الوسم: اليهال

السلام عليكم ورحمة الله وبركاته

شحالكم ماميز وشخبار كتاكيتكم ماجهزتوهم للعيد خلونا ننقاش عن تجهيزاتهم للعيد وين احسن محلات سواء ماركات او محلات عاديه واي مول مناسب للتسوق لليهال انا عندي ماشاءالله بنت وولد الولد متعوده اخذله اما البنت الله يحفظها هي واخوها مب عارفه شو اخذلها ابصراحه يله اتريا تجاوبكم معاي في الموضوع

اكيد انا قصدي تجهيزاتكم لليهال لعيالكم

انا عن نفسي عند ولد واحد والله يحفظه لي ياااارب وطبيعي اول يوم للعيد ان شاء الله بلبسه كندورة بس عالعصرية بغير لبسه اشتريت له من الفيستفال ماركة فيراري وحق ثاني يوم العيد بسير عند خالوتي فشارتله لبس بربري من موقع www.childrensalon.com اسعارهم حلوة وعندهم كل الماركات…

والله بعدني ماخذت شي حقهم عندي بنت ولد الله يحفظهم انشالله ويحفظ عيالكم بس باخذ من سيتي سنتر مردف شي محلات وايد حق الاطفال ومجابل بعض او بطوطه ويوم باخذ باخبرج انشالله  

في دبي مول في تنزيلات رووووعة الصراحة
وخذت فستان من مونسون

السلام عليكم امهات وحريم وبنات ..

ولدي مكمل 9 شهور ماشاءالله .. بس. متعبني ويا رقاده لين الحين .. ع عمر 4 شهور تقريبا كان رقاده اوكي يعني يرقد مال 5 ساعات متواصله .. الحين يرقد ساعتين متواصلات وينش ويرد يرقد ..
بقولكم نظامه إلى اابى اغيره .. ينش ما بين 8 ونص و 9 الصبح .. ابدله واغسله واعطيه اكل ويلعب شوي ويرقد تقريبا ع 11 يعني عقب ما ينش بساعتين .. ياخذ هالغفوة مال 40 دقيقه تقريبا او اقل .. ويتم واعي لين الظهر اسبحه وارقده ما يكمل ساعه وهو ناش .. -_- ! يعني. ما يرقد وايد .. والمغرب ع 6 او 7 ياخذله غفوه مال نص ساعه بعد .. وينش يلعب لين وقت رقاده اللللي هو ع11 او 11 ونص .. شرب حليب ورقد مايكمل ساعه ويصيح احطه فحظني اواعطيه المصاصه واهزه شوي لين يرد يرقد .. وع نفس. الموال كل ساعتين .. بتقولون يوعان .. اسويله حليب ما يكمل رقم واحد ويرقد .. واعطيه ماي مايبا يبا المصاصه ويرقد فحظني. .. ينش. 3 وعقب 5 وعقب 7 وعقب 9 خلاص يشبع .. ماعرف مستغربه ال لي فعمره يرقدون وايد بالليل .. الحفه ما يبا اللحاف. يشله عنه .. واحرص انه ما يكون حران ولا بردان .. .. خبروني كيف انظم رقاده ! هاي فتره وتمر ولالا ؟ وشو تنصحون بالعشا في هالعمر ؟

يمكن من التسنين

مثل ولدي بالضبط للاسف ما لقيت له حل حلي الوحيد اني كنت اتصبر و فعلا من كبر وكمل سنه تقريبا اعتدل رقاده من نفسه والحين كمل سنه و نص يرقد الساعه 11 و نص ينش الساعه 9 الصبح ماشاءالله يشرب حليب و يلعب و يطالع تيلفزيتون لين الساعه 1 و نص اغديه واسبحه الساعه 2 و نص تقريبا ياخذ قيلوله مال ساعه او ساعه و نص يعني 3 ونص او 4 بالكثير وخلاص ما يرقد لين فليل عشان جي يكون مدوخ و ينام انتي حاولي ما اترقدينه المغرب انا كنت احاول ما اخليه يرقد المغرب يوم كان بعمر ولدج بس للاسف ما قدرت يكون صدق مدوخ و يصيح يبا ينام بس اتحملي بيكيبر وكل شي بيعتدل وبيكون نظامه مثل نظام معظم اليهال

