العناية بالشعر
تساقط الشعر / ماساكات الشعر / العنايه اليوميه
الحمدالله يا رب
يله بنات ابدو رحلة البحث عن المسببات شو هالشي الي يخلي الشعر يطيح هالكثر
1 – البداية تكون مع فحص الدم عشان نعرف ان الحديد اوك
2 – نعدل في التغذيه في النوعيه مب الكميه
3 – وكيراتين وصبغ وتمليس وخرابيط خخخ وقفو ممنوع ما عدا ف المناسبات اذا بتسشورون سشورو بشكل بسيط جداا ومب دايم
4- اختارو الشامبو البلسم المناسب
5- حمام الزيت وحمام الكريم باستمرار
6- الدعاء الدايم
* انا ولله الحمد خف التساقط عندي ويا رب يوقف للابد السبب
مشيت ع الخطوات الي فوق كلها + شي مهم*
رحت الصالون وسجلت اشتراكية حق حمام زيت باستخدام مستحضرات ماتركس الخاصه بتساقط الشعر واستمريت عليه اسبوعيا والحمدالله يا رب فاد بنات قولو ما شاء الله
مع هاي الامبولات عددهم 2 قبل وبعد
ف كنت اروح كـل اربعاء وع فكره انا اشتغل = يعني الموظفات مالكم عذر =
المهم كانت تغسل الشعر بشامبو ماتركس وبلسم
وعقب تحط الامبول رقم 1 وتم تسوي مساج خفيــــف
وعقب كريم ماتركس تحطه ماسك ع كااااااااامل الشعر
وعقب تخلي شعري تحت البخار المده الي انا اباها كل ما تقولي مدام اشيله اقول لها لا خليه بعد شويه احس البخار مهم للشعر
وعقبها تغسله وترد مره ثانيه تحط امبول رقم 2 وبعد مره مسااااااااج خفيف
عاد عقب تييب السشوار والبروش
اقول لها ممنوع الاقتراب من الجذور وخففي ع السشوار اقل شي
وجففي بشكل غير مباشر وبلا دفاشه
المهم الحمدالله نفعني وبعدي مستمره عليه
يعني جدولي : – كل اربعاء انا هناك
ع فكره هالاشيا يصير تسوونها في البيت مب شرط ف الصالون اهم شي تختارون المستحضر المناسب و الاستمرررراااااااااااار