الوسم: اليهال

الموقف الأول
أخويه يوم كان صغير(طبعا حاليا معرس وعنده عيال) كانت الوالده سايره السوج (الجديد والقديم اللي هدوه في بوظبي) مع بنات عمتي وماخذينه معاهم..واول ماوصل وشاف الألعاب..تم يصيح ..وهم يسكتونه ويجولون بناخذلك من انخلص..ويوم ماشاف منهن فايده..شوي واختفى عنهن..تعرفون شو سوى…..!!!!!

((رجعلهم بشرطي ميود إيده يقوله زخهم..وحطهم في السجن..هاذيل يجصون علي ومايشترون لي ألعاب)) …هههههههه..والشرطي جافط ويضحك..وأمي مفتشله ومب عارفه كيف تسكته..هههه

الموقف الثاني
أخويه الكبير مودي عياله حديقة الحيوان في العين..طبعا لفو ولعبو الصغار..ووصلوا عند قفص السبال
..وشافت بنت اخويه السبال ياكل موز..جان اتصيح واتصرخ ابغي موز..ابغي موز اللي عند السبال..
ومارضت تسكت!!!! وافتشل أخويه من بنته..وظهر من الحديقه يشتريلها موز..ولوما القفص.. عادي بنت اخويه تسير تضارب معاه ع الموز..هههه (تحب الموز وايد)

الموقف الثالث
كنت سايره مع بنات العم المندوس اللي في بوظبي مول وكان معانا اخويه الصغير وكان عمره حوالي 3 او 4 سنوات..وكنا في قسم الحريم ..يوم شاف اخويه النعل ما اليهال..تم يصيح يبى نعال ..واحنا نجوله ..خلاص خذنالك نعال حج العيد وموجود في البيت.. بس هو ماصدقنا وتم يزن ويصيح.. ويوم يينا بنروح وييت بيوده..جان يشرد عني ويسير عند مجموعه شباب واجفين صوب قسم الرياييل وينخش من بينهم وايود كناديرهم..ويجول..لا..لا مابروح..انا ابغي نعال..والشباب..واجفين يطالعون ويضحكون..وراع المحل يجولي خذيله واحد..وانا اجول مفتشله..عنده ماخذيله..وبالغصب..يرييته من بين الشباب..وانا صدج مالي ويه اشوف حد..أجول ..اكيد في خاطرهم يجولون شوهالبخل!!!!

وسلامتكم..

يلا خواتي..اتريا قصصكم ومواقفكم..وإن شاالله الموضوع يعيبكم

المشاركة الأصلية كتبت بواسطة miss_sweety

ههههههههههههههههههههههه اسميها سوالفج اضحك

اليهال ماتعرفين ولا تتوقعين شو ممكن يسون….بس وين موافقج..يلا نبى بعد إحنا نضحك

المشاركة الأصلية كتبت بواسطة .بنت محمد.

موضوع حلووو .. صق اخوج فشله فديته
اتذكر موقف صار لي قبل يومين كنت رايحة كارفور مع أختي ولدها ..تقريبا هو عمره ثلاث سنين ونص
المهم خذناله عربانة اللي على شكل سياره عسب يقعد فيها وما يأذينا .. قام الحبيب كل ما شاف ريال أو هندي أو أي واحد يمر حذالنا يطلع لهم إيده ويقولهم سلام <— يعني سلموا على
لحد ما صرنا مشهورين في كارفور كلها ..
ههههههههههههههههههههههههههههههههههههههههههههههه .. فديته والله

زين سوالكم واسطه في كارفور..عادي تشترون ببلاش..هههه

أف هلكونا بطلباتهم

بنتي عمرها سنه و 4 شهور وقالولنا لازم نصورها ..ما طاعوا يصورونها على اساس انها صغيره ..