في يهال مايعرفون يرقدون بدون قماط شرات بنتي لين استوا عمرها سنه و4 شهور تبي القماط واللي يشوفها على كبرها يضحك لان بدون قماط مول ماترقد والحمدلله بس اهم شي الاكل والنظافه ومايكون عنده غازات فالبطن لان هذا الشي بعد وايد يتعب الياهل بس مايعرف يعبر عن الالم والعشا سوي له بطاطا مهروسه او عيش لين مع روب او شوربات مثل شوربة جزر او الشوربات الخفيفه وادخلي مواقع عن الطفل بتلاقين كل اللي يشغل بالج عن ولدج

الله يرزقنا الذرية الصالحه يارب ويحفظ لنا عيالنا

هلا حبيبتي
بحكم عمره عادي يختلف رقاد آلياهل من طفل الى اخر
اذا تبين تعدلين رقاده
امشي ع خطتي وبتنجحين ان شاء الله
انا عيالي يروحون المدارس ع الساعة ٧:٣٠
الاخير يتم راقد…. اسير اطفر به الين يوعى غسلته وغيرت له
وبعدين اريقه… العب معاه… اسبحه….
خلصنا لقيته دوووخ هههه اخليه يرقد من ١١ – ١ الظهر
ارد مرة ثانية اطفر به ما اخليه يرقد… اغديه…. غسلته
لعبت وياه …. وما اخليه شو ماكان يرقد…
الين المغرب … اعشيه مع إخوته…. اغسله واسبحه… بعد أذان العشاء اذا تلاحقت أسويله الحليب … أرقده … وما اسمع له حس الين اليوم الثاني… ولازم انا كذلك اطفر به ههههه

والله يعينج يا اختي

هلا عمري

اظن والله العالم تعبان من التسنين وغريبه ما يرضع بس ملي؟؟؟؟؟ ويمكن الولد تعبان من اذنيه ترى التسنين ايسبب احتقان فالاذن
يا عمري ما اريد اخوفج شيكي على الولد اولا على اذنيه وعلى بطنه ايكون مافيه غازات
لان الياهل ينش كل ساعه ايصيح ولا يرضع!!!!!
وما شي اصعب من التسنين

شكرًا خواتي غلى ردودكم

بعده ما سنن ههههه ولا سن لين الحين
بس الحمدلله ييلس ويحبي وشويً شوي يوقف وهو ماسك المشايه

ماعرف طبيعي هالنظام ماله واتريا يتغير روحه يوم يكمل سنة ولا

هلااا حبوبات

للأسف

لاحظت انه الريال والحرمة يحبون بعض يوم اي المولود الجديد

احسه العلاقة تنهز وللاسف

انتوا مايديني ولا لاااا ؟؟؟

عني انا يبت بيبي واحد واحس انهزت علاقتنا انشغلت حتى لو حاولت اوفق من بين الاثنين ماشي فايدة

يالله خبرونا …

اختي انا نفس حالج ,,يبت الولد الله يخليه وعلاقتنا اهتزت واتغيرت,,, الله كريم

لا بالعكس لازم ايكون هو الوصله بينكم
وعشان انشغالكم بالبيبي هدا طبيعي بالبدايه
بعدين بتتعدل الامر شوي شوي

أول شي أحمدي ربج على هالنعمه غيرج يتشفق على ياهل و مب محصل..

ثانياً صدقيني فديتج مب من اليهال,, الزوجة ما تعرف تنظم و قتها يعني يا تهتم فالزوج يا تهتم فاليهال أووكي ليش ما

تنظمين وقتج و تهتمين فال2 يعني هذا له وقته و هذا له وقته..وااايد حريم معرسين و عندهم فوق ال3 يهال بس

الحمدلله حسن تدبيرها هو الي يخليها محافظه على حب زوجها لها..

