الوسم: النفاس؟؟؟

أولا حبيباتي ابشركم اني ربيت الحمد لله من يومين ويبت أحلا بنوته ^_^
المهم : من بحثي في النت عن فترة الاربعين … قريت أن كثرة شرب الماي تدر الحليب
وفي نفس الوقت تطلع كرش
هل أنا فاهمه الموضوع غلط والا كيف ؟؟؟
وأي وحده عندها معلومات لفترة الاربعين من تجربتها الشخصيه لا تبخل علي ولها دعوه من قلب
خصوصا موضوع الكرش وادرار الحليب
ومنوه جربت الحصاة الناعمه الحاره للكرش كيف استخدامها؟؟؟
ومشكورين مقدما

حبيبتي شربي حراروه تساعد على ادرار الحليب وتنزل الوساخة من البطن
ولازم تشربين الماء على شان البيبي في فترة الاربيعين يقولون علشان عيونه ولا بيطلع احول

ويارب البنات يفيدونج

امي ابدا ماتعطيني ماي … بس كوب فاليوم .. واذا خذت دوا نص كووب

قالت الماي يظهر كرشه وصعب ادخلينها لانه هالفتره البطن لين واييييييد وكثر الماي اطلع الكرشه

وماكنت اشرب ماي وايد بس شئ حليب الحمدالله لاني اتريق و اتغدا واتعشى .. واهم شئ تاكلين بسرعه يعني تتريقين ساعه 8/ او 9 الغدا 12 .. العشى 8 او 9 عسب الياهل مايتلعوز بطنه ويصير فيه غازات .. وانا سويت جي والحمدالله ..كل شئ تمام

وعن الحصى .. اسخنينها ع النار شوي مب وايد عقب اتلفينها بفوطه واتحطينها صوب البطن يعني من السر والبطن الي تحت السر

وبعد ماتكملين 15 يوم تقدرين تيلسين في ماي دافي وشوي ملح >> قبل 15 يوم مانصحج اقل شئ الجرح رووحه يلتأم من داخل ..

وهالي اعرفه ويا في بالي

ادعي النا حبوووبه ,, الله يرزقنا الجنه ويحفظ لي بنوتي ^^

مبروووووووك والحمدالله ع سلامتج >> توه الناس ^_^

شرب المآي وآيد زييد مب بس لأدرار الحليب .. امآ عن الحصآه تسخنينهآ اشوي وتلفينهآ بفوطه ..وتحطينهآ ع بطنج ..

ودعوآتج عقبآلي ^^

انا قد درست فقه من كم سنه

البداية تكون بالاستنجاء ثلاث مرات

ثم البسملة
ثم الوضوء كاملا عدا غسل الرجلين

تبدين بتخليل الشعر بماء و تعميم الجسد بالماء

طبعا يوم تغسلين جسمج تبدين بالجنب الايمن ثلاث مرات ثم الايسر ثلاث مرات

وبعد ذلك تغسيلين شعرج بشامبو قبل ماشي شامبو شي سدر

وتكملين وضوءج

وهذا اللي انا اعرفه و اتمنى اكون افدتكم

اتوقع السؤال مب لج لاني احيدج عروس ويانا ايام التجمعات في دليل العروس

وماشاءالله اختنا كرز 2024 ما قصرت يزاها الله الف خير

خواتي منو تعرف حد يسوي تجهيزات للنفاس .. يعني ابا سرير للبيبي وفرش لسرير الام

ماعليكن اماره ردن علي بسرعه لاني اباه ضروري

حيااااج الله اختي .. وعادي كلنا خوات ونستفيد من بعضنا البعض وحياج الله انتي واستفساراتج هه

وشنو احسن واريح فوطه صحيه وقت النفاس؟

انا عن نفسي كنت قبل لا اتزوج وايد احب الاولويز .. بس لا حظت بعد ماولدت ان الاولوز ما تنفع .. لان المنطقة الحساسه .. ما تتحمل الاولويز ( لانه فيه نايلون ) بس ما جربت اليدي اللي هو حق البشره الحساسه ..
واستخدمت انا الكوتكس لانه كله قطن ومريح في الاستخدام وخاصة ان المنطقة تكون حساسه جدا بعد الولادة .. واذا عن التسرب تراج انتي لازم اتغيرين بين فتره والثانيه ..يعني ما بتطول عليج الفوطة اكثر عن 4 ساعات

دم النفاس الاغلب ما يكون فيه ريحه نفس العاده الشهريه وبعد الولاده مباشره يكون غزير جدا لمده 3 ال4 ايام او لاسبوع وبعدها يبدأ يخف تدريجيا وطبعا لازم تاخذي حبه حمره(حب رشاد) زينه لتنظيف الارحام… وحتى يمكن فآواخر الاربعين تييج العاده (نفسي).

