ربي يوفقج أختي
وصراحـة موضوعج متشعب ما عرفت من وين اييج أو أنصحج .. ^^!
أحس أختي هو من كثر كلامه عنج أفقدج ثقتــج في نفسج وهذا غلط أختي ..
إذا رب العالمين كرمنا اشلون تسمحين للبني آدم يذلج ؟
طبعا الصبر شي مطلوب أختي وحل المشاكل بالتسلسل
بس ريلج حتى حوار ماشي بينكم
,, دام أهلج ما تقدرين تعتمدين عليهم
هل في حد من صوبه تثقين فيه وهو يسمع كلامه ؟
ترى الرياييل وايد يتغيرون اذا حد يحترمونه كلمهم ..
وبعد أختي ليش ما تحولين تكلمين تعليمج ؟
بس مب حقه لا حق نفسج وتطوير ذاتج
ترى أختي انج تتعلمين مهارات السرير والسموحـة على هذا اللفظ مب ها الحياة أختي
ولا هذا تطوير الذات
ولا هذا الي بيعطيج الجاذبية وتجربتج خير برهان ..
الريال ينجذب للحرمـة الي تثق في نفسها لو تكون أمية ماتعرف تكتب
بس اذا واثقـة في نفسها ينجذب لها لإنها توحي بالجاذبية ^^
فعليج بنفسج أختي قبل غيرج
وامتنعي كليا عن تفتيش المبايل أختي هذا بلاء وعادة سيئـة وبتييب لج الأعصاب ..
وبعد ليش ما تحاولين تسوين لنفسج استقلالية وتسوين مشروع بالبيت ^^
ماشاء الله التاجرات السعوديات ناجحات خاصة ان عددكم كبير والإقبال موجود ولله الحمد
ابدي شوية شوية وركزي على نفسج
صدقيني يوم بتتغيرين ريلج بيتغير لإن الحرمـة الي ماكان ينجذب لها بدت تتغير عليه
وياعشق الرياييل للتغيير ^^ !
وطبعا وقبل كل هذا أختي عليج بالدعـــــــــاء الدعاء ثم الدعاء
في الثلث الأخير من الليل مع ركعتين تقربا من رب العالمين
الإستغفار أختي نور القلب والعقل لا تحرمين نفسج من سكينته
والله يهديه ويصلح أمره ويرزقج الرشاد في قراراتج أختي
وتذكري داما أختي ان الصبر مفتاح الفرج
وان في الجنة ما لا عين رأت ولا أذن سمعـــت ولا خطر على عقل بشر
ورب العالمين يمهل ولا يهمــل ,, أجرج محفووووظ بإذن الله