الـسلام عليكم رحمه الله وبركاته
شحالكم بنات وحياكم فـــــــــي
"IELTS Class " . . }–
هني بنسوي مثل دوره للايس او كلاس للايس
نقدر من خلاله بعضنا البعض ونستفيد وكل وحدة تخبرنا عن تـــجربتها بالأيلس وكيف نجحت فيه 
أنا مثلي مثلكم من معانيات الأيلس ولازم اييب 5 في كل السكشنات او 5.5 وأكثر
الــمهم نقدر بهاه الموضوع وايد اشياء
1- نخبر بعضنا نصايح
2- تجاربنا وكيف تخطينا الصعوبه ونجحنا
3- نقدر نصلح الاسييات مال العضوات اللي يبن مساعده في الرايتنق ع قدر ما نقدر ونعطيهن نصايح
4- نتعاون وندعي لبعضنا البعض
واخيرااا حياكم في الايلس كلاس وما يمانع اللي بتتكلم بالأنكلش او بالعربي بالموضوع المهم نوصل افكارنا لبعضنا البعض
=)
"My first ielts experiences " . . }–
I took an exam which was on 31 may
and I got over all band rate 5
which include
reading 5
listening 4.5!~ which I need to improve this grade
writing 4.5 ~ I was shook about this grade
speaking 5
so that I am going to get an exam again on August 30
انا شراتج امتحت تاريخ 315 وكان رابع امتحان لي …وكنت احتاج 5.5 ولازم كل سكشن يكون اقل شي 5 …
وكانت نتيجتي :
Listening 5 الحمدالله
Reading 5 يبت ها الدرجة بقدرة من الله لأن الريدينج كان وااايد صعب
Writing 4 انصدمت الصراحة وانا لحد الان مصدومة لأني شاطرة في الرايتينج بس شو أقول غير حسبي الله ونعم الوكيل
Speaking 5 الحمدالله …الصراحة انا مستوي في الاسبيكنج اعلى من 5 بس كنت واايد مرتبكة
Total 5
الصراحة انا انصدمت بالنتيجة وكان عندي أمل كبيير انتي اعدي بس شو أقول غير الله كريم…
انا حاليا أخذ درووس IELTS بتكوون لمده شهر و نص او شهرين ..>> انزيين و بعديين ^^
ياليت بس لو حد ايقولي شو طبيعة الامتحان ^^
ان شاء الله خير و الله ايوفقكم بناات
ادعولي ^____^
صح نسييت يسلمو الميم ع الموضوع و ان شا الله نستفيد من تجاربكم
تحياتي hmo0o0m
المشاركة الأصلية كتبت بواسطة perfect girl 
انا شراتج امتحت تاريخ 315 وكان رابع امتحان لي …وكنت احتاج 5.5 ولازم كل سكشن يكون اقل شي 5 …
وكانت نتيجتي :
Listening 5 الحمدالله
Reading 5 يبت ها الدرجة بقدرة من الله لأن الريدينج كان وااايد صعب
Writing 4 انصدمت الصراحة وانا لحد الان مصدومة لأني شاطرة في الرايتينج بس شو أقول غير حسبي الله ونعم الوكيل
Speaking 5 الحمدالله …الصراحة انا مستوي في الاسبيكنج اعلى من 5 بس كنت واايد مرتبكة
Total 5
الصراحة انا انصدمت بالنتيجة وكان عندي أمل كبيير انتي اعدي بس شو أقول غير الله كريم…
الله يعينج والله مثلي بالظبط
بس ملاحظه عندي الريدنق اللي كان بالامتحان حسيته سهل
حتى تعرفين انا ايام ما كنت اسوي براكتس بروحي وبالكلاس كله بالريدنق اييب 4 ونادر ما اييب 5 بس كنت اسوي براكتس كان وايد صعب
والحمدلله يبت 5 =)
بس اللسنق كان صعب كله سبلق مستيك معنه متاكده وايد اجوبه عندي صح بس شو اقول 
وتراه تعرفين درجه السبيكن ع حسب اللي يمتحنج تراه في الاساتذه اللي يمتحنون سبيكن يعطون درجات وايد وشي منهم لاء
وشدي حيلج بالرايتنق سوي براكتس وحطي اسييات مالج بمواقع وخذي نصايح منهم
معنه تعرفين انا شراتج منصدمه من درجه الرايتنق كان tabel & esaay وايد سهلين
حتى انا كنت متوقعه 6 بالرايتنق
بس ان شاء الله انييبه المره اليايه
انا نفس المعآآنآآه .. امتحنت 5 مرآآت .. وآآخر مرهـ بعدهآآآ النتيجهـ مآظهرت ادعلوولي آييب 5.5 وفكل سكشن 5 ..
كل مرهـ آييب 5 ..
المشاركة الأصلية كتبت بواسطة hmo0o0m انا حاليا أخذ درووس IELTS بتكوون لمده شهر و نص او شهرين ..>> انزيين و بعديين ^^
ياليت بس لو حد ايقولي شو طبيعة الامتحان ^^
ان شاء الله خير و الله ايوفقكم بناات
ادعولي ^____^
صح نسييت يسلمو الميم ع الموضوع و ان شا الله نستفيد من تجاربكم
تحياتي hmo0o0m
الأمتحان طبيعته تكون تشوف قدرتج ع اللغه الانكليزيه كمتحدثه للغه كلغه ثانيه في العالم
المهم
الامتحان وايد يعتمد ع الوقت
مثلا اللسنق تسمعينه مره وحدة وبالامتحان من يعطوج الورقه لا تفجيها لين هم يقولون
لو فجيتيها قبل تعتبرين غاشه
ومن يقولون فتحي الورقه فتحيها وسوي اللي يقولون عليه
وانتي مع البراكتس بتعايشين طبيعه الامتحان اللي هيه تقريبا 20 دقيقه جيه باللسنق
وانتي يوم تسمعين كتبي الاجوبه بالورقه مال الاسئله عقب شي وقت بيعطونج 10 دقايق تنقلين الاجوبه ع ورقه الاجوبه
اما الريدنق 3 قطع وانتي حليهم بس اول بأول سيده بورقه الاجابه
وحاولي تركزين ع الاسئله السهله والعصب خليه اخر شي
والرايتنق اخر شي يعطونج وقت له 20 دقيقه حق TASK1 , و 40 TASK2
بس نصيحه اول ما تبدين سوي plan حق اللي بتكتبيه وخلي حق هاه تقريبا 5 دقايق
ويلسي كتبي
بس ركزي وايد ع TASK2
وخليه له معضم الوقت لانه الدرجات تعتمد عليه وااايد
ويخلص الامتحان من هم يقولون لج اياه خلص
يعني هيه شرات المعركه لوول
المهم والسبيكن اسهل شي
اول كمن سؤال يسألونج عن عمرج وجيه
وعقب كرت تتكلمين دقيقتين تقريبا جيه ويعطوج وقت حق النوت تسوينها
وعقب اسئله تعطيهم اجوبه طويله شوي
اتمنى قد افتدج بالللي تحتاجينه
وحاولي انتي تسوين لج جو للامتحان بروحج يوم تسوين براكتس
عشان ما ترتبكين بالامتحان وايد