وهل ينزل على طول بعد الولاده؟

عالطوووووول و بغزاره .. لدرجه انج تحسي انج مبلووله
وانصحج تشيلي وياج مطارة الماي علشان تخفيفي عن نفسج المغص اللي يكون نفس العاده

وشنو احسن واريح فوطه صحيه وقت النفاس؟

انا من كنت بنت ليين ما تزوجت وانا استعمل اولويز وفيه نوع اولويز لونه وردي للبشره الحساسه(ما استغني عنه) استخدميه لما يقل الدم .. بصراحه مرررره رهيبه ..

على فكره انا فاواخر النفااس و هذا عن تجربتي

بنااات انا صارلي تقريباا شهر وااالده اول اسبووعين علخفيف عقب مااااشي ومرااات شي ومراات لا

الحين مااشووف شي مرااات بقعه خفيفه اطهر وله شسوووي….

امممم واذا اطهر عادي الجماااع؟؟؟؟؟؟؟؟؟

بليز ردو علي؟؟؟

للحرمه

الصراحه ما اعرف شو اسوي بهالنفاس وعندي اساله واااايد ومحيرتني وملخبطتني …. بليززززز خواتي المتزوجات والمربيات واللي دخلن النفاس واللي كانو عندهم نفس حلاتي تجاوبني بكل صدق ولا تخرط عليه :
1- انا ربيت في نص رمضان 15 رمضان ( وهاي ولادتي الاولى ) وارتحت تقريبا 5 ايام وقمت اباشر شغل البيت من طبيخ يعني كانت راحتي بسيطه … فهل هذا بيضر على الرحم ؟

2- الدم عندي وقف من يومين وانا توني مكمله ال 20 يوم … وانا يوم كانت تيني الدوره اتم بس 4 ايام وتخلص … فهل يعني هذا ان دمي قليل .. او له علاقه بالرحم او تيبس الدم ؟؟ لان الصراحه ما واضبت على وضع الحصى (لان ما عندي وما عندي حد اييبها لي ) ولا المطاره الحاره فهل هذا يعني ان الدم متجمد .. ولا شووو طمنوني الله يخليكم ؟؟ بس الحين من دخلت ال 20 يوم قمت احط المطاره واربط بطني .. بس ما ينزل وسخ ولا اي شي ؟ فشو معناته هذا ؟؟

3- والصراحه في بعض الايام الاولى من النفاس او الاسبوع الثاني مرات اشرب غازيات … والحين وقفت بعد ما قريت ان هب زين … والصراحه قامت الغازات عندي تلعب دور وانتو عارفين كيف ؟!؟! فشو اسوي عشان اظهرها كلها وافتك منها ؟؟

4- انا قريت في المنتدى ان يوم بيي ريلي للجماع بيظهر صوت وسوائل وخايفه من هالشي …. فقولولي كيف اتجنبها دخيلكم دامني في اليوم ال 20 من النفاس ؟؟

5- انا ربيت طبيعي وسوولي خياطه بس قالولي انها بذوب مع الجلد .. فهل في خياطه اذوب ؟؟ وكم مدت هالخيوط عشان تروح ؟؟ لان معطيني موعد في 14- 9 … وابا اعرف الحين ذابوو ولا لاء كيف ؟؟

6- والصراحه يا خواتي ما اخذت شي من الاعشاب مثل الحلبه ولا اي شي لان الصراحه ما عندي اهل وريلي مسافر وما عندي احد ايبلي هالاعشاب مثل الحلبه واشياء اللي تاخذها الحامل …؟؟ وهل اقدر اخذها عادي وانا طفت ال 20 يوم من النفاس ولا فاتني ؟؟

7- قريت ان قبل ما اخلص النفاس ب 5 ايام اخذ تحاميل بتادين .. فشو تسوي هالتحاميل ؟؟ ومتى اخذها .. هل لازم وصف الدكتوره ولا عادي اخذه ؟؟

8- خواتي قبل الحمل كانت عندي افرازات صفره هب شفافه صفره ومرات تكون فيها ريحه ومرات لاء … فبغيت اعرف شو اللي يقضي عليها لان دايم يوم اقول للدكتوره تعطيني بس الغسووول واعتقد ان هذا ما يسوي شي ويستمر الافرازات ؟؟؟؟

9- وانا زعلانه ان صدري يدر من الحليب شويه واشرب ولدي من الحليب الصناعي .. مع ان قالولي شربي ماي وايد وعصاير وانا اسوي ولكن يدر بشكل بسيط يعني قطرتين .. ويوم اجرب ولدي عشان يشرب من صدري ما يشرب يهز يمين شمال وصارخ فقلبي يقطعني عليه وانا اباه يشرب عشان يحرك صدري .. ولكن ماشي فايده فقولولي طريقه عشان يشرب لو ان صدري يدر قطرتين وبس ؟؟؟ ما اعرف شو اسوي يا الغاليات ( زعلانه من هالشي )؟؟؟

