الوسم: الويك

بنااااااااات شرايكم في جامعات العين وابوظبي نظام الويك اند خبروني؟؟؟ بكم في السنه والكورس بكم ابا تربيه

أنا ما أعرف بس أتمنى الأخوات يفيدونج إن شاء الله

الغالية وضحي انتي تقصدين جامعة أبوظبي الخاصة و لا وشو بالضبط و نحن في الخدمة

^_^

هي اختي الخاصه اا كليات او جامعه في بوظببي خاصه مب حكوميه

كيف يعني نظام الويك اند … بقول لج اللي فهمته .. دوام الجامعات الخاصة من الأحد إلى الخميس و و الويك اند الجمعة و السبت …

يعني ابا ادرس الخميس الجمعه السبت جيه كليه الامارات جيه في بوظبي

بغيت اتخبركن عن الخصومات للعمرة الي تعرف ماتبخل عليه ومشكورين

عندج حملة الشارجه وقريش شوفي اذا عندهم عروض

وتقدرين تحجزين روحج الحين الاسعار حلوه للطيران والفنادق
مثل فندق دار الغفران والصفوه وابراج مكه وزمزم
والطيران السعودي وناس وفلاي دبي لو بغيتي

ان شاء الله البنات يفيدونج ما عندي فكره

شوفي اسعار الفنادق والطيران في النت

السلام عليكم ورحمة الله وبركاتة
قررت افاجا زوجي وارتب رحله للعمره هالويك اند بما انه في اجازه واريد مساعدتكم
عندي مبلغ بسيط تقريبا 5000 هل بيكفيني انا وزوجي بما اني مسوتله مفاجاه انا بحجز كل شي وبدفع
الي رايحين قريب ممكن تقولولي اسعار التذاكر
والسكن
ما عندي خبره في هالسوالف كيف اقدر احجز وشو احسن عن طريق مكتب سياحي والا كيف

بنات همتكم بسرعه اريد احجز هالايام

اختي اتصلي لمكاتتب الطيران وشوفي اسعار التذاكر

وان شاء الله بتلاقين حجز لأنه مافي وقت عندج اذا بتسيرين آخر هالاسبوع ما باجي الا يومين عندج

الله يسر امورج اختي وتسيرين ولا تنسيني هناك من الدعاء ^__^

تسلمين ااختي على ردج ان شالله شكلي باجر بتصل وبسال

الله يوفقج الغالية
اتصلي بمكاتب السياحة والحج والعمرة
ممكن يفيدوج كثير
حجز تذاكر وفندق ومواصلات من المطار الى الفندق والعكس
الله يسهل لج امورج

حبيبتي 5000 يالله يكفن التذاكر والسكن يبغيله من1500 الى 2024 درهم والمواصلات من و الى المطار 600 وبس الله يكتبلكم تسيرون ويتقبل منكم يا رب

مشكورين خواتي الي ردوا علي
وخصوصا عيونها يزاج الله خير الغاليه ما قصرتي
والله يكتب لي واروح العمره ان شالله
شفت وحده فالمنتدى عارضه تذاكر دبي جده دبي ب 2200 اعتقد او 2400 وكنت متردده قلت يمكن احصل ارخص
يعني 4400 للتذاكر 2024 او اقل للسكن ليلتين
والمواصلات من المطار الى مكة 150 او 200 درهم ….
بنات نصايحكم شو احسن فندق وسعره مناسب لميزانيتي وكيف طريقة الحجز

اختي روحي عن طريق حمله احسن لج وظني بيظهر لج ارخص

مادري والله خاطريه اساعدج بس مالي خبره

مرحبا خواتي

شو اخبااااركم .. عساااكم بخير

حبايبي انا مالجه من فترة وريلي الحين من شهر ما شفته
وطول هالفتره مضايق مني ..
والحمدلله هاليومين راضي علي ووعدني يزورني هوالويك اند

فحابه اسويله شي حلو ..ابي اراضيه باسلوب حلو ودلع ومب عارفه اشقايل

ابي ادلعه واقوله اشياء حلوه اتتونسه وتنسيه كل شي

بس مشكلتني ما اعرف شسوي وشو اقووووول

بليييز ساعدوني والله لا يحرمني منكم

وينكم ؟؟؟؟؟

حبيبتي اول شي رتبي المكان الي بيقعد فيه وياج وترتبي عدل البسي لبس كشخه وسوي مكياج هااااااادي ورقيق
واكييييدسويله عشاا معتبر وسويت وعصايير فرش وحاولي تسولفون سوالف بعيده عن البيزات يعني سولفي وياه عن اللي يحبه شو يحب يسوي يوم يكون بروحه (هوايته) وشو يحب من الاكل وغيره وطبعا انتي لا تييبينه بطريقه س=ج
خليه سوالف وقوليله الكلام اللي فخاطرج ما يحتاي حد يعلمج وموفقه يا رب

مشكورة فديتج

الله يهنيج ويسعدج حبوبه

اهم شي انج تكونين طبيعية غير متصنعه

^___________^

اختي مثل ماقالت اختي عليااا وسوي له مفاجاه اشتري له هديه وحطيها في البوكس

مرحبا ..

