بإختصار ..
ولدي الله يحفظه عمري أربع شهور ومن ولادته الى يوم عنده حبه فوق السره والحبه بحجم حبة البازلا ..
سرت به المستشفى اليوم قالوا لي هذي قطعة لحم زايده وعطوني موعد عشان يدخل جراحه بسيطه مع بنج موضعي … ودكتور ثاني قال لي يحتاج الى كوي فقط .. أحترت ..!!!!!!
وفي حريم قالوا لي لا تودينه لأنها هذي سره فيها حياة وموت لا تتسرعين والجراحه مب ضروريه وهذا طفل ما يستحمل الجراحه والبنج ..
يعني هل أوديه لدكاتره متخصصين أكثر في الأطفال ولا كيييييييييييف ..
موعد الجراحه الخميس الياي وأنا متخوفه ومو عارفه وين أوديه وشو الحل وعايشه في قلق لأن الحبه مرات تنزف دم ..
وأنا طبعا إحتمال كبيييييييير ما أسير يوم الخميس للجراحه إلا قبل ما أكون متأكده من العلاج الصحيح له ..
اللي مرت عليها نفس الحاله تنورني وتقولي شو سوت ؟؟..
ويزااكم الله خير ..
وما يشوف شر ان شاء الله
وطمنينا عليه.
والسموحه
وأن شاء الله مايشوف شر
مايجوف شر الغاليه
خذي ابنك لمستشفى زليخة دبي
و اسالي عن الدكتورة MONICA
هاي دكتورة بنتي من اول ما نولدت
و الكل يشهد في المستشفى انه هالدكتورة من حبها للاطفال صار كل شي يخصهم يسوي لها وسواس
يعني هي راح تقول لك احسن من اي دكتور ثاني اذا كان يحتاج الكي او الجراحة او ما يحتاج
هذا اللي اقدر اساعد به الصراحة لاني ما اعرف شي ثاني
و الله يشفي ولدك حبيبتي
شوفي اختيه تزيلينها وهو صغير احسن من وهو كبير لانج ما تعرفين شو ممكن تسوي عقب ,,, وعن البنج صدقيني اطفال اصغر منه ومن اول ما ينولدون ينحط لهم بنج وانا شايفة من قبل حالات ,,,
وبخصوص الكوي انتي ما تضمنين هل بينفع والا لا تعرفين مرات نكوي المكان المتضرر وعقب فترة يطلع في مكان ثاني ,,, الاحسن هو الاستئصال واريح لج انتي بعد كل ما بتشوفينها راح تزعجج بالنظر بس فما بالج بالولد وبعدين انتي تقولين انها تطلع منها دم اقولج سيري عن دكاترة متخصصين اكثر في الاطفال احسن لج ولا تنسين تستخيرين لربج لانه هو الهادي ان شا الله
والله يوفقج وييسر لج الخير ان شا الله دنيا واخره وسلامات ,,,
@ اختكم في الله @
