الوسم: المبدعات

حبيباتي عندنا اسبوع القيم وابي افكار مبتكرة اسويها في هذا الاسبوع عشان جي ما لقيت غيركم لا تبخلون علي بأفكاركم الحلوة انا في الانتظار
جزاكم الله خير

وين الافكار

محد يرد

شو القيم الي بتسون عنها

جزاج الله خير على الرد
القيم الي اخترناها اختي هي الصلاة والحجاب والصدق والصدقة والتعاون والامانه

شكلي لازم انسى الموضوع

مرحبا خواتي شحالكم ؟؟؟

امسات استغلينا اجازة الربيع انا وربعي و سرنا المدرسه نسلم ع الابلوات وجيه ( متخرجات من سنتين اونه خخخخ )

المهم ابلة الاحياء اللي كانت ادرسني قالت لي بما انج تدرسين وفجامعه زايد وانتوا وايد يسوون عندكم كرنفالات وحفلات ابى منج شي .. قلت لها تامرين امر جان تقوول عندهم شي جيه كرنفال التشجير يعني مال الزراعه وهالسوالف شو يسوون فالمدرسه وغيره وقالت انها تبى افكار حلووووووووة عاد انا وايد افتشلت انا من طبعي ما احب ارد حد ! بس ف نفس الوقت انا ما عندي افكار حلوة فهالشي !

قلت لها والله ما عندي شي فبالي الحينه عطيني فرصه بسال وبرد عليج .. ومضت عالسالفه اسبووووووووع وانا نساااااااااااااايه وايد ! اليوم اتذكرت واتلومت فيها بصراحه !

ف يااااااااااااااااا ليت لو حد من الخوات يقدر يفيدني بشي واقولها … والله اني بكون مشكووووووووووره لها

السموحه حبوبه ماعرف

ماعندي فكره

للرفع

أنا بقولج بس مادري جان بيعيبج وبيعيبها …
أنا أحيد يوم كنت في المدرسة الأبلوات مرة اشترن شتلات وخلن البنات يزرعن في البقعه يلي مافيها زرع كان يوم مفتوح وامسوين فعاليات وااايد كشخة الصراحة طلعنا من جو الدراسة والأرف وبعدين ، يلي تبغي تزرع اتسجل اسمها فسجلت اسمي أنا وربيعاتي ، واااااااااااااااايد استانسنا هاليوم ما أنساه في حياتي لأن كلنا ربع وفي بعض الأبلوت يالسين نزرع وانرتب وهكذا ….. يعني امسوين جو .

مشكووره الشقيااانه عالفكررررره الحلووة ..

في حد يقدر يضيف ؟؟

:1 (25): السلام عليكم… شحالكم؟؟؟

مابا اطول عليكم … وادري مو راكب علي الموضوع اللي بكتبه بس الحاجه يا اخوان

المهم انا محتاجة لبرامج تساعدني على اعداد الدروس الرياضيات باستخدام الكمبيوتر نظرا لحالة طلابي الجسمية.. لكونهم لا يستطيعون امساك القلم بأيديهم …

أرجو أخذ الموضوع بجديه للأهمية .. ولكم الاجر ان شاءالله..:1 (25):

اتريا ردودكم يا اخوات…

الغالية ورده سيري المكتبات واطلبي منهم سيديات للتعليم واعرضيها عطلابج وان شاءالله بينتفعون .. وبالتوفيق حبيبتي

اختي خبريني انتي تدرسين معاقين والا شوووووووووووو

في برامج تنباع في محلات الكمبيوتر او المكتبات حسب الصفوف الدراسية ان شاء الله تحصلين اللي تريديه

الله يوفقج اختى ويجعله في ميزان حسناتج

تحيااااااااااااااااااااااتي لج

ماعندي فكره .. وإن شالله البنات يساعدونج …

موفقه إن شالله

الله يوفق الجميع ..

وانا بديت احاول اخترع طرق وياهم .. وان شاءالله خير..