انا ناوية اذا الله راد اسير الكويت في الويك اند الياي … سمعت عن فندق اسمه بلازا اثنيه، دورت رقمه ما لقيته.. ممكن حد يفيدني؟ و بغيت اعرف الاسواق اللي عندهم؟ و وين اسر.

تحياتي ..

ام موزه

نحن سكنا في الريتز.. اول مره سكنا في فرع شرق وااايد حلو بس بعيد شوي عن الاسواق كان وثاني مره سكنا ريتز السالميه كان زين بعد

وفي الاولى تحصلين عندهم مثل الشقه بغرفة نوم رئيسيه وغرفة بسيرين و عزج الله حمام ومطبخ وصالة يلسه وحمام بعد صوب المطبخ مع طاولة طعام .. عاد هذا على ايامي من 3 سنين

رحله سعيدة

ان شااء الله حد يفيدج

إن شاء الله البنات اللي عندهم فكرة ماراح يقصرون
موفقة الغالية

فيه فندق اسمه –
Al Manshar Rotana Hotel

حد عنده فكره عنه؟؟

ان شاء الله البنات يفيدونج
وتروحين تردين بالسلامه

انا من الحريم الي ما اشوف ريلي الا فالويك اند وهالوضع وايد مضايجني بحكم شغله في اماره ثانيه وانا فإماره ثانيه مع بناتي وعايشه فبيت اهله بس دايمن احس اني وحيده وكل الي حوالي عندهم رياييلهم الا انا اتريا اخر الاسبوع عشان اظهر معاه او ايلس معاه وحس مافي وقت اقوله على الي في قلبي الشي الحلو في هالموضوع الشوق ……. البعد يشكل حاجر مرات بين الريال وحرمته لدرجة حتى فالتيلفون ماحصل وقت اقوله عن شي لانه بعد الشغل يدرس وبعد مايخلص دراسه يدور على المخده وينام بس الحق لقول تصبح على خير …………………….

في حد مثلي يا اخوات على الاقل احس حد نفسي يعيش نفس معاناتي

وايد شراتج اعرفهن صاااااابرات الله يعينكن ويصبركن الصراحه ..

بس عندى لكم حل :::::::::::::: انج اتسكنين معه وترتاحووون::::::::::::::::::

هو صعب وايد

ياريت والله هو رافض الفكره يقول انا اشتغل وادرس كيف بجابلكم وبركز فدراستي

أختي الصغيره مثلج ، دوم تقول احس اني عازبه بس عندي عيال

حتى يوم ايي اخر الاسبوع يتم بالبيت يلعب ع الكمبيوتر

ليش هلحساسيه عادي

الحياه تتوقف بدونه؟؟؟انشغل ببناتي واولاي ادرسهم الاعبهم ادور نشات لهم
ادوري على طبخه ؟؟ارتب عمري عسب يوم ايي الويك اند يشوفي غير انشغل

ترا هو لاهي بشغله وانتي اتفكرين فيه الله يرحم حالج

بنااااااااااااااااات منووووه بتروووووووووح العمرة هاليووووووووووووم ….!

انا ان شاء الله رااااااااااااااااايحه …

الله يجعلها عمرة مقبولة

ان شاء الله انا باجر رايحه

عمره مقبووووووووووووله ..

لاتنسينا من الدعاء ان الله يرزقنا بالذرية الصالحه عاجلا غير اجل

انا بسير الاسبوع اللي بعده ان شالله

ان شاء الله بروح باجر تاريخ 12

السلام عليكم ورحمة الله وبركاته..

شو حالكن بنوتات وصبايا وحرمات..

من زمان وانا خاطري اسير لقطر.. واخيرُا قرر ريلي نسيرها في الويك اند الياي..

اذا ممكن تساعدني وتخبرني عن احسن فنادق او شقق فندقيه في قطر..

وبعد عن المولات والاسواق والاماكن اللي ممكن نتمشى فيها..

ومشكوووووووووووورات خوياااتي..

ترحين وتردين بالسلامه

مشكوووره اختي على المرووور..

وييييييييييييينكن بناااااااات ..

هلا حبيبتي

ممكن اتروحين فيلاجيو وايد حلو وتصميمه روعة
وعندج اللاند مارك
والستي سنتر
امممم
عندج اللولوه اتروحين لها الصبح تتمشين فيه وكله ماركات عالمية فيه

ولا تنسين سوق واقف وايد حلو

فنادق عندج وايد

غراند حياة .. الرتز .. الانتركونتننتال .. الفورسيزون ..

شقق للأسف ماعرف

مجمعات عندج اللاندمارك .. الستي سنتر.. فيلاجيو .. الحياه بلازا

وناسه عندج سوق واقف واللؤلؤه

وحياج حبيبتي

المولات والاسواق والاماكن اللي ممكن تتمشين فيها في قطر عندج اول شيء المولات :
فيلاجيو – اللاند مارك – ستي سنتر
عندج سوق واقف حلوووو وان شاء الله تستانسين فيه
وعندج اسبير زوون هذا خلف فيلاجيو حلو هو مثل الحديقه وومشى وفيه برجة للبط والسمك حلو حق التمشي بس حلاته اتسيرله الصبح
وعندج اللؤلؤة هو ممشى على البحر فيه محلات وفيه كافيهات

وان شاء الله تستانسين