بس فعلا احس انه عندي مشكلة
انا قبل الزواج كنت البس عباية كتف عادي
واالحمدالله وبفضل الله بعد الزواج وبأقناع ريلي جزاه الله الف خير لبست عباية الرأس
بس مشكلتي دوم احس عمري متبهدله
ما اعرف ارتب عمري بعباية الراس
دوم اتخبص بالشيلة والغشوة والعباية
حتى ما احب اطلع مكان لهالسبب
ويوم اتخبص احس جنه ريلي يعصب علي
بنات بليز علموني كيف ارتب نفسي ؟؟
يعني كيف البس عباية الرأس وتطلع مرتبة علي؟
وسمحوا لي عزيزاتي
تحسـين الشنطه في صوب والعباه في صوب خخخ
انزين عباة الراس المسكره مريحه ؟؟
بس اذا تبي تستخدمي الغشوه استخدمي غشوه قصيره مب طويله وغشوه من النوع الي يثبت
الله يثبتج
الصراحة انا البس عباة جتف ونقاب صغير وفوقه غشوة طويلة
بس عباة الراس بالعكس وااااايد اشوفها مرتبة …
مرت اخويه تلبسها بس بدون الغشوى ؟
وشكلها وايد مرتب
وعندي ملاحظة..
ماعرف العنوان أحس وااايد يقلل من قيمة عباة الراس ..
يعني ممم ماعرف اذا وحده قرته بتقول الجتف اريح وجي يعني هاذيله مبهدلين عمرم .. ماعرف اذا فهمتي قصدي ..
مشكلتج مع طريقة لبس العباه .. وليس مع العباة ..
بس عفوا ما حبيت انه طريقة لباس " أمهات المؤمنين " تمس و تشوه بكلمة أو بأخرى ..
والسموحه اختي ..
الله يثبتج ويثبتنا وياكم . .
ماشاء الله الخوات ردودهم حلوه
عني أنا ألبس عباة الرأس أكثر من ست سنوات
حسيت في البدايه أني متبهدله فيها وشكلي غير واذا شاله شنطه وياهل أتلعوز
طبعا هذا الكلام في البدايه وكانت عباتي مفتوحه وفوق الرأس
وبعدها فصلت عباه من الحلوه عباره عن عباه فوق الرأس ومسكره ولها لستيك
عقب ما تلبسين الشيله والنقاب لبسي العباه وتحركي بحريه وراحه وبستانسين عليها وااااااااااايد
وأتمنالج أختي الثبات وأنا نفسج زوجي نصحني فيها وقالي عباة الكتف تحدد جسمج
يعني قصده تفاصيل الجسم من صدر وغيره؟؟؟
في البدايه ما صدقت لين ما لاحظت هالشي بنفسي ونظرة ؟؟؟؟ في كل مكان
والحمدلله الحين مرتاحه وما أتخيل عمري بعباة الكتف
