الوسم: الوضع

شحالكم خواتي ..

الغاليات اليوم بغيت صج صج اني افضفض لكم بهمومي وانقل لكم مشاعري الي ارهقتني ..

يا بنات ليش دايما احس ان التواصل بين الناس صار شبه معدوم ؟! ليش ماشي تواصل و ألفة نفس أول ؟! كل بيت بابه مسكر في ويه جيرانه وأي جيره هذي الي الجار مايعرف جاره فيها !! والله شي غريب والاغرب ان محد يبادر ويوح للثاني خلااااص كلن اغتنى بنفسه !
وين هذاك الزمان الي فيه متحابين ومتقاربين ! هذي تطبخ وتطرش حق جارتها وهدي تبي شوية ملح اطرش بنتها وشعرها المكشكش عشان تييب من الجيران فنيان ملح !
تعبت من الوحدة وشكل الحياة الي صار إلكتروني وممل وهادي سبحان الله كأن الحياة العصرية والنت والخربطان مافيهم بركة !! انا ما اقول انهم شغلات سلبية بس هالاشياء خلت التواصل صفر !!

كل الموضوع اني أحس بالوحدة بهالدنيا الي صارت كلها معاصي وتويتر وفيس بوك ولاب ونت وبلاك بيري وهالخرابيط الي اسمع عنها ؛ خاصة ان ماعندي جيران وربيعاتي كلن بحالها لاهية و طعم الحياة صار مختلف ماله ذاك الطعم الحلو الاولي

السبب الاكبر للتغيير الي حصل هي المعاصي الي كثرت وخلت قلوب البشر قاسية ومحد منا صار يتحمل الثاني وكلن اغتنى بروحه بعيد عن اي حد !! والله مادري شو اقول بس بغيت افضفض لأن الحال متعبني وكل مافكرت وتذكرت حريم اول الحلوات الزينات لابسات البراقع الطيوبات أحن وأحس بخنقة تعور صدري وأحس بالدمعة تترقص بعيوني بس شو اسوي !! زمان اول راااااح !!

هيه والله ع قولت القايل : زمان أول غدا ذكرى وسوالف كان يامكان وياليت الزمان ثابت مثل ماهي أسامينا

السموحة الكلام يمكن مخربط لان افكاري متشتتة من الوحدة ويالسة اكتب من الايفون .. يا الله عسا الله يريح قلبج يانونو ماما ويحفظ لج كل غالي وتفرحين بجمعة احبابج ياااااارب

ولكم بالمثل خواتي .. دعواتكم جزاكم الله خير

الله يعينا شو نسوي!!

قبل الدوامات قصيرة.. و كل واحد يرد البيت يريح
أحينه الدوامات طويلة و الواحد يرد البيت ماله خلق حق عمره
يعني الدنيا تغيرت و مب شرات قبل

وشو الي خلى هالناس تتغير غير ان العيشه والحياه تغيرت وتطورت .. ونفسيات الناس تغيرت وياها ..

تصدقين انا من نفسي من الي اشوفه ماقمت اتواصل ويا حد نفسيتي تغيرت اتجاه الناس باختصار " كافيه خيري وشري عن الناس"

والي حاز بخاطري حاليا .. من اخترعو هالبيبي " بلاك بيري" التواصل قل بيني وبين ربيعاتي فوني طول الوقت ساكت ههههههه ولا قمت ارمس وياهم حتى بالبيبي ..

يعني سبحان الله حتى يوم الناس تريد تساعد الناس تلاقين الف كلمة ويمنون على الواحد

صح مب كل الناس جي ولكن الحين الاغلب مايصبر على شي حتى على اهلهم

فاحسن شي اختي شوفي مصلحتك وين انتي مبدعة وفكري بحياتك وبعدي عن الناس

خلي الناس للخلقهم

بس الدنيا ماتخلوا من الخير

ولكن بعد عن تجربة التواصل الاجتماعي مطلوب بين الناس

لان الوحده مب زينه ابدا وممكن تسوي امراض الانسان في غنى عنها

فالواحد يحاول ضمن نطاق عائلته او دراسته او عمله يلافي له اصدقاء او زملاء يقضي الوقت معهم