و الزوج بعد له دور المفروض يقدر بعد ان الزوجه تمر بظروف و نفسيتها تتغير بعد ما تييب عيال و عليها حمل و

مسؤليات لازم تقوم فيها و الحياه مب كلها حب لازم تمر علينا بعض الأيام الي نحس فيها يوم بتعب و ضيج و هم و

يوم بفرح و سعاده وراحة..

و الله يدوم المحبه بينج و بين ريلج و يحفظ لج البيبي..

>> ما عندي خبره

بس من الي اشوفه ان العكس !!

لا لا بالعكسسسسسسسس ومنو قاااال !!

مممم ها يسمونها نضوج بالمشاعر ….مدري شغا اييبها لج بس الزوجين ببدايه الحب بينهم يكون فيه الوله والشوق والمشاعر وطبعا كل ما يكبر الحب او يزيد مر الحب بينهم كل ما يبدا ينضج يعني طريقه التعبير عنه تنضج ما فيها هاك التهور ……….بس خل يبعد عنج قولي اسبوع يرجع الاحساس نفسه …..

يعني بالعربيييي كده ما يمووووووت الحب يبقىىىىى وان شاء الله للابد

السلام عليكم

شحالكم خواتي

عقب 10 ايام ان شاء الله بسافر لندن وباريس ^____^

وعيالي وياي اكيد. عمرهم اقل عن 5 سنوات

فشو من الاغراض المهمه الي لازم اخذها وياي

انا كتبت لسته

بس قلت اسال يمكن نسيت شي

ويزاكم الله خير

وادعولي بسفرة حلوة ^_^

اهم شي لا تنسين دوا الكحه و ادول او تحاميل احتياط لانه الجو بيتغير لهم

لصق جروح يكون في الشنطه وياج

شليلهم لحاف او كمبل من النوع الخفيف للفندق لانه الفندق بيحط شراشف ما ادفي

الحيلب الي يشربونه

و ليفه مع لوكس للمراضع او الاكواب

بويلر او سخان ماي اصغر مقاس ولا تستخدمون مال الفندق >< لانه اكيد بيكون مب نظيف اما فيه كلس او مصدي شوي

مناديل ديتول المنديل الواحد يكفي 3 لانه وايد كبير و فيه رغوه ولا تستخدمين المطهر السائل مب زين لهم

والله يعينج معاهم ^^و ان شاء الله تستانسون

للرفع

السلام عليكم
الله يعينج عليهم وان شاء الله تستانسون كلكم

شنطة ايدج:
* بطاقات ثقة في حال احتجتم تعالجون هناك أو للطوارئ (عساكم ما تحتاجونها) .
–>أذكر ريلي كان ييب اوراق رسمية من صحة (أو العيادة ما ادري) عسب تغطي البطاقة حالات الطوارئ بالخارج.
* علوك–>بما انهم اقل من 5سنوات خذي وياج إلي عادي تنبلع (بطعم الحلاو أو الفاكهة)
* مناديل معقمة.
*مناديل منعشة.–> في حال رجع حد منهم عقب ما تغيرين ملابسه وتغسلين ويه؛ امسحي ويهه وذرعانه. (عن ريح الزوع). أو دهن عود بس بعض المطارات يمنعونه وياخذونه

