ابا مقادير البسبوسه اللي تعرف تكتبهن لي ع العام .

السلام عليكم …
لو سمحتن خواتي خاطري اسوي .. بسبوسه .. العاديه اللي بدون نكهات بس مع جوز الهند حد يعرف يكتبهن ع العام بلييييييييييييز ابا اسويها بعد الفطور ..
انا ما اعرفلها …

كوب ونص سميد
كوب ونص جوز الهند

تخلطيهم مع بعض في طاسه واتخليها على ينب

وعقب ييبي طاسه ثانيه وحطي عليها 3 قواطي قشطه بوك + 3/ 4 كوب سكر + 3/4 كوب زيت + ملعقه بيكنج باودر

واخلطيهم مع بعض لين يتجانس الخليط وعقب صبي عليهم خلطه السميد وجوز الهند وحركيهم وصبيهم بالصينيه تقريبا بتم وياج نص ساعه او اكثر بالفرن وعقب اسقيها بالشيرة وزينيها بفستق ناعم وبالعافيه

فدييييييييييييييت روح يا اختيه تسلميييين والله ويزاج الف الف خير .. من متى في خاطر شوابنا هالبسبوسه .. ههه واحين عرفتلها تسلمييييييييين والله

العفو فديتج هذا واجبنا

الاخت ماقصرت نفس طريقتي بس تختلف المقاددير لو تحطين فيها فانيلا بعد تعطيه ريحه حلوه ^^
وعشان ماتحترق انا بس اشغل اللي تحت يوم تلاحظين ف الاطراف صار بني بنديه وشغلي الفوق بس يصير لونه ذهبي بنديه

وشيراااا وبالعاااااااااااافيه

دعواتج الله يحقق اللي فبالي ^^

هلا الغلا
انا بقوولج طريقتي في البسبوووووسه والكل يحب اللي اسويها
المقادير
كوبين سميد
كوب سكر
كوب جوز الهند
ملعقة بيكربونات الصوديوم
ملعقة بيكنج بودر
ثلاثه ارباع كوب زيت
ربع كوب ماي
قوطي روب العين
خلطي المقادير الجافة بروحها والمقادير السايلة بروحها
يعني خلطي في الطاسة الاولى
( سميد +سكر+بيكنج بودر+كربونات الصوديوم+جوز الهند)
الطاسة الثانية
( روب مع زيت مع ماي خلطيهم عدل )
بعدين خلطي المقادير كلها مع بعض
جربيها ما بتندمين

بقولج طريقتي وخذيتها من النت وطعمها لذيذ ويقضون عليها في البيت ههههه

كوب ونص حليب بودة
كوب ونص سميد
كوب وربع سكر مطحون
١ وربع ملعقة صغيرة بيكنج بودر
اصبع زبدة
٣ علب قشطة

وتخلطينهم بالخلاط وتصبين الخليط في الصينية ووووبس