الوسم: اليهال

فديتها قلبي عورني عليها احنا يوم يجيسنا امساك نهلك فمابالج بالياهل
الغالية عطيها برتقال بروحج طعميها البرتقاله بحالها لان الفايده بالالياف و الخوخ الحين موسمها وووووااااااااااااااايد مفيد للامساك
حاولي تستبدلين حليب مراعي بحليب ثاني سيري لدكتورة بتعطيج حليب زين للقضاء على الامساك

مشكووووره حبيبتي

انا ادري عن البرتقال ..لكن والله عيزت اباها تاخذ ما اطيييع مول

بالغصب اذا خذت قطعه

صدقج يبالي اغير عن المراعي

يزااج الله خير

ان شاالله بييبه عسى بس أحصله

ثمان شهور وحليب المراعي غريييييييييييييييييييييييييييييبه

اللي اعرفه ابد حليب الطازج مب زين لليهال اقل من سنه

اعطي بنتج حليب سميلاك غين ابرك لها وعليج بالحبله الحمراء ويا الماء وبيمشي بطنها

وكثري من السوائل لها

الله يوفقج الله يرزقنا الزوج الصالح

الغاليه غيري الحليب خللي المراعي حق عمرالسنتين وفوق بعدها صغيره جربي حليب بديا شور رووعه

السلام عليكم
بغيت اسألكم خواتي في اي شهر يبدى الياهل
يتجلب_يزحف_يحبي_ يقول بابا وماما_يعطونه اكل
اتريا ردكم حبايبي

كل طفل يختلف عن الثاني الحباي في منهم من السابع وفوق وفي منهم مايحبون
التجليب من الشهر الثالث وانتي ديري بالج اتحطينه على اطراف السرير او مكان ثاني
الزحاف من الرابع وموب شي دايم عند الكل
اما المشي من الثامن وفوق الى سنة ونص
ما ما وبابا انا بنتي توها تقول وعمرها سنة واربع شهور

مشكوره ام حور ع الرد

افدتيني بصراحه صدق كل ياهل يختلف لان ولد اختي كمل سنه وشهرين وللحين ما يمشي شكله بطئ

وبنت خالي عادي يوم كملت سنه مشت .. احس الاولاد ابطئ عن البنات

يقولون البنات اسرع عن الاولاد..

ماشاء الله بنت اختيه تجلب عمرها واتقول ماما وبابا وهي في السابع

فالمشي والتجليب والحباي كل ياهل غير عن الثاني..وفيه منهم مايتجلبون بعد مووول..ونصهم يحبون على ورا هههه..

وبالنسبة للاكل تقدرين تبدين تاكلينه بعد 6 شهور وابدي بعيش بدون ملح بدون سكر وبالتدريج ضيفي الخضرة و9 شهور تقدرين تعطين فواكة ولو مااتعطينه غير حليبج سنة كاملة يكون احسن

والله يا حبيبتي كل طفل يختلف عن الثاني..

اختنا (أفياء الامارات) يزاها الله خير كانت حاطة هالجدول في تجمع الامهات 10-11-12 << اسوي دعاية ههه
وهي ناقلته من موقع بيبي سنتر
فيه عن تطورات الياهل

انشالله يفيدج

وبخصوص الأكل من 4-6 شهور بس الأحسن واللي يقولونه الدكاترة ان لين 6 شهور الحليب روحه يكفي

السلام عليكم…

بنات وين اقدر احصل ستاير راقية و حلوة حق منز اليهال
ابي ال stand مال الستارة يكون طويل…
ياريت اتساعدوني

ماعندي فكرة

للرفع

سبحانك اللهم وبحمدك ، أشهد أن لا إله إلا أنت أستغفرك وأتوب إليك

في محلات الاطفال اللي بعد جسر قرطبه

في الشارجه

يا رب .. يا صمد ..
أسألك باسمك الأعظم أن تيسر أمرنا وتفرج همنا وتقضي حوائجنا
أسألك أن تقول لما أدعوك به في جوفي .. كن فيكون

يا ذا الجلال والإكرام،،

للرفع

جربي محلات الأطفال

أو home center

شفتهم في هوم سنتر

السلام عليكم والرحمه

حبيباتي ابا اسألكن من عندها حد مسويي عمليه لارتفاع الخصيتين ؟؟؟؟؟؟؟؟؟؟؟؟ في اي مستشفى ؟؟؟ بليز دلني على دكتور شاطر و اذا ف بوظبي

