بعد سبع شهووووووووور

الحمل يستوي بعد …. بس مب دايما افحصي اذا شاكه ** الله يعينج

هي حبيبيتي عادي اذا ترضعين طبيعي^^

لا لين اليوم ما استوا جماع بس اسال

تجاربكم ونصايحكم فالاربعين

السلام عليكم ورحمة الله وبركاته

أشكالكم الغوالي

خواتي انصحوني بعد الولاده شو اشرب وشو أسوي عشان احافظ على نفسي

ف ولادتي الاولى الدم وقف عندي قبل العشرين يوم لأَنِّي ماكنت اشرب اي شي دافئ او احافظ على نفسي من الخراب وغيره

دخيلكم انصحوني كيف اهتم ف نفسي هالمره
وهل اذا اطهرت بسرعه قبل الأربعين معناها ان الدم متجمد او شو السالفه

ولا رد&#55357;&#56873;

طيب ارفعو الموضوع ع الأقل ولكم دعوه من اخت محتاجه نصائحكم

فديتج مايخصه الدم اذا 20 يوم او اسبوعين او 40 معناته تنظف او لا كل وحده حسب طبيعه جسمها فديتج انا مثلا مثلج اقل من 40 ف عيالي حد 20 وحد منهم اسبوعين المهم انا احط حصى على بطني انترلوك حار والفه بفوطه منها يرجع جسمج شرات ماكان مرتب ومنها ينزل الوصاخه لو في وطبعا لاتنسين اشربي الحبه الحمرا وهالسوالف مفيده وكثري من الماي الدافي وادعيلي الله يسهل علي لاني دخل شهري دعواتج

فديتج قصايد يزاج الله خير ع الرد

ربي يسهل عليج وتكون ولاده سهله وانا وياج يارب

– اهم شي تنشفين المنطقة بطريقه خفيفة و لازم تلبسين شب شب ف البيت
– لا تتحركين وايد عسب ما تخترب الخياطة
– حطي كريمات شرات ميبو و اي شي تعطيج الدكتورة عسب تبرى المنطقة
– المشد للبطن فقط
– مشروبات دافيه
– اتركي العيش ف ها الفترة
– اشربي ماي
– المشروبات الدافئة مب عاد تاكلين سويتات دافية و تقولين زينه لي ذكرتيني بربيعتي تاكل ام علي و هو دافي ههههههههه ولا تنسين الشوربة

البنات ماقصرو
حبيت اضيف شي .. اشربي ماي واااااايد لأنه مفيد لج وللبيبي
والمشد تمي عليه ودفي نفسج دووم
والله يسهل هالفتره عليج ياررب

حرمه تمسح من العين فترة الاربعين

خليجية

خواتي بغيت حرمه تمسحني بعد الولاده

يعني بعد رباااااي من العين اللي

تعرف بليز اطرش لي رقمها عالخااااص

خليجية

خليجية

خليجية

تسلمين الغاليهـ عالمرور
والله يعطيج العافيهـ

بناااات العين وينكم؟؟
افااااااااااا

للرفع

ان شاء الله يساعدونج الخوات
ماعندي فكره والله … انا من دبي

حبيت ارفع لج الموضوع

تسلمووون الغاليات عالمرور

موفقه يا الغلا

فترة الاربعين

حبايبي هذا اول حمل الي والحمدلله ربيت بقيصريه وكملت شهر انا اللي اعرفه انه فالاربعين اول شي ينزل دم وعقب افرازات صفرا وعقب بيضا وعقب تنزل دوره حبيت اسالكن متى الريال يقدر يجامع حرمته؟؟؟؟؟؟؟الدكتوره تقول عادي وقت الافرازات الصفرا بس الاهل يقولون لازم بعد الافرازات البيضا او عقب الدوره شو الصح؟؟؟؟؟؟؟؟؟

ما عندي علم ان شاء الله البنات يساعدونج

اختي شوفي الرابط

ان شاء الله ستفيدين

https://www.islamtoday.net/questions/….cfm?id=109514

للرفع

نفس السؤال بس انا بعدني ما كملت 15 يوم حتى.

مشكووووووووووووووووووووووووره الغاليه ام الجمال1 و****لله كل الخوات يستفيدون

منو تعرف حرمه تسوي مساج في الاربعين ياريت لو تكون من عيمان او الشارجة ضروري

السلام عليكم ….
خواتي منو تعرف وحده اتي البيت تسوي مساج في الاربعين ياريت لو اتكون من عيمان او الشارجه انا بربي جريب سووو فيني خير خليجية
متوهقة بعدني ما حصلت حد ابا وحده شاطره تعرف تسوي مساج وعقب تربط البطن في النفاس

أختي غلط تربطي بطنج ..سوي تمارين شد البطن والجسم بعد الولادة وبإذن الله تتخلصي من البطن والترهل

ان اء الله البنات بفيدونك

للرفع

انا بربي جريب بعد وابا وحده تسويلي

سبحان الله وبحمده
للرف

خليجية المشاركة الأصلية كتبت بواسطة college girl خليجية
انا بربي جريب بعد وابا وحده تسويلي

بس ضروري تمارين الشد لإزالة الترهل

فترة الاربعين بعد الولاده ,, تطلعين فيها ؟؟

السلام عليكم ..

