هذه الكيكة خذيت طريقتها من منتدى ثاني وطبقتها… جزا الله صاحبة الطريقة كل خير…
مقادير الكيكة::
كوب ونص طحين
ثلاث ارباع كوب سكر
ثلاث ارباع كوب زيت
كوب ماء (انا كفاني نص كوب)
3 بيض + فانيليا
3 ملاعق صغيرة بايكنج باودر
الطريقة: موضحة بالصور
مقادير النسكافيه::
كوب ماء
ثلاث ارباع كوب سكر
ملعقتين كبار نسكافيه
الطريقة: تخلط مع بعض وتوضع على النار حتى تغلي وتسقى فيها الكيكة.
مقادير الخلطة لتزيين الوجه::
1 قشطة
1 كريم كراميل
الطريقة: تخلط مع بعض وتزين وجه الكيكة
ملاحظاتي::
– انا ما احتجت كوب ماء للعجن.. احتجت بس نص كوب… وكل وحده تعرف لما تكون العجينة جاهزة معاها…
– النسكافيه انتي تقدرين تتحكمين في الكمية اللي بتسقين فيها الكيكة.. انتي حرة يعني مب لازم كل الكمية اللي سويتيها… انا مش مب محبين النسكافيه فإستخدمت تقريباً ربع الكمية…
– ممكن ترشين على وجه الكيكة اي نوع كاكاو تبين أو اي شئ تحبين تزينين الكيكة فيها…
– الكيكة عموماً طرية وحلوه وسكرها خفيف ومناسب جداً..
حياكم الله وان شاء الله تعجبكم الكيكة… والشرح كله بالصور….
–
رووووووووووووووووووووووووووعة
ماشاء الله
ان شاء الله بجربها في الويك اند
ان شاء الله بجربها
بجرب اكيد طريقتج