UP UP UP

thanks dear

ماعندي فكرة الغلا بس حبيت ارفعلج الموضوع

هلا اختي انا مسويه حق ولدي العمليه تقريبا من ثلاث اشهر ف دبي عند الدكتور عبدالرحيم مصطفوي عنده عياده خاصه ويسوي لج ف مستشفي خاص مع انه هوه دكتور في مستشفي الوصل بس نادرا ما تبحصلين موعد واختي عن تجربه لا تاخرين العمليه واذا تبين شي امري

أنا ولدي دكاترة العين قالولي عنده أحدى الخصيتين مرتفعه والله هداني وديته مستشفى والكير ألي في دبي عند دكتور جراح أطفال وأول مافحصه قالي الخصيه موجوده فرحت الاني ما أحب العمليات ويوم سألته ليش قالولي مش موجوده قالي بعض الخصيتين ترتفع عند البروده لكن هذا شي طبيعي الحمدلله

معرف والله للحين راجعت فيه عند مستشفى خليفه و زايد العسكري

زايد قاللولي بيضربونه ابر تكبرها و تنزلها في الكيس … بس انا خفت انها هرمونات و تقدم عنده فتره البلوغ و هو عمره 3 سنين و نص

وخليفه قالولي بيسووله عمليه تحت البوضيات ينزلونها …………. الله يحفظه يارب بليييييز لا تبخلن علي الي تعرف هذا اول بيبي لي

من هالالعاب

وبكم سعرهم وووين اقدر احصلنه

هلا اختي في البيبي شوب والتعليم المبكر وتويزارص

من غير الاشياء اللي تطلبينها من الكاتلوج

مرحبا ختيه بتحصلينهن في التويز آر اص و البيبي شوب و فيه محلات حديقة الأطفال اللي في الشارقة و اسعارهم اقل شوية من التويز

البيبي شوب والتعليم المبكر وتويزارص

شكلهن من خارج البلاد

بتحصليينم عند حديقة الأطفال ارخص من بيبي شوب وتويز أر اص والتعليم المبكر الشار اللي نفس سيد استوديو الزورق قبل الجسر على اليمين موفقة

انا ماخذه حق عيالي من تويز ار اص

اغراضهم صح غالية لكن تعيش

بنات منو تعرف دكتور شاااااطر يعالج ربو الاطفال ….

وابا دكتور يعالج بالخلطات الطبيعية مثل العسل وغذاء الملكة

مابا ادويه …

بليززز بناااااااااااااات ضرووووووووووووووري

حبيبتي إنت أفضل دكتور لعلاج الربو ,,,وبعدين الربو علاجه المهدئات اللي هو الاكسجين وفي انواع وانا ماعندي علم إختصاص الدكتور …بس عليج بالعسل تضيفينه مع ماي دافي أوياخذله ملعقةأوملعقتين ضيفي مع العسل حبة سودة وابعدي عنه جو الدخان والعطور والبخوررإلــخ عندج عيادة حجازي بالشارقةوعندج استشاري اطفال بعجمان دكتور محمود بمستشفى الجي ام سي واايد ممتاز ولاتسيرين عند عشرين دكتور عسب ماتخلطين بالادوية

أختي أنا الحين أعالج بنتي بحبوب السنغليير وايد مرتاحه عليها
بس مانعه عنها الروائح والعطور وأهم شي تدفي الطفل مزبوط لأنه البرد مو منيح بالمره

مشكوووووووورة فديتج . لانه انا ما كنت اعرف طريقة العسل. اعرف انه العسل زين بس ماعرف كيف ووين احطه . وبشوف دكتور محمود وان شاء الله خير
الله يجزاج خير يالغالية على ردج تسلمين

انا المشكله ما ابا حبووب وادويه ابا اشيا طبيعية . لانه مب زين جسم الطفل يتعود على هاالحبوب . الله يشفي بنتج ان شاء الله

مشكوووووووورة الغالية على ردج

قد تتشابة لهجاتنا من دول الخليج إلى الدول العربية ……………

وان شا ءالله يعجكم الموضوع :22 (12):

^_*
منقول

تسلميين اختييه ع ها الموضوووع,,,,,, بس شو رايكم نحن عيااال اليوووم خلنا اندور كلمااات يديييده حق عيالنا ف المستقبل………………………….^__^

والله انج ضحكتينى
احنا لليوم نذكر اختى يوم كانت صغيره شو تقول

(( ماما ييا جول انجولى اوا ))

ادرى تبون الترجمه

(( ماما ييا اتقول كندورتى حلوه))

(( وعندها كلمه لوح اديجا ))