10 – وولدي يشرب حليب هب منتظم يعني وايد وخوفتني الدكتوره لان كان وزنه 2 كيلو و 600, ويوم وزنته وصل 3 وشي فقالتلي نو نو نو لازم ما تشربينه وايد من حليب الصناعي وانا شو اسوي اذا صدري ما يدر وهو يصيح .. خوفتني تقوللي لالا هب زين خطر عليه وسببله كلسترول وما اعرف شوو .. خوفتني على ولدي مع ان هب باين ان وزنه 3 كيلو توه فرفوور ؟؟

11- الغاليات انا يوم اشل شعر العانه بالحلاقه وخاطري اشلها بالحلاوه بس خايفه لان جربت كريم ايلما elmaبس تخديره بسيط فابا اشله بالحلاوه ولكن وايد يعور .. شوفولي حل الله يخليكم ؟؟

12- وبغيت بالاخير خواتي حنايه ( بالعين ) تسوي حنا القصيد فابا اجهز لقبل النفاس .. وابا وحده تشل حلاوه في البيت وايدها خفيفه … بس قبل كل هذا .. ابا الجواب الكافي لكل اسالتي الله يجزاكم الف خير يا الغاليات

وربي يحفظكن

اااااممممم بما اني هذا اول حمل لي فاكيد ما بعطيج الاجوبه كاامله بس اللي اعرفة
المربيه لازم تستريح ولا تتحرك واايد حتا ترفع ريولها فوق عشان يطلع الرحم فوق وبخصوص الدم المتجمد كل مربيه لازم تشرب تفه عسب ينزل الوسخ وتشرب حلبه بعد وفيه شي ما ادري شو اسمه نسيت
وعن الحليب انا سمعت ان الرهش يسوي حليب كلي لج رهج واشربي حليب وايد وعن ولدج الله يحفظة يمكن يصيح لانه عنده مغص وديه العياده عسب تتطمنين

المشاركة الأصلية كتبت بواسطة سيدات الامارات

مرحباااااا خواتي الغاليات

الصراحه ما اعرف شو اسوي بهالنفاس وعندي اساله واااايد ومحيرتني وملخبطتني …. بليززززز خواتي المتزوجات والمربيات واللي دخلن النفاس واللي كانو عندهم نفس حلاتي تجاوبني بكل صدق ولا تخرط عليه :
1- انا ربيت في نص رمضان 15 رمضان ( وهاي ولادتي الاولى ) وارتحت تقريبا 5 ايام وقمت اباشر شغل البيت من طبيخ يعني كانت راحتي بسيطه … فهل هذا بيضر على الرحم ؟

ان شاء الله ما بيضرج بس حاولي ما تشلين اشياء ثجيله ولا ادزين شي ثجيل بريولج ولا توقفين فتره طويله

2- الدم عندي وقف من يومين وانا توني مكمله ال 20 يوم … وانا يوم كانت تيني الدوره اتم بس 4 ايام وتخلص … فهل يعني هذا ان دمي قليل .. او له علاقه بالرحم او تيبس الدم ؟؟ لان الصراحه ما واضبت على وضع الحصى (لان ما عندي وما عندي حد اييبها لي ) ولا المطاره الحاره فهل هذا يعني ان الدم متجمد .. ولا شووو طمنوني الله يخليكم ؟؟ بس الحين من دخلت ال 20 يوم قمت احط المطاره واربط بطني .. بس ما ينزل وسخ ولا اي شي ؟ فشو معناته هذا ؟؟

وايدين ما يستخدمون مطاره او حصى وما صار لهم شي فلا تحاتين وبالنسبه للدم الي وقف عادي كل وحده يختلف نفاسها عن الثانيه بس كثري من السوائل الساخنه حبه الحمرا حليب بالزعفران (يدر الحليب) وهالسوالف

3- والصراحه في بعض الايام الاولى من النفاس او الاسبوع الثاني مرات اشرب غازيات … والحين وقفت بعد ما قريت ان هب زين … والصراحه قامت الغازات عندي تلعب دور وانتو عارفين كيف ؟!؟! فشو اسوي عشان اظهرها كلها وافتك منها ؟؟

اشربي ينسون وان شاء الله ما عليج شر

4- انا قريت في المنتدى ان يوم بيي ريلي للجماع بيظهر صوت وسوائل وخايفه من هالشي …. فقولولي كيف اتجنبها دخيلكم دامني في اليوم ال 20 من النفاس ؟؟