يتني فكرة هالموضوع وقلت بحطه :1 (19): ..
الله يسلمكم ,, ف فترة الاربعين ( اللي تلوع بالجبد ) .. كم تكملين وتطلعين م البيت ؟؟
يا ليت كل وحده تقول تجربتها ,, وتذكر كم عندها اصلا يهال ..
لانه اعتقد اللي تكون بجر (بكر ) اتم فتره اطول ف الاربعين ,, غير عن اللي عندها قبل يهال

يا ليت كل وحده تذكر تجربتها ..

انا صراحه عندي بنت بس وعمرها الحين 10 شهور فديتها ,, كانت فترة الاربعين مأساه عندي خليجية كلها صياح وكآبه ,, كنت وايد مكتئبه وما ابغي ارضع بنتي ولا ابغي اسمع صياحها .. الله لا يرد ذيج الايام والله لا يبلي حد ..
وما طلعت م البيت الا يوم كملت شهر سرت بوظبي اغير جو ما ادري كيف رضا ريلي بس لأنه نفسيتي كانت تعبانه ورحت وي اهلي ,, وعرس اخوي ما حضرته خليجية كنت بعدني مش مكمله الاربعين وريلي ما طاع ,, قال الناس بياكلونج ما في داعي تروحين ,, وفعلا ما سرت مع اني زعلت من ريلي وااايد كنت ابغي احضر ,, بس بعدها فكرت بكلامه وشفته صح خصوصا العرس كان ف ام قيوين ودرب وحاله يعني تعب ..
عقب ما كملت اربعين يوم بالضبط رديت بيتي وعشت حياتي بشكل طبيعي :1 (19):

يالله قولوا تجاربكم ..

كانت فترة الاربعين مأساه عندي كلها صياح وكآبه ,, كنت وايد مكتئبه وما ابغي ارضع بنتي ولا ابغي اسمع صياحها .. الله لا يرد ذيج الايام والله لا يبلي حد ..

الا مثلج انا
بس من ناحية الطلعه
من ثاني يوم ولاده اسير بيت اهليه
لان ماعندي خدامه وانا زوجه ثانيه واخاف ابات فالفيلا برووحي وساكنينها قريب وماشي عدالنا عرب
فيوميا اروح لاهلي وهو راد البيت يمر علينا نرجع معاه البيت

حبيبتي dnyailwalah .. تسلمين ع الرد ..
يحليلج يعني عانيتي مثلي .. ان شاء الله ما تعانين من هالشي مره ثانيه ..

ووين تجارب الباجيين ؟؟ ولا ما عيبكم سؤالي خليجية

أنا اول ياهل طلعت من مستشفى الوصل على طول لبيت أهلي وكملت 45 يوم وبعدين اتحولت لبيتي اليديد ؟؟؟؟وكنت اروح في فترة الاربعين لكارفور عسب اشتري اغراض للبيت اليديد وما انسى كنت ازور العيادات بشكل مستمر .

ما أعتقد حد سواها مثلي .. انا حطمت الرقم القياسي ويلست عند أهلي 3 شهور:1 (8):

اول اسبوعين ما طلعت من البيت يمكن مرة رحت المستشفى عندي مراجعة بعد الاسبوعين

كنت اطلع مرات بسيطة يعني مرة او مرتين بالاسبوع اروح الجمعية او بيبي شوب

وللعلم كنت أول مرة اولد ..:1 (19):

يوم ربيت بالبجر كنت مثلج يتني حالة من الكآبة والنفسية كانت زفت رغم اني كنت في بيت اهلي بالمولود الثاني والثالث كنت كل ما نفسيتي تتعب اظهر اتحوط لو ما انزل من السيارة بس اتعشى برع او في السيارة لقيت نفسي احسن والحمدالله ….
اختي كنت اضحك يوم تقولي الدكتورة مارسي التمارين الرياضيه عقب الولاده لانها تحسن من النفسيه
رغم اني رياضية لكن فعلا اتريح الاعصاب …واتخليج ترتاحين شويه الله يعينج يا الغالية فترة وبتروح على خير

احنا الصراحه ماعندنا سالفة الاربعين فالدوحه

يعني ما اذكر ان في وحده عندنا بعد ماربت راحت بيت اهلها 40 يوم

بس ممكن سؤال ؟

هاي الاربعين تعتبر من العادات او من الشرع ؟

يعني لازم يصير ولا مب شرط ..

لان اختي يوم جابت او ياهل كان قبل عرس اخوي باسبوعين

نفس اختي um_khawaly

بس عادي راحت العرس !

الافرازات الصفرا في الاربعين

خواتي لو سمحتن انا كملت شهر من ربيت والدم وقف من فترة وتنزل مني افرازات صفرا ومرات احس ان فيها ريحة

ابغي اعرف اذا عااادي استخدم تحاميل او غيرة

وياليت تقولون شو احط او شو نوع التحاميل

تحميلة كانستين تتيج داخل العلبة حبة وحدة وهي مفعولها يتم لمدة اسبوع بس في حال الالتهابات الشديدة هاي التحميلة ماتذوب فممكن تستخدمين انواع تحاميل ثانية اللي تكون يومية وشي بعد كريمات تنحط بانبوب واحسن تراجعين الدكتورة سوي تحليل ومزرعة للافرازات وتكتبلج الدوا المناسب

مشكورات خواتي على الرد

بس عااادي الوحدة تحط تحاميل وهي في الاربعين