بالشنطة إلي بتاخذينها داخل الطيارة -بتحطونها فوقكم- :
* العابهم النقالة (ds أو psp وما شابهها ) تسليهم خلال وقت الرحلة , وتأكدي انج شاحنتها فل .
* شوية سناكز-وجبات خفيفة (سندويشات وبساكيت وعصاير) –> لا حلويات ولا كاكاوات.
* بلوزة احتياط وسروال خفيف وكيس بلاستيك صغير–> (في حال رجع (زاع أو تقيأ) حد منهم بالطيارة لا يتم بالملابس الوسخة.)
* رضاعات و كونتينرز (حاويات) الحليب البودر مال الأطفال –> في حال كان حد منهم لا يزال يرضعها.
* الأدوية (قطرة أذن + قطرات ماي وملح "مو البوكس كامل .. يكفيج صف يعني اربع حبات + خافض حرارة "ادول شراب"+ دواء للترجيع "ناسية أسمه"+ مرهم ميبو أو أي شي للسعات الحشرات وما شابه + كريم كومباكومب أو أي شي غير حق تسلخات التهاب منطقة الحفاظ).
*بامبرز (3 حبات للكل قياس) +مناديل تنظيف wet wibes + كريم لمنطقة الحفاظ -افضِّل إلي على شكل معصار او مرهم- + الفرشة البلاستيك للتبديل chamgimg mat .
–> السنة الماضية ماخذة أنا من بيبي شوب شنطة صغيرة اذا فردتيها صارت فرشة وفي واحد من اطرافها شنطتين شبك واحد للبامبرز والثانية فيه بكس بلاستيك احط فيه المناديل المنظفة .. والفها مثل الرسالة وعادي اعلقها بترولي اليهال .

*
بشناطكم الي بالشحن:
* شراشف sheets واغطية مخدات و بطانيات لليهال .
* خذي قواطي حليبهم إلي بتكفيهم طول الرحلة (البودر لأنه احتمال ما تحصلونه هناك)
*شواحن ألعابهم.
* البامبرز (أنا آخذ من كل قياس اصغر كيسة .. لين يمديني استقر واسير اتشرى لهم زيادة).
* فوط لهم (كل واحد وحدة).. خذي الخفاف مو الثقال عسب مساحة الشنطة (أنا ماخذة من المعرض خفاف وعليها ورسومات كرتونية)
*شامبو يهال ينفع للشعر والجسم ويفضل يكون اصغر حجم.
* فكس (للاطفال) حجم صغير.
* خذي لهم على لبسة وحدة ثقيلة وجاكيات ثقال ( لكل واحد واحد بس) ينفع للجو البارد والمطر+ لكل واحد اندروير ثقيل thermal
لا تكثرين ملابس : لكل واحد منهم بالشنطة 2من البناطيل 1 منها جنز وواحد برمودا و4 من القمصان او البلايز والاحسن يكون بعضها بأكمام طويلة لكن مو ثقيلة وايد. + 3 بيجامات
–>في حال احتجتم زيادة الاسواق عندكم

** بخصوص الملابس اليهال بالمطار كل واحد منهم بيكون لابس بنطلون طويل (مكيفات الطيارة تمرض اليهال + التوب يكون بكم طويل) والاحسن يكون قميص بأزرار -عسب تفسخينه بسرعة وبسهولة اذا لا سمح الله رجع ووسخ لبسه . جاكيت أو سويتر (وسط نفس مال المدارس مو ثقيل وايد)… في حال وصلتم بالسلامة هناك يمكن يكون الجو بارد برع المطار..

وأخيراً :
لازم كل ياهل تحطون عليه تعريف مثل الاسم ورقم موبايل الوالد مثلا … يا بطاقة ادبسينها بملابسه أو الي على شكل اسوارة أو ساعة تلفينها على ايد الياهل … تكتبين اسمه بالانجلش و رقم حد منكم (طبعا الرقم الي بتستخدمونه خلال الرحلة )…
ومن بيبي شوب بتحصلين الشنطة الي يلبسها الياهل ومعها خيط عسب ما يركض فجأة ويضيع .. نفس الصورة

أو الخيط من مذركير طرف بيدج والثاني بيد الياهل ..