الله يحفظ طلابي فديتهم

الله يخليلج ياهم
وعسى ربي يوفقج يالغالية

السلام عليكم و الرحمة

هلا بنات إشحالكم

بغيت وحدة فنانة مبدعة و ما عليها كلام

تروم تسويلي دمية ميمي الصغيرة لأنها شخصيتي المفضلة

و هي تحدد السعر اللي تباه

بس بشرط يكون شكلها حلو و محشو بقطن
https://mdridheart.jeeran.com/memole2.gif

و هني صورة الشخصية

و اللي تروم اطرش لي رسالة على الخاص عشان أتفق معاها

و يزاكم الله ألف خير

و هاي هي الشخصية اللي أباها

للرفع

ان شالله تحصلييييييييين

احب ميمي بعد انا, تعرفون انه رسوم ايطالي؟ انا انصدمت اعتقدته عادي ياباني

مشكورين للرفع

السلام عليكم ورحمة الله وبركاته….
اخواتي المبدعات العزيزات حبيت مشارتكم معنا في مشروعنا طبعا بتسألون ليش قلت مشروعنا لانه مشروع أمهات مدرسة زيد بن حارثه بنين في راس الخيمه
ومشروعنا الله يسلمكم داخل مسابقة ضمن جائزة احس مشروع لجائزة الأم المتميزة الدوام تتميز بها امارتي الغالية ………
وفكرة مشروعنا حبنا ان تكون عن التطوع لأن فيه حب الجماعة وحب العطاء
واسم مشروعنا (أمهات مبدعات للتطوع راغبات)
رؤيتنا للمشروع هي……. متعة الحياة أن تعيش لأجل الآخرين وبييعشون لأجلك ,متفانياً في عطاء بلا حدود ……

وطول الكورس الأول وحنا شغالين عليه وبعد الكورس الثاني وعلى فكرة حبينا المدرسة وحسينا بتعب المعلمات والأدارة وغيرنا الروتين بشي ممتع وهو التطوع
بس الحين نبغي منكم تفوزونا بالمسابقة ؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!
بتقولون كيف وجنا شو خصنا اقول كيف بافكار حلو مبدعه مثل ما تعودنا من اخوتنا في المنتدى ولو بدعاء طيب من ناس طيبين انتم تقدرون واكيد بنات راك ما بقصرون واحنا امهات المشروع نستاهل

خاطري افوز بالمشروع وصراحه هذي امنيةأمهات المشروع
امهات مبدعات للتطوع راغبات

الله وايد تعيبني هالسوالف ياريتني كنت منبينكم واشارك وياكم او حتى اتطمش من بعيد.
انزين ممكن اتخبيرينا مثل شو الافكار اللي سويتوها.

بالتوووووووووووووووووفيق

لو اعرف جان ساعدت ابد ما عندي خبره
موفقه الغلا

بالتوفيق

كيف الواحد يشترك وياكم؟؟؟؟؟

ممكن تفاااااااااااااصيل؟؟؟

مرحبا الغاليات.. هذا الميلس لعيون معلمات المدارس الحكومية.. خلونا اناقش فيه تجهيزاتكم للمدرسة.. و انجازاتكم في رمضان.. اتمنى من الجميع المشاركة.. ببدا اعرف بنفسي… انا معلمة لغة انجليزية.. ابدا ما عندي حماس لبداية السنه اليديدة. خاصة اني نقلت يديد لدبي.. ابي تشجيع من بنات دبي لمدارسها و طالباتها.. خاصة الثانوية. نبي تشجيع و افكار لبداية السنة. اتريا ردودكم الغاليات.
عموما رمضان من افضل الشهور.. قاعده اقضية و احسب الايام و الساعات اللي تنقضي و بعدها تبدا المدارس. الله يعيني و يعينكم.

افا.. وين المعلمات النشيطااااااااات.. انزين ما شي طالبات على الاقل.. يلا نبي نفعل الموضوع و صدقوني بنستفيد واااايد من بعض.

