اليوم سويت كيكة التمر ….كيكة وايد سهلة واعتقد الاغلبية يحبونها
المقادير كيكة التمر:
كوبين طحين
بيضتين
كوب تمر
كوب ماي حار
ملعقتين ط بيكينج باودر
4/3 كوب زيت نباتي
ملعقة ونص ص جرفة
سكر حسب الرغبة وممكن تحطينة وممكن لان التمر بروحة سكري (انا استخدم ملعقتين ط)
مقادير الصوص:
علبة نستلة المحلى
ملعقة ص جرفة
جبنة فيلديلفيا او كيري (انا استخدم فيلدلفيا واخذ من العلبة ملعقتين ط)
بودرة الشوكولاتة (انا عني ما احب اضيفها للخليط بس في ناس يحبون)
طريقة عمل الكيكة:
اولا ننقع التمر ويا الماي الحار ونخليه على صوب
عقب نخلك البيض ويا السكر والبيض والزيت ..وعقبها نضيف البيكنج باودر
عقبها نضيف الجرفة
نضيف نص كمية الطحين ونخلطة
وعقبها نخلط التمر ويا الماي عدل ونتم نهرسة
ونضيفة للخليط ونخلطة عدل
واخر شي نضيف كمية الطحين الباقية ونحط الخليط للصينية اللي دهناها بالزبدة ورشيناها بالطحين ونحطة بالفرن
طبعا نشغل الضو اللي تحت ويوم تستوي..نسكر الضو من تحت و نحمرها من فوق شوي
طريقة عمل الصوص:
نخلط مقادير الصوص فقط
عقبها نقطع الكيكة ونضيف الصوص لكل قطعه
وهني صورة الكيكة عقب ما استوت
وهني صورة الصوص
واسمحولي ما قطعت الكيكة وواريتكم لان الكيكة بهديها لعمتي
وهني وعافية على كريشاتكم مقدمااااا
بارك الله فيج
yummy 