والله يسهل عليكم وتردون بالسلامة وانتم مستانسين

وهذي اللستة هي إلي أنا معتمدتها والحمدلله ما قد تورطت بسفراتي لأني دايماً افكر بأسوأ السيناريوهات إلي بتصير معي…
لأني نفسج اسافر مع عيالي دايماً حتى لو كان اصغر واحد منهم عمره شهرين (ما اروم اخليهم عند حد)…
ودايما قولي (اللهم اني استودعتك اولادي فاحفظهم يا من لا تضيع ودائعه)

ان شاء الله تستانسين الغاليه
اهم شي ادول لاسمح الله ارتفعت حرارتهم
او تحاميل على حسب انتي شو تستخدمين
قطور عن الزجام وااعراض البرد
فكس ههههه اهم شي عندي
مناديل ديتول
نسيت اقولج في ايكيا يبيعون شي شرات القميص تلبسين الياهل عسبتان ما يوسخ ثيابه وايد مفيد حق طلعات المطاعم

ماشاااء الله عليييييكم

تسلمين اختي عالمشاركة. وزين نبهتيني. كم غرض نسيت اكتبه

والله يسمع منج وتكون سفرة حلوه

السلام عليكم
ولدي عمره سنتين و3 اشهر
قبل شهر ونص وديت ولدي الحضانه يوم واحد وعيبته ووايد وكان متحمس اني اوديه مره ثانيه

ووديته قبل اسبوعين واتغير حاله 180 درجه اول ما دخلت عشان ايبه حصلته ميود ايد العامله الي عندهم وقالت لي العامله ولدج من ساعتين وهو ميودني ومب طايع يهدني وين ما اسير يسير وياي فقلت لها ويين مدرسته قالت لي روحت خلص دوامها قبل 10 دقائق المهم سالت كدرسه ثانيه كيف ولدي قالت ما كان وياي كان مع وحده ثانيه بس روحت وقالت ابنك ما بشتكيش ولا بتكلم كان بيلعب بس اخر ساعه مل كل ما انكلمه ما يرد علينا وشككله نعسان
المهم لما روحت البيت ما كان يتكلم ولا يضحك كله يفكر وزعلان وكله لازق فيني وفي الليل قام متروع ويصيح واليوم الثاني لين اليوم وهو يخاف يطلع من البيت ويخاف من الناس وكل ما اتسير مكان يكون خايف واليوم سرنا المارينا ووديته المكان الي يلعبون فيه الي يحطون الناس عيالهم فيه ويسيروم يقضو حاجاتهم المهم هالمكان اوديه ولديه عليه وايد يعني كل اسبوعين تقريبا وهو اصلا يحبه وايد
واليوم سرنا عليه واول ما دشينا ولا ولدي قام يصيح ويرتجف وخايف واتخيلو انه كل ما يمر عنه ياهل يقوم يصارخ ويمسك فيني ويتخبى والاغرب انه يخاف بعد من النونو الي عمرهم اقل من سنه قانا اقله نونو ماما ليش تخاف منه ويتم يرتحق ويصيح حتى الخدامات قامن يسالني ليش يخاف وليش يصيح

شو اسوي احين عشان يرد شرات اول ما يخاف من حد

شوفي مابي اخوفج بس ردي للحضانه وقولي لهم يخبرونج شومستوي في الولد حد ضربه تحرش به سواله شي
ولا بلغي الشرطة وهم بيتافهمون بطريقتهم لن الحضانات فيها كميرات علىة حد علمي

اكيد صارله موقف فالحضانه و خلاه يخاف
اسالي المشرفه اللي هناك او اسالي ولدج قوليله حد ضربك حد قالك شي فالحضانه
قوليله تبا تسير الحضانه و اذا قالج لا اساليه ليش ؟؟؟
لان مب معقوله بيخاف من اليهال بدون سبب