موضوع حلو
اي صف تدرسين ؟؟

هلا الغالية.. انا ادرس ثانوية عامة.. وابي احضر مشروع يديدد لبداية السنه.. و اتمنى يكون مشرووع جماعي لجميع المعلمات في جميع المواد. عندي افكار كثيرة. بس اهمها كيف نخلي الطالبة محبة للقدوم للمدرسة. شنو رايج؟

عجبتني الفكره كثير يا ريت نلاقي تفاعل من المعلمات
سواء في المدارس الخاصه او الحكوميه
انا مب مدرسه لكني احب مهنة التدريس و عندي كمان افكار لطريقة التدريس و اعداد اوراق العمل

ربي يوفقج ان شاء الله

موفقين ان شا الله

ماشاء الله عليج يا يمنات.. ذكرتيني بنفسي قبل لا اصير معلمة.. احضر اوراق عمل و مشاريع لربيعاتي المعلمات.. و الحين صارت وظيفتي.

السلام عليكم ورحمة الله وبركاته

اخواتي المبدعات

عندكن رسايل وداع لزملائي وزميلاتي فالعمل لاني بأستقيل

مشكوررات

للرفع

للرفع

كتبـــت لكــم بالحــب أشــواقى,,,

بــودعكم و عســى اللــه لــى يحفظــكم

أمـانه لا تحــزنون علــى فــراقى,,,

ماتغيب الا الصور عمر المشاعر ما تغيب كم من عزيز ما نشوفه وهو من الخاطر قريب

بالعربي او بألانجليزي

خواتي دوووووووووم مايضبظ وياي المجبوس كل مااسويه يستوي مثل العجين

اقصد العيش اطبخ الدياي وكل شي اوكي بعد ماانقع العيش في ماي احطيه ع الدياي

واصب ماي لين مايكون فوق العيش بشوي واحط الملعقة اذا وقفت يعني كمية الماي اوكي

واذا طاحت انقص من الماي جربت هالطريقة بس ماشي فايدة

كل مااشوف احس ان العيش مااستوى ارد اصب عليه ماي وفي الاخير يستوي مثل العجين

وخاصة اخر الجدر والله اتفشل لمن اسوي مجبوس وفي الاخير مااحد ياكل

بليز ساعدوني والله خاطري اسوي مجبوس مليت من العيش اللي اسويه نفس الشي كل يوم

بليز بنوتات ساعدوني واللي عندها بهارات حلوة ياليت تكتب لي اسمائهن والله يوفقكن

شوفي فديتج المكبوس بالذات ما تحطين له شغلات وايده يعني مثلا ابتعدي ابتعاد كلي عن معجون الطماط والبهارات تكون بكميات قليله

ام الماي خلي العيش زايد عن الماي شوي وخليه على نار هادية ينطبخ واذا حسيتي العيش ما استوى زين تقدري تصبين مقدار فنجان ماي ترى عادي وراح يضبط وياج ان شاء الله بس المهم لا تحطي ابد معجون طماط ترى هو يلبك العيش

مشكورة الغالية بس ماتلاحظين ان المجبوس دوووم لونه احمر

كيف بيكون له لون من غير معجون طماط ؟

المشكلة اضيف بس يكون واضح انه مب مستوي وارد اضيف وفي الاخير ياخراشي يصير عجينة عيش

المعجون يخليه يلبك استخدمي طيب المعجون بس اخلطية بماي قبل لا تضيفينه يعني يكون خفيف جدا لان كنت كل مرة احط معجون يصير مثلج لغاية ما استغنيت عن المعجون ويكون لون المكبوس على لون الابهارات يعني مب شرط احمر

خطأأأ كبييييير أختي انك تزيدي الماي عن العيش لاحظي حبوبة ان الدياي بيكون تحت العيش فبالتالي ياخذ مساحة من الجدر لكن الصح انك تخلي العيش اعلي من الماي و تسكري الجدر زيين و اتركيه علي نار هاااادية جداً و لا تفتحين الغطا كل شوي

و انا الصراحة احب اسويه في الفرن علي حرارة هادية و اغطيه بفويل و اسوي فيه شوية ثقوب بسيطة

