[SIZE="5"]صبحكم الله بالخير /مساكم الله بالنور
شخباركم يابنات الحمله :
الحمله :
طفله الامارات
مريم
ام زيود
ام شهد
صمت الجفون
وميض الجنه
أحب طفولته
قطوه86
مزون
درر البحر
megastore
Rosewater
مشتاقه
بنت الاقصي
RoYal GirL
حلى دنياي
Soul Life
أسرار المحيط
شيخه بمعانيها
السيده الحلوه
سوبر جامعيه
شموعـ العمر
أم شوق وعزوز
فطامي89
بدر البدور
اخت بوحميد
نبضه
دلوعه بن جتب
اليوم هو 1/2/2017 اول يوم في حملتنا ابا كل وحده في الحمله توقف جدام التسريحه مال غرفتها وتقول ياانا يامشاكلي خخخخ خلاص اليوم لازم نجتهد نشد الهمه ونركز في الموضوع المهم وهو نحقق اهدافنا نهايه الحمله اول شي نظرا لانه كل وحده عندها ظروفها مرات ماتقدر تسوي كل شي بنفس وقتنا رتبنا الجدول ل3 مجموعات
المجموعه الاولي:مجموعه البنات اللى مب مزوجات والله ماعندهم لاريل ولا شغل وبعد ضمينا لنا البنات المالجات والمخطوبات(عقبالنا خخخخخخ)وهم:
طفله الامارات
مريم
ام زيود
أحب طفولته
قطوه86
مزون
درر البحر
مشتاقه
( ضمينا اختناR oYal GirL لانه مانعرف اذا مزوجه ولا لانها ماكتبت معلوماتها
حلى دنياي بعد ضميناها لانه ماكتبت بياناتها
أسرار المحيط
سوبر جامعيه
شموعـ العمر
فطامي89
بدر البدور
نبضه
دلوعه بن جتب
المجموعه الثانيه :
مجموعه البنات اللى يدرسن وماعندهم وقت اقصد وقتهم ضيج بس الخميس والجمعه والسبت
شيخه بمعانيها
وميض الجنه
المجموعه الثالثه :
حريم الحمله خخخ الحريم المعرسات وتبا تشارك بس وقتهم يوم ريلهم محد لانه لو موجود مستحيل تحطي جدام بو الشباب خخخخخخخخ
ام شهد
صمت الجفون
بنت الاقصي
ام شوق وعزوز
بدر البدور
السيده الحلوه
Rosewater
megastore
soul life
والحين ياحلوات بحطي جدول البنات اللى مب معرسات شراتي خخخخخ
جدول الاحد والثلاثاء نفس الجدول :
خلطه البثور
علاج الحبوب للي عندهم حبوب ركزوا وياي خخخ
العنايه بالقدمين
العنايه بالشفايف
ماسك تنظيف البشره
خلطه تبيض الابط
العنايه بالشعر
جدول الاثنين والاربعاء:
خلطه البثور
علاج الحبوب
العنايه بالقدمين
العنايه بالشفايف
خلطه للاماكن السوداء مثل الاكواع والركب والاماكن المرعبه خخخخخ
جدول الخميس :
خلطه البثور
علاج الحبوب
العنايه بالقدمين
العنايه بالشفايف
خلطه توحيد البشره
خلطه تنعيم اليدين
جدول الجمعه:
يوم راحه بيكون فيه نستقبل كل مره عضوه ونسألها شو النتيجه وشو رايها بالخلطات ونستفيد من تجاربنا
جدول السبت:
خلطه البثور
علاج الحبوب
العنايه بالقدمين
العنايه بالشفايف
خلطه توحيد البشره
جدول البنات اللى يدرسن:طبعا بما انكم تدرسون جدولكم بيكون كالتالي
الاحد الاثنين الثلاثاء والاربعاء لهم نفس الجدول :
خلطه البثور
علاج الحبوب
العنايه بالقدمين
العنايه بالشفايف
اما بالنسبه للخميس :
ماسك تنظيف البشره
خلطه تنعيم اليدين
خلطه توحيد البشره
بالنسبه للجمعه هذا لانه وقتكم ضيف بنستغل عندكم حتي الجمعه:
خلطه تبيض الابط
خلطه تبيض الاماكن السودا