و الله يحفظه لج ان شاء الله

السلام عليكم…

أنا ما اعرف نظام الحضانات عندكم… بس عندي بعض الطرق و ان شاء الله تفيدج…

اول شي الغلط انج وديته يوم واحد… وبعد شهر وديته …. لما خلاص انتي نويتي انج تحطين ولدج بالحضانه… لازم كل يوم توديه… قصدي كل الايام اللي تكون الحضانه مفتوحه… لان بجي راح يتعود… اول اسبوع حاولي تقعدي معاه … وما تطولو… يعني ثلاث ساعات كفايه … وبعد الايام… خليه بروحه… راح يبكي.. يمكن يبكي ساعه او اكثر… بس لاتخافي… و لا تنتظري لين الدوام يخلص… روحيله بعد ثلاث ساعات… و بعدين راح بإذن الله يتعود… وراح يفهم انج بترجعيله… وكل يوم عن الثاني راح يفهم انج بترجعيله…

الحضانه أبدا مو سهله ان الطفل يتعود عليها…. بس انتي لازم تصبري… أنا ما اعتقد ان صار له شي… يعني حد ضربه ولا شي… يمكن خائف لانج خليته بروحه وساعات كثيره…

الله يسهل عليج…

لازم ترجعين الحاضنه وتسالين شو السالفه الدنيا مافيها امان ما اريد اخوفج بس اكيد صار شي خلاه بهالحاله

الله يحفظه ويردلج شرات أول..

حاولي تسئلينه.. قوليله باجر بنسير الحضانه.. أكيد بيقولج مايبا يسير .. اذا تم يصيح قوليله اذا ما تباني أوديك خبرني ليش وما بوديك

وان شاءالله تقدرين تعرفين شوه السالفه

السـلام عليكم ورحمة الله وبركاته

سالفة قالها اخويه حقنا من اسبوع وحازة في خاطري
حرام الاهل صاروا يتكلون على البشاكير في كل شي ويعتمدون عليهم في البيت و تربية اليهال

ليش يا أم ؟؟ شو ناقصنج عشان تربيج عيالج ؟؟ اداومين ؟ تردين من الدوام تعبانه مالج بارض ؟
اوكي اذا انتي مب قد المسؤولية وما تتحملين العيال والعوار الراس لا تييبينهم وتبهدلينهم !!

اذا كانت عندج رغبة في الامومه وحبيتي اجربينها .. وشفتيها صعبه !
ترا احب اقولج انه هالسالفه ما فيها تجربه .. لانه هاي روح .. روح طفل بريء
يوعى عالدنيا في حضن البشكاره اللي تهمله وتضربه و تضره !!

السالفه ومافيها انه اخويه يقول اتصلت فيه بشكاره تقوله انته شو اسمك ؟ ومن وين ؟
اخويه يتحراها من شركه ..بس قبل لا يقول اي شي قالها من وين انتي ؟
قالت انا .. انا بشكاره داخل بيت في بوظبي .. انا يريد فرند انا بروحي داخل بيت ويا بجا !!
ماما وبابا كلوا برع مافي حد داخل بيت بس انا و يا بجا
قاللها انزين وانتي شو تبين الحين ؟ قالت ابا فررند .. تعال البيت انا بقولك عنوان !

تخيلوااااا !!

كييف يطاوعج قلبج يا أم ؟ وكيف يطاوعك قلبك يا أب ؟؟
تخلون عيالكم بروحهم وبا البشكاره .. مهما كانت الظروف ..
اقلها تشلونهم عند يدتهم .. خالتهم .. عتمهم ..
حد يهتم فيهم يراعيهم

هالموضوع صار قديم وقضية البشاكير صارت قديمة وايد

بس العيال يدمرون .. وهالدمار في استمرار .. للوقت الحالي

مشكورة على النصيحة بس المفروض اخوج على الاقل يخبر راعين البيت

على الاقل ما يسكت حماية للاطفال وتوعية الوالدين

والله لو أنا جان خذيت العنوان ,,, وخبرت أهل البيت عشان إذا هم وايد مطمنين ,,, يمكن نصيحة من أخوج توعيهم

..