يعنى بنسير الحديقه

وسلامتكم

هههههههههههههههههههههههههههههه
في بعض مسطلحات أستعمله بس يقولون يفضل تعليم طفل الكلمات الصحيحه من صغر شو رايج أنتي

يسلموووو ع الموضوووع

ههههههههههههههههههههههههههه

انا استعمل بعض هالكلمات ويا عيالي

بس انا راي من راي ام عبدالله
ان الياهل احسن يتعلم الكلمات صح

بس الوالده الله يهديها ماترمس وياهم غير جي

ههههههههههههههههههههههههههه

تسلمييييييين يالغلا على الموضوع …

انا ولدي يقولي كل يلي من برع
مرحبا الفاع يا حيهم

(مرحبا الساع يا حيهم )
بس الحمد لله انا اتعودت استخدم مع ولدي المصطلحات لو انها صعبه ويقولها مكسرة لكن بيعدلها لما يفهم شوي

شخباركم خواتي عساكم مرتاحيين … شو العيال وياكم … حبيت اسالكم اليوم عن الفكس الي مال الصغارية يبونه من تايلند وين اقدر احصل اهني بس لو ادلوني على المكان يكون فدبي …
او انصحوني شو استخدم حق بنتي عمرها 6 شهور الحين حق الزجام والبلاعيم ما يصحوني استخدم الدواء ويايها لانها بعدها صغيره افيدوني يالعزيزات…

ما اعرف اللي تطرينة بس انا كان عندي فكس بالحبة السودة من السعودية واايد زين

على كل حال حطيلهااا العادي بعد زين

حطيلها فكس شوية على ظهرهاا وصدرهاا

اذا تشرب مرضعة خلي الحليب دااافي شوي

المكيف خفيف وااايد عسب الزجاام

عصير برتقال مخفف بالماي عسب فيتامين سي

الله يشفيهااا ان شاء الله

هلا الغالية انا ما اعرف عن الفكس اللي تطرينه بس انا استخدم لولدي من عمره شهر فكس اسمهbaby rub بتحصلينه في اي صيدلية وهاذي صورته ( ادخلي على اللينك)

https://international.drugstore.com/p…param=sespider

مشكــورة على المرور… والنصيحة

مشكــورة الغالــية … المهم يكــون فكس مال اليهال … مشكـــورة على المــرور

هيه الغاليه أنا بعد استخدمت هالفكس لبنتي وايد زين بتحصليه فكل الصيدليات

و معلومة عصير البرتقال ما أنصحج لنه اللي أعرفه أنه الحمضيات مب زينه وقت الزكام تزيده

السلام عليكم ورحمة الله وبركاته
امهاتي الغاليات
انا عندي بنت عمرها سنة و6 شهور الله يحفظها وهي واااااااايد ضعيفة والكل لما يشوفها يتحراها عمرها سنة ويقولولي انتي ما تأكلينها ؟ مع اني والله والله العظيم ااكلها وااايد واسويلها من الاكل شوفان ,وبطاط ,وعيش مصري , وهي من النوع الي ما يمتن وما تحب الاكل وما شاء الله عليها تحب تلعب وهذا الشي مضعفنها والله العظيم واااايد غامضتني والحين قامت ترجع شوي وضعفت بعد
الي عندها خبرة وتعرف خلطات تمتن الياهل تقولي دخيييييلكم ساعدوني الله يفرج همكم ولا تردوني !!

الغاليه بصراحه اشوف الياهل الضعيف احسن من المتين
شو فايدة المتن ما يجيب غير الامراض
عطيها روب مع بطاطا
سوي لها شوربه ونوعي من الخضروات
اكليها فواكه عنب وفواكه التايلاندية اليهال يحبوها
انا نفس الشئ بنتي اتعبني بس احاول معها
سوي لها سندويشات شاورما وحطي طحينية احس اليهال يحبوها
خبز رقاق مع بيض واكليها
سوي لها معكرونة بشاميل
محشي ملفوف
لا تضحكي بس عوديها ع اكلات متنوعه
ونصيحه ان ما طاعت تأكل حطي الصحن عدالها وخليها
مع الايام بتتعود
حاولي تخليها تعتمد على الاكل بنفسها
بنتي بطبعها تحب تعتمد ع نفسها وتتقبل اكثر ان كلت بروحها

اهم شي يكون اكل الطفل صحي وانتي شوفي وزنها بالنسبه لعمرها اذا كان مناسب فلا تقلقين ابد لان بنية جسمها ناعمه . لا تكبرين معدة بنتج خليها براحتها (طبعا اذا الوزن والعمر متناسقين) ماكو طفل يتحمل الجوع اذا جاعت اكيد راح تاكل بس بالكمية الي تكفيها .

