الوسم: ladies

السلام عليكم و رحمة الله و بركاته

مساء الخير .. شخباركم ؟! شوه علومكم ؟!

المهم عندي موضوع يديد ؟؟!!

طبعا كلنا ساعات نتشكى من رياييلنا في بعض طبايعهم ،، المهم شرايكم كل وحده تكتب لنا طبع ف ريلها مش حلو و قدرت أنها تغير هالطبع فيه .. يعني مثلا كان بخيل و غيرته و صارت كريم و يعطي ، او مثلا كان ما يهتم فيها و لا يسال و الحينه يبادر من نفسه ، مثلا ريلها ما يهديها الهدايا و صار يعطي و يهدي .. طبعا ادري بتقولون كل شي بيد رب العالمين و الحرمة عليها بالدعاء و الاستغفار هذا شي أكيد و ما فيه جدال .. بس انا اقصد الطرق و الأساليب اللي اتبعتيها و نجحتي فيها و غيرتي ريلج من سيئ إلى افضل ..

الحينه بتكلم عن نفسي انا ريلي ف بدايه الزواج كان وايد صريح معاي و دوم يسولف عنه و عن ربعه و المواقف اللي تصير وياه الحينه تغير صار شخص ثاني واحد غامض و ما يخبرني بشي .. مع أنها ساعات شغلات ضرورية بس ما يتكلم ما يقول شي لدرجة انه مثلا باجر مأخذ أجازه ما يقولي إلا الصبح طبعا انا أحط منبه عشان أوعيه حق الصلاة و الدوام يعني تخيلوا أوعيه عساس يقوم يلبس و يجهز يقولي ردي إرقدي انا أجازه و عقب لما يقوم أقوله ليش ما خبرتني من امس يقولي ما يخصج و مب لازم تعرفين كل شي .. و حتى مواعيد المستشفى كان يقولي و أسير معاه و الحينه مول ما يقولي ينش بروحه و يروح و عقب اتفاجأ انه راح المستشفى او العياده .. صار ما يخبرني شي و لا يفضفض لي .. و واايد أشياء مب بس هاذي .. و حتى قبل لما أروح بيت أهلي زيارة و جذي كان يتصل فيني و لو ما اتصل يطرش لي واتس الحينه أروح و ارد ما فكر يطرش لي شي .. خاطري يرد لي شرات اول بس مب عارفه كيف .. و أني أكلمه أبدا مب حل لأني جربت و ما نفع معاه .. و هو أصلا ما ينفعه العتاب او المواجهه و ثاني شي خاطري من نفسه يفكر فيني و يسال مب انا أقوله لان ما بتكون حلوه ف حقي و لا بستانس من سؤاله دام أني انا قلتله .. طبعا للأسف ما عرفت كيف أرده شرات اول .. اللي عندها طريقه اتخبرني و جربت أني انا أطنشه و انشغل بس بعد ما نفع معاه ..

انا برايي ان اطباع الريال تتغير او تطلع اطباع يديده من سلوكنا نحنا ومن حنتنا وحشرتنا

من خبرتي اشوف ان الريال يكره الحنه والزنه

فرايي انج تخلينه جي لاتسالينه ولاتعاتبينه ليش ماخبرتني
يوم تعرفين شي منه عقب تمي ساكته وعطيه نظرة المظلومه

ومع الايام بيحس اكيد

انا بعدني مب معرسه ، لكن حبيت اعلق ع مشكلتج
دام ان ريلج بالاول كان يسولف ويخبرج الضروري والعادي .. معناه هو بطبعه كان جي وياج
وشاف منج رده فعل ماعيبته ف صار خلاص مايهتم لج ولا يحب يخبرج اي شي ..
ف وايد سهل ان ترديه مثل قبل لكن لازم تعرفي شو اللي غيره
وهني لازم تستكشفين شو اللي خلاه يتغير من انسان يحب يخبرج كل صغيره وكبيره عنه ، ل انسان مايخبرج حتى الضروري ..
– ممكن تكون رده فعلج بارده يوم يسولف ويخبرج ف ضايقه هالشي
– ممكن يكون ف باله ان مثل ماهو يخبرج كل شي ف منتظر منج تخبرينه كل شي ، وانتي ماتخبرينه ف ضايقه هالشي
– ممكن تكونين احيانا تضايقتي من بعض سوالفه وصراحته الزياده وعاتبتيه وجي ف هو معتمد سالفه حاليآ " ابعد عن الشر وغنيلو "
يعني اعتقد 70% ممكن يكون سبب تغيره بسببج .. ام النسبه الباقيه ممكن تكون ل شي داخلته ،
انصحج ترمسينه وتكونين صريحه معاه وتحاولين تستكشفين شو اللي غيره قبل مايخبرج حتى عشان يحس انج مهتمه
وطبعآ الاسلوب الحلو يفرق وايييييد .. موفقه عزيزتي وربي يسعدج بحياتج ^^

كل ريال له نقطه ضعف عرفي نقطه ضعف ريلج واستغليها صحححح وفكل شي هههه نفسي

قصدي تقدرين تغيرين اللي تبينه وتطلبين اللي تبينه بس اذا عرفتي نقطه ضعفه وقتها اطلبي اللي تبينه أتوقع بتنفع وي ريلج هلحركه

يمكن السبب راجع لج انتي وهو كالتالي :
ماتدقين وتسألين عنه يعني ماتهتمين فيه نفس هو مايهتم بج ..
ماتلقين له بال يوم يكلمج ..
اللي عليج تسوينه انتي بادري بالسؤال ..مسجات شوق مثلا يوم يطلع قولي بتوحشني ودعتك الله ومن الكلام الطيب ..
خاولي تعلقي قلبه فيج ..

يوم بتحسي متضيج اقعدي حذاه اسأليه بلاك حب يعلمج بيعلمج ماحب قوليله برايك عراحتك

مشكورين بنات .. بس انا بطبيعتي مش حنانه و لا اسأل دوم لان دوم اذا يبدأ يقول شي من نفسه بيقول ماله داعي أيلس اسأله .. بالإضافة إلا انه كان يكلم بنت و الحينه الله اعلم اذا مستمر وياها او لا بس يوم فتشت فونه قبل لقيته مخبرنها هيه كل شي و انا أبدا ما يقولي شي .. يعني يمكن يكون بسببها .. و انا مب قادره أتذكر شوه الشي اللي سويته او قلته اللي خلاه يتغير علي جذه .. و الحينه خلاص هو جذه جذه متغير أبا ارد أكسبه مره ثانيه .. ماعرف كيف ؟! و شرات ما قلتلكم انا مش حنانه أبدا .. والله تبون الصدق انا لين الحينه مش عارفه نقطه ضعفه او مفتاح قلبه ع قولتهم

السلام عليكم

اللي يشتغلون في بوظبي او الغربيه ( تابعين لـ ADEC كمعلمات لصف اول ثانوي ؟؟
او تعرفين اي حد مثلاا ؟

متى بتبدأ اجازه الطلاب الفصل الاول؟؟
ومتى بتبدأ اجازه المعلمات الفصل الاول؟

اللي عندها اي فكره متى اخر امتحان بيكون للفصل الاول تخبرني

ضرووووووووري