أخويه كان في الدوام و نحن في دبي!!!!!! كيف بيوصل لأصحاب البيت

الله ايعين والله احنا ما بنخلص من بلاوي الخدم

الله يستر من هالزمن

هلا خواتي شحالكم …
عساكم الا بخير ؟؟؟

ببدأ بالموضوع كنا ناويين انا وريلي وطبعا مع خواته اثنين وامي نسير العمرة شهر 7 ان شاء الله بس احسني هونت لأنه قالي لازم تودين اليهال … وانا احسني ماباخذ راحتي بالعمرة لازم اتفيج للعبادة وغيره واحس اليهال بيلعوزوني

شورن عليا خواتي … وشغالتي مااقدر اوديها لأنها مسيحيه وممنوع

مممم صراحة محتارة منو جرب العمرة مع اليهال وبدون وشو احسن
واذا وديت عيالي كيف اقدر اوفق بين العبادة

وشكرا بليز لاتتأخرون علي فديتكن
…

والله العمرة مع اليهال واااايد لعوزة ,, خاصه لو كانوا صغار … ما بتعرفين تصلين ولا تقرين بتكون عينج عليهم دايما … والصيح ما تقدرين توعينهم لو بتسيرين الحرم تراهم يهال .. هذا غير الصياح الللي ما تعرفين له سبب وقت الصلاة ..
بس اذا ما في حل الا انج تشلينهم وياج خلاص شو بتسوين … دام وياج حد غير ريلج بتتناوبون عليهم
والغلا اتحملي عليهم لانه واااايد تصير حالات اختطاف في الحرم
وان شاء الله عمرة مقبوله مقدما

يزاج الله الف خير اختي غروب صراحة كنت اتريا حد يرد علي بالذات اللي مجربين
مشكووووورة

مره متعب اخوي راح مع عياله مره تعبوا

احس خليهم وروحي خاصه لو هم اقل من 10 سنوات هم بيتعبوا وانت كمان

الله يسهل لك وتروحي

انصحج لا اتودينهم والله بتتبهدلين..العمرة يبالها صفاء ذهني مش حشرة يهال.. ادعيلي الله يسخرلي زوجي ان اعتمرتي..

اختي شليهم معاج، لافكره انتي اجرج مضاعف لانج تجتهدين وانتي تتعبدين، تتركيهم مع الخدامه معناه تظلمين عيالج و ما تضميين الخدامه مهما كانت ثقتج فيها، اذا شفتي انه صعب سفرتج مع العيال، ترى العمره فضيله و تربيتج لعيالج فرض و تتحاسبين عليهم، فاعتقد المسلم الفرض اهم. ودينا فيه تيسير والله الحمد

مشكورات خواتي
وان شاء الله يامريم الله يسخر لج زوجج يااااارب

مرحببببببا بناتات وحريمات
سؤالللللل للي في المنتدى
منوا تعرف حد يبيع شنط لملابس اليهال تكون حجمها لارج شوي اكبر او شوي اصغر تفيدني

وما قصرتم

للللللللللللللللللللللللللللللرفع

أب أب

الغلا بعطيج موقع يمكن يفيدج وتوصيل فري وفي الدوله

ع الخاص

للرفع

ليج ماتاخذي من بي بي شوب
او محلات اطفال

اكيد بتلاقى بمحلات الاطفال وايد فى شنط حلوات

بنااااات بغيت أسال وين بحصل الذهب مال الراس مال البنات الصغار ..

بس طبعا مابا ذهب .. جليت .. يعني مش ذهب

ألا حق التصوير

بتحصلينه في مركز سارة تحت الطابق الارضي

صح كلام اختي بتحصلينه في مركز ساره واذا انتي من بوظبي بتحصليني في بوظبي مول فيه محلات تبيعه اهناك

وفي بمركز مدينة زايد ب30 او35 درهم

في ميغا مول عند الدري المتحرك الطابق الأول واحد ثاني عند نعومي

سوق الجملة في دبي في

يزاااااااااااكن الله خيييير