و الخطأ الثاني لا تقلبي العيش أبدا أبدا اثناء التسوية اتركيه لين يستوي و بالأخير لما تفتحي اذا حسيتي انه يحتاج ماي رشي بالملعقة رشات خفيفة و سكري مرة ثانية و اتركيه عالنار الهادية عشر دقائق اخري و سكري النار بعدها ولا تفتحي الا بعد ربع ساعة اخري بيكون استوي علي البخار الناتج من الحرارة و في نفس الوقت يكون هديت حرارته شوي لأن لو غرفتيه و هو كتير ساخن ممكن تتكسر الحبات و تعجن

و نصيحة لكي اختي طريقة الملعقة هاي الصراحة فاشلة لأن العيوش أنواعها تختلف و بالتالي بيختلف مقدار الماي اللازم لتسوية كل نوع

اما البهارات عادي (ملح – فلفل – هيل – قرفة ) ما يبالها شي مخصوص بس اذا سويتيه بالدياي زيدي عليهم الكاري و الزنجبيل و اذا باللحم زيدي القرنفل و جوزة الطيب

و قبل كل شيء سمي الله قبل لا تبتدي بأي طبخة و جددي النية انها خالصة لله و ان شاء الله بتضبط معك

أتمني أكون أفدتك

دعواتك لي بالشفاء أختي

دمتي بصحة و عافية

للرفع

أنا الحمد لله سويت مجبوس ومن أول مرة ظبط على طريقة منال العالم..اسم الوصفة كبسة الدجاج بالنخي أعتقد لكن سويتها بدون نخي..وطعمها روعة..بالنسبة للرز..كل كوب أرز يحتاج كوبين ماء أو كوب ونص حسب نوعه..شوفي شو العيار الأمثل للرز اللي عندك واستخدميه في كل الوصفات..بالنسبة للمجبوس هاي الوصفة فيها معجون طماطم على فكرة ما يخصه بتعجين العيش..لكن عشان يطلع نثري..عيار الماي هو الأساس جربي مثل ما خبرتج..(إذا سلقتي الدجاج بالماي وبتحطي العيش في نفس الماي قيسيه بالأول كم يطلع وزيدي ماي أو نقصي حسب العيار للي تبينه بعدين حطي العيش) ..الماي لازم يكون يغلي بقوة بعدين حطي العيش وقلبي..وخليه يغلي على نار قوية لين يصير الماي بمستوى العيش غطي الجدر وخليه على نار خفيفة اخف شي نص ساعة تقريبا (حسب كمية العيش)..شوفي الوصفة في اليوتيوب نصيحة..صارت معتمدة عندي في العزايم ونتريا البشارة

السلام عليكم …

شخباركمم بنات ؟؟؟

بغيييت مساعدتكم …

الحين نحن في بداية الدراسه …

شووو من الالعاااب اللي ممكن تستخدمها المعلمه في الكلاس يعني العاب بدون ورق

بس حركات وكلام فقط .. واستخدام سبوره فقط .. وحتى لو استخدام الورق يكون شي بسيط ..

ان شااء لله فهمتوني ؟؟؟

اترياا افكاركم وابداعاتكم …

ليش محد يرد ؟؟؟؟؟؟؟؟؟؟؟ظظظ

ممكن تلعبين معاهم لعبة و لا كلمة ….

و بالتوفيييييق ان شا الله ….

شلون لعبة ولا كلمه ممكن شرح؟؟؟؟؟

للرفع
للرفع

هلب هلب

سبحان الله وبحمده سبحان العظيم

السلام عليكم

خواتي المبدعات انا اليوم عندي طلب واول مرة اطلب وخاصة من هذا القسم الرائع

ارجوكم وفروا لي صور عن تراث الامارات او صور تراثية او صور معبرة ومبتكره تخص دولتنا الحبيبه

ارجوكم انا بأمس الحاجه

لا تردوني

رادتلج ان شاء الله ^_^

لـــــــــرفع

تفضلي .. هالصور ماخذتنها من زماااااان …. اتمنى انهم يفيدونج ..

اول صورتين مب معدلات بالفوتوشوب .. و اخر هنتين معدلات