وفي نفس الوقت ينشغل بنفسه

بنات بغيت منكم التشجيع لان صدري وايد ظايج من الي فيني
الموضوع وما فيه
انا صار لي مدة ماقدر اقرا القرآن واذا امي شغلت قرآن اتضارب وياها وابنده
ماحب اسمعه واحس اذا حد عطاني المصحف بايدي عادي اطره
احس مب بايدي غصبن عني وانا وايد رحت لمطاوعة وراقيين وقالو لي مسواي لج سحر
بس ماحب اكمل عندهم من الخوف وحاولت اقرا سورة البقرة مرة وصلت لين
15 وطبعا فبطني اصوات غريبة جنه حنيش (حية) في بطني
ونفس اليوم مع ان ما فيني رقاد بس كل ما اقرا يطيح راسي وتغمض عيني
ومرة وحدة خواتي يوني يركضون اونه انتي تقرين من هني واغراض تطيح فالمطبخ والدري من صوب
وكملت وعقب هاليوم ماقدرت اكمل وكل ما احاول اقراها احس بشي يخنقني وثجل وغصة
انا الحين ادرس واداوم يعني تعب في تعب وما عندي اي وقت اني اقراها وما اقدر اقراها لو فكرت احاول لاني اتعب من فترة اقل عن شهر اتصلت في مطوع بس عشان يتاكد اذا فيني شي وتم يسالني شو فيج ماقدرت اتنصخ وانا ارمسه وتميت اقطع فالكلام وهو عرف وكنت اسوق قالي بندي وردي كلميني يوم توصلين البيت وصلت البيت اتصلت عليه وامي يمي هو مارمس على طول قرا قرآن لانه عرف انه فيه شي هو قرا قرآن تميت اسكته واقوله جب جب وسبيته سب حسيت الفاظ مستحيل تطلع مني خصوصا انه هو مسكين ما سوى شي بس يقرا قرآن !!!!!!!عرفت ان المشكلة بعدها
وانا بنات وبشهادة الكل الحمدلله جميلة بس وايد اتنخطبت بس ما صار نصيب دوم هالمواضيع تخترب علي ابغي منكم دعوة صادقة والي تقدر تحمسني او تشجعني اني اقرا سورة البقرة تساعدني او تدعي لي حتى بيتنا مب طبيعي كل الي فالبيت ما يطيقون بعض ومن نوصل البيت نحسب بتعب ومانحب نيلس ويا بعض واا اجتمعنا تضاربنا على اتفه شي احس بغصه ماقدر اقول حق حد هالشي
ابغي نصيحتكم وتشجيعكم والي عندها قصص ويا سورة البقرة لا تبخل علي عشان تشجعني
قريت موضوع عن وحدة من الخوات عن سورة البقرة وجسمي كله قشعر فما بالك اذا قريت سورة البقرة انا بعد دوم احلم في جن يكلموني واخر مرة حلمت ان جني يراويني انه مدفون لج سحر فهالمكان وكان مكان يبال وفي مزرعة !!!! مع ان الراقين يقولون انتي ماكلتنه وفي راقيين 2 قالو ان في شخصين مسوين لج عمل!!!!!
دعواتكم وتشجيعكم بنات ما يمر يوم علي ما اصيح فيه من الظيق واحس خلاص اني بموت
استغفر الله الذي لا اله الا هو الحي القيوم واتوب اليه

حسبي الله ونعم الوكيل ………………. بقلب مؤمن بقوة الله سبحان وتعالى

الله يفرج همج ان شاء الله

و عن اني ما اخالط اخوانه ف هذا من حقه .. بس اظهر محترمه متستره بالغشوه احس صعبه ..

ف حالتج ختيه اظهري لكن تمي ف غرف خواته او ميلس الحريم و اذا خوانه موجودين اظهري من الحجره للحايه

واذا هو فالبيت اظهرو عسب لا تحسين انج محبوسه .. وبتهون ان شاء الله ..

و بجذه ترضين ربج و ريلج ..

لكن ان كان المتقدم لي ماعنده بيت وانا ابا اعرس,,طبعا بصبر وكل وحده تتحمل نتيجة اختيارها

واذا انتي حابه ريلج وريلج زين معاج اصبري واتحملي وخلج ف حالج,,,,,وحاولي ماتحكرين نفسج فالغرفه لانج بتملين من اول يومين لان عندج ولد ويبا يطلع ويتحرك,,,,وحميج مب 24 ساعه بيكون فالبيت,,,ف حاولي تتأقلمين واتحملي تشكين الحال وااايد لريلج لانه بيتأثر وهالشي بينكس سلبي على علاقتكم