حبيبتي عندج وعندي الخيررر

انا بنتي عصقوووول وحاولت كل شي سويته ومامن فايده

والله انتي نفسي بنتي مول ضعيفة بس احاول الحين انوعلها الاكل واكثر شي تحب الحوامض مثل البرتقال او الورق عنب او الزيتون الاخضر احول معاها بس اهم شي انج لا تهملينها والله كريم .

الغاليه مش مهم اتكون متينه و مربره

الاهم تكون صحتها زينه

و ما عليج من حد

الناس بس فالحه تعق رمسه

كل طفل مختلف عن الثاني

ان شاء الله ما عليها شر

و اذا وايد وايد تحاتين هالشي

وديها عند دكتوره تعطيج فيتامينات تفتح شهيتها للاكل

السلام عليكم ورحمه الله وبركاته

كيف الحال الغاليات وعساكن بخير …؟

خوياتي انا اعاني وايد من رقاد بنتي عمرها 9 شهور صح الحمدلله انها ترقد من وقت بس المشكله اذا رقدت الساعه 10 ونص تنش الساعه 11 وارد ارقدها بعد موت وهز وهزاب ترقد وتنش الفير يا الساعه 3 او 4 وارد ارقدها وترد تنش 6 او سبع وارد ارقدها

:1 (7): عيزت وحده ومطلعتيلي قرون فخاطري ارقد 5 ساعات متواصلات بدون ماتوعيني

ابا اعرف شو اللي يخليها تنش …..يوعانه مثلا اوتدلع …..<<<< :1 (7):

دخيلكم عطوني حل ابا رقادها يعتدل مع انها ماترقد فاليوم الا الظهر وبس

مرحبا الغالية يمكن اتكون مب شبعانه لان الياهل اذا شبع يركد واحتمال اتكون اتعاني من الغازات او التهاب في اذنيها وديها الطبيب اذا قال ماتشتكي من شي فاتاكدي انها اما يوعانة او تبرد من جو الغرفة
والسموحة ^_^

أتوقع مثل ما قالت الأخت أمطار شرقيه

يمكن شرات ما قالن الاخوات يوعانه او خفاظتها مب نظيفه ، حاولي تعدلين ساعات نومها يعني لا تخلينها تنام المغرب واذا نامت العصر خليها تنام لمده ساعه بس.
والله يحفظها لج.

اختي اناعيالي الاثنين تم نومهم متقطع لين ما كملو السنه و بعد السنه ينامون عدل ماشاء الله ينامون من 9 لين 9 وعلميها ان مش كل ما تصيح تشلينها خليها شوي وبترجع تنام و خلي اخر رضعه اعشاب

يوم مابترقد سبحيها ….السبوح يهد اليهال الصغار

وألحين صيف يعني عادي مابتاخذ برد

مثل ماقالوا الخوات .. انا كنت اعاني من بنتي الصراحه .. الحين هي اتنش الليل بس يعني تبا الحليب لا اكثر..

– اول شي.. اتاكدي انها تاكل عدل وتكون شبعانه ..
– لا ترقديها وايد .. يعني خلي ساعات رقادها اقل .. ان كانت ساعتين خليها ساعه ..وان كانت ساعه اقل..
– قبل لا ترقد .. عشيها .. سبحيها .. خذيها لمكان هادي .. وحاولي اترقدينها .. ابعديها عن اي مؤثر.. وخليها ترد.. حضريلها رضعة .. وهزيهزيها .. لين ماترقد ..
– اتاكدي انها ماتكون لا حرانه ولا بردانه .. الحر الوايد يضايجهم والبرد بعد يضايجهم .. وهم حليلهم مالهم يله الا الصياح او انهم ينشون ..

-اعتمدي وقت معين للرقاد دوم .. يعني عوديها على الرقاد فهالوقت .. وبتلاقينها مع الوقت اييا الرقاد فنفس الساعه ..

بس اتاكدي قبل كل هذا من الدكتور انها ماتعانيمن الغازات والتاب الاذن .. لان بنتي فمره من المرت لععوزت حياتي ..ماترقد ابد وكله صراخ .. وطلع اخر شي اذنها ملتهبة .. وعطاني الدكتور انتي بيوتيك 5 ايام اعطيها اياها وبروفين اطفال اذا ماياها رقاد ..وارتاحت عليه ..

والله يهيدها لج ..