الوسم: المون

بناء على طلب الخوات اني اصور الوصفه..حاولت قد ما اقدر ابسط الموضوع والصور لوووول بس نسيت وايد اشيا اصورها..>.<..

المهم..

المقادير تتبيلة السالمون..:

فلفل اسود حد ..(مدقوق)
ملح
زيت زيتون..

الطريقه:

ندهن الفيليه بشوية زيت (قلت شوي مب تغرقوونه) وتبلينه بالملح والفلفل..
ولو بغيتي بهارات تراه اختياري.بس انا حبيت اخليه بسيط لاني احب اطعم نكهة الفلفل الاسود فالسمج..!!

وانا احضر السمجه..ههههه حلوه احضر..>.<.. كنت مشغله الفرن مسبقا" ..

بس في نقطه وايد مهمه..

حطيت السمج ف صينية الفرن ..

وخليته عالجاز يعني مب فالفرن..وجلبته عالويه عشان ياخذ اللمعه الذهبيه مب وايد بس دقيقتين..

وبعد دقيقتين..اشله واجلبه ع ظهره..

وعلى طووووووووووووول الفرن..

ونخليه فالفرن لمدة 12 دقيقه فقط بيكون انطبخ عدل مدل..!!

انتهينا من السمج..

مقادير الصلصه:
شبت مفروم
بصل مفروم
ثوم مفروم
مكعبين ماجي
ماي
طحين
حليب
كريم ويب (اختياري)

الطريقه:

انحمس البصل والثوم وبعد مايذبل شوي انضيف مكعب واحد من ماجي.

وبعدها انضيف الطحين..(الكميه على حسب كيمة الصلصه اللي تبينها)

اول ما يتماسك شوي مع البصل والزيت اضيف الحليب ومرق الدجاج (ماي مذوب فيه ماجي)

واتم احرك لين ما يتمازج الخليط ..

وبعد مايغلي شوي اظييف الشبت المفروم واحرك شوي ..

وهذا الشكل النهائي ..بإمكانج تاكلينه مع العيش او مع البطاطا المهروسه..

وبنتظار ردودكم الطيبه..