خواتي إلي درست منازل كل وحده تتدخل هني وتقول كم نسبتها؟
وشو هي عوائق واجهاتها لما درست؟ ولما قدمت إمتحان؟
تعطيي خبرتها وتجربتها في دراسة منازل تكون حافز لباجي خواتي صارت ليهم ظروف وماقدروا يكملون دراستهم
في بداية أتكلم عن نفسي :الحمدلله يبت 80 
كنت متوقعه أكثر, معدلات في الإمتحان الحمدلله في تسعينات
أعيد الثانوية العامة من أول ويديد ماقدرت أدخل الجامعة الأسباب خاصه حبيت ألحين اكمل قالولي مايستوي لازم تكون شهادة يديدة ,توكلت على الله سبحانه وقدمت الثانوية
دراسة منازل حلو وفي نفس الوقت صعب في مواد محتاج للشرح
لازم من بداية الدراسة إدورين مدرسة أو مدرس أو حتى معهد يكون شرحه أوكي
مذاكرة وحفظ وتسوين في نهاية ملخص خاص لج تسهل عليج
وماشاءالله في مدونة خاصة حق هالسوالف من ملخصات ونماذج الإمتحانات
المهم تكون عندج عزيمة وماتتكاسلين فالوقت محسوبة عليج أول بأول وماتتهاونين اليوم أو باجر بذاكر
أهم شي ماتعطين إذنج لحد يحبطون من عزيمتج إنه ماينجحون بنات منازل إالي شفته على تعبج ومجهودج بتاخذين إالي تستحقينه
ياله كل وحده درست منازل تتدخل هني وتخربنا إلي عندها ومبروووووووووك للجميع
ان شاء الله بسجل هاي السنه
ومتخوووفه وايد كيف بوفق بين دراستي وعيالي وزوجي واحيانا اقول بتوكل على الله هو حسبي بس يختي ماشي تشجيع ههههه
وموفقات ان شالله
سنة الياية بإذن الله بقدم بعد
تحمست وايد
ربيعتي متزوجة وأم درست منازل بعد أدبي
يابت 95% ماشاءالله عليها قالتلي درسي أول بأول لاتهملين وفي منهم يملون وخاصة إلي تدرس بروحها إتمل تحس بالضيق, تقولي بالعكس لج فرصة تدرس أكثر من بنات المدارس ماعندج لاتحضير ولا تقرير ولابحوث
وشراتج في ناس قالوا ليها ماينجحون بنات منازل
بس إلي بيتعب وبيجتهد ربج مايضيع تعبه
المشاركة الأصلية كتبت بواسطة يمنات 