الله يعينج اختي وان شاء الله جريب يكون لج بيتج الخاص

خواتي من اسبوعين كنت احس بشد ببطني وانا حامل باسبوع 26 تقريبا ورحت ع المستشفى النور عطوني مسكن بس ماخف الالم ولا حد فااد وياي وقالوا لي رجعي امارتج وشوفي دكتورتج مانقدر نساوي لج شي .. ورجعت البيت وانا بعدني مريضة واحس بعوااااااااااااااااااااااااااااار .. وريلي اليوم الثاني لازم يداوم ومابغيت اضغط عليه واخوفه ومن خلص دوامه رجعت راك وعاى مستشفى راك والا تقولي الدكتورة انتي لازم تدخلين غرفة الولادة وعطتني مسكن وخف الوضع شوي وخوفقتني وقالت مااقدر استقبلج عندي ماعندنا حضانات … ورجعت البيت وماخبرت الاهل وبعدها ب 3 ايام ازداد الوضع سوءا فجاة بنص الليل ورحت مستشفى صقر قالو لي لازم تتنومين عندج تقلصات رحمية مبكرة ولازم نشيك ع الرحم نخاف يكون مفتوح (والحمدلله طلع مسكر) وقالو لي لازم انزلج الولاده وهناك تاخذين الدوا لمدة يومين وافقت من الخوف وخذت الدوا وانا بغرفة الولادة يومين كاملات بس عقبها الحمدلله وقفت التقلصات … هل ممكن ان ولادني تكون مبكرة ؟؟؟ ع فكرة الحين احس بشد ببطني لكن من دون الم واحس ان في شي يفتح مجرى البول وفجاة يوقف الم حاد بس مابي اشيك لكن مانزل مني شي

منو صار فيه نفسس ماصار فيني ؟؟؟؟ وربت الحمدلله بالسلامة

ما عندي أي فكره عن الموضوع بس حبيت ادعيج وارفع موضووعج

شو ها …؟!

☼
☼
☼

☼

لما ورد أن النبي عليه الصلاة والسلام قال (إنها ضجعة أهل النار). وقال (إنها ضجعة يبغضها الله عز وجل) رواه أبو داود بإسناد صحيح.

*وعن أبي هريرة رضي الله عنه قال :’ رأى رسول الله صلى الله عليه و سلم رجلاً مضطجعاً
على بطنه فقال إن هذه ضجعة يبغضها الله و رسوله ‘. رواه الترمذي بسنده

**و ما رواه أبو أمامه رضي الله عنه قال :’ مر النبي صلى الله عليه و سلم على رجل
نائم في المسجد منبطح على وجهه فضربه برجله و قال : قم واقعد فإنها نومة جهنمية ‘ رواه بن ماجة .

قد أثبت الطب الحديث أن النوم على الشق الأيمن هو الأفضل في تحقيق السكن الصحي والجسدي للنائم .
فمن أسرار النوم على الشق الأيمن :

– أن الرئة اليسرى أصغر من اليمنى فيكون القلب أخف حملاً .
– و تكون الكبد مستقرة لا معلقة .
– و المعدة جاثمة فوقها بكل راحتها .
– أسهل لإفراغ ما بداخلها من طعام بعد هضمه .
– النوم على الشق الأيمن من أروع الإجراءات الطبية التي تسهل وظيفة القصبات الرئوية اليسرى في
سرعة طرحها لإفرازاتها المخاطية .

كان النبى صل الله عليه وسلم كان ينام على
شقه الأيمن ….

حبيبنا يا رسول الله

وما ينطق عن الهوا

سبحان الله

اصلا يخنق النوم على البطن

هي كانت كاتبه موضوع عن حركة عفوية تثير الزوج .. بس هالمرة حبيت اخليها حركة عفويه تثير الزوجة

يعني شو الحركات اللي تشوفينها من ريلج تغريج او تثيرج او حتى تلفت نظرج؟؟
وهاي الحركة تكووون عادية وعفويه ومافيها اي اثاارة

ما بخبركم الا اذا شفت تواااصل منكم وردوووود

متى قريتي الخبر؟

لان يومج هذا اجازة الوضع 60 يوم

مع الســــلامه

بس عقب ما يربت الامومه احس اقل شي 6 شهووور ><

ولاتضايقين عمرج .. قعدي مع نفسج يمكن انتي مضغووطه..

ربي يوفقج

حاولي تشغليين عمررج شووي عنه
وانسسي سالفة العرس ودوم ادعي انه تتيسر اموركم واتعرسون بسرعه
استانسي فـي هالايااام لانج بتشتاقين لهاا عقب ههه لاتخلين شي يضايقج

ماعندج دراسه ؟ ماعندج شغل؟؟ ولا بس يالسه تترين يوم العرس؟؟؟
يااختي حالتج هاذي يمكن سببها الفراغ ، والانتظار؟؟؟؟ عشان جذي تعصبي ؟؟
يااختي الهي نفسج بدراسه ، انضمي لدورات ،أقرئي كثيرا في أمور الحياة الزوجيه ،وكيفية التعامل مع الزوج التعامل الأمثل………… عشان تهيئي نفسج للحياة الجديده.

والله صدقيني هذا الفراغ اللي عايشته ، يجد من خلاله الشيطان منفذا . يجعلك تيأسين ، وتتذمرين . والله أعلم.

ضعي لك أهداف ،وجهزي الأدوات اللازمه لذلك .وسوف تحققي السعاده والرضى في نفسك.