السبت :مابنسوي فيه شي لانه انتوا يادوم الوقت يكفيكم
المجموعه الثالثه :
الحريم المتزوجات جدولكم نفسنا بالضبط لكن حاولوا ترتبونه بحيث ريايلكم يكونون محد الصبح انتي تشتغلين بنفسج خخخخخ
اما بالنسبه للاشياء اللى نستخدمها باليل تقدرون تستخدمونها الصبح لمده ساعه مثل خلطه البثور لمده ساعه ع خشمج وبعدين تشطفينه والعنايه بالقدم بعد الصبح ممكن اما العنايه بالشفايف مب مشكله قبل ماترقدين
ملاحظه مهم :
بالنسبه للبنات اللى تعاني من قشره بشعرها تستخدم الليمون تفرك شعرها يوم ورا يوم قبل ماتتسبح بربع ساعه يعني تخلونه بشعركم ربع ساعه عقب تتسبحون لمده اسبوع جي تسوي وبتروح عنها القشره
والحين شرح تفصيلي للخلطات :
&خلطه البثور (يوميا ماعدا الجمعه) خخخ كانه برنامج خخخ:
3ملاعق عسل
ملعقه قرفه تخلطينهم زين ويا بعض وتحطينه ع البثور يعني ع خشمج وترقدين والصبح تغسلينه وخلال اسبوعين تتجدد الخلايا وتقضي ع البثور بأذن الرحمن
&ماسك تنظيف البشره:
ملعقه حليب
ملعقه عسل +ملعقه نشا
تخلطينهم زين ويابعض وتحطينه ع الويه لين يجف
الخطله هذي تبيض وتعطي نضاره واشراق كثره استخدامها
&خلطه لتبيض الابط:
تفركين الابط باليمونه فراك عدل خخخ
بعدين تحطين نشا وااايد ع المكان بتلاحظين النشا يمتص السواد ع حسب طبعا سواد كل وحده الاستمرار في استخدام الخلطه هذي تبيض
&خلطه لتبيض الاماكن السمرا مثل الاكواع والركب وسائر المناطق اللى مانحب نشوفها من سوادها خخخخخخخخخ :
ملعقه عسل
ملعقه نشا
ملعقه ماء ورد
ملعقه عسل
ليمونه
نخلطهم ونحطيهم ع المناطق لمده ربع ساعه الى نصف ساعه وتشطف بالماي (قولي والله بالماي خخخخ)
&العنايه بالشفايف :يوميا نحطي مرطب palmer’sوشوفي كيف النتيجه الحلوه لانه من زبده الكاكاو هذا المنتج
&العنايه بالقدمين :
يوميا حطي فازلين قبل ماترقدين
ويوم الخميس من كل اسبوع احضر خخخ طشت فيه ماي دافي وحطي كميه من الملح وابتدي افركي القدم من تحت بالماي والملح وحطي بأيدج كميه بعد ثانيه من الملح وتمي ادعكي المنطقه ولاحظه بعد مااطلعين ريلج من الطشت بتحسينها ناعمه وتكرار بالعمليه تنعمها
&خلطه لتنعيم اليدين:
ملعقه من السكر الخشن يعني حباته كبيره
نصف ملعقه عصير ليمون
تحطينهم فأيدج وتفركينهم ببعض
خلطه توحيد البشره :
هم خلطتين مره استخدمي وحده ومره استخدمي الثانيه
الخلطه الاولي :
3 ملاعق كبيره سدر مطحون
2 ملاعق كبيره من بودره الحليب يعني نيدو او اي حليب المهم بودره حليب
كوب كبير من الماء المتوسط الحراره لازم يكون الماي دافي يعني علشان تتفتح المسامات حطي المزيج بعد خلطه ع جسمج واتركيه لين يجف عقب ابتدي افركي الخلطه ع جسمج يعني ادعجي المكان زين بس بدون الماي بعد ماتخلصين دعاج اغسليه جسمج طبعا ع حسب لو تبون الجسم كله ممكن تزيدين ملاعق السدر والعسل والماي
الخلطه الثانيه :