لا حبيبتي لا تخافين هذا يصير اذا كثرتي من المشروبات الغازيه ومن الاشياء البارده وما دفيتي عمرج زين ومشيتي حافيه على السيراميك ويصير بعد للوحده المربيه اكثر من مره مب البجر

5- انا ربيت طبيعي وسوولي خياطه بس قالولي انها بذوب مع الجلد .. فهل في خياطه اذوب ؟؟ وكم مدت هالخيوط عشان تروح ؟؟ لان معطيني موعد في 14- 9 … وابا اعرف الحين ذابوو ولا لاء كيف ؟؟

اذا ما تحسين بالم مكان الخيوط يعني ذابت وبتطمنين اكثر ان شاء الله وقت المراجعه

6- والصراحه يا خواتي ما اخذت شي من الاعشاب مثل الحلبه ولا اي شي لان الصراحه ما عندي اهل وريلي مسافر وما عندي احد ايبلي هالاعشاب مثل الحلبه واشياء اللي تاخذها الحامل …؟؟ وهل اقدر اخذها عادي وانا طفت ال 20 يوم من النفاس ولا فاتني ؟؟

انا عن نفسي ما اشرب هالسوالف والحمدالله ما شي الحال

7- قريت ان قبل ما اخلص النفاس ب 5 ايام اخذ تحاميل بتادين .. فشو تسوي هالتحاميل ؟؟ ومتى اخذها .. هل لازم وصف الدكتوره ولا عادي اخذه ؟؟

سمعت انها تنظف من السوائل والاوساخ بس ما قد جربتها اذا حابه تجربينها اتصلي على اي عياده نسائيه واستفسري اكثر عنها وتوكلي وخذيها

8- خواتي قبل الحمل كانت عندي افرازات صفره هب شفافه صفره ومرات تكون فيها ريحه ومرات لاء … فبغيت اعرف شو اللي يقضي عليها لان دايم يوم اقول للدكتوره تعطيني بس الغسووول واعتقد ان هذا ما يسوي شي ويستمر الافرازات ؟؟؟؟

تحاميل البيتادين بتفيدج فهالسالفه بس بعد اتاكدي من دكتورتج افضل

9- وانا زعلانه ان صدري يدر من الحليب شويه واشرب ولدي من الحليب الصناعي .. مع ان قالولي شربي ماي وايد وعصاير وانا اسوي ولكن يدر بشكل بسيط يعني قطرتين .. ويوم اجرب ولدي عشان يشرب من صدري ما يشرب يهز يمين شمال وصارخ فقلبي يقطعني عليه وانا اباه يشرب عشان يحرك صدري .. ولكن ماشي فايده فقولولي طريقه عشان يشرب لو ان صدري يدر قطرتين وبس ؟؟؟ ما اعرف شو اسوي يا الغاليات ( زعلانه من هالشي )؟؟؟

كثري من السوائل والخضروات الورقيه مثل البقدونس والعصاير كلي رهش واشربي حليب بالزعفران وان شاء الله بيزيد

10 – وولدي يشرب حليب هب منتظم يعني وايد وخوفتني الدكتوره لان كان وزنه 2 كيلو و 600, ويوم وزنته وصل 3 وشي فقالتلي نو نو نو لازم ما تشربينه وايد من حليب الصناعي وانا شو اسوي اذا صدري ما يدر وهو يصيح .. خوفتني تقوللي لالا هب زين خطر عليه وسببله كلسترول وما اعرف شوو .. خوفتني على ولدي مع ان هب باين ان وزنه 3 كيلو توه فرفوور ؟؟

ما عليه حبيبتي لا تحاتين اليهال فهالسن يحتاجون النوم اكثر من الحليب فما بياثر عليه ان شاء الله عطيه عدد الرضاعات المكتوبه على العلبه ودخليله كم رضعه من صدر وعادي حتى لو ما في صدج حليب خليه يمص لانه المص يحفز ادرار الحليب ويريح الطفل

11- الغاليات انا يوم اشل شعر العانه بالحلاقه وخاطري اشلها بالحلاوه بس خايفه لان جربت كريم ايلما elmaبس تخديره بسيط فابا اشله بالحلاوه ولكن وايد يعور .. شوفولي حل الله يخليكم ؟؟

البنات بيفيدونج

12- وبغيت بالاخير خواتي حنايه ( بالعين ) تسوي حنا القصيد فابا اجهز لقبل النفاس .. وابا وحده تشل حلاوه في البيت وايدها خفيفه … بس قبل كل هذا .. ابا الجواب الكافي لكل اسالتي الله يجزاكم الف خير يا الغاليات

وربي يحفظكن

اسمحيلي الغاليه انا مب من العين

مبروك ما ياج وان شاء الله امورج تتيسر وتطلعين من النفاس عروس