ابغي اعرف كم حجم الصوره ..و شو شروط الصوره ..ضروري اليوم ردوا عليا خبر

هذا من موقع هيئة الامارات للهويه والسموحه منج يالغلا

شحالكم خواتي عساكم الابخير

وشومسوين

بغيت منكم طلب

ممكن اتساعدوني اختي في مدرسه كوين انترناشيونال الي صوب الحمريه واتخيلو كل سنه يبدلون الاداره والمدرسين وفي الصف 33 بنت واهتماماتهم مب شي وتعاملهم

بغيت انكم اتساعدوني اذا اتعرفون مدرسه اوكي في دبي منهج E لانه اختي الحين صف رابع وكلا دارسه بالانجليزي

بغيت مساعداتكم اذا اتعرفون احسن مدرسه في دبي واوكي يتعاملون ويا اليهال و الصف يكون عدده محدود يعني مب فوق ال30 واهتماماتهم اوكي

والسموووحه

اشحالكم امهااااااات

بغيت اسألكم ولدي عمره 11 شهر عادي اعطيه مجبوس او برياني

ولا عيش ابيض وصالونه بس

اترياا ردوودكم

قصدي فالعنوان (متـى ) بس ما عرفت اعدل

الله يرزقني الريل بالاول عقب بخبرج

اعيالي اعمارهم 4 سنين وسنتين

ابغي اسافر في الصيف وياهم وين تنصحوني اسافر وابغيهم يستانسون

ماقدر انصحج بمكان محدد!

بالنسبه لي.. كل دوله أسيرلها أستانس فيها ^___^

يعني ان شاءالله أي دوله تختارينها بتحصلين اماكن انتو واليهال تستانسون فيهم… أهم شي شوفي جو الدوله اللي بتسيرولها ما يكون وايد بارد في هالوقت

وكل مكان حلو

أوروبا بارك ، ألمانيا

ديزني لاند هونغ كونغ روعة بس المسافة طويلة

ماليزيا زينة فيها حديقة الفراشات

إلا إذا طولوا أرد .. بس ألحين (كملت 3 سنوات) أصرخ عليهم وأحرج وما أرتاح إلا يوم أخوزهم بنفسي

أو أشل عنهم أغراضي .. وإذا دخلو الغرفة أقولهم لا أهني وبس عاد .. وأطلعهم بلطافه وأقفل الباب وراي

المشاركة الأصلية كتبت بواسطة نبع الإبداع

أنا نفسج فالبداية كنت ما ـحمل بس أسكت وأطنش .. وأحيانا يزقروني وما أسويلهم سالفه

إلا إذا طولوا أرد .. بس ألحين (كملت 3 سنوات) أصرخ عليهم وأحرج وما أرتاح إلا يوم أخوزهم بنفسي

أو أشل عنهم أغراضي .. وإذا دخلو الغرفة أقولهم لا أهني وبس عاد .. وأطلعهم بلطافه وأقفل الباب وراي

بس احس اذا صرختي عليهم بيخبرون امهاتهم.. وساعات يألفون قصص والله اليهال مب هينين

انا استوالي موقف ويا بنت حميي.. بس الحمدلله انها كانت صغيره و ماتفهم شي .. والا جان تعقدت البنت.. لوووول ..

بس الحين محد يدخل حجرتي موليه.. استوى مكان محظوور

بنات حريم امهات شخباركم؟

حبيت انزل هالموضوع اسالكم شو تستخدمون حق ثياب الاطفال

اقصد صابون الغسيل و ملطف الثياب

نحن نستخدم لثياب ولد اخوي صابون غسيل pigeon
"كاتبين عليه انه يحافظ على القماش والفرو او الوبر اللي ف ثياب اليهال والالوان طبعا "

و ملطف مب معروف وايد اسمه "لانس "بس ريحته حلوة وارخض من الملطفات المعروفة

انتو شو تستخدمون ؟ في شي خاص للبيهات خاصة لحديثي الولادة ولا؟

خاص بالاطفال من دوانى

موضوع مهم ،