بكربونات الصودا او البيكنج صودا بعد ماتخلصين سبوح احضري خخخ فوطه صغيره كبر كف الايد هذي اللى تنباع في كارفور بس شرط تكون بيضا لونها علشان تبين النتيجه والسواد يطلع فيها بعد السبوح وجسمج يكون مبلل خذي الفوطه وحطي عليها شوي من بكربونات الصودا وبعدين بللي شوي الفوطه وادعجي المكان اللى تبين تبيضينه زين بتلاحظين بالفوطه تغير لونها علشان جي طلبت البضا تبين النتيجه عليها البعض من اول استخدام والبعض من ثاني استخدام ع حسب بشره كل وحده
العنايه بالشعر :
انا بستخدم زيت مريم ولازم ينحط بالشعر يوم يكون جاف يعني مانغسله نخليه بشعرنا 3 ايام او يومين واليوم الثالث ينغسل ونتركه يوم راحه ونرجع نسوي نفس الشي علشان الشغل يكثف ويطول بالنسبه للي ماتقدر ممكن تحطيه يوم كامل من الصبح لين اليل واللى ماتقدر جي حطي بشعرج لين قبل مايجي ريلج ع البيت بساعتين اغسليه وتجهزي له
علاج الحبوب: بالنسبه للي عندها حبوب تستخدم كلنسر اللى وصيتكم عليه تغسل قبل ماترقد بالغسول مال كلنسر يوم تقوم الصبح تغسل ويها بعد بالغسول وبعدين تغسل بالمقشر والظهر تيب قطنه تحطي السائل المنظف ع القطنه وتحطي القطنه ع الحبه وتفركها وتخليه لين ينشف ماتغسله فليل ترجع تغسل بالغسول وترقد والصبح نفس اللى قلته قبل وجي
ملاحظه بالنسبه للبنات :
اللى يعانون من القشره عليج باليمون استخدموه لمده اسبوع يوم ورا يوم افركي شعرج باليمونه واتركيه ربع ساعه وتسبحي عقب ماتعالجين شعرج من القشره ابتدي ادهنيه
هذا الجدول الجمالي
بالنسبه للاهداف الاجتماعيه والدينيه :
تبون الله يحقق لكم كل شي تتمنونه وتتقربون من رب العالمين تبون تعرسون تبون عيال تبون النجاح التوفيق مالكم الا:
* يابنات بالصلوات الخمس صلوها بوقتها وبعد كل صلاه الاذكار اللى تنقال عقب الصلاه لازم والاستغفار عودوا نفسكم عقب كل صلاه
* بعد كل صلاه امسكي صفحتين من القرآن واقريها
* اذكار الصباح والمساء
* صلاه الضحي بعد ماتخلصين صلاه الفجر اقري الاذكار مال الصباح وبعد الصلاه عقب اقري صفحتين من القرآن ويوم بتطلع الشمس صلي صلاه الضحي
*تبين يتحقق دعائج تقربي من رب العالمين يوميا صلاه قيام اليل الساعه 3 يعني الثلث الاخير من اليل مب شرط 3 المهم في اليل افضل تكون وعليج بادعاء والالحاح بالدعاء تقربوا من الله اقروا قرآن
يابنات دعاء تيسير الزواج وادعيه انتي ممكن تقولينها اللى ماتعرف كيف تصلي قيام الليل مستحيه تقولها منه عندكم الخاص كلنا خوات ولازم نساعد بعض عادي مافيها شي
* يابنات ابتعدوا عن اي شي يغضب رب العالمين تبين الله يحقق اللى فبالج ماله داعي الاغاني ابتعدوا يابنات عنها ماوراها الا الذنوب
بالنسبه للبنات اللى يبون يضعفون :
*يابنات لازم تسون رياضه لازم ع الاقل مشي داخل البيت تحركي لاتيلسين طول اليوم
*ابتعدي عن الغازات حاربيه محد مودنا ورا الشمس وسوالنا انتفاخات الا الغازات
*لاتاكلين ابدا بين الوجبات السناكس او الخفايف ابدا ابدا ابتعدوا عنها
*وهذي خلطه لتخفيف الوزن طبيعيه :
قبل نصف ساعه عن الافطار ع معده خاليه وقبل النوم تشربين مزيج من عسل وقرفه في كوب ماء مغلي يخفف من الوزن ويمنع تراكم الدهون ..
*حاولوا تاكلون اشياء مفيده الخضروات والفواكه وحاولوا تقللون من العيش يعني عطول الاسبوع اكليه مره او مرتين بس لانه ينفخ الجسم بطريقه فضيعه الابتعاد عنه افضل بس علشان مانبتعد نهائي اكليه مره او مرتين بالاسبوع
*عندج يوم واحد بالاسبوع بس تاكلين فيه اللى خاطرج فيه من كاكاو او غيره بس يوم واحد بس ها مب تخلصون الاكل كله خخخخخخخخخخخ بس علشان مانحرم حد لازم ع الاقل يوم تعويض
الاشياء الترفيهيه في حملتنا: مطبخ خميس:
كل خميس نختار عضوه تدخل المطبخ تسوي لنا اكله تصورها افضل يعني لو ماتقدر تصور تعطينا الطريقه ع الاقل المهم العشا عليها يعني نبا طريقه
دردشه الجمعه:
كل اسبوع بختار وحده تقول لنا شخبارها ويا الحمله شو لاحظت من الخلطات وشو تحسن عندها وكيف اخبارها بالضبط يعني دردشه
حركات لشعر كل خميس :
بحطي درس كيف نسوي حركات بشعرنا نتعلمها ممكن ندلع ونسويها خخخ والمتزوجات حق ريايلهم
اشغال يدويه كل سبت :
بتعلم اشياء نسويها من باب التسليه يعني
وانصحكم بعد اتابعون برنامج حراير علشان تتعرفون ع آخر صرعات الموضه ينحط البرنامج
كل اثنين الساعه 10 ع دبي
وبعد انا اتابع مسلسل 37 درجه يضحك وااايد خخخ بعد شوفوه
وبعد مسلسل وشاءت الاقدار ع الام بي سي اليوم الحلقه 3 ينحط العصر الساعه 6 يوميا
[COLOR="red"]ملاحظه بالنسبه للبنات اللى يبون يمتنون :
كثروا من الاكل خخخخخ عكسنا بس لاتشربون بعد الغازات لانها تسبب انتفاخ في البطن
وملاحظه ثانيه للبنات اللى يبون عندهم الصدر يكبر خخخ :
يوم بترقدون لاتلبسون ال خخخخ خلوا المكان فاضي بتلاحظين بعد فتره بيكبر
اي استفسار بالموضوع ومستحيه ع الخاص بقولج خخخخ عادي كلنا خوات
المهم حطوا في بالكم انا موجود منه للكل واي وحده عندها استفسار ع العام تحطيه مستحيه ومنحرجه عندها الخاص تر انا مافي خلطه ماجربتها بنفسي خخخ الحمدلله لها نتايج واعرف حلول بالخلطات وجي فممكن اساعدكم يابنات اللى مستحيه وعندها مشكله ومستحيه تعرضها ع العام الخاص موجود وكلنا اخوات في الله[/COLOR